漁屋日本料理 (已結業)

早前幾個friend進攻四方城，8圈過後大家有點肚餓，於是就到附近如心廣場ISARI KIYA日本餐廳食晚餐，這裡店舖不大，座位不多，餐廳開放式型。這店是放题任食，我們坐底無耐，由於肚餓關係，便快快的Order了不同魚生、炸物和手卷。味道其實一般，魚生不太鮮味，質感平淡。而炸物還可以，尚算脆口。至於手卷方面，包米飯的紫菜不脆，比較腍，加上米飯不太煙韌，普通手卷，口感欠奉。但實在肚餓關係，最終都order了幾轉。

好在丫嫂預早boook定位Book左7點鐘，未夠鐘已經企滿人由於做緊6位free1位既關係，眼見大部分都係6個人黎坐低冇耐，職員先送上一客凍龍蝦啖啖肉又鮮味！可惜冇得再encore再黎就係重頭戲-刺身！三文魚好肥美，又嫩滑！好新鮮！牡丹蝦就冇乜味，反而大甜蝦就好好食來來回回encore左3次今次黎食多左蟹腳呢個選擇身為蟹后(自稱)既我點會放過可惜叫左4次，只有兩次既質素好其餘兩次都冇乜鮮味豬仔同丫哥最愛天婦羅蝦佢地傻架，叫左20條兩個人食哂粟米好重牛油味，所以就太多油係底爸爸媽媽食哂，試都冇得試好惹味！但粒蠔好細小，基本上係食d醬呢度仲有好多不同既飲品甜品最後仲有哈根達斯同埋moov xxx(唔記得點串)總之就食食到唔停口又多款到食唔齊食唔到既唯有再黎食多次喇

今日同幾位姊妹去食飯，我地去左荃灣如心廣場既漁屋食放題。因為訂左位，所以唔駛點等即可入座，一入去座底會送幾杯特飲，不過特飲味道麻麻，有d似藥水味不過反正都係送，佢有其他罐裝汽水，茶，咸檸七同fruit punch叫，所以特飲都無飲。跟住我地先叫左生既魚生，壽司同小食，魚生種類好多，有三文魚、象拔蚌、蝦都有兩種，甜蝦同牧丹蝦、鮑片、帶子等等......小食除左有沙律，八爪魚，中華沙律，螺肉等。壽司種類亦唔少，連海膽手卷都有，而且海膽味道都ok。平時放題唔係食太多熟食，但呢度既熟食令我食唔停口，仲有我最鐘意食既炸榴連佢既芝士年糕，炸芋丸都推介，仲有羊扒一d都唔蘇，非常美味，可再encore.最後甜品覺得有代改善，不過每人可以選一款Haagendazs 雪糕或雪條可以補償返

前幾日去左荃灣既漁屋食放題之前已經聽過朋友講過話好食 就打電話book 三位 試下佢一入到去坐低 只覺得自己好似登台咁 點解咁講？因為佢d光好勁 反哂光 第一張單當然係刺身啦 每樣試下先牡丹蝦只係黎過兩隻 油甘魚一次都無黎過之後再落個d都無再黎過 去到後期先知 原來牡丹蝦同油甘魚都溶唔切雪壽司都有d 幾靜幾有創意D 燒物都ok 牛舌唔得好梅...聽朋友講 手卷既紫菜係淋既軍艦就幾好味雞泡魚乾幾香炸物 係真係新鮮炸既 所以都要等幾耐下唔知係咪間間放題既榴連炸彈都無人叫所以次次都不請自來至小三四粒😩😩😩好鬼臭又一定要你食曬甘🙄我地叫既野食要等好耐 又唔知佢係漏單定點所以有時會重複叫完 佢又重覆黎最尾個轉 重要出完俾我地之後無dum單再出一樣數量份量款式既野俾我地同d 店員講 佢都係照擺低無乜表示甘飲品方面 都算有幾多款 有汽水 酒類 沖調飲品等等甜品有d 都幾特別埋單之後會俾一張雪糕既order可以簡Movenpick/Haagendaz 留意翻Haagendaz係台版的🙊🙈總括而言 雖然野食味道幾好 係有時無得出果樣野又唔出聲同漏單漏得好嚴重有時又求其汁d 比你食甘搞法幾好食都係假啦🙄

好受歡迎嘅放題！無論係邊間分店都需要打電話預約先有得食！今次終於book到位！ 我預約左八點鐘，但係去到都要等成半個鐘先有得入去食!!!時間管理認真麻麻！ 不過睇返是放題食物類型眾多！最關心刺身的種類，我覺得佢啲刺身好新鮮味道好好！ 炸蠔！非常值得一試！蠔係好大隻，唔似出邊啲放題麵粉大過蠔！！！ 另外就係甜品啦，好多雪糕選擇，有韓國雪糕😍 不過環境就好一般般 ，好多大陸遊客 ，好吵 ！地方坐得唔舒服！ 整體而言，食物質素好、環境一般

這裡的午市定食款式很多，今次選擇三款。鰻魚飯定食，鰻魚燒得香，質感幾好，肉質不會淋。汁也不會太多或過鹹。不過大食的男士可能份量不太夠。可以考慮加$10，便可任食三文魚壽司。細細件，質素正常，賣相不錯。不過要同枱每人都加$10。炸蟹蓋拉麵，拉麵軟硬適中，不是一早煮好。湯沒有什麼特別，蟹蓋釀入碎肉，幾香。牛肉鍋飯，牛肉味很濃，不愛牛的可能嫌騷。牛肉不會肥肥的，而且淋，份量也不少。配上什菜，個湯味濃且甜。以上三款均配沙律、啫喱及飲品。我們都叫了Cappuccino，幾香、好飲，仲要不需加錢。正！

The service of the waiters in this restaurant is a bit, I would say, and the dining environment is ridiculous. There is not enough space for its customer to eat comfortably and the waiters are pouring drinks and sauce on their customers. After the customers cleaned themselves with tissues provide on the table, no one came to deal with the mess even they saw it. In conclusion, the dining experience here was a complete nightmare.

呢間真係好唔掂！d人完全唔係做嘢，慢到離譜，兩年以來去過幾次都係咁，真係唔寫唔得！話說我同朋友尋日中午去食，本來想去荃新天地果間，但朋友去錯咗如心，咁就算啦，當比多次機會佢我哋12點05分落單，朋友叫咗鳗鱼炒飯，我叫咗咖哩豬扒飯，因為之前每次叫咖哩豬扒飯，佢都比錯滑蛋豬扒飯我，所以我落單時係講埋number,（每款set lunch都有number的），諗住咁樣唔會再比錯啦卦！再加廿蚊任食三文魚壽司，我朋友果set 12點10分左右嚟到，我果份就12點25分先到，耐都算！果然比我估中！又係嚟錯滑蛋豬扒飯！！！至於我哋叫果20件三文魚壽司係已經催咗4次到而家都未見影蹤！！！我朋友份飯亦早已食完！同埋其他比我遲入坐既人d嘢食都嚟咗！咁我梗係要佢整返咖哩豬扒飯比我啦，之前比錯都照食，但今次我唔再忍了！呢個時候已經係12點35分，我坐咗半個鐘，係完全無嘢食既，而任食壽司只係限時45分鐘！到咗12點40分，期待已久既20件三文魚壽司終於送到，我坐咗40分鐘先有嘢食！最後我份咖哩豬扒飯係12點50分先嚟到，我朋友想叫多幾件壽司都已經過咗時間無得叫啦！最後我哋叫埋單，足足等咗25分鐘先有人嚟收錢！好

新年同朋友飯局, 放題任食係好的選擇, 朋友預先book左位, 黎到唔洗等。位置鄰近荃灣西鐵站, 座位係sofa形式, 都幾寬敞。先黎個刺身先, 種類繁多, 有甜蝦, 帶子, 三文魚, 北寄貝, 凍蟹, 墨魚, 鮑片等等......而且都幾新鮮!還有海膽手卷同壽司, 雖然唔係好大舊, 有得點都唔錯了。味道ok!前菜也有很多選擇, 有八爪魚, 海蜇, 中華沙律同蟹子沙律。燒物也有很多款式, 鹽燒蝦, 雞翼同雞軟骨都好好味!天婦羅也有多種選擇, 炸蝦, 炸蠔, 雞翼, 南瓜, 芝士, 榴槤等等...... 都不錯!京都牛排味道很好, 甜甜地像燒烤味道。焗蠔蠔身就好細隻豚肉干很美味!飲品同甜品都很多選擇。

本人都有2-3年沒有吃放題了，一來放題價錢不便宜，二來放題的食物其實很cheap的，三來本人又不喜歡吃刺身，吃放題十分蝕的。不過，今天我姨姨請客，她介紹吃這間餐廳，所以我，姨姨，公公婆婆和男友一行5人便去漁屋吃放題。首先我要提一提大家，這間餐廳的座位比較少，而且6人卡位比較多，所以最好都是提前一天訂座會比較好，另外3-4人 / 5-6人去吃會較好，2人的話，很大機會要搭枱。這間餐廳的燈光十分光猛，我最喜歡的了。食物方面，我們5個人叫了很多食物，刺身，壽司，炸物，一品料理…大部分食物都味道不錯。個人特別推介炸物，燒物和一品料理。首先說說飲品方面…我叫了清酒（150ml），它不是原樽清酒上枱，而是倒入清酒瓶中。清酒味道比較淡了一點，完全不嗆喉，但一喝便知道是便宜的貨色。刺身方面，我們叫了很多大甜蝦和阿根廷牡丹蝦。大甜蝦不夠甜，他們說小甜蝦會更美味。不過，阿根廷牡丹蝦十分值得推介！牡丹蝦十分鮮甜多汁，十分美味！不過，餐廳送的鮑魚十分難吃，味道怪怪的！壽司方面，我叫了很多火焰壽司，包括火焰三文魚壽司，火焰帆立貝壽司，火焰芝士大蝦壽司和火焰和牛壽司。火焰三文魚十分肥美多汁，火焰帆立貝十分鮮甜，大

講起食日式放題，除了「大」字頭系列，更有「殿」字頭系列出爐，成功擄到食客歡心。香港有林林總總的放題店鋪，選擇多到令人有點眼花撩亂；今日同大家介紹這一間並不是太特別，但勝在食物和價錢頗不錯。提供的食物種類都很多（要有嘅都會有）；當然沒有「極」和「殿」可以提供的食物和服務。只能夠說在兩個鐘與食物大戰中，有不同種類的食物開始攻打你的胃，當中不乏新鮮的刺身、壽司、手卷、炸物、小食等等，戰果可以用一句說話概括，以咁嘅價錢食都咁嘅食物質素真係算不錯，也算是好好招呼左自己的胃了。最後，當然要中肯地評論下其他方面﹕服務態度一般但可接受，空間比較細，加上收碟好慢，有機會「碟」台高築，在你眼前出現一座座小山丘。總括而言，只是希望在令你眼花撩亂，林林總總的放題當中價供多一個選擇給予大家。

夜晚黎食930個場，去到就有位唔洗等。我好鐘意呢間個鋪係光嘅，唔似平時食放題個d鋪咁黑媽媽。我地係電話訂座，仲有得送黑松露鮑魚、藍色夢幻。呢間放提質素好好，高水準👍🏻刺身嘅選擇多又新鮮，當中推介蟹腳，佢仲會比埋較剪同叉仔，所以都食得好方便。另外，天婦羅都唔錯，我最鐘意個南瓜天婦羅，薄薄一片出面仲有d藍，有微微嘅醎味，好好食。壽司嘅種類多，而且賣相都好吸引，味道都唔差。最後，佢個羊架係好食嘅，我平時唔太鐘意食羊，但係今次都食左兩舊。我地食到佢就關門收鋪咁濟，但都冇催我地走，服務態度都幾好。會再黎食！

11月15日號 7:41到達餐廳 , 去到話即刻有位唔使等, 咁我同男朋友就諗住入去啦, 接待個位小姐話食2個鐘 ,268 一位 , 咁唔使等都ok既,接待果位小姐執枱擺位比我地既,之後佢即刻執左近門口果張 16號枱比我地, 同4位講普通話人士一齊坐 , 咁都唔緊要 , 各有各食姐, 坐低梗係即刻畫左野食先, 竟然比我見到我裝豉油果個碟 , 本身包wasabi 已經開左, 咁我叫接待果位換左佢,同埋係有禮貌同佢講 本身已經開左,叫佢換過碟黎,之後畫完野食 , 先發現 我男朋友連筷子都冇, 等到第一碟海哲沙律黎, 同其中一位男侍應講 , 你可唔可以比對筷子我, 我地連筷子都冇, 佢竟然一句都冇應我, 有d 黑面, 之後黑住面咁拎對筷子黎,都唔緊要啦, 我忍你, 之後黎親d 野食都擺係我地枱到, 但其實唔係我地叫,, 之後我地出聲同岩岩果個黑面既男待應講 , 我地叫d 野食 同隔離枱全部擺哂一齊喎, 到底依家點樣, 咁係咪唔會有野食,佢又黑面話 本身張枱係佢地坐先 , 講到好似係我地唔岩咁囉, 叫佢解決返個問題,佢又走左, 之後叫接待果個黎 ,佢竟然同我講, 一係我cut 哂所有你地張枱

一行三人到漁屋食午餐，這裡午市定食，可加$10，任食三文魚壽司（限時45分鐘）。數年前已有這優惠，但那次點了第一轉三文魚壽司，等了很久，來了定食才送到。再叫第二轉，到食晒埋單都沒有來。所以black list, 沒有再來了。但今次光顧後，我改觀了。首先，落單後，你叫幾多數量的三文魚壽司便會很快按order 送到。而且細細件，不會大大舊飯。最後我們都是叫了兩轉，上菜速度很好。而且剌身同飯比例很好。定食方面，選擇非常多款，應有盡有。我叫了燒牛肉烏冬。賣相不錯，牛很香。烏冬也是靚且彈牙果隻。

刺身新鮮，厚切但太細塊。海膽手卷好似唔太新鮮。壽司：左口魚裙邊，好滑好正。和牛，少許焦香味，大塊，唔乾。炙燒芝士蝦，爽口彈牙。清酒煮蜆，因為為冇酒牌嘅關係，係醬油湯底，好大煱，好多蜆，肉質爽滑，不錯。芝麻雞翼超好食，皮脆肉嫩入味！天婦羅蝦冇特別。鰻魚好腥。蟹蓋好早足料，啖啖有蟹肉。燒黑豚肉串好似五花腩，一層肉一層脂肪，略嫌太咸。黑椒牛舌略咸但厚切，非常淋好正！東京風牛仔骨燒汁甜甜地，肉嫩有牛味，推介！甜品淨係食得落雪糕啦！Hagaan Daz 有salted caramel 或綠茶，Movenpick有士多啤梨、朱古力、雲呢拿。本身$238一位，因為冇左酒任飲，所以變成$228一位。本來有梅酒任飲架😍總括食物質素幾好，如果有埋酒就真係超抵食！