漁場台風

營業中

休息中

黃店list💛未知佢係黃店前已經係人氣拉麵舖，經常都大排長龍，今晚去仲要排到轉左入巷仔添。門口有部幸福扭蛋機，$10一次分別有5個等級的獎勵。最低級的亦有添加麵底，點扭都唔會蝕呀😎今次我地用左3張舊單免費換一粒味玉🥚就到Halloween，室內裝飾都換上萬聖節主題，別具氣氛。入面有好多漫畫就係人都知架啦，估唔到連萬聖節都有story board😍非常用心呀👍另外，餐廳回覆完客人的comment會貼出黎，可以睇到老闆好有心聆聽客人意見👍温馨提示，麵底硬的話，可以口頭同侍應講都軟一點喔😉comment學返黎的😆魚介豚骨湯拉麵其實冇咩特別好形容😭就係好食，魚介湯濃郁，糖心蛋好正👍仲有紫菜，菠菜同荀。有菠菜加分喔海蝦豚骨湯拉麵食落多左櫻花蝦的香味😋我叫左300g拉麵底啱啱好夠飽，建議細食既女仔可以揀少份量。

🔹 燒海蝦味豚骨拉麵（$88）.小pin唔怕中風鐘意啲勁濃嘅湯底！😚呢度就啱我心意，以豚骨湯作基底，面頭佈滿櫻花蝦乾🦐,「結」得嚟蝦味好出，有龍蝦湯嘅錯覺！無味精飲完都唔會頸渴！枱面仲有辣椒醬同蒜蓉，想挑戰血壓飆升可以一試！灸燒叉燒頗淋，大大塊，溏心蛋流心啱啱好，一咬個蛋黃就流到成口都係，好幸福😳！配料仲可以自由轉（可以蛋轉荀／荀轉叉燒咁），適合醃尖要走乜走物嘅人士～🤪粗身麵底煙韌、彈牙得嚟掛湯程度高，每啖都充滿蝦嘅鮮味，又係怕你食唔飽--份量超多！係普通拉麵店既1.5倍🤣..🧧小提示: 午市係做沾麵 晚市做拉麵 想食就留意時間啦！

作為一個超級蝦控🦐對蝦所有既料理、菜式我都好鍾意！但就一直無試過蝦湯拉麵🍜今次就黎呢間係旺角出名蝦湯既拉麵店試下😋日間沾麵☀️夜間拉麵🌃兩段時間唔同選擇✨店內播住日本動漫歌，牆壁貼滿客人的留言/意見，老闆更會回覆留言😝除此之外仲貼上手繪漫畫、動漫海報黎佈置🇯🇵充滿心思和特色💯同時店員亦keep住講好正宗既日文👲🏻元氣滿滿(≧∇≦)成個環境氣氛都好似置身於日本🇯🇵燒海蝦豚骨拉麵 $88 (9/10)🔻湯底：一黎到已經聞到好香濃既蝦湯味🤤🦐加入左大量櫻花蝦 脆脆的好香🌸味道層次更提升更豐富！醬汁可選-> 少量/普通/大量✨(大量)味道香濃鮮甜 十分濃郁🤤湯比較杰身 鹹度適中 飲落唔會覺得口渴/味精 沒有油膩感🧡而👦🏻簡左(普通)飲落比較順喉 質地相對比較稀 味道無咁濃郁但一樣好香蝦味😋食唔慣重口味或者唔想太濃/驚鹹都可以簡返普通😝但個人推介(大量)好味啲‼️🔻麵條：麵條偏粗少少，有咬勁，軟硬適中，煙韌彈牙掛汁能力強💯令每條拉麵都充滿蝦湯的鮮味🦐麵既份量就算簡普通(200g)都係超級多！食極都有🤣唔大食既女仔簡(150g)已經好足夠！👦🏻簡左加麵底+$10 (300g)好似三碗拉麵咁多呀

初到店外見有人排隊等位食，感覺味道應該是不錯的店。可惜當麵端到面前一試，味道完全唔得，麵太硬也不入味，湯底也不行，只系得個濃字，打著海鮮豬彖骨麵的旗號，放幾粒蝦米就當鮮蝦湯底。實際上味道一點都沒有鮮味，反而像是隔夜的麵，糖心蛋也沒特別。打著甚么日本台風的品牌，但味道強差人意，下次一定不會再來食。見門口有人排隊等位。麵的款式就得四款，給人粗制濫造的感覺。味千拉麵比它做得好得多，慕名而來，排了20分鐘的隊，結果是失望而回。下次一定不會再來光顧了。

鋪頭裝修係日本動漫得 裝修同佈置得好有心機 牆上面亦剪貼左客人手寫既留言～好有心機🥰🥰🥰🥰 值得一讚！不過食物方面 小妹個人覺得普普通通 叫左海蝦蕃茄沾麵 先講妹既 麵好彈牙 好有口感 係好食既！不過sauce既味道就普通喇 一黎我真係食唔出蕃茄味🙈🙈🙈🙈 個sauce亦比我想像中稀不過成間店裝修同服務態度都加返分~啲staff都似係日本迷😆😆😆😆所以算係好用心經營既小店！價錢又唔貴張卡片亦設計得好靚

又食拉麵啦，今日來到呢間位於旺角既拉麵店，係旺角地鐵站行5分鐘就到。門口各樣漫畫圖案對於一眾毒毒來講真係相當吸引，感覺真係好日本風味啊🤩夜晚大概7點，已經有人係門口排隊等位，店員俾左張點餐紙我地，拉麵選擇唔算多，但係好食既拉麵幾個選擇就夠，係咪?😉 點餐紙令等位時間快過好多，因為拉麵份量配料等等同樣係可以好個人化，揀下揀下就有位了。我同朋友都唔鍾意筍，於是係點餐紙上要求走筍，店員見到後竟然話走筍既話可以換蛋/紫菜/义燒，真係好驚喜啊！🤩入到餐廳係更驚喜，周圍都係充滿動漫，店主亦將客人既意見一一貼出來，而店主亦會係意見下面回應啊，好認真!!😊拉麵湯底味道還好啦，但份量真係超驚人，為食朋友都話食到好飽😏，我本人直頭食唔晒，下次都係叫小份量好了，咪做大嘥鬼啦！整體來講餐廳成個環境真係好震撼!!日本人既誠意出晒來，要俾個like!!

晚上涼涼的，想吃拉麵。來到看了一下餐牌，拉麵選擇有四款，點菜紙以選麵量、醬汁和蔥，幾款味道的價錢只有微微差距。😉.點了魚介豚骨拉麵。👍🏻👍🏻👍🏻.湯質地頗濃稠，油份不太多，輕輕的呷完又呷。相當厚切的叉燒，性價比高﹗叉燒肥肉不算多，不過肉質並不乾柴，越是咀嚼越有肉香。水瑩的味玉，蛋黃油潤，有甜醬油的香甜。麵的份量比一般店多，點了少麵也吃不完，這個大家要注意哦。180g、250g、350g，按自己食量選擇。識食！惜食！🤗

氣氛十足的拉麵店，店裡一直播著動漫的熱血音樂，牆上佈滿漫畫插畫和客人的食後感，有點台式家庭感覺，讓人在等食物時看著期待感更高。同場更看到有兩位日本遊客拖行李去食拉麵，可能這店在日本也有宣傳過，店員亦通日語與日本人溝通，令人有去了日本的錯覺。$83｜鰹魚味豚骨味拉麵很喜歡他們的有自我選擇的ＭＥＮＵ，可選醬汁多少，麵量和蔥花。女生吃的話，不想浪費選150g就夠了。　喜歡這湯底比一般吃到的拉麵不咸，充滿鰹魚乾的香氣，明知最胖的是湯底還是忍不住喝了大半碗。麵質有彈性，麵條粗幼適中，附上的溏心蛋也夠入味，吃得很滿足。$88｜燒海蝦味豚骨拉麵朋友食這款，旁邊的叉燒是另外再加的。試了一口湯底，蝦的鮮味十足。叉燒就正常水準，不是半肥瘦那種，有點薄，不會有驚喜感。

在朋友極力推介下去咗旺角食一間有特色嘅拉麵店就先提大家旺角呢間台風早上同晚上嘅餐有分別早上食沾麵晚上食拉麵店外同店內嘅環境都好靚店外遠望係一間紅色嘅大屋店內就係貼滿一啲食客好評同卡通圖畫食物方面我先食咗魚介沾麵食客可以按自己喜好自由配搭下例如筍轉叉燒之類 更加可以加蛋個人好中意個湯底 好香之餘 當中浸湯蔥花非常之好食所以都十分建議將紫菜放入湯而麵係粗身麵條 彈牙又滑冷麵條浸入熱湯中 口感好好叉燒係粒粒形 唔算特別好食不過都有油脂整配沾麵分量好夠 食完飲下湯底 perfect一邊聽住日文歌一邊食沾麵 正埋單要交單俾錢 所以唔好整唔見張點餐紙喔

每次去都見到好多人排隊，但今次終於比我食到！！真係期待已久，果然都好好食，冇令我失望！我叫左個魚介拉麵，味道濃郁，麵身有口味，叉燒又很冧！下次我一定會再去試試其他款！超推薦！

一早聽聞呢間係荃灣果間全港第一拉麵店既姊妹店，但因為長期太多人排隊，一直都無機會同女朋友試到。難得既星期日，朝早做完運動都尚早，於是來排下。等候時間唔算耐，而且佢會比定張Order紙你，入到去等一陣就有得食。其實佢門口既指示牌已經顯示到呢間舖係走漫畫風。不過入到去就見到更加多漫畫裝飾，睇真啲原來好多都係食客既留言。佢地係上菜既時候會比返張Order紙你，下面有一欄係可以寫意見。牆上所見好多都讚話好好食，店員仲會寫上回覆再“貼堂”，感覺幾溫馨互動。睇睇下，主角食物上場啦，首先係個最經典既豚骨魚介沾麵，因為Order紙上寫明份量比一般其他舖頭多，所以女朋友叫左小份既麵。整體講算係我食過既沾麵既頭三位，麵既硬度適中，有咬口又唔會太韌，掛湯力正常。個湯唔似其他舖頭果啲咁濃，但其實亦非常夠味，只係影響左個掛湯力姐。所以建議重口味既人士可以好似食湯麵咁同時飲少少湯XD湯裡面既肉煮得好Lum好入味，大推！！可惜份量太少...我地Order左之後先見到牆上有告示寫話如果唔食蛋／肉／荀可以選擇轉做另一樣食材。下次再來的話唔食蛋既女朋友就可以將個蛋轉做肉了。除左經典口味，因為我第二次來，就試下佢地既黑芝麻

今日同朋友喺旺角食嘅拉麵店，值得一試!魚介豚肉拉麵 $78拉麵都幾抵食，普通麵量都食到好飽，豚肉亦都夠厚身，唯一可惜嘅就係豚肉可以再入味少少。豚肉同溏心蛋都夠淋，味道幾好。而湯底唔會好咸同重口味，濃度都啱啱好，好食! 到最後食完配料同拉麵忍唔住飲多幾啖湯底呢個係額外加嘅豚肉，份量好夠，CP值幾高!鍾意食肉嘅不妨可以追加豚肉，絕對滿足到你! 最後我同朋友都幾滿意呢間拉麵店，上餐時間唔會好耐，職員都好快手同友善，期待下一次再嚟旺角食

Lunch time 朋友介紹這間沾麵🍜好好食我們一行三人就去試我叫了🐟魚湯沾麵🍜濃濃魚湯味道湯底好鮮又濃味道好有層次好豐富麵身極有彈性總可以選擇250g麵🍜不用加錢。我會再光顧。

🎏旺角人氣拉麵🍜🎌對上一次去既時候係排哂隊 由於太熱既關係 所以係冇食到既hahahaha 😙利申 平時唔太中意食拉麵 最近唔知做乜突然心血來潮想食拉麵🤨▫️燒海蝦味豚骨拉麵 $88加左麵底之後 係多到成個碗就黎瀉個種🤤 (+ $10)湯底好濃郁 適合重口味人士🙋🏻‍♀️麵質偏粗 彈牙 個人好喜歡😻▫️魚介豚骨拉麵 $78魚介湯底對比起櫻花蝦個款淡 較為遜色🤥叉燒雖然得一塊 又比較薄 但係就比較大塊😎同出面其他拉麵既叉燒唔同 比較偏瘦🙉📍漁場台風 旺角快富街39號建煌華廈地舖 #eatwifcathy_旺角 #eatwifcathy日式 #eatwifcathy_拉麵#旺角美食 #旺角

自己一個經過旺角，每次基本上都會食台風。今日都唔例外，夜晚嘅旺角食嘢都貴，自己一個人又難搵位，所以都係去返台風食飯。7:00去嘅時候，門口都有人排隊，但一個人就以搵位得多啦。喺門口嘅時候，店員派左張紙比我點餐，已經填好曬食啲咩啦。等左5分鐘，我入去嘅時候好快有得食，我叫咗魚介豚骨拉麵。台風嘅拉麵啦份量非常之多，湯底甜得黎好濃厚，叉燒我喺吧枱見佢係用火槍燒嘅，好好食，鎖住啲肉汁。另外個麵底好爽，配埋個湯底就真係好好食啦。每碗麵都會有菠菜同埋流心蛋，配搭非常好，而流心蛋入邊係好軟㗎。所以，台風嘅拉麵真係係肚餓嘅時候令人食得好滿足，成碗面嘅食材都好好食，配搭亦都好好，價錢比出邊其他鋪頭平，份量亦比人多，所以底台風拉麵咁多人排隊！