潮客 (已結業)

一行3人去潮客嘆茶，冇他嘅，因為下午茶時段（2:30後入座，4:30前結賬）小點$8.8起，免茶介！ 雖然打正旗號賣大包益食客，不過始終係潮式茶樓，喺點心／食物方面冇廣東酒樓食開咁多款同咁friendly，冇計，食慣食熟嘛！ 鳳爪粗麵＋牛筋牛腩河：足料，麵多餸多，大大碗只售$18.8，比大排檔仲要平！缺點係，鳳爪浸在湯麵內，又淋又沖淡Ｄ味；而牛腩雖然大大舊，但都幾韌！不過都算係抵食嘅，食一碗都半飽，如果想食多幾件點心的話，就要同人share啦！ 蝦腸：腸粉皮好滑好軟，入面Ｄ蝦大大隻絕無欺場！Good！ 南瓜餅：小巧別緻，煙煙韌韌，充滿南瓜清甜味，唔錯！ 炸蝦卷：一杯4條！條狀嘅炸蝦卷，點埋沙律醬仲好食！ 錦鹵雲舌：成隻手掌咁大，好脆口，中間舊蝦好鮮好爽！ 香煎韮菜粿：一碟4件！外皮煎至少許金黃色，粿子脹脹滿滿的，仲以為係色香美味而多餡，點知入面Ｄ韮菜同豬肉好散，成隻餃完全冇韮菜本身嘅香味，裡面仲有多條類似魚骨的尖刺添！食一半吐一半，怕怕！！！ 蘿蔔絲煎餅：一碟2件！芝麻面，好香口！有Ｄ似清真店嘅麻餅！ 咖哩蘿蔔魚蛋：一般水準，味道不過不失。

陪媽媽吃飯，一定要選擇中國菜。見潮客在OPENRICE也有不少好評，試試看！經理／侍應都很熱情招呼，感覺舒服！但食物真是不值一提。。。石頭飯：像福建炒飯。濕。沒有飯焦。大蝦窩巴：很酸的汁。蝦：霉！窩巴？連著這酸汁，怎會好吃。鱔煲：救命。不新鮮。連帶用梅子作調味醬，很可怕。取消ORDER。鮑魚鵝掌：可以接受。但吃此鮑魚不如吃素鮑魚。。。很硬，沒有味道。服務雖好，但多謝。沒下次了。

慶祝同事放長假後回歸，所以外出飲茶。是日揀了潮客，叫了套餐。套餐都好多款式選擇，有點心及小菜，仲有甜品。鮑魚生菜﹕都幾入味，生菜爽甜潮州拼盤﹕普普通通，鵝肉頗韌，豆腐不錯炒米﹕好味，米粉同粉絲都入味長春巻﹕好香好脆，又有特色，每次都會叫炒蘿蔔糕﹕很腍很粉，唔得凍烏頭魚﹕好正，所有食物之中最正的食物。可能時候啱，又甜又肥美，仲有黃油添!!!椰汁糕﹕好香椰汁味，不錯不錯食物雖一般，但坐得幾舒服，又有電視睇，不錯。

如果揸車, 極方便, 停車场上UG, 一出电梯就見到飯店門口.一行三人, 見到店面鹵水好似唔錯,8pm, 唔使等位.入座, 端上功夫茶, 不錯, 香濃.点菜. 点了:-鹵水鹅片 ($78)-鹽焗鷄 ($58)-蘿白煮春菜 (大概$58)-脆炸軟殼蟹 ( 大概$70)-薑絲蒸馬友 (最想試的一個菜) ($88)評價:-卤水鹅片, 鹅片肉質瘦且囗感極霉, 亦不入味, 三人每人試過兩片, 没有再食, 失败, 潮州菜連鹵水都搞唔掂, 唉!-鹽焗鷄, 又係失敗之作,只有沙薑味, 太行貨, 冇口感, 好寡.-蘿白煮春菜, 蘿白入味, 春菜如用潮式煮法的角度去評, 太爛, 但冇乜味精, 可以接受.-脆炸軟殼蟹, 最好的一道菜, 炸粉雖然厚了点, 但蟹非常新鲜, 掌控得亦恰可, 咬開後, 件件都非常多汁及軟熟.-薑絲蒸馬友, 魚非常新鲜, 但蒸鱼豉油完全無味. 除非這條魚是生插式咸香 (即事先用鹽殗過), 甪的豉油才應这麼淡, 浪费, 我認為廚房功力極低.埋單, 送刮刮卡 (刮到的菜下次免費), 刮到價值$98的蒸魚, 但連卡都沒拿, 因為不会再回來幫襯.

行過被這裡掛了各式各樣鹵水食品既大玻璃櫥窗所吸引﹐同老婆企喺窗前就像孩子望入糖果店櫥窗一樣﹐每樣都想食。最後進店內買飛仔外賣豬耳同豆腐。因要回家才食﹐所以同老婆都忍不住打開盒子偷食兩三條豬耳。鹵水豬耳($12) -因本人同老婆比較喜歡食薄條豬耳﹐所以覺得佢地d豬耳切得幾厚(每條再一切二就剛好)﹐不知下次如要求師傅切絲會否比佢鬧呢﹖豆腐白白﹐睇落好滑﹐但因浸在鹵水內用手食唔到﹐所以唯有同老婆每人各食一條豬耳頂癮。當放落口﹐本人同老婆之前對其厚切之投訴已拋諸腦後﹐因肉質同味道真是很好味。豬耳還是暖口﹐如剛從鹵水煲內取出。豬耳肉質柔軟﹐中間軟骨脆脆﹐鹵水汁味道更是香多鹹少﹐做得非常出式。回家途中﹐鹵水陣陣既飄香令車卡充滿香氣﹐一定令不少正在回家的打工仔垂涎三尺鹵水豆腐 ($4) – 回家後﹐白白既豆腐已吸收了鹵水汁﹐顏色變成淺啡色。但因鹵水味道唔鹹﹐吸收了鹵水汁既豆腐味道更香。點附送既蒜頭醋可令更開胃香口。試過此店鹵水後﹐本人跟老婆都認同佢地喺店外自讚既鹵水標語。

一直對酒樓晚飯無乜期望，因為來來去去都係幾樣，唔會特別好味，不過同長輩食飯無得揀七個人叫左個六人餐，$98X未加一～卥水拼盤：有紅膠，豆腐，豬肉，鵝同墨魚（？），款式幾多，卥得都算幾好味，推薦豬肉，雖然有Ｄ肥肉，但係入口即化，好味雞：我無食，好似唔錯～海皇翅：幾杰，偏咸，但幾多料～蝦仁荷蘭豆：覺得好多油，而且無幾多隻蝦仁～發財好市：用豆苗墊底，蠔鼓幾好味，但係好咸～炸魚：炸到好脆，連骨都可以食埋，幾好味，不過食完好口乾～糖水：馬蹄露好難食，我prefer傳統紅豆沙好過～份量唔算大，但係味道都OK，偏油偏咸係出街食無法避免的事，但係服務生都幾勤斟水，問佢野都好nice咁答，服務抵讚！而且大枱之間有屏風隔住，privacy唔錯，好啱一家人傾計～價錢都算抵，下次都可以考慮去返呢間～

因為本人不太好潮州食品, 所以同事講過好多次去食我都唔去。不過亦都因為佢講過咁多次, 點都要俾面去試一試 今次我地叫咗: 鹹菜豬肚湯, D湯好重胡椒味, 而家凍凍地, 正呀! 煎蠔餅, D蠔都OK, 不過油咗D囉。 鹵水鵝片拼墨魚, 好味, 仲有豆腐和翠肉瓜係底。 清炒介蘭, 一般, 冇乜特別。埋單每人$150, 2個人食到好飽, 下次都係多D人一齊去食好D

今日和同事到潮客飲茶，雖全店滿座，但座位都不算擠迫。食物方面點了數款點心及潮州美食。炸春卷 / 炸雲吞：外皮夠脆，ok炸煎堆：無食到，同事話夠熱，好食菠菜餃 / ?? 餃：一般蒸蘿蔔糕：味道ok，但比較「散」潮州叉燒包 / 梅菜包：食了叉燒包，皮太厚，不及其他酒樓的叉燒包好食什錦鹵水拼盤：有鵝片、墨魚片、豆腐等等；除鵝片略嫌瘦了一點，其他餸料ok咸菜豬肚湯：ok白灼生菜：不油膩，ok海鮮蛋白炒米：餸料少了一點；都係海鮮蛋白炒飯好食D

27/11(四) 1pm新派型格"潮"店--"潮客",屬有型有實的食店.首次參與的商務午聚,地點正為此處.一室火紅色調,搭配牆木雕飾,毫不俗氣.食物方面,午市供應廣東點心之餘,亦可點享其耍家潮菜.公投出來的菜式如下:凍烏頭,紅腸,墨魚片,滷水蛋豆腐,滷水大腸,滷水鵝片,炸墨魚餅,椒鹽軟殼蟹,xo醬蘿蔔糕,山竹牛肉,蝦餃,燒賣,鮮蝦帶子餃,川芎白芷天麻蒸魚雲,梅菜包,叉燒包,一眾潮菜如凍烏頭,紅腸,墨魚片,滷水蛋豆腐,滷水大腸,滷水鵝片及梅菜包皆吃得人津津樂道!其廣東點心亦不讓其專美,除帶子餃蒸得過火外,其餘的水準均不負眾望;以xo醬蘿蔔糕質素尤甚!炸過的蘿蔔糕入口鬆化惹味!美中不足是炸墨魚餅及椒鹽軟殼蟹油份過盛,膩滯非常!乍見全店滿座,不乏捧場客,水準確實不能看輕!

黎北角開完會，同事帶我黎試下呢間係商場的潮州客家店。此店裝修別緻，用盡每一寸的地方，有小型卡座，為別店罕見，祇可供二人坐，不是一般的面對面，而是“L”型，可供男生求婚時用，「你唔應承，我唔俾你走！」唉！救命！因不太餓，點了個孖寶套餐$138，有半隻鹽焗雞，煎左口魚，兩碗潮州粥。左口魚煎得不錯，不需點跟碟的沙律醬，鹽焗雞一般而已，茶芥免，但不是免加一，可能是晚飯時段不同，招呼也勤快，見多檯舉手即應，唯骨碟頗大的原故，裝滿半碟骨也沒有更換。檯面放了很多優惠的單張，也適合一家大細來。

今日同班同事過左黎北角呢間潮客度食, 14個人埋單都around 1000, 上菜既速度非常快(可能是叫餐既關係), 味道都幾好. 美中不捉既地方係d waitor 態度麻麻...都有點串o下的~可能會再黎食 ^.^

今日我last day所以就同一大班同事去飲茶喇~*之前知道呢度全日都免茶芥加一, 所以就趁今次去試試喇~食物質素都好好, 可以話係有水準, 我地叫左都幾多野架:1. 帶子莧菜鳳眼餃, 蝦餃: 個鳳眼餃造型好特別, 係開住口好似隻眼咁嘅, 味幾好, 菜唔會有渣; 蝦餃我冇食, 但係見到個餡都好多~2. 什錦鹵水拼盤: 有別於一般嘅潮州食肆, 佢係用一個大湯碗上嘅, 我個人唔太鍾意太咸, 呢度嘅鹵水汁就合晒我口味喇~3. 蒜香灼通菜, 生菜: 炸蒜粒雖然只係點綴, 但係好香, 菜又唔會太油, 幾好4. 潮州叉燒飽x2: 我冇機會試lu, 但同事都話佢皮薄餡多, 仲有佢個樣似上海式嘅菜肉飽, 係冇爆開口嘅, 外型同廣東式嘅有d唔同*5. 潮州手打魚蛋河(窩): 推介呀!!! 河粉好薄好滑, 有芽菜, 魚蛋同魚片都幾彈牙, 好清好好味!~6. 蠔仔粥(窩): 好多蠔仔呀係另一推介! 好好味~7. 雞紮, 鳳爪, 排骨陳村粉: 普通野, 但都幾好食~8. 豉油皇炒腸粉: 同上9. 胡椒豬肚: 我冇食但同事反應良好*總括而言, 呢度係絕對有下次架! 因為我今次冇機會試蠔餅同芋泥! 下次可以同屋

好耐冇食過鹵水食物今日心血來潮黎呢到飲下茶首先叫左個香煎南瓜餅有四隻十分脆口...但係味道偏甜應該加左糖~銀杏豬肚味道mama地...太鹹...食完後要飲水瑤柱珍珠雞料太少以飯偏多味道mama...唔及彩雲軒o既好套餐= 鹵水拼盆+ 大桶炒飯鹵水拼盆ok~可以滿足到我想食鹵水荒~但係料唔多...鵝冇乜肉...唔係太入味紅腸最多...但係都係味道mama...其實仲有鹵水豆腐..豬耳...大桶炒飯味道ok...夠哂大桶4個人食都得但係都係以飯為主...見唔到有幾多料...不過炒得ok~d飯冇痴埋一舊舊~~埋單3個人$210唔算平...

中午去和一班同事飲茶, 環境舒適, 服務OK, 不像其他酒樓一股油煙味, 最好就是免加一及茶介!點心很細緻, 有些外面不易找不到的:客家蒸茶粿: 包靿九菜及蝦, 皮薄料多;潮州糯米卷: 包煙韌, 糯米軟硬適中, 不油不膩;地瓜炸油粿: 炸得外皮鬆脆香口,咬開內裡地瓜槳流山;春卷: 一條條有10厘米長, 口感一流, 味道幾好, 新鮮出爐;其他點心仍保持水準, 一點也不覺"求其"

屋企得四個人想搵地方食團年飯又無咁悶... 於是就嚟左呢間.坐位舒服, 餸就細碟.... 擺明係食SERVICES格局. 叫左個石頭飯, 然後特價一小煲的六頭鮑, 再來一個卥水拼盆同鹽焗雞, 都係D普通野, 咁佢地都做到普通水準.本來再叫多個餸, 但就催左兩次都無.... 雖然未飽但都費時再催, 咪落單先話無嚟到囉.... 佢地都算幾好服務, 解釋左一大輪, 跟住係咁唔好意思.... 志在傾偈多過食野我覺得呢間都OK架.