51
23
12
港鐵荃灣西站 D 出口, 步行約6分鐘 繼續閱讀
所有分店 (3)
電話號碼
24009099
24009090
付款方式
Visa Master 現金 銀聯
其他資料
Wi-Fi
酒精飲品
自帶酒水
泊車 詳細介紹
電話訂座 詳細介紹
外賣服務
加一服務費
食評 (94)
好友的生日晚餐 焦點食評
等級4 2017-09-05
3022 瀏覽
之前跟好友慶祝生日,喜歡行荃灣的我就選擇在荃新天地第二期的漁屋食放題,呢個放題食肆在如心廣場都有分店,但個人比較喜歡荃新天地店的環境比較靜,在用餐前兩、三天就要電話訂枱,walk in而有位的機會係接近零,我們晚餐的日子在平日晚上,每枱都有食客,如果是周末應該更多人~~~ 這裡的點餐紙有多款,我和好友主攻刺身,其他的食物都會點少少來食~~~ 由於熱飲見唔到熱茶,所以我點咗樽裝解茶(飲唔晒都可以帶走),而好友叫咗兩杯唔同的特飲~~~ 原來未點食物,每人已經送上鮑魚一隻,味道不錯,左下的焗蠔不錯,但覺得沙律焗唔及芝士焗咁好食,羊架真係夠鬆軟~~~ 而呢間放題的刺身最喜歡用假花點綴,擺放靚得來又有點心思,不過當份量減少時就冇咁靚架啦~~~當日在點食物前好友覺得有D美中不足係冇海膽食,雖說我唔食甜蝦和螺,但我倒吃了不少刺身,D肉都切得幾厚吓~~~ 蟹皇翅雖然幾好食,但我個人不太喜歡未上已經落醋,湯清清地幾好飲~~~雞翼好好食,榴槤忘返都不錯,豆腐夠晒熱辣辣~~~ 壽司SIZE中等,雪米磁跟似水流年(榴槤糯米滋)的大小差不多,似水流年幾好食,但個人覺得錫紙牛油焗野菌比較鹽咗D~~~ 沙律倒不錯,但醬太多~~~ 最後送上的係每人只可以選一件的雪糕甜品,約三十蚊件的甜品再加以上的美食,都算值回「票價」~~~ 呢間放題冇乜漏單,刺身擺設算是別出心裁,怪不得長時間都有捧場客,雖然價錢貴過吉壽少少,部份座位在開揚位置,但食物質素和環境噪音冇咁多而感覺係物超所值~~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-02
13676 瀏覽
本人都有2-3年沒有吃放題了,一來放題價錢不便宜,二來放題的食物其實很cheap的,三來本人又不喜歡吃刺身,吃放題十分蝕的。不過,今天我姨姨請客,她介紹吃這間餐廳,所以我,姨姨,公公婆婆和男友一行5人便去漁屋吃放題。首先我要提一提大家,這間餐廳的座位比較少,而且6人卡位比較多,所以最好都是提前一天訂座會比較好,另外3-4人 / 5-6人去吃會較好,2人的話,很大機會要搭枱。這間餐廳的燈光十分光猛,我最喜歡的了。食物方面,我們5個人叫了很多食物,刺身,壽司,炸物,一品料理…大部分食物都味道不錯。個人特別推介炸物,燒物和一品料理。首先說說飲品方面…我叫了清酒(150ml),它不是原樽清酒上枱,而是倒入清酒瓶中。清酒味道比較淡了一點,完全不嗆喉,但一喝便知道是便宜的貨色。刺身方面,我們叫了很多大甜蝦和阿根廷牡丹蝦。大甜蝦不夠甜,他們說小甜蝦會更美味。不過,阿根廷牡丹蝦十分值得推介!牡丹蝦十分鮮甜多汁,十分美味!不過,餐廳送的鮑魚十分難吃,味道怪怪的!壽司方面,我叫了很多火焰壽司,包括火焰三文魚壽司,火焰帆立貝壽司,火焰芝士大蝦壽司和火焰和牛壽司。火焰三文魚十分肥美多汁,火焰帆立貝十分鮮甜,大蝦燒得剛剛熟,配上芝士十分美味!不過和牛不太像和牛,比較像普通肥牛。手卷方面,我們叫了海膽手卷,燒鰻魚手卷和軟殼蟹手卷。海膽手卷看上去不太新鮮,不過我男友說新鮮和味道不錯。燒鰻魚手卷十分肥美,不過鰻魚份量好像比較少了一點。軟殼蟹手卷內的軟殼蟹十分少,少到差點看不到,而且十分多炸粉,不抵吃。炸物方面,我們叫了海蝦天婦羅,蟹棒天婦羅,廣島炸生蠔,海鮮釀蟹蓋,和芝麻雞翼。海蝦天婦羅炸得剛剛好,不會太厚粉,炸蝦都十分大件,十分美味!海鮮釀蟹蓋內的蝦膠十分美味,芝麻雞翼十分鮮嫩多汁,而且都算大隻。不過炸生蠔便味道一般了,太厚粉了,蠔只得十分細粒。一品料理方面,我們叫了鐵板地獄炒蜆,網燒羊架,東京風牛仔排。炒蜆真的十分香辣,不過蜆內有沙,味道一般。網燒羊架值得推介,羊架肉質軟熟,完全不(鞋),不韌,而且完全不肥,十分美味!東京風牛仔排比較多肥膏,不過肉質都不鞋不韌,味道都不錯。燒物方面,我們叫了鹽燒雞中翼,鹽燒雞軟骨,神戶牛舌,鹽燒海蝦,鹽燒鯖花魚和芝士焗蠔。鹽燒海蝦十分美味,海蝦是原條的,燒得剛剛熟,海蝦十分鮮甜多汁,不過有點辣,但都十分美味!鯖花魚都是原條的,十分抵吃。芝士焗蠔十分美味,不過蠔都是十分細粒,差不多全部都是芝士。雞中雞和雞軟骨都味道不錯,不過牛舌便一般了,口感像豬大腸,不好吃。甜品方面,每人送一份HaagenDazs雪糕/Movenpick雪糕。不過選擇並不多,H字頭雪糕沒有熱門的朱古力味,夏威夷果仁味,雲呢拿味等,只得不熱門的味道…我叫了H字頭的岩鹽焦糖雪條,味道一般。M字頭的士多啤梨雪糕十分酸,朱古力味中規中矩。價錢方面,中午每人$228,另加一服務費,價錢中等。用餐時間3小時,3小時有足夠時間給我們用餐,very good!總結來說,漁屋放題大部分食物都味道不錯,個人喜歡中午的放題,因為時間充裕,大家值得一試! 繼續閱讀
(以上食評乃用戶個人意見 , 並不代表OpenRice之觀點。)
荃灣男朋友最中意食炸野,不過我真係唔太中意,好彩有放題呢樣野,可以食到唔同既日本野,咁樣我地先唔會為左食野要吵架咋。佢去到漁屋放題,佢就點左明太子雞翼同廣島炸蠔。男朋友見到,雙眼發左光咁,勁開心,雖然好熱氣,但係好香口呀,我都差啲忍唔住想食呀!而我呢,就點左刺身啦。一般既刺身都有齊晒,仲有好多選擇。最特別嘅係個張限量既點餐紙。話明係限量,梗係特別啲同好食啲。其中三文魚腩同黑松露鮑魚最吸引啦,三文魚腩勁厚切,鮑魚又好新鮮爽口,黎到一定要試試。最後食左個用錫紙包住燒既菇類,叫做正常,比D熱野落肚啦~諗諗下仲有一個星期就要開學啦,真係唔捨得Holiday呀~~~~ 繼續閱讀
(以上食評乃用戶個人意見 , 並不代表OpenRice之觀點。)
等級1 2017-08-22
1080 瀏覽
一條天橋,將荃灣幾個大型商場、政府設施一一連繫,感覺好似中環,又不像中環般,有地道小吃、也有多國美味,選擇很多,令人頭痛。漁屋是偶爾經過想去試下,反正比自己有個減肥前藉口,食到棒肚而歸。不過,餐廳位置雖然方便,但座位甘逼,確實會減分,好彩座椅有儲物格,有時,食客又多,好驚他們會一夠鐘就趕我走,你見到侍應目無表情時都有些心怯,不過,他們又冇甘做,唔知關唔關自己係宵夜時後食野關係呢?刺身是無敵,幾肥又新鮮,我好鍾意食蟹棒,幾容易處理,啖啖肉好滿意,其他仲有拖羅、牡丹蝦、赤貝、三文魚等等,食完唔會肚痛的。火焰三文魚壽司,其他仲有芝士大蝦燒、帆立貝、火焰墨魚等等,即叫即製,如果喜歡芝士的朋友,應該都幾鍾意口中少少地溶芝士的狀態有些驚訝的是炸物等熟食都是熱哄哄搬上來,呢對蝦都炸得脆口,蝦肉鮮不鮮就另講。釀蟹蓋,好Juicy,雖然食白海鮮汁多於一切,但味道真係好濃郁,亦好邪惡我叫左好有驚喜的水玄信餅 - 好鬼靚的水晶球,當然仲有名牌雪糕、韓國雪條,及多款甜品任君選擇。2小時任食會食得趕D,好似中午都有任食,仲係3小時添,我諗一定夠哂時間。價錢呢? 可以接受。餐牌呢? 選擇多,定期好似有新款推出,有新鮮感。所以,我應該會介紹朋友再去食。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-08-19
1119 瀏覽
 放題最好既就係比左入場費,可以任食,對於大食之人如我,唔洗就住價錢,想食幾多就食幾多,夠晒開心。 一嚟就order幾份三文魚先啦,好新鮮!  火焰芝士大蝦燒: 燒完就即刻拎出嚟,食落口仲feel到少少熱,最正係半熔既芝士痴落隻蝦度,爽口得嚟又有熔熔地芝士!  因為係訂座,所以每人都有一隻黑松露鮑魚,比起刺身鮑片好食好多,不過每人只有一隻咋,真係要好好珍惜。  本來我都諗住點一兩隻松葉蟹蟹腳試試,根據過往經驗都係勁難拆d肉出黎跟住就放棄左,但呢個喺廚房預先處理,到我地面前已經整碎好多,我地只需要將殻拿開,就可以見到蟹肉啦,勁方便呀!仲要有勁多蟹肉,一定要點!  最後食到勁飽,都唔太食得落甜品啦,好彩佢D甜品細細件,4個人一齊食都總算可以一齊Share每樣都可以每人細細啖試下。我地食左新出既粉紅佳人,比起其他甜品賣相靚好多!食落去好似係慕絲蛋糕咁,都幾好味架!  繼續閱讀
(以上食評乃用戶個人意見 , 並不代表OpenRice之觀點。)