漁灣村 (已結業)

今日路過長沙灣，見肚餓就近近地入左去這間餐廳，下午茶都有好多選擇，點了南瓜排骨盅飯丶干炒叉燒河，跟餐加$5紅豆冰，干炒叉燒河炒得幾好，河粉唔會一舊舊，不過就唔係好有味，可能老抽落得少吧！南瓜排骨盅飯食食下啲飯有咖喱味，奇怪！紅豆冰好大杯，雖然紅豆唔夠大大果種，但是都係好味。服務生服務一般。

今晚忽然想食盅飯, 結果黎到呢間食。其實開張時都試過幾次, 但今晚起再冇呢個機會。首先友人叫左個常餐1101 , 係火腿煎蛋配瑞士雞翼公仔麵, 加杯凍檸茶。而我就叫左蠟腸蒸雞飯。2分鐘後我既飯到左, 味道都可以。10分鐘後, 友人先黎左杯檸茶, 飲住等其他野食。 本身我都唔覺有咩問題。煎蛋火腿多士一到, 見到火腿係冇煮過, 友人話係凍冰冰既, 亦冇煎既燶邊, 冇熱水燙過既收縮, 所以佢都唔敢再食。而煎蛋樣似已隔夜炒蛋一樣, 蛋面已經冇晒水份, 好似橙皮一樣。多士就應該未見有問題。過多七分鐘左右, 碟天使麵都黎到, 瑞士汁冇味, 雞翼冇入味, 好似水煮雞翼咁, 至於天使麵林晒, 仲癡住一舊舊咁, 所謂既瑞士汁完全冇味, 我試左一啖好似得老抽, 冇落生抽同冰糖一樣。之後我試啖檸茶。 先知道檸檬唔新鮮, 茶冇茶味, 而且凍檸茶一點都唔凍。最後, 我食盅飯先, 真係最後一啖先食到盅有陣魚腥味。成餐用左50元, 價錢已唔係衡量值唔值, 人地係俾錢黎食飯, 客人為咩要俾50元黎食你呢餐。我寫呢篇文係想表達, 如果有心開一間餐廳, 點解唔用心煮好味既野俾客人食。 最後友人還要去左2次廁所及嘔吐,

今日下午去了漁灣村買外賣,入去收銀處叫了一個燒味飯,奇怪個收銀無反應, 原來個收銀係到睇緊電視,等了一會她先反問我要什麼,我再次同佢講要燒味飯,之後佢竟然將張單掉在枱上要我自己攞,找錢又係,真係一肚氣,我都有比錢買的,還要受氣,平時佢的態度都已經好差,今天真的令我很氣憤,所以我要向深水埗區的街坊知道此餐廰的服務態度是怎樣的

上次同7~8個朋友想去漁灣村食LUNCH...一入去都冇位,... 唯有係門口等下啦!!! 一直都冇人招呼我地...好似當我地隱形咁..等左好耐都冇人理我地... 我地行入去睇下有冇位...仲俾個男伙記話住阻佢... 感覺上佢地係唔識做生意~最終頂唔順佢地既態度..去左第2間度食!

我承認我是貪小便宜的人，最初我是被門外海報上的13元西多士所吸引進去的。可是落單時阿姐又說今天暫停，其實我已留意海報上有一行細字寫上星期六、日及公眾假期暫停，但今天是星期五啊，這樣子倒不如取消這個優惠啦。既然沒有西多士的優惠，只好看看餐牌上有些什麼，最後我選了豬扒飽。特色豬扒飽豬扒飽都等了一會才來，上枱時已切開為兩件，內裡除了豬扒外尚有蕃茄和生菜絲，為豬扒飽增添了清爽的感覺。麵飽有烘焙過所以是暖暖的，而豬扒的味道就一般，但伴著沙律醬來吃也是不錯的。平心而論豬扒飽的水準可以，可是總是有被騙進來的感覺，貪小便宜真是容易出事...

　　從6月11日開始，許多香港人的生理時鐘大亂，日夜顛倒，周樂也是其中之一。他下班後便趕著回家，回到家中是晚上七時，小睡半小時後，便回到球場。無論是前列位置的對碰，還是排名較低的對壘，他絕不會錯過，當上半場開始至十五鐘時，他便致電餐廳速遞熱線點食物，薄餅、壽司、炸雞已經輪流上場，今天便輪到港餐。　　球證鳴笛一刻，外賣員便將熱烘烘的食物送至，分別是特餐，兩款中式點心。燒賣以豬肉佔重，蝦肉佔少量，調味與質素還需進步；韮菜、沙葛、豬肉、蝦米餡料的炸粉果，胡椒粉的味道佔重，而澄粉皮炸至外脆內軟，質素還可。周樂自言自語地說：「忘記了提醒店員不要烹煮過久，麵條要保留硬度，還有是“太陽蛋”。」結果麵條是軟身，雞蛋沒有蛋漿，牛肉的調味過鹹；牛油豬仔包，鬆軟無比；奶茶，奶與茶的比例失衡，茶味蓋過奶味至過澀，可能調茶的技巧還要鍛鍊。　　在下半場的五分鐘，他的愛隊的罰點球中空寶，周樂旋即大叫某字。剛巧朋友致電問道：「周樂，你正在做甚麼？」周樂邊看邊回答：「世界波。」朋友便開玩笑道：「你說柏＿妮在你身旁？」周樂沒奈何地答：「假如我不喜歡看港產片，相信不懂得那出處囉。」結果，朋友在電話中哈哈大笑，大談足球的心得

打完波，跟波友在長沙灣附近找吃。有人提議去近期大熱的大中華，不過去到見佢人山人海，決定轉移陣地到新開業不久的漁灣村試試。這裡的食物選擇不少，除了叫餸食飯，又有串燒，更有點心吃，但最流行的，原來是諸葛亮烤魚。眼見差不多檯檯都在吃諸葛亮烤魚，波友對此亦有興趣，就點了一條，另加一客中式套餐，要個拔絲生炒骨。先說生炒骨，拔絲的效果似樣，生炒骨味道甜多於酸，卻算幾開胃的，外層脆口，肉排帶點肥肉，總的說是可以的。如果在切配上能多加留意，肉排件頭不要相差太遠，會更方便客人。諸葛亮烤魚，其實即大家認識的四川烤魚，早在一兩年前紅磡的巴蜀烤全魚亦曾掀起過熱潮。或許在深水埗區缺乏這類型的食物，因此這裡烤魚的銷情都很理想，四款魚有三款都售罄，要剩下烏頭。我們點的是小辣，嗜一口，魚是不新鮮，不過味型是對辦的，當然對我來說再麻一點辣一點會更合心水，但對不能太吃辣的波友來說，剛好。墊底的豬皮、紹菜、豬紅等吸味的配料，反而更對我口胃。三條友吃兩味餸似乎不太夠飽，不過時間不早，都不吃太多了，早點回家休息。

返完學~聽聞依間出名魚湯~當然黎試試~又係三人行黎~一個要左豬頸肉魚湯米線~一個要左照燒雞扒冬陰公湯米線~我就要左煙鴨胸魚湯米線~見到佢有三種湯揀~畀人既感覺係選擇上有好大既彈性~而且下午茶餐可佞任揀佢是但一款既米線~真係very good~佢D麵好快就黎左~首先係冬陰公湯米線~一拎到埋黎已經聞到個味~知道都唔錯~但係都FEEL到係酸多過辣~至於兩個魚湯米線都好快到~但係知個魚湯唔係想像中咁好~不過以茶餐廳水準黎講~好好~~~不過多返D魚湯既香咪就更加好~佢係魚湯入面加入左蔥同花生~本來都幾好~不過D花生係淋既~變相就無咁好食~同埋佢個米線真係岩岩好~質感唔會硬~亦唔會淋~而個照燒雞扒真係唔錯~D雞肉都仲係幾滑~至於個煙鴨胸就唔係咁得~層皮太肥~而且唔夠香~可以做得更好~豬頸肉無試過~就無得畀意見啦~而且下午茶時間人又少~D卡位亦十分舒服不過今次叫左好耐先有人應~原因係個員工同另一個員工掛住傾計~但係同佢講有野飛左入杯飲品度佢就會立即叫人換過杯~亦好有禮貌~下次再黎試佢其他野~

裝修了一段時間, 終於開張了, 跟老爸試了一次.店面沒舖天花, 樓底極高, 空間感好大...不過D冷氣喉管在頭頂上真係好奇怪...上一手食完走了, 都未執檯, 唔叫都唔識來執...小二極生手, 寫字慢, 好多事想解釋又口齒不清, 入錯單(佢手寫的一張係冇錯的)仲多多解釋...唯獨有一兩個小二, 見你檯面沒食物時會主動問你落單未和有否食物未到.叫菜...炖湯餐冇炖湯, 要你飲茶水...ok...咁要薄荷咖啡, 冇薄荷...ok...咁要雪梨蜜, 都冇...ok...咁要咸寧梳打, 未有汽水...叫小菜...又係D菜係未有的仲要係落完單一段時間先話沒這個沒那個...最後...兩個小菜中間隔了20分鐘才到...食到冇癮.係我黑定其實乜都未有?最後叫了... 漁灣村骨煲個煲(器皿)本身已經細, 仲要得半兜...加埋唔夠10粒排骨...好小家...味道都叫ok. 豉汁蒸鱔個豉汁夠味, 亦唔會太咸, 鱔冇蒸得過火 白飯白飯? 冇錯, 真係講白飯...碎米...飯芯又未熟...冇飯香...小菜就算好食, 飯唔好食其實都唔得...新開張...但準備得很差, 失望...唔特別俾笑定喊住, 隔返一段時間先