潮牛莊火鍋 (已結業)

之前聽朋友介紹呢間，一直冇機會來食，呢次朋友上周約好咗今日同朋友來食好嘢👏😋地址：尖沙咀地鐵站 B2出口出，金馬倫道 金馬倫廣場二樓 一間打邊爐店！之前聽講呢間係專門食牛肉火鍋店。D牛肉比較出名好味。一進餐廳 睇到用餐環境非常好，座的位置比較寬。店員服務非常之好。很熱心。今次我們跟住朋友一起 入著VlP包間，四個人 一個人一鍋，建議朋友聚會 公司聚餐可以首選。火鍋非常之好味😋 朋友们點首 牛 （瓜邊 ）魚片、猪潤、勝子、肉丸、魚皮餃。朋友們個個都贊非常好味。我因為係素食者所以食咗 蔬菜拼盤、凍豆腐、玉米🌽、竹笙、仲有朋友朋友推介 鮮炸響鈴（非常好吃😋）同出邊買味道唔同。打邊爐完咗后 店員又送來飯後甜品。😋食物質數比較高，用餐環境好。價錢都好合理。下次會再同朋友或者屋企過嚟食。😋

說起火鍋最重要的一點，你會選擇牛肉的質量，湯底還是沾料呢。我會不假思索的選擇牛肉，幾乎試遍了全香港的牛腩河店鋪和火鍋店，對比下來潮牛莊的牛肉絕對是位列前茅，如果你覺得晚市有點小貴的話，可以選擇去吃午市火鍋套餐，本身火鍋中底料中牛肉的量已經非常充足了，再加上額外配的一小盤牛肉和其他的菜式拼盤，300多塊錢就可以吃到相當的滿足了。快去試試吧，一定不會令你失望的。

嗌左個牛筋腩河粉，牛腩夠淋夠入味，湯底清甜，唔係平時d味精湯底，食完河粉飲埋d湯都唔會覺得口乾，最surprise係舊蘿蔔，完全無渣，好甜，連細節都有care到，正！之後叫左杯熱奶茶，無expect過咁滑，好飲！埋單五十幾蚊，比其他地方貴少少，但係物有所值！一定會再黎食！

作為邊爐精的我們已經去到周圍搵、續間試既地步，今次試上了潮牛莊。看食評都推薦這裏的牛牛，於是看看餐牌，很多不同的部位選擇，店員推介爪邊，我們試了牛頸瘠拼爪邊，十分淋滑、份量足夠但欠缺了點點牛味。花膠雞湯底，夠味，但不濃郁，聽說青紅蘿蔔湯底頗受歡迎，下次試試。基本食物都點了，響鈴和魚皮都很香脆，反而那個梅菜肉丸有驚喜。店都很有禮貌，尖沙咀區打邊爐的有很多，這裏可以一試！我這次訂位時已是最後一枱，所以要早點訂位！

樓上鋪，所以一直都無留意，直至琴日路過見倒餐牌，未去過，沿餐廳旁邊樓梯上，有啲攰，原來有電梯，傻咗……鋪樓底好高，有卡位，好企理，幾舒服，環境唔錯，同事點咗個牛腩湯飯，鋪名雖然係牛，午餐餐牌寫必食推介竟然係豬蹄筋湯飯，既然推介，咁我試下，嚟到個樣都ok ,仲配飲品，不過食落就普普通通，當中有蘿蔔，其實夠淋，但無味，湯都無乜味，唔知應該讚佢無落味精？定話佢無用心選靚蘿蔔同調味呢？豬筋都一般般，睇返張單仲要加一，好似有少少唔抵。

今日去到尖沙咀行街見到我哋就去咗金馬倫道搵嘢食，聽朋友講過金馬倫道有一間叫潮牛嘅火鍋店，裏面除咗火鍋之外中午都會有啲午市飯類套餐，去到餐廳嘅時候店員主動為我地介紹餐牌同埋介紹一啲佢哋店裏面特色嘅食物最後我哋叫咗牛腩清湯鍋，湯底非常之重牛肉味，亦都認得出裏面係經過好長時間去整，同埋好多牛嘅不同部位包括牛骨，湯底非常之鮮甜鷓鴣牛，食落有咬口，牛肉味非常之重口感有少少似牛展，聽講呢隻牛係好少有韭菜餃入邊非常之多嘅韭菜配合埋少肉其實係非常之健康之如咬落亦都好多汁蟹柳亦都比一般嘅火鍋店嘅蟹柳好食食落有浸好香好香嘅蟹味咖喱牛坑腩飯，牛坑腩炆得夠林，咖喱亦都非常之香濃配合埋一粒粒嘅白飯非常之配合

約埋舊同事打算一聚，呢d天氣最岩就係打邊爐，咁岩呢間潮牛莊之前都聽朋友介紹過，於是決定黎呢度試下。果然無令我地失望！新鮮即炸響玲經理介紹一定要試，果然係唔同d，因為新鮮炸起，所以不用浸湯可以就咁食，好特別好脆口，值得推介。五寶丸拼盤手打牛丸蝦丸，好爽口彈牙，最特別係有款梅菜豬肉丸，好搞鬼，味道不錯，另類的款式。牛抓邊&牛頸脊好有牛味，好貼心咁寫上3-5s就食得，果然3-5s的時間係最好食，過左就會老。貴妃蚌夠新鮮，好爽口。花腸人參雞湯底可以揀一人一鍋定一個大鍋，我地揀左一人一鍋唔駛爭呢鍋花膠人參雞湯不得了，大大條花膠，參味好出，有回甘，一流！食完有有甜品，好滿足的一餐，會再幫襯。

星期三朋友約我去火鍋午膳，餐廳很近地鐵站，很好找，過了加拿分道就到。餐廳很大，好有格調，以為會好貴。看看午飯餐牌，是一人一鍋，有牛、豬和雞選擇。還有湯底選擇，我們選了牛和豬，打算一起分享。肉份量好夠，本身不喜歡吃蔬菜和海產的我，把一整籃素菜吃光，因我們選了海帶清湯底，好好味，好鮮，蔬菜非常新鮮，好甜，當中還有菌類、肉丸、魚皮餃、自製雲吞和水餃，牛肉好有牛味，新鮮，才$138。看到晚上的餐牌，原來是貴價牛肉，忘記問侍應是甚麼牛肉。豬肉腩片肥瘦適中，一滾就熟了。三個人還外加了咖哩牛腩，煎墨魚餅，牛腩好入味，墨魚餅好鮮，午飯也有粉麵，碟頭飯，豐檢由人。吃完之後並沒有口渴，是新鮮健康的湯底，無味精，最支持提供優質食材的餐廳，會介紹給朋友！

朋友生日想食火鍋友人題意到此店，六點半到大堂有一枱客...book位時話如果想要廳房最低消費$6500😱😱我地只有九人又未知會食咩所以無選廳房....到當天店員話由於有仲有廳房所以無最低消費比我地入坐🙄🙄湯底有幾款可選大鍋或一人一鍋，計過如果一人一鍋價錢差不多所以就選了一人一鍋...一入到廳房，店員就倒放在廳房既細支裝蒸餾水到我地水杯裡沒有問過我地想飲咩及無講哩d蒸餾水價錢😡😡當友人發現時問店員先題到十蚊枝水一供開了3枝...雖然唔係好貴但如果我地唔問佢應該會一直倒蒸餾水比我地直到食飽....當問左店員後佢話唔好意思無講清楚一供開了3枝...我地可以改番用免費水....心想你收$20一位醬料費及$20兩碟前菜費仲唔夠...食品自問覺得一般...出名食牛...就叫了兩碟大牛，及一碟美國雪花肥牛...感覺無咩特別....大碟牛要四百幾一碟如果雙拼仲要加$30....個人覺得價格定得太高...此價會有梗好選擇...其他食品正常...魚皮餃👎👎

呢間火鍋係出名湯底零味精，仲要熬咗唔知幾多個鐘。我揀咗番茄薯仔牛腩湯：一開始煲嘅時候，店員已經叫我地飲住湯等野食。我飲落又覺得真係好似屋企嘅番茄薯仔湯咁！但邊爐到後段，當d牛腩煲得耐咗，加上個湯底已經吸嗮其他食材嘅味道，佢已經唔字普通嘅番茄薯仔湯！而係好好好好飲，有牛腩味嘅番茄薯仔湯！個味道濃郁咗好多！雖然食到好飽都想繼續飲個湯。食物方面，都幾唔錯：肥牛嘅擺盤好靚呢！呢個甜品好食！斑斕奶凍，好清新。

在尖沙咀工作完後, 來到這家專做牛肉火鍋的餐廳吃午飯. 午市除了火鍋, 也有些粉麵類, 比較Light的午餐. 既然這裡是牛的專門店, 我也點了一個很有”牛氣”的牛坑腩牛舌河粉, 湯底就是平時吃河粉喝到的上湯; 至於牛坑腩, 煮得不錯, 夠嫩滑之餘也不會散開, 脂肉分佈平均; 牛舌則有點失望, 本身不夠厚切, 在有點Overcook的情況下, 就變得乾而且硬, 咬下去也甚為費力呢!

呢間火鍋店真係不得了，自問鍾意打邊爐食靚牛就啱哂，呢到嘅牛係用騸牯牛㗎，仲有好多不同牛部位鍋底可選大鍋或一人鍋，我哋2個人就試咗叫2款一人鍋，抵啲之外又可試多款湯鍋，蕃茄薯仔牛腩鍋好足料，湯底清甜感覺無用味精，另一花膠人蔘雞鍋同樣足料，蔘味好出甘甘地，仲有大大塊花膠騸牯牛系列都好多款不同部位，我哋叫咗必試嘅爪邊，烚一陣剛轉食即食得，牛味好濃好出，嫩滑得嚟又有啲咬口，碟牛好掂啊脆肉鯇都夠新鮮，但如果再脆身一點就好罕有豬蹄前筋，本身都煮熟，再放湯煲多陣就剛好，入口爽中有腍，有種膠口的質感，真係要試辣鴨血好入味又嫩滑，本身都熟放湯一陣夠熱就食得五寶丸拼盤係全人手打出嚟，口感特別爽彈有質感，分別有牛丸、蝦丸、墨魚丸、梅菜豬肉丸及陳皮鯪魚丸黑柏葉正常都大塊，爽口唔韌焯一陣就好食菜就叫了萵筍，爽脆清甜，每次打邊爐有都會叫嚟食最後仲有奶凍甜品

今天朋友介紹 潮牛莊火鍋。 真係好好味吖！ 叫咗2碟牛肉 同埋牛展超級好味呀 ！ 裏面有個靚啫服務態度超好…… 靚仔推介竹蔗好好飲。海鮮好好吃很新鮮 '…… 師父嘅刀功真係犀利 仲有超級鮮甜嘅花膠燉雞湯底

女朋友係食肉獸，超級鍾意食牛肉！所以香港或者深圳有咩靚牛肉靚牛扒我都一定會帶佢去食！今次就揀左呢間潮牛莊火鍋，主打高質肉嫩既騸牯牛！一去到店員就呈上醬料俾我地自由配搭，服務好好！見到呢到係可以叫一人一鍋，我地就揀左兩個唔同既湯底！分別係青紅蘿蔔牛蹄鍋同芫茜皮蛋湯，好足料而又無味精既湯底啊！坊間既火鍋湯底味精重，會好多油好咸飲到口都乾！呢到既湯底就唔同，清甜得黎又健康！我地仲點左一jar 竹庶茅根下下火！甜度適中好好飲！呢到有好多唔同既火鍋配料，我地點左河粉、凍豆腐、手工韭菜餃、現炸響鈴等等河粉爽口，索哂牛肉既油香無得彈！另外響鈴亦都好有驚喜，可以兩食！首先就禁點甜酸醬食，脆卜卜，好香口！之後亦都可以浸落湯底幾秒，個口質即刻唔同左同時亦吸哂湯既味道！最後騸牯牛方面我地揀左兩種：爪邊同牛頸脊呢到既爪邊出名香嫩肉味濃！果然名不虛傳，油脂分佈好平均，食落牛肉味好重，超正！而牛頸脊一睇就知係好野，脂肪唔多但油花好靚，個口感同爪邊係唔同，比較有咬口！女朋友食完好滿意，話俾100分！我見到佢咁開心我就開心啦！甜品係送既！vanilla味奶凍，正！

收左工同男朋友去尖沙咀食飯，聽朋友介紹尖沙咀開左間高檔牛肉火鍋店，一於趁出左糧去獎勵下自己啦！餐廳裝潢係簡約風，有別於一般火鍋店，感覺比較時尚新穎，俾人一種好relax好舒適既感覺！呢到可以點選一人一鍋打邊爐，方便又衛生！我揀左呢到既主打湯底-青紅蘿蔔牛蹄鍋，味道清甜，好足科，而湯底味道適中唔會太搶而令人食唔到牛肉既鮮味！而男朋友就揀左芫茜皮蛋湯，味道會濃d 重點係呢到既湯底全部都係0味精！抵讚！店員仲會經常主動幫我地加湯！係「真加湯」，因為好多出面既火鍋店都會加水，而呢到既店員會好細心留意客人揀左咩湯底去加湯，好專業！好啦！係時候講下萬眾期待既騸牯牛！我地兩個人點左大碟雙伴，分別係老闆大力推薦既爪邊同港人至愛牛頸脊！牛頸脊相信大家都食過，其實即係頸同背脊之間既位置，呢個部位係牛活動最多既位置，食既時候會比較有咬口！而呢到既牛頸脊油花好靚，食落啖啖油香！而爪邊既油脂分佈較平均，肉味好濃！食落口時個質感好嫩滑！兩款牛都係頂級享受，記住涮幾秒就食得嫁啦！其他配料方面我地仲點左手工韭菜餃、現炸響鈴、芋絲同金菇！手工韭菜餃餡料好足，好好食！而響鈴新鮮炸起好香脆，店員仲附上甜酸醬提我地響鈴可以兩