潮樂園 (和富道)

營業中

休息中

食物可以接受，但就真係坐得太過唔舒服，又迫又窄，真係一個唔小心，待應將手上食物照頭淋，因為當晚坐近邊，要打醒十二分精神，差不多食完，已經比張單叫你埋，話有客訂左你坐張枱，真係未試過如此的服務，點解係訂枱時唔講明只限食1.5小時就要交枱，相信真係唔會再光顧，好食都無用，趕诸。

早排下午係和富附近停低車搵野食，潮樂園由佢地剛開張，到現在開埋隔離都有食過，一向覺得都唔錯。個日入到去，就想試下佢地話限量既崩沙腩。崩沙腩之前係其它地方食過，其實係牛既橫膈膜連少少肉，類似根膜咁，比較薄身。入單時叫呀姐問過有冇，佢問過廚房話有。點知來到係一碗非常普通既牛腩河，難聽的講係唔多合格既牛腩河，頭頭尾尾切埋一碗。好彩我食過，即係叫呀姐過來，問佢依碗係咪崩砂腩。佢哦左一陣，就叫司傅出來，呀司傅就話唔好意思，話幫我改單做普通牛腩河，因為崩砂腩好似貴十幾蚊。以上真人真事，有其它食客見到。

以前想食潮州野會去銅鑼灣登龍街，執左之後都唔知港島區邊度有好食既潮州野食。朋友推介，又見openrice咁多好評，即刻去試試！因為約得好急，得兩個人去食。鵝片併大腸併豬耳超正，味度岩岩好，食到停唔到口蠔仔粥好足料，好多蠔仔，朋友唔鍾意食䓤，碗粥黎到見到咁多䓤花佢都十五十六唔想食，迫佢試左啖，佢話好match，仲食左好多本來仲想食反沙芋，可惜真係太飽啦，下次要約多啲人黎食！

住在附近看點評不錯，很想喝蠔仔粥就去了潮樂園，點了幾個送，味道很滿意尤其是鵝片，蠔仔粥很好，蠔仔煎感覺沒那麼脆⋯勝在蠔仔多⋯滿意還會再去吧⋯⋯下次去試下牛腩等其它⋯

住在北角的友人介紹我去潮樂園打冷，餐廳主打精品滷水，聽聞其招牌滷水和潮洲小菜都有不錯的水準，這晚有機會嚐嚐。餐廳有两個店面。地方不算大，裝潢簡單，坐得都算舒服。《鎮店蠔仔粥(大) $90》蠔仔量不少，蠔仔味鮮甜，整個蠔仔粥口感豐富。《潮式生醃螄蚶 $58》很鮮，但連着吃會有點咸，所以適合配粥吃。《東元朗楊氏烏頭 $138》上桌的時候烏頭魚已經切開，方便食用，味道鮮，沒有泥味而且肉質鮮甜，還散發出淡淡檸檬清香，再配上潮州豆豉醬，真不錯。《欖菜肉碎四季豆 $78》炒得很香，四季豆爽嫩，欖菜肉碎夠味，整道菜都好入味，我個人喜歡配在蠔仔粥裡，別有一番風味。《福果綠豆爽 $25》最後叫了甜品綠豆爽，味道不是太甜，比較杰身，加上白果更有咬口。餐廳菜色多樣，下次再來試下其他菜色。

很久沒有吃潮州「打冷」，於是今晚即興與友人到住所附近的潮樂園。點了兩個前菜和一個麵食：潮州三寶(咸菜、菜脯、花生) 星期一至四 晚市消費滿$200可以$20優惠價享用。鹵水鴨舌 $55鴨舌尚算入味，配料有潮州稔身的花生，送酒一流。蘿蔔豬皮 $50蘿蔔好腍好入味，豬皮也好飽滿，看似簡單，功夫不簡單。黃金糖醋麵 $68可以先加些醋, 再加上些砂糖，甜甜酸酸，亦可以跟自己喜好搭配，但略嫌不夠脆口。潮式餐廳不多，所以想吃「打冷」的話這裡還是一個不錯的選擇。

食嘢最緊要好食，貴D都無所謂，但係如果可以又平又好食，緊係讚到加零一，今次講吓呢間北角和富潮洲小店，前菜上枱，一碟咸酸菜拼脆花生，只能講一句好正，叫咗菲菜豬紅，從不在街頭食猪紅，竟然係呢度食唔停，再加碟鵝腸，簡值絶配，爽口彈牙，來一碟豬手，啖啖香味，最後一窩蠔仔粥，完美一餐，想叫多幾樣餸，只恨人數唔多，胃口唔大，所以只能睇住隔離枱食，不過睇到鵝片, 鵝肝，大眼雞，煎蠔餅，都唔錯，出門口就已經定咗下星期再嚟食！

到北角工作，收工後大家便到附近這間潮樂園潮州打冷舖食飯，門面頗有氣氛，裏面已坐滿食客，正想離開，待應帶我們到隔離幾間舖坐，原來是他們的分店，一看菜單，圖文清晰，價錢合理，於是㸃了一些喜歡的潮州菜式，食落又幾好，既正宗又企理，原來他們在電器道也開了分店，能夠在這個傳統以潮州福建人集居的區域做得有聲有式，想必也得到許多街坊食客的支持和認同吧！蠔仔肉碎粥 雖是細碗的也一大兜，5個人每人分到一大碗多，蠔仔新鮮，肉碎香葱芫茜同柴魚的配料也是超多的，灑些胡椒粉，急不及待把熱辣辣蠔仔粥狠狠呑下，直至全身發熱，流汗，回味。滷水鵝片大併盤 鵝片没有肥膏，鵝腸同墨魚片都幾彈牙。潮陽炸雙丸虾蟹各制成肉丸炸出彈牙開胃小食。潮州煎蠔餅蠔餅煎得金黄香脆，沾些魚露，咸咸的蛋漿脆餅和軟軟的蠔仔頓成可口的啤酒良伴。反沙香芋 (需時25分鐘)制作需時全因造工復習，需要適當的火力慢慢將沙糖反覆炒到可以黏上芋條上面，太慢火做不到，太猛火沙糖會溶掉，成品就是一条条沙塘滿布的香芋，可當甜品呢。

朋友話比我知北角潮樂園有糖醋麵食，仲要平靚正。我特登約了2位朋友一齊去食。滷水拼盤～～有鵝肉，豬腸，墨魚，紅腸，蛋及牙菜，材料非常入味餸酒一流。黃金糖醋麵～～我最想食的是這個麵，因為我老板是潮州人，常常帶我地去食潮州美味。我上網整過潮州的糖醋麵用的不是普通麵，而是潮式鴨蛋麵，一般街市不易買到，要去潮式雜貨店先有，餐廳做法會較複雜，是浸軟麵條令它鬆開先，然後用油炸，接著用上湯煨，令上湯滲入面條，待麵條入味及變軟身後，上湯的水份也差不多蒸發掉，再用慢火一邊把麵條平舖在鍋內，一邊煎至麵條形成餅狀。外面香脆，裡面鬆軟，食時加上少少糖少少醋食，感覺非常特別又好食。潮陽炸雙棗～～是蝦肉同蟹肉做成的丸，再去炸到香口，可以食到蝦肉爽口彈牙，蟹肉鮮味。福果綠豆爽～～原來福果是白果，配綠豆爽做糖水，味道一流。福果煙煙韌韌，中帶有甜味。綠豆去皮只留肉去做糖水，爽口又好味。

今日去完個客公司開會, 走嘅時候都已經7:00多了. 大家又未食飯. 於是就柴娃娃一齊去食嘢. 個客話有間食潮州打冷唔錯的. 可以一試. 由客人公司行去都唔洗10分鐘.  店舖唔算大, 分咗兩間店舖. 一行3人就入去座低叫嘢食. 呢間潮樂園又真係冇介紹錯吖, 有好多食品選擇. 而且仲有我好鐘意食嘅反沙芋. 通常要係大嘅潮州酒家先會食到. 估唔到呢度有得食. 而且價錢又唔貴. 蠔仔肉碎粥$48, 在我嚟講一定會叫的. 因為係我至愛. 叫咗一碗. 足夠3人食. 蠔仔脤卜卜. 又有方魚, 冬菜, 芫茜. 令到鍋粥更加鮮甜潮州煎蠔餅$90. 大大件的. 蠔仔都係脤卜卜. 而且好香蛋味. 炸粉又唔多. 唔會只食到炸粉多過蠔仔及蛋. 滷水鵝片大拼盤刻248, 有鵝片, 紅腸, 豬耳, 豬頸肉, 鴨腎, 墨魚. 鵝片肉質唔un. 肥糕亦唔算多. 豬耳好爽, 要讚鴨腎, 廚師做到好淋, 一d都唔硬. 而且滷水汁又好夠味. 加上有牙菜做底. 牙菜吸引晒滷水汁, 更加吸引, 更加美味. 反沙芋, 我嘅至愛. 沙糖完全同芋頭連成一體. 芋頭又好粉. 價錢又唔算貴. $88有8件. 如果係大酒樓食. 一定要過

I really seldom go to Chinese restaurants but I was really highly recommended with this Chiu Chow restaurant in North Point. When we went there, I found that there are actually 2 restaurants next to each other and they are all under the same restaurant name. Just like any other Chiu Chow restaurant, the eatery has a good display of marinated meat on the window and you can come by for some take-away or  dine-in! The pricing is very affordable! Some small dishes are even under $50! Oyster congee $

今日已經第二次去食潮樂園，真係食極都厭滷水鵝片併生腸每次去親食潮州野，我都一定要食鵝片，今次都叫埋生腸，味道都一樣一流不過今次鵝片切得厚左少少，不過依然好味韭菜豬紅每件豬紅都好完整，而且好入味有少少辣味，其實份量都好多胡椒豬肚湯超香胡椒味，個湯又好清，飲完個身真係暖苙苙上湯生菜

我鍾意食潮州嘢唔係第一日嘅事，可能因為我阿公同阿婆係潮州人，由細到大都係食呢啲野，所以特別鍾意食。估唔到連啲朋友都鍾意食潮州嘢，尤其是係潮州嘅滷水，烏頭，凍蟹，豪仔粥等等呢啲好馳名嘅嘢。之前兩個人嚟食呢度嘅時候，見到好多野都想食，但係兩個人畢竟可以食嘅嘢都有限，叫唔到好多。今次成10幾個人來，終於可以叫多啲唔同嘅味道啦。首先就講下我每一次都食嘅獅蚶，潮州嘅通常都係以醃為主，之後就可以生食。呢度唔知點解覺得特別好食，佢嘅味道唔單外面有，入面都夠味，又有鮮味又有咸味，超正！再加埋佢旁邊嘅蒜頭，一啖獅蚶，一啖蒜頭，絕！另外提提佢呢度嘅滷水拼盤都唔錯，除咗滷水之外仲有四五款滷水可以揀，可以單拼，亦都可以双拼或者三平搏拼。今次就一碟揀咗五花腩拼墨魚。呢度嘅五花腩好味，肉嘅層次非常之分明，一層肉一層脂肪，加埋佢滷水嘅香味，咬入去又爽又軟。重點推介呢度嘅烏頭！傳統嘅潮州煮法--凍烏頭。上枱嘅時候烏頭魚已經切開咗中間，夾到啲肉嚟食，唔需要自己再剝皮。呢一條食落去嘅味道非常之鮮味，唔會有泥味而且肉嘅份量都佔好多，食嘅時候仲散發出淡淡嘅檸檬香味，再配埋潮州嘅豆豉醬，錦上添花。講咗好食嘅都要講返一啲味道其實

滷水鵝片超過一半是豆腐煎蠔餅小得可憐,要用生菜托起才見到胡椒豬肚湯係辣到喉嚨痛上菜慢到啊媽都5認得我地係第二間店食飯，有個啊婆成個獄卒mon住人，搞到成個餐廳ge氣氛係凈聽到食野聲同爐聲

今日中午路經和富中心，原來和富道都有唔少食肆，見到潮樂園雖則舖位細細，2點幾仍坐著很多食客，應該唔差，於是就入內幫襯。潮洲菜我都好鍾意食，一定要食鹵水鵝先黎個鹵水鵝片并鵝腸，鵝肉十分鮮嫩，肉質很腍，而且咸淡適中，啖啖肉食到停唔到口；鵝腸也很爽口，一點也不韌，略有小小肥膏更潻香味。再黎個沙爹牛肉抄河，呢味係我去親食潮洲菜必叫既，上枱十分之大碟，超出我預期面層舖上厚厚的沙爹汁，入口香濃，很惹味，底下既河粉比較腍及幼身，牛肉亦很腍滑。魚旦粉，又係份量十足，魚旦魚片有很多件，入口彈牙有鮮味，再加上白蘿蔔，湯底也很清甜。最後叫了甜品綠豆爽，味道不是太甜，比較杰身，加上白果更有咬口。