潮興魚蛋粉

營業中

休息中

我覺得潮興越來越似新釗記﹐分店開了很多﹐尤其是灣仔和銅鑼灣一帶﹐估計已經有五、六間﹐餐牌上的粉麵很標準化﹐一律16元加5元可選油菜或飲品﹐不過我唔知咁多間潮興之間有冇關連。各樣粉麵唔算好特別﹐但又唔會好差。前個星期去完灣仔買野﹐經過就入來吃碗牛什米加菜心。我鍾意佢用的湯底好清﹐唔鹹﹐牛什亦是淡淡的﹐我比較喜歡吃淡味的牛什。呢度的魚蛋都唔錯﹐但比較腥了一點﹐你亦可以話佢其實魚味比較濃。

20050331 8pm約o左朋友飲o野, 先去食飯打個底啦梗係.本來諗住去澳門茶餐廳, 路過呢度, 朋友話o的蠔仔粥好食, 又即管試下.2個人, 我食四寶蠔仔粥,朋友食方魚蠔仔粥.四寶即係o的魚蛋肉碎切片果o的咁啦~ 味道就OK啦, 我不太喜歡湯飯類食品果o的咁o野.p.s.見鄰桌大隻佬叫個牛腩飯, "嘩~~"大碟到我嘩一聲嘩出o黎, 好抵食咁o既樣wor.

昨晚本來想去太興燒味﹐居然話要等位﹐掉頭去潮興喇。通常雲吞麵鋪都迫迫地﹐但佢真係幾疏落﹐坐得好舒服。叫左個魚片米線﹐的湯底係魚骨湯底﹐雖然冇翠華咁好味﹐都叫做冇mug味精。更正自己上一個食評﹐粉麵($17)加油菜($5)係22蚊至真。

銅鑼灣呢邊的謝菲道﹐有太多選擇喇﹐淨係茶餐廳都五、六間﹐重有的特色小館﹐所以次次去呢間餛飩麵鋪﹐都冇人。但我就係貪佢冇人﹐而且好乾淨。粉麵19蚊﹐加5蚊可以要油菜或飲品。D苳菜同蔥係用匙羹盛住﹐你唔要可以自己But起佢﹐唔使叫佢走青架。魚蛋同魚片係我中意吃的偏白色的﹐我覺得好過“江仔記”﹐但就不及天后那家“德昌”。搬離開天后之後﹐我好懷念“德昌魚蛋”呀﹗﹗﹗