漁釧 (V Walk)

營業中

休息中

很少去南昌站 ～今日經過此站便走入呢間 門面好日本feel嘅日本料理餐廳～品嚐一下！環境方面！門面一睇似日本feel～入埋去兩位料理師傅好專業！ 打曬呔丶 著住白色類似和服嘅師傅～ 準備整各種壽司料理給客人吃 地方坐得舒適:有卡位丶長檯及吧檯！今日時段冇咁多人！我們選擇坐卡位！食物方面！今日星期日，竟然有定食揀，價錢不算貴！日本野來算中位價！ 我們揀咗個火焰魚邊三文魚子親子飯丶 一個小食魚仔 及一口牛柳粒飯～～總括來說刺身飯好新鮮～ 小食炸魚仔熱辣辣脆卜卜～ 加上沙律醬好味 一口牛柳粒 炒飯～廚師都畀咗好多一口牛去炒給我們吃！

今晚同男友嚟到南昌站嘅V Walk商場食日本嘢。成間餐廳都好有日式嘅感覺。我哋坐咗喺吧枱，可以邊食邊欣賞師傅嘅廚藝。極盛四色刺身丼$208四色刺身有中拖羅，帶子，吞拿魚蓉，赤蝦，仲有日本蛋，賣相非常靚，食材亦新鮮同豐富，真係食得好滿足。網燒牛肉野菜沙律$138好鍾意呢個沙律嘅醬汁，牛肉濃味少少嘅醬汁同沙律菜清新嘅醬汁配合得好好，濃淡得宜。份量亦都唔少，兩個人share都好夠食。南蠻炸雞$88炸雞唔會油冧冧，仲有少少火箭菜，一齊食就冇咁漏。燒雞頸肉串$32有啲似食緊雞軟骨，好有口感。煙燻中拖羅（6切）$192一開頭我仲以為師傅比錯咗烏冬我哋，一打開蓋見到好多煙先肯定無黎錯。第一次食煙燻刺身，感覺好新鮮。煙燻刺身比普通刺身更加層次豐富，值得一試。

V WALK呢到愈黎愈多野食, 今日黎左呢間日本野, 裝修都好有日本FEEL, 當去一轉日本旅行啦!!叫左個刺身丼, D刺身好新鮮, 尢其是蝦同埋帶子, 口感好好, 而且仲可以二食, 食到一半加魚湯咁食, 好特別, 魚湯好好飲, 原來熱食都好好食架喎!海膽酒盜芝士, 呢個小食有齊我最愛, 海膽同芝士, 海膽既鮮甜同芝士既咸香夾埋都幾MATCH!清酒煮蜆, 酒味都幾濃, 一路滾一路傳來酒香, D蜆都幾肥美, 又鮮甜!燒香魚, 本身唔知咩黎, 不過呢到燒得幾好食, 有D炭爐味, 魚肉都香甜, 唔乾, 送下酒都唔錯!

南昌 日本菜品質一流🤣味道濃郁 服務一流😇南昌A出口，步行約3分鐘😊1. ◁特盛醬油龍雞白湯拉麵定食 - $108- 好香濃嘅雞白湯🤫，比較濃郁，有時鍾意飲雞湯嘅朋友可以試吓，放咗留心蛋喺入邊，入口啲蛋漿爆曬出嚟😱，側邊亦都放咗好嘢味嘅木耳，加上蔥花😳形成一點綴。一啖湯，一啖拉麵🍜2. ◀︎芝士吉列豬扒滑蛋定食 - $98 - 淡淡的芝士，非常濃郁，入口即溶，亦都非常好食😋，亦都配上非常大嚿嘅豬扒，皮脆內嫩🤪。送飯一流，側邊亦都配有沙律🥗非常豐富。3. ◀︎燒日本魷魚一夜干$68- 日本新鮮直送，非常香脆可口嘅魷魚🦑。簡直置身於大海當中。需要必定點嘅小食🥳。好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻地點：九龍深旺道28號v walk 地下G19號舖名稱：漁釗

第一次黎V Walk，原來咁多餐廳，由東南亞至西餐都有。一出地鐵站層，就見到居酒屋風嘅漁釧。網燒牛肉野菜沙律，牛肉片有厚度，外邊有網燒痕跡，內呈現粉嫩色。望落偏紅，但食落唔韌。食落有肉汁。鐵板牛肉飯，比起Paperlunch少咗過量嘅胡椒味，冇咁搶味，更食到牛肉味。牛牛牛，全部都係牛。朋友叫咗濃厚醬油雞白湯和牛拉麵。大推！試咗佢個湯底，味道濃厚，完全唔膩。口感亦唔張口或者太杰身。薄切和牛鋪係碗邊，和牛果然和牛，食落比鐵板牛所用嘅牛更富牛味，肉質更柔軟。雞湯餘溫可以令到牛肉半生熟。小食方面朋友主動話點燒雞泡魚乾，的確配酒一流。雞泡魚係驚喜之作，切得比坊間厚身，咬落更有口感，外脆內軟。面頭甜甜地，好上癮。南蠻炸雞係必點！記住趁熱食，炸得脆口，薄薄嘅炸皮包住嫩滑嘅雞腿肉。就算凍咗個炸皮都唔會淋晒。雞肉juicy。調味足夠，但唔會似KFC咁重口味。仲有一啲薯仔沙律醬加蔥，一齊食有新鮮感。享受下美食、傾下、Chill下，話咁快就度過一個星期三晚。

放工返屋企途中，經過V walk，想食日本野，就揀左漁釧試吓。嗌左美國牛小排壽喜燒湯鍋+手作烏冬：牛肉味夠濃，而且食落去入口即融，而且啲配料都好多。娃娃菜+小唐菜完全吸收晒壽喜燒嘅甜味！之後個烏冬應該係稻庭烏冬，因為食落去非常彈牙，而且烏冬掛到壽喜燒嘅精華！之後嗌左火炙三文魚壽司，每舊好大件，每片亦都好厚切，而且燒過嘅三文魚有半融化嘅狀態，廚師的確好唔客氣另外嗌左珍寶牡丹蝦壽司，火炙平目魚邊壽司，火炙珍寶帶子壽司。牡丹蝦：新鮮得黎，亦都好爽口鮮甜。平目魚：亦都非常肥美，入口即融。珍寶帶子：非常大粒，燒過嘅帶子增添左鮮甜度。串燒方面，嗌左牛舌、雞翼、大蔥雞肉。牛舌：咬落去非常爽口，唔會覺得好韌，而且好重牛肉味雞翼：燒得好香口，啖啖都係肉，size適中大蔥雞肉：免治雞肉，食落去好嫩，而且輕輕燒過嘅大蔥，亦都可以中和下岩先嘅飽膩感。總括然而，呢間居酒屋性價比的確好高，食物質素對得住個價錢，中意食嘅朋友必試呢間呀！

成日經過都見到呢間餐廳好多人食，就算係平日，裡面都係好full，今日唔想煮飯，就黎試下啦！入到餐廳，裝飾好日本feel，又有日式吧檯，好多人飲清酒，好似真係去左日本咁，好神奇🤣🤣🔸壽司🍣中吞拿魚腩，三文魚，鰻魚🍣🔸刺身：三文魚腩無聊壽司定刺身，都好新鮮，三文魚腩好肥美，超正！🔸石燒美國安格斯牛小排（細份）估唔到細份都咁多，石頭燒住牛肉上菜，職員好好服務，會幫你切開埋拎上碟，驚太熟會唔好食，真係值得一讚👍🔸串燒🍢鹽燒雞肉，鹽燒雞翼，鹽燒腩肉，冬菇，一口和牛串燒都好出色，平時唔食腩肉嘅我，都覺得腩肉好好食，食落爽口，又唔會un🔸牛油炒菇除咗有菇仲有蘆筍，好食！🔸和牛濃雞湯拉麵呢個賣相真係好特別，和牛係掛係碗邊，上到檯先將牛放返入熱湯，雞湯極濃郁，平時出門食多數都係魚湯豬骨湯個d，呢到難得有雞湯，真係要試下。

這間日式餐廳裝潢特別，門口位已經搶眼，和風木系裝修，入到裡面更有氣氛，掛上日式燈籠🏮木牌等，加上有幾將卡位，私人度大大提升👍🏻☺️每張枱也大，不用擔心叫多也沒有位置放.職員相當親切，會主動上前加茶，服務態度也是值得一讚😊menu選擇有很多，很多也想食，更又怕叫大多吃不了，我們也苦思了好一會再選擇到🤣 .💠煙燻中拖羅（6切）Smoked Medium Fatty Tuna Belly Sashimi $192吞拿魚腩外層經煙燻後，味道更加濃郁，內層仍保留著吞拿魚刺身新鮮色水，帶有少少透明加粉嫩的肉，口感豐腴甘美.💠火灸鵝肝壽司 Seared Foie Gras 🍣 $48 鵝經肝經燒焦金黃色澤，入口香滑，𣊬間在舌頭上溶化.香濃的油脂味配壽司飯一起食，絕對不會感到油膩☺️💠火灸和牛壽司 Seared Wagyu Beef🍣 $30和牛燒到大約7成熟，肉質細嫩，食到啖啖肉汁.💠燒明太子長芋 Grilled Cod Roe& Taro $72賣相一時分不清是什麼，而且份量比想像小.但口味絕不輸洒🤩芋頭切片後再加上明太子，粒粒明太子鹹鮮濃厚，芋頭爽脆.💠三文魚腩（3切）Salmon Belly $6

Lunch time經過呢間餐廳就入去試吓環境裝修得幾靚🤩幾有日本風味.喺lunch menu叫咗一個吉列豬扒咖喱飯😇質素都可以豬扒炸得幾香脆米飯就普通珍珠米反而啲配料幾吸引有一碗麵豉湯一碗沙律菜同埋一碗茶碗蒸.個人認為個茶碗蒸係咁多樣入面最好食嘅但總括而言性價比唔算特別高下次未必會再試

難食，無服務可言。而且員工衛生意識極差。當員工用手指指出呢款系三文魚壽司時手指極接近食物。食完即刻收走隻碟，當我隻筷子仲係隻碟到佢已經收走隻碟，茶又唔係斟得勤力，碟就收得咁快。記得以前青衣個間都唔係咁。不會再光顧。。

夜晚來到Vwalk搵野食，就試下呢間，鋪頭好有日式餐廳感覺。野食種類都多選擇，壽司刺身、拉麵、鍋類，燒海鮮、牛扒。最後叫左幾樣，包括鰻魚柳川鍋（味道怪怪的）、三文魚壽司，四色丼、炸雞。食物味道都係正正常常，價錢就貴左少少。炸雞個醬汁幾好食😋

今日到南昌V Walk 食午餐，這裏日本餐廳選擇多，有拉麵、壽司、涮涮鍋等，最後選擇這間裝潢充滿日式漁村風味，古色古香，回到昭和年代的居酒屋， 漁釧。海鮮水產是這裏的主打，點了一份火炙平目魚邊海膽三文魚子丼定食（ HKD 198）平目魚邊嫩滑肥美，入口溶化，另外的材料都很新鮮，十分值得一試。轉頭比目魚西京燒定食也來了，HKD 138，用白味噌調校的西京燒醬味道香濃可口。朋友對這定食讚不絕口，性價比高。兩份定食都做得出色。另外，這裏也可以選擇點Omakase，下次會來試試。

8:30pm去到，見到門口冇得拎飛就問聲個侍應佢竟然話全部都係岩岩入座，今晚截單唔俾入因為唔會食到喎呢個原因我都係第一次聽，咁既服務都係第一次遇到，所以都要好好幫佢分享一下

中秋節與家人「隨便」去了這店。抱歉同樣未習慣影食物相。中秋人潮淡泊，不用排隊已可進場，衹要齊人便可。1. 食物 - 點了壽司套餐，刺生套餐，牛油炒雜菇，手卷，串燒，和牛…… 全部都可接受，唯獨和牛，服務員為我們在石頭板上切和牛，困難重重，何解？ 因為和牛有筋。其實和牛一到，便看到它不似，頗肥…… 家人在呢喃之間，聽到不遠處有客人投訴和牛有筋，我們當然也不例外。女經理建議我們試其他牛，但見男經理跟各員工稍談一會後，跟我們提意取消當晚的牛，因來貨並不理想，我們也欣然接受，但亦感無奈。2. 環境頗舒服3. 工作態度 - 多數員工很有禮貌，反而是女經理來去如風，未講完已不見影，全無笑容。男經理雖然好像串串地，但最少能爽快下決定。另外，端菜上枱的男員工很搞笑，每次都衹放枱邊便閃走，要自己放回桌中。

服務態度非常差，好惡態度對待小朋友，代客人呼呼喝喝！仲向客人掉野發脾氣做食肆咁對客，同趕客無分別話要bb 椅，扮聽唔到走左去多次見到入面明明有位，又要客人係門口罰企先俾入，所謂經理，好趕客。門口啲客個個都不滿，佢都照唔俾人入！話有人book,但幾分鐘後多客等又俾人入。幾次見佢對客都呼喝，今次小朋友都係勁惡對待坐係到食野，不停聽到個經理同同事討論邊台客衰（又話啲客食完坐又唔肯走，阻住哂）。請貴公司重視下呢啲員工態度