潮福蒸氣石鍋 (已結業)

唔知第幾次來潮福啦，一直挺喜歡潮福所以光顧左幾次。 旺角其實有兩間潮福，一間就好似旗艦店一樣大間又舒服（旺角道一號），呢間就坐落（個人覺得）比較就腳既女人街，系近家樂坊/油麻地方向。有兩層，上層食蒸鍋，下層竟然系任食火鍋，成人148HKD任食。點選了烤魚湯底，條魚大條，都ok好食既，配料有西洋菜餃，魚肚，豬皮，伊麵，紅薯粉和其他比較常見的配料。啤酒汽水同竹遮茅根水（呢個幾好飲不很甜）。 當日因為人很多員工又比較少，所以有時食物要等挺久才來，加上冷氣好少幾熱下，但勝在員工們都好有心敬業樂業，所以無所謂啦。 其實呢度早上7點開，大部分時間做點心生意，或者下次可以死黎一試飲茶。

早前在青衣吃過這一間蒸氣鍋店，對這間餐廳印象不錯，所以相約好友到旺角分店再吃一次主打的蒸氣石鍋，不過旺角分店有點不同，因為這裏可以選擇海鮮加任食套餐，可以揀粥底、燉湯、total五款自選海鮮，再加任食其他餐點鮮菌燉龍躉骨湯：平日都好少機會飲到正宗的燉湯，這裏的燉湯非常之足料，魚骨也熬得好入味。生劏龍𧄌件：蒸煮過後的龍𧄌非常清甜，魚皮仍留有很厚的膠質，不過肉質比之前吃過的欠一點彈牙的質感。手切和牛肉：肉質多嫩滑、油脂分佈均勻，蒸煮過後也帶好重的牛香，不錯。瑤柱鮮准山粥：等一次試海鮮鍋的粥底，果然名符其實粥底盡吸了食材的精華，即使已經好飽，但也要將粥底掃落肚。還吃過很多款海鮮，埋單一人$350，性價比真的好高

今日早放工，早啲食飯唔使等位，就同同事殺上潮福食海鮮，海鮮係我嘅至愛， 最鐘意食就係亞拉斯加蟹，貪佢夠多肉！今日店長推介就係呢隻蟹啦！中正下懷，不過唔知有幾大隻，同埋都應該都唔平，走去睇睇先，佢話一隻約四斤重......喂，幾錢先得架？？？ 佢答我$488...,咩話？ 無錯， 係$488！嘩，末聽過咁平，梗係要開隻食啦。 上枱分開三 Part, 蟹蓋，蟹身，蟹腳，先食蟹蓋先，蒸左十分鐘，啲膏多到呢..... 入口甘甘甜甜，吃完仲有陣陣鮮味係味蕾上 ，不過要忍一忍口，經理教落，留反啲膏最後放埋落啲粥底道。跟口吃埋其他，蟹腳啖啖肉，鮮甜至極，原來呢隻蟹蒸來食係咁好食！最後食埋個蟹粥，完美飯局。不過一枱只限一隻，唔夠喉^^。想訂定星期六同屋企人來食， 原來星期一至四先係$488一隻咁平，五六日要$788, 不過咁大隻，其實都唔過份，應該好快會再來食。

星期五晚， 我和一班舊同事相約到旺角的潮福嘗試新出品的蒸氣鍋， 他們食過話唔錯，所以我都想試下，果然十分有驚喜，比我想像中更好。首先來的是一盅蟲草雞龍躉骨燉湯， 湯很夠熱，而且真材實料，很足料，味道很好。跟著是海中蝦，海中蝦十分新鮮，捧出來時還會動，放在蒸氣鍋煮熟，很鮮甜美味， 蜆和蚌也很新鮮，一點也不軔，也沒有半點腥味。壓軸出場的是龍蝦，龍躉，鮑魚，聖子皇和扇貝，龍蝦捧出來時也是會動的，這些海鮮都超級新鮮，令人眼前一亮。龍蝦肉鮮甜多汁；龍躉則嫩滑鮮味， 鮑魚扇貝聖子皇都不軔，蒸的火喉恰到好處；扇貝伴有粉絲和蒜蓉， 蒜蓉本身已經很香，粉絲加點鼓油，令扇貝的鮮味更特出，好味到難以形容。食到這裏時，我原本以為差唔多，但我想不到這只是開始，還有和牛，雞，栗米，菜心，花枝丸，馬拉糕等火鍋配料任點任食， 比較特色的配料是菜肉釀涼瓜，涼瓜一點苦澀味也沒有，肉釀落涼瓜也很合拍，味道不俗。食了這麼多，我已感到很滿足，但原來主角還未出場，這兒的主角是淮山瑤柱粥底，粥底就在蒸氣鍋底，用粥的蒸氣把上面的海鮮和蒸氣鍋配料蒸熟，粥吸收了海鮮和肉類菜類的精華，簡直是完美，令人回味無窮，建議大家不要在前段吃得太飽，

蒸氣石鍋可以話系近期嘅潮流，而且食完之後仲比一般嘅火鍋健康添~~~絕對唔介意再嚟多幾次囖...三個人一齊嚟，就無先book位啦，我地大概夜晚6點幾去到，唔洗點等就有位。因為用蒸氣將啲食物蒸熟，所以食嘅主要都系海鮮。 點咗鮑魚、蟲草雞、蜆、帶子墨丸同埋蟹。味道的確好唔錯！！鮑魚大隻夾抵食！！！而且性價比高，何為性價比高呢，就係鮑魚大得嚟，蒸完之後肉身嘅精華同汁唔會流失，而且好好咁保存系度，肉質較嫩。 味道好鮮，真係睇到都已經流曬口水啦。 蟲草蒸雞又系，好大一盤，三個人食就啱啱好，雞肉蒸出嚟好嫩，名副其實嘅鮮嫩多汁啊，加上冬菇同蟲草花嘅香味，好食到停唔到口. 墨丸爽口彈牙 帶子真係要特別推介一下，好大粒啊，粉絲好滑，帶子上面加少少蒜茸一齊蒸，更加入味蟹，果然蟹都系要蒸先會好食，原汁原味，汁都唔放過！！

最近蒸氣石鍋真是到處都有, 而愛吃打邊爐的相公近來都轉愛食蒸氣石鍋, 今次就來到這間旺角的潮福蒸氣石鍋店平日晚上的石鍋店都有7 成滿, 而店員就帶我們去二人卡位, 枱的size 都非常大的呢~潮福的半自助蒸氣鍋海鮮餐, 可以選5 樣海鮮, 其餘肉呀, 菜呀都可以任食, 適合大食的相公; 而調味料及飲品也是自助式的呢~先來個雲腿粒冬瓜燉海螺肉, 都幾清甜之餘都幾足料的說~店員同時幫我地準備排骨粥之後再開始在上面蒸海鮮啦~店員先幫我地蒸象牙蚌仔, 都好新鮮…之後就食個象拔蚌仔及日本大元貝,蟶子都幾爽口, 而元貝都好厚肉大只, 不過唯一我覺得他們會將每樣海鮮都上大量的蒜, 雖然好食但就油了一點, 也不像食蒸鍋了…蟶子皇, 好味但也是有同一樣的蒜頭調味…海中蝦, 都好大隻下, 而且都好新鮮, 肉質都好Q 彈..大連鮑魚, 這個用蟲草花及薑來配的鮑魚, 味道清新, 也沒有之連其他淨用蒜頭那樣油膩, 不錯~食完海鮮, 就食下雞及肥牛先, 可以任食的說, 雖然不是肉質最好的, 但也不過不失, 而且也是任食的說.當然要食返個蔬菜平衡一下…而且還有馬拉糕等, 馬拉糕不錯很鬆軟的呢~最後食返個粥底, 有南

呢排個胃都唔知系米食錯咗啲乜，食乜都覺得飽飽滯滯，搞到晚晚一到飯點就唔知應該食啲乜好...行行下通菜街，見到潮福蒸氣石鍋，先醒起仲可以食蒸嘅海鮮，清淡得嚟又好味，等老公收工，就一齊過嚟撐檯腳啦！！！ 睇個菜單，海鮮餐有個海鮮定食，有貝殼盛盆同埋南非龍蝦，我地兩樣都要咗，粥底系2選1嘅，下邊仲有自選海鮮5款，夜晚7點9之前或者10點半之後過嚟食會比較抵食 $298一位！！酒水系自助嘅，想飲自己過去拿就得啦，就嚟夏天，雪櫃仲有冰凍西瓜，正吖！！ 我同老公仔都唔系好識煮飯，啲海鮮好彩都有專門嘅服務員幫手蒸，我地直接等熟就可以食啦！~~~~南非龍蝦真係好大隻！！蒸嘅時候我就鐘意放蒜茸，其實仲有好多其他醬汁，不過為咗健康啲，都係偏向原汁原味多啲,....龍蝦肉又白又嫩，仲有好香嘅蒜茸味添... 海中蝦噶肉質比較爽口，蝦同豉油梗喺絕配啦。 個湯味道比起我自己系屋企煲仲更加好味，入邊食材豐富，有冬瓜、雲腿粒、海螺肉，湯嘅味道好鮮~~ 美國石蠔同平時食嘅生蠔好唔同，首先大細就已經唔系一個level啦，再加上佢比一般嘅生蠔口感要滑，更加嫩！！！ 如果驚住要等好耐，可以放幾樣

雖然天氣開始熱，都不會減低小妹對打邊爐的興緻 今日就一家人到旺角吃蒸氣鍋~看地圖，有點複雜... 但地點實際上很便利，在登打士街轉入女人街就即看見。先看看收費。閒日每人$338，包粥底、1燉湯、1貝殼盛盤、1花竹蝦，還可選5款海鮮 (份量: 1人1隻)。右邊的才是任食。價錢不算貴，比散叫的便宜得多！海鮮方面我們選了肉蟹、蟶子、石蠔、鮑魚、黃金蚌。醬汁自助吧跟平時火鍋店無異，有小妹最愛的桂林辣椒醬！終於不用再以豆瓣醬扮辣醬了~套餐還包任飲~ 大枝裝嘉仕伯/青島都有。下次可以同朋友仔邊吃邊暢飲 鬼佬涼茶x中國涼茶 crossover xD媽媽喜歡這個自家煲竹蔗水，蔗味清甜，與平常喝到只得甜味的，天然得多。燉湯我們全部都選了雲腿粒冬瓜燉螺肉。當隔離枱落單時才發現可以每人選不同的，早知2款都試啦... (๑•́ ₃ •̀๑)燉湯非常足料，又雞又蜆肉又火腿。煲得也夠火喉，連平時只喝媽媽牌湯水的妹妹也讚口不絕。飲完湯warm up，終於到戲肉。先來個貝殼盛盤，有大蜆、花甲... 非常新甜，任何調味料也不用，已經吃到滿滿鮮甜味。店員精準拿捏蒸的時間，保持鮮嫩爽口，媽媽都不禁大讚一番。花竹蝦都是送的，

最近超流行吃蒸氣鍋，不過如果一大班朋友去吃海鮮價錢較難預計，潮福蒸氣石鍋推出嘅蒸氣鍋海鮮半任食放題，三百多元就可吃到指定海鮮，更有指定配料及飲品任飲任食，所以朋友約我吃飯，我即時提出要試!每枱都會送贈貝殼盛盆及南非龍蝦、粥底、燉湯及自選海鮮可選5款。選完菜，就可去醬汁自助吧挑選醬汁。我只取了少量醬油及辣椒，因為海鮮夠新鮮，吃原汁原味最滋味。啤酒汽水及竹蔗水可自取任飲。先來燉湯，我選的是雲腿粒冬瓜燉海螺肉，湯頭非常濃郁鮮甜，完全沒有油膩感。粥底是瑤柱鮮淮山粥，店員把原粒瑤柱、鮮淮山及珍珠米放入窩中，再放入蒸隔蒸海鮮。不同海鮮蒸煮時間不一，蒸鍋會有計時器，店員亦會在從旁協助，確保海鮮蒸得最有水準。貝殼盛盆，幾乎是完全的保留住蜆的鮮味跟肉質的彈嫩，而且蜆肉相當甜。 象拔蚌仔及象牙蚌仔，彈牙又鮮味，配上少量蒜蓉粉絲，好惹味。大連鮑魚配上蟲草花，好肥美。日本大元貝，啖啖肉肉厚鮮甜。聖子皇，大大隻蟶子入口鮮香彈牙，配上蒜香及粉絲，完全吸收蟶子的鮮味。南非龍蝦，肉質爽口味濃，一個字：鮮!吃完海鮮大約飽了一半，所以再點了任食配料試試，包括污糟雞、豬肉丸，蔥花卷及荷葉飯等等。荷葉飯，飯粒夠乾身，有大量瑤

本身我自己就鐘意蒸氣石鍋，一來健康D，二來無打邊爐咁熱氣，仲可以食到海鮮既鮮甜！落完order等海鮮既時候，先黎左兩盅湯，有雞腳、冬瓜、蜆，不過油份比較多！粥底方面，有兩款可選擇，分別係排骨粥或淮山瑤柱粥，然後店員會將粥放係鍋底一直煲！貝殼盛盤，有大花甲同細蜆，隻隻蜆肉都大大粒又彈牙，而且無沙！日本大元貝，同樣粒粒肉都好飽滿，而象牙蚌仔就比較細隻，不過肉質爽口！南非龍蝦，肉夠結實彈牙，再加上香蒜更加香甜！蟶子皇，肉質爽口鮮甜，加埋粉絲及蒜蓉好食！大連鮑魚，size比我想像中細左小小，不過肉質幾結實，加埋蟲草一齊蒸都唔錯！生劏龍䠢件，肉質嫩滑，唔鞋口!唔洗點豉油都好夠味，好清甜！食唔夠喉，簡左D任食既食物，例如豬頸肉、馬拉糕、紅棗糕！埋單每人大約HK＄350

潮福我去了幾次,次次都很喜歡,喜歡的是他們乾淨俐落的中式裝橫,非常好的服務態度,每次去到都見到服務員開心和滿足,又不讓我們自己蒸煮食物,因為他們都搶著幫我們煮,還幫忙分食物夾到我們的碟子上。基本上我們除了order食物同將它們從碟子用筷子夾起放入口中外,我們什麼都不需要做,令我聯想起古時一位肥婆懶到手也舉不起來拿東西吃,要父母定唔知老公餵食,他們不在家的時候把麵包圍在肥婆的頸項,最後因連轉麵包都懶得轉而餓死家中。這種家人式的濡愛竟然在潮福找到到,絕對是我們的榮幸,而他們蒸海鮮肉類經驗比我們豐富,所以我們不用怕是不是蒸過頭還是怎樣的。旺角這個分店的職員全部都好nice,超bonus。 此海鲜餐是有一次性點的5種海鮮和無限量任食的包點,蝦丸,墨魚丸,菜類,蟲草雞件等,青島/Carlsberg啤酒都是任喝,還是玻璃瓶裝的,8點半後7折,星期一到四平40幾元,折實每人約320。任食類的墨魚/蝦丸和牛肉粒/牛肉片質素頗高,平時一碟要60多元那種,實淨比較少雪花,肉味重,配合蟲草雞件同蒸,吃不完的雞再放進最下層的粥底以蒸氣高溫蒸煮最多2小時,甚至我加了吃不完的啤酒下去(只是一小杯,沒浪費食物),粥

今晚到旺角換領信用咭迎新禮物，順道跟旺角工作的朋友晚餐。她已經訂好了就近的蒸汽石鍋店。原來這是半自助呢！即是５款海鮮＋湯＋其任食配料／汽水任飲。記得去年朋友的生日飯，在尖咀潮福散點，每人也要四百元。　現在半自助任食，才三百元呢！　　　散點VS半自助，還是半自助比較化算！　　　　而且不用有任何束縛，任點喜歡的蔬菜，肉類，糕點。今晚來個無拘無束的半自助吧！　先點選鍋底及燉湯，再挑選五款喜歡的海鮮。吃過海鮮後，才選擇任食項目。交單後，去調味料自助吧！多款醬汁自由配搭。　　燉湯：材料都燉至軟棉棉了，就連雞腳也不需太多的牙力呢！　　　　海鮮來了！　　　　　龍蝦：訂位送龍蝦。龍蝦鋪了乾身的蒜蓉，不太油，没有搶過龍蝦肉的鮮甜。　　日本大元貝：厚身元貝肉對半開，再平攤在元貝上，減少蒸煮的時間，可以保持元貝的肉質及鮮味。如果原粒來蒸，就要加長蒸的時間，可是這會令元貝肉質變霉，又失去鮮味。　　象拔蚌仔：長長的吸管已分段，肉質較爽脆。　　　　北寄貝：即是北寄貝刺身的清蒸版本。刀形的厚肉部份已對半開，蒜蓉的味道就可以滲入北寄貝肉，既有北寄貝刺身的清甜，也有絲絲蒜蓉的香味。蟶子皇：雖不是很大隻，蟶子肉已起出，方

有日睇報紙見潮福有半自助蒸氣鍋, 價錢平左一半都仲有海鮮食, 好抵WO, 所以今晚收工即刻黎食下先.半自助係海鮮自選十揀五, 任食既就包肉類, 蔬菜類, 仲有啤酒汽水任飲. 7點9前離坐都係$298.醬料配搭自選, 材料都有好多, 而且乾淨.粥底2揀1, 要左瑤柱鮮淮山粥, 一開始先將粥底料放落個鍋底, 瑤柱大粒夠足料.仲有每位滋潤燉湯2揀1, 要左西洋菜燉唐排, 個湯夠晒熱, 西洋菜好香, 清清地唔會太濃味, 夠滋潤.之後就開始食海鮮喇, 先蒸貝類, 花甲, 蜆之類, 隻隻都漲卜卜, 鮮甜無沙, 煙韌有咬口.半隻南非龍蝦, 肉夠厚夠多, 入口味甜新鮮, 爽口彈牙, 用少少蒜蓉調味更突出.海中蝦二隻, 唔算大隻但夠飽滿, 肉質肥美, 爽口彈牙, 蝦頭仲有好多膏.大連鮑魚, 鮮味濃, 厚肉而煙韌, 有咬口. 日本大元貝, 咬落好爽口, 味道鮮甜. 蟶子皇, 夠大隻, 肉質肥美, 煙韌得黎爽口, 蒜蓉配搭帶出鮮味, 而且粉絲索晒海鮮既精華.仲有生劏龍躉件, 魚肉好嫩滑, 厚肉肥美, 骨唔多唔腥, 而且皮夠晒骨膠原.之後再食番個粥底, 煲得夠綿夠杰, 好香而有淡淡海鮮鮮甜味, D精華流晒落個

時常覺得吃"蒸"會較健康，而且能保留海鮮的原汁原味。前幾天已預先訂好旺角潮福，而這間潮福與別自選海鮮不同，賣的是半自助式。所謂半自助，是任選5款海鮮+湯，再點任食系列食物，對大胃王的小妹來說，任吃應該比較划算吧。而任食食物有荷葉飯、馬拉榚、菜、丸類等，選擇都算得上多元化。而餐廳時按時段收費，由於來到時已8點半，每位誠惠$298+茶芥。雖然已吃過幾次，但仍覺得這個竹籐編織出來的蒸爐非常精緻。可選擇大圓枱或旁邊的卡位，大圓枱雖比較闊落，但以4人來說，好像距離太遠，還是到卡位就座會比較方便聊天。一旁設醬汁自助吧，調味醬多元化，可按自己喜好調味。底層先放下排骨粥，可說是每次來到的必點之一，有待吃到最尾的時候盡吸收海鮮的精華，更入味更美味吧。每人有1盅燉湯，雲腿粒冬瓜燉嚮螺湯味道非常濃，內裡的嚮螺肉尚是彈牙，可惜比較油。侍應在旁幫忙掌握海鮮所蒸的時間，而每樣時間亦掌握得好好，可謂吃過每一樣後不用多等就再接再來。我們點了「象拔蚌」、「聖子皇」、「日本大元貝」、「美國石蠔」、「大連鮑魚」作5款海鮮，其中象拔蚌大大隻，不過入口較韌，難以咀嚼。小妹就喜歡這個聖子皇，蒸過後滲入上層的蒜蓉味，非常鮮味。念念