漢城美食

營業中

休息中

老公大人話想食韓國野, 而且佢又發現漢城美食原來有優惠,只要平日6:30-7:30PM用餐就有7折優惠.所以就去食啦~兩個人叫左3樣野, 韓式牛肉炒粉絲, 炆牛筋骨, 甜酸炸雞半隻 韓式牛肉炒粉絲($80) 牛肉碎得過份, 好似"食送"頭"食送"尾, 而且粉絲份量極少, 每人夾一次就已經無哂.唔明點解可以咁樣, 價錢又唔係平, 睇見已經唔想食炆牛筋骨 ($98)份量又係超少, 得3舊牛筋骨, 配菜(紅白蘿蔔, 冬菇)都佔了個煲既一半, 完全唔值呢個價錢.平時我去名家食 牛筋骨價錢比佢貴多少少, 但牛筋骨至少有6-7大舊.牛筋骨炆得好淋, 配菜也一樣, 感覺似係煮左好耐翻熱一樣.甜酸炸雞半隻($79), 唯一一樣正常既食物, 味道正常, 剛炸起, 味道算不錯, 而且比較平.雖然是有7折, 但因為此店本身都會收加一, 其實只係8折.買單都要$2xx.  完全不值得吃. 如果大家想吃韓國野,都係去返附近既韓國街吃好了

其實韓食幾條街，要食暈咁多間都有難度。冇乜心水下揀左呢間，首先有幾點我地係坐低左先慢慢開始討論：🔻罕有地冇韓妹或者oppa同我地講"annyeonghaseyo"🔻店員睇起上黎係菲律賓/印尼/泰國藉🔻呢度係冇韓國餐廳必備嘅扮哂野鐵筷子，用嘅係普通膠筷，配合埋裝修有多少茶餐廳風漢城紫菜飯卷 $48紫菜飯卷都好難整得唔好食…呢個又乾又實，最重要係冇味。泡菜餅 $73有點發左水嘅狀態，厚粉，唔脆。泡菜味薄弱，可能都知道，所以附上醬油，就好食啲。LA牛肋骨 $128完全fail…仲要咁嘅價錢，完會後悔！呢份牛肋骨係熟到韌。純豆腐海鮮湯 $89呢個我覺得係最正常嘅，仲配上白飯，包你飽飽！海鮮湯辣度啱啱好，豆腐滑，海鮮主要就係手指甲大小嘅蜆仔肉。如果你食過朗豪坊food court嘅韓國野，呢個豆腐湯係好相似嘅（雖然人地好係係60蚊內）原味炸雞（半隻）$79甜辣雞翼 $78本來覺得上面喺野唔掂都算，我地主力想食炸雞。點知炸雞都唔掂。伏。原味炸雞等如冇味炸雞，唯一係雞皮都係脆，但肉質乾柴，半隻要成80蚊，已經係講緊貴架喇！我覺得KFC都仲好食過佢。甜辣味道主要似以甜為主，不過唔太啱我口味，而且份量好

要扮下韓妹先⋯⋯都好耐冇準時收工呢支歌仔啦⋯⋯😓今日都叫半準時啦⋯⋯都係遲左一個鈡⋯⋯哈哈⋯⋯都係⋯⋯朋友係要見既⋯⋯環境：坐得好丫，又唔限時，又唔嘈,傾計幾好食物：好食丫，特別係部隊年糕，一定要試丫，仲有個人參雞湯好入味丫，正！價錢：98一個雞湯，68蚊一個部隊年糕，不過冇加一⋯不過不失丫⋯⋯

漢城既枱櫈唔算好舒服. 但環境令人覺得都幾干淨,今晚再次黎到尖沙咀既漢城, 位置已經改左, 唔係以前既舊址, 不過裝修格間同舊時既感覺一樣令人覺得有d似茶記感覺. 至於野食方面味道屬一般唔算太突出, 中規中舉👌🏻韓式牛肉石頭飯 $89賣相比食相好既韓式牛肉石頭飯, 雖然本人一向都中意汁撈飯, 的確～韓式既石頭飯係撈埋一齊食, 不過味道一般而且牛肉係全熟, 食落去有點干身除左牛肉之外就係得菜同辣醬, 個人感覺麻麻地😪泡菜餅 $73唔會太酸太辣, 薄薄既泡菜餅食落好香, 整體味道都唔錯播!👏🏻👏🏻👏🏻韓式炸醬麵 其實去過2次韓國都冇係韓國食過炸醬麵… (真係有點遜😝) 所以唔知正宗的味道會係點呢度既炸醬麵醬汁的確幾多, 撈完每一條麵都充分被醬汁包圍住. 食落味道偏甜但唔會太過over, 不過個醬汁太入味了, 洋蔥煮到好林冇晒口感, 唔似食緊洋蔥等配料麵底方面都算幾好, 有d咬口友人覺得唔錯, 不過個人唔太超愛食甜既撈麵, 所以感覺一般🙈餃子幾好, 上枱仲熱辣辣味道適中, 餃子煎得好香脆. 唔錯唔錯! 👍🏻叫得太多野食喇! 本身想試埋佢地個雞翼不過肚子太細容納唔到太多野食, 只好下次再試吧!

We came here thinking it must be good as the menu looked fantastic! Entering the doors the decor looks great and you think you're going to have an amazing dining experience, until you start ordering!The staff need you to write down you orders for them, and any questions relating to ingredients, foods that may or may not be present, (say I don't know, if you have an allergy!) is non existent and to our shock there is no manager!So after debating with the entire waiting staff on incorrect signage

上星期行開尖尖一帶，見到漢城做緊七折優惠 (星期一至五，夜晚6:00至7:30) 剛好係呢個時間，人又唔多，大把位揀。極速點菜，咦～餐牌變靚左，分左類容易睇左，唔知食物質素又有無提升到呢。前菜俾左泡菜同醃黃蘿蔔，泡菜酸味夠，辣味唔太重，個人較喜愛黃蘿蔔，香脆爽甜。好快紫菜飯卷送到，賣相靚左～味道清淡，麻油香味唔太突出，夾住泡菜食更添風味。鐵板餃子熱辣辣脆卜卜，咬開有肉汁，好香口，比蒸的要好食。同樣熱氣騰騰嘅泡菜煎餅，外皮夠脆，內裡依然鬆軟，略嫌面粉厚啲，但一啖入面仍然有好多泡菜。牛仔骨都係鐵板上～滋滋聲，洋蔥墊底，吸晒肉汁，香甜又爽口。牛肉醃過但都有少許羶味，可接受，加埋洋蔥同白飯一齊食，味道會更好。(白飯隨牛仔骨附送)另外甜辣雞翼配年糕同酸蘿蔔，雞肉唔乾身，脆皮沾滿醬汁，稍為濃味左少少。至於年糕較硬身，蘿蔔酸味亦唔夠。韓式炸醬麵一般帶甜，麵質都算煙韌，但呢間味道相對仲要甜啲，食多兩啖會膩。最後叫左可樂泥解一解～總結呢間漢城美食，食物質素可以，價錢都唔太貴，七折後相當抵食，份量亦合理。啱晒想過下韓國癮又唔想花費太多嘅朋友仔～P.S. 當日三個人餓鬼上身，其實呢個份量四個人都夠食🙈

原本打算到山林道歎日式串燒，因為店員說18:45才營業，結果飄呀飄，走到金巴行道去，沿途看見一張很誘人的韓式炸雞海報，雖然沒有中韓劇的毒，不過因為實在非常喜歡各式炸雞，於是整個人就像被催眠一樣自動走入店內。店內設計富有現代感，工業味濃厚，有別於傳統以紅色為主調的中式風格，座位擺設整齊而且保留適當的空間感，這樣的用餐環境比較舒服。四月雖然不太嗜辣，不過也算喜歡吃韓國菜，原因之一，是因為餐前總有一大堆豐富又美味的前菜，有時候只顧把前菜吃光光，不知不覺都已經飽了。這兒為客人提供的前菜有三味，包括泡菜、醃蘿蔔和泡菜煎餅，數量和種類相較一般韓式食店少。當中泡菜煎餅軟薄微辣，不過作為靈魂菜式的泡菜卻只有鹹味，少了辣勁和爽脆的口感。這兒的店員都以英文溝通為主，我們伸手想點餐時，她們只比畫一個自己寫的動作，示意我們按餐牌上的編號自行手寫，然後店員會再入機出一張電腦單據。炸雞有全隻($153)和半隻($79)選擇，客人可自選原味、醬油和甜酸，我們點了原味，全隻的份量大約有18件，連同薯條堆在鋼盤上，視覺上甚是壯觀。原味的處理相對比較清淡，店方灑了大量白芝麻增加香氣，不過因為表面的油份不多，芝麻無法黏穩。

一陣子沒有到柯士典道一帶了，今天跟Honey到這裡，本想到從前光顧過的食店。但發現，只是沒有來一陣子，許多韓式食店開張了。我倆隨意選一間，這間漢城美食的店鋪，挺大的，也光猛和濶敞，所以就選這店。沒有套餐，是散點，價錢也合理。Honey想吃湯類的，選了餃子年糕湯。跟我在韓國吃的味道一樣。但，稍嫌餃子煮得太稔。年糕不少！煙煙韌韌，挺好吃！而我喜歡吃石窩飯，所以我點了雜茹石窩飯 。上桌熱辣辣的！好多雜菇！許多蔬菜！真健康！又香口！到阿士典道一帶，又有新選擇！

近期一套關於軍人和醫生的韓劇大熱, 所以和友人來到漢城過過口癮. 這裡座位挺多, 約7:30時也差不多滿座了.我們選了半半炸雞(原味和甜辣味), 和部隊鍋, 感受軍人生活.前菜是酸瓜和椰菜絲沙律, 味道沒有特別.原味炸雞切得大件, 所以感覺份量較少, 炸雞外層香脆可口, 內裡雞肉嫩滑多汁, 好味! 甜辣味炸雞在炸雞外層裹上了甜辣醬, 再撒上了花生碎, 香氣誘人, 令人食指大動. 炸雞甜甜辣辣辣, 又是另一番滋味.部隊鍋材料不少, 有午餐肉, 香腸, 大蔥, 泡菜, 拉麵等等. 先喝一口湯, 味道酸酸辣辣, 再配口餐肉和白飯, 感受韓式味道.食著炸雞和部隊鍋湯, 和友人聊著近況, 一晚不一會便過去了.

週末，假期的晚市時段，尖沙咀基本上都滿座，這家漢城美食的韓國餐廳比較少人，於是決定一試，可惜即使人不多，也要等15分鐘，而且還是要搭枱的！價錢算是比同區的韓餐廳便宜一點，但一分錢一分貨，質素真的很一般！算是比較簡單的裝修Pineapple Gingerade味道不夠，很淡Bulgogi Japchae味道還好，牛肉也軟，粉絲質地剛好Budae Tteokbokki有點失望，硬身廚師腸，碎上辛辣麵，而且份量很少！而且叫部隊炒年糕，卻是一塊年糕都沒有的。餐牌的確是寫部隊炒年糕！

今日LUNCH無帶飯，聊下聊下D同事出去食飯，由於食飯得1個鐘，我地用左9秒9既時間行左出去食，同事推介呢間漢城美食，係K11附近的。LUNCH TIME原來唔使加一(佢餐牌上面話要加一架)，我今日想試辣野，叫左個「部隊炒年糕」~呢個菜比較耐，等左15分鐘先有得食呢! 好彩之前有D小碟食下，解下餓先啦! 黎到賣相幾靚，配料有年糕﹑雞蛋﹑腸仔﹑公仔麵，先試啖湯(因為都幾紅XD)，幾辣的…食多幾啖都要飲下水先掂…年糕煙煙韌韌的，切既SIZE都岩岩好，係一口年糕，每條都長長的似十足長通粉!!!紅噹噹既顏色已經令人好開胃，加上我中意呢種甜甜辣辣既味道，食完會覺得好開心! 年糕仲好彈牙，份量又多，OK! 其他雞蛋﹑腸仔﹑公仔麵都係一般，公仔麵我估係韓國辣麵，幾爽口彈牙，好味過出前一X~同事食左「漢城炒粉絲」，我唔客氣都食左兩啖，炒得好香好入味，仲有蔥﹑椰菜﹑紅蘿蔔絲做配菜，一D都唔寡!!!粉絲都係煙煙UN UN的，當然韓國粉絲唔同一般粉絲，粗身D，所以食落好有咀嚼感，$43又唔貴，值得推介!

跟客人開會後, 老闆指引到這間名叫漢城美食的韓式料理店食午餐(當然要AA制!)餐廳外牆上有不少塗鴉, 不知道是否店方安排。另外窗上印有不少韓國字, 散發出街頭玩味的感覺。浦進店內, 餐廳以深木色為主色調, 佈置比較簡約只有幾張韓國圖片, 有些置身韓國小店內的感覺。午餐Menu食物選擇多但以快餐為主, 價錢五十元內 。第一次品嚐到芝士公仔麵要回想到2009年到歐州做背包友時寄居於留學的朋友, 晚上她為我們炮製豐富的晚餐, 就是芝士公仔麵。身在異鄉又盤川缺乏下, 可以有碗芝士公仔麵加條腸仔再加了菜簡直是畢生難忘! 這味道及回憶依然回味至今, 因此當見到Menu上有芝士公仔麵, 便決定點這個。<芝士公仔麵 $48> 十分簡單的芝士公仔麵送上我的面前。真的不太相信自己的眼睛...... 這個$48的芝士公仔麵真的只有一片薄薄的芝士嗎?? 薄薄的芝士很快溶到湯內, 可是湯內完全感受到任何芝士的味道, 可能湯底是辛辣味完全蓋過芝士味。可是連麵條同樣沒有任何芝士溜過的痕跡, 如果沒有呈上時沒有見過這片芝士, 我絕對相信這是韓國辛辣即食麵。湯內還有少計即食麵包裝內的配菜料(紫菜絲, 蔥

上次去食阿芳果時見到對面有間韓國野好似幾靚咁岩放工之後又想去尖沙咀行街所以就去醒起佢決定去試下喇可能星期一既關係去到都係得一兩枱客餐廳空間幾大，裝修簡單時尚幾岩一大班朋友去食Menu設計都幾特別呢到係唔駛叫侍應落單架只需要寫低食物既編號落order紙之後交比店員就得，其實都幾方便當晚唔算好肚餓所以正係試左幾樣野ja韓式紙菜捲 $45小公主無寫錯架，真係叫「紙」菜捲架雖然都有幾多料不過就好似整得有d求其第一，完全無麻油香第二，切到件件都唔同大細同埋似係整好之後放左好耐唔算難食，不過食得出無咩heart純豆腐湯+白飯 $89豆腐湯味道正常豆腐夠滑而且好多料蜆呀魷魚呀一d都唔手軟而且唔會勁辣不過好奇怪既係，雖然d料好足但係個湯就無咩鮮味特式甜辣炸雞(半隻) $89炸雞有3個味道分別係原味、甜辣同醬油其實即係溝甜左既韓國紅色辣醬其實已經無咩辣味我諗就算唔食辣既朋友都可以handle到炸雞既粉亦都唔算厚而且炸得好酥脆，有d胸骨都可以食到但肉又唔會好鞋，不過就無咩肉汁加左醬既炸雞唔單止無咁熱氣味道仲好夾，3樣食物當中呢個最好食總結黎講唔算好食又唔算好差如果咁岩行過都可以試下不過如果特登黎食既就唔駛

平時愛吃韓國菜，路經見門面唔錯就同友人入來試試。點餐後都等左好一段時間，一張枱放3個料理較逼但可以接受。睇落賣相唔錯滿懷希望咁食。第一個試既係海鮮薄餅，極厚粉，幸好個邊還有一絲脆口，汁都好食，但由於薄餅多粉偏軟身，一夾就半散，好難點汁。第2款試的是炸雞，心諗實冇死掛?肉質極鞋，皮好硬唔脆，吞果下去到食完有啲驚整損喉嚨發炎要睇醫生既程度。第3款係年糕，我自己整應該會好食好多。海鮮冇問題，汁就似淡口羅宋湯兼有陣怪味，年糕質感一般，食落又唔能夠話冇味。啲菜一咬仲連貝殼。失望的一晚。

今日約左好姊妹去試婚紗！試婚一定要去醫飽個肚先！係附近搵左一間叫漢城嘅韓國野黎食！佢門口整得好靚，而且價錢都唔係好貴！真係好有韓風feel!全部都係韓文字！仲有配菜送添，但佢d泡菜就唔係好似韓國個d咁正宗！主菜黎啦！呢個係一set !雞肉配飯！雞肉好嫩口添！口感唔錯！第二款就係韓國而hit 飯團！並不是想像中咁好味！但賣相都可以！如果酸味多少少就好啱香港人口味！第三款！係去韓國餐廳必食！呢個大家值得一試！味道適中，而且粉絲仲好彈牙添！好好味添！最後一樣！呢個海鮮餅一定要趁熱食，因為如果凍左就比較油膩！個將汁好啱港人口味！我地3個人叫左4樣送已經夠飽了！成為$292！係尖沙咀食到咁嘅價錢，每人大約$100都唔算貴！大家可以值得一試！