潮客 (已結業)

一家四口星期日飲茶....唔知有優惠, 11點先到. 其實12:15前埋單離座有特價, 好彩我地都12:15前食完.春卷好好味, 很長很長的一條. 腸粉也好吃...基本上點心都不錯.

遲一個禮拜慶祝母親節, 叫左個12人餐, 就算唔計d小朋友冇乜點食, d份量都多到驚人. 餐單有鹵水拼盤, 蝦蟹棗, 鹽焗雞, 海鮮魚翅羹, 瑤柱節瓜, 蒸魚, 炒麵, 甜品, 糖水... 味道比我上一次好左. 雖然都係潮樓或九龍城南記好食d, 但我對潮客有d改觀, 可以再黎試下.

星期一至四，八時半後特價，味道不俗，三個人食二人餐都好夠，有粥，有雞，有菜仲有吾太記得，$148，不計茶錢計加一，最適合駕車人士，因為有三小時免費泊車，慢慢歎都得。

簡直系同區唯一一間食得落口既酒樓茶室小妹自從搬左來北角同Quarry Bay中間呢個唔三唔四既地方返工後一直死去活來完全沒有一間好樣少少的餐廳茶室食到一餐安樂既lunch 亦由於我特別愛吃放我響呢個鬼地方我真系每日寧願吃三文字仲係要叫外賣果隻因為果D茶餐廳實在太污糟... 好彩終於有呢間潮客救我一命起馬叫乾淨食得舒服價錢唔貴鹵水鵝呀咸菜豬肚湯呀其他點心果D都中上~ 比起同區其他食市呢度簡直系天堂~~

買了鹵水鵝和鴨腎去男友家加餸，鹵水鵝略嫌偏瘦，有少少肥肉應該會好些。鴨腎為一般貨色，不見突出。

一大班同事去食lunch，目的地揀了潮客。我們幾人不要炒粉麵，只愛點心和小菜。菲菜餃、鹽焗雞、魯水鵝、雞扎、蔥油餅等，都唔記得咁多。點心很不錯，菲菜餃的皮雖不是很簿，不過好煙韌，菲菜都好香。蔥油餅香口也夠脆，味道很好；雞扎也好有水準，幾滿意。魯水鵝好入味，鹽焗雞都好香，總體來講都是有水準。而且環境，服務和價錢都好正面，可以再來。

三個人的晚飯局，原是去隔離上樓，但滿座，就過了來潮樓，大把位。大集團經營，有理由相信，其實都係大同小異的東西，至少糖醋骨跟生炒骨都應該係同一個鑊炒出來。朋友已叫了菜，分別是生炒骨、金瓜烙、蠔仔粥，凍蟹、上湯浸勝瓜及貴妃雞半隻，三個人吃六味菜看似幾多，但其實碟頭不大，都可以勝任的。先來幾杯功夫茶，真的是苦過籠，一點也不甘味。生炒骨都幾夠色水，味道酸多過甜，還是醋酸味。吃落熱辣辣但不算脆口，在潮州酒樓吃生炒骨，似乎要求不能太多；金瓜烙圓圓薄薄的一片，沒有什麼香味。夾內的餡料也有蝦及金瓜，味道是微甜，但找來找去也沒有碟魚露的，有點失落感；蠔仔粥幾大窩，蠔仔都幾肥美，鮮甜又沒有腥味，但這個粥，吃時已覺味精是多了一點；凍蟹是特價菜，68蚊一隻，都不算細隻，但當然不是紅蟹，只是肉蟹，肉質粗而不算鮮甜，但平平地，無所謂了；上湯浸勝瓜清清的，這個應該沒有味精，因為也吃得出勝瓜的鮮甜，吃得過；那半隻貴妃雞，肉質一般，算了吧！餐後各自叫甜品，擂沙湯丸熱辣辣，但糯米皮毫不煙韌，腍腍的，相當掃興；玫瑰荔枝凍非常的假味，又太甜，要吃得很甜才好叫；比較起來，楊枝金露算是比較吃得過的了。侍應服務水準一般，不夠醒目，

今日中午一家五口去左呢間野食，叫左個四人餐，再加碟炒飯。個四人餐有六個菜，我覺得個鹵水鵝拼盤幾好食，不過少左d ，海鮮魚翅羹好足料，真係見到生翅，幾好味，其他冇咩特別。個蝦頭油炒飯炒得幾香，d 飯乾身，夠咬口，岩我口味，但係我食唔到有咩特別，蝦頭油係咩味ga~???

今晚阿媽＆阿妹同我食生日飯，我地好耐無見，於是搵一間大家都未食過既店鋪試吓喇！我地叫咗個$321套餐，有：－／潮州拼盤／燒肉，燒鵝，紅腸，豆腐，雞蛋一隻；個鹵水汁都唔錯，燒肉比較肥，其他都OKEY！／海鮮魚翅羹／有蝦，帶子，魚翅，少肉；嘩！一人飲兩碗，美味．／明爐烏頭魚／原條在我地面前煲住黎食，加埋ｄ酸汁，不過咸咗ｄ．／芋蓉鴨／油咗ｄｄ．／海鮮煎麵（嘻嘻，個名唔係咁架．）／蝦，帶子，菜甫，蟹柳，麵；用蛋煎到好似一塊pizza咁，最攪笑係佢俾個pizza鏟你用黎切，掂！地方唔算大，一眼關七，裝修帶點中國色彩，我唔太識欣賞．陸陸續續都有好多人黎幫襯，可能因為星期五既關係喇．下次一定會再去食，皆因見到ｄ甜品好吸引哩．．．

北角分店裝修比較新派好過荷里活廣場分店北角分店鹵味師傅食品比較好味D,小菜方面北角分店荷里活廣場分店味道差唔多可以,北角分店位址比較不方便及商場不出名荷里活廣場分店位址好方便