滿記甜品 (已搬遷) 新店位置

尋晚父親節, 成個家族總動員去西貢食海鮮慶祝~~本應各人心情極靚....點知一間紅透半個香港既糖水鋪..搞到我氣谷谷!!!講真, 呢間咁出名既糖水鋪, 尋晚先第一次去, 羊群心理底下..期待左好耐好想下!見到門口人山人海, 生意多到幾間鋪位都裝唔哂, 諗住實冇死啦, 香港冇理由咁多蠢人架! 就算等半個鐘..梗係等啦, 好開心終於有位啦, 我仲滿心歡喜即刻叫左個, 我鐘意食開既"芒果西米露", 成家十一個人叫唔同既野~包括豆腐花, 芝麻糊, 楊技甘露, 涷腐竹糖水, 榴槤pancake....等等~~ 我碗芒西一黎到, 急不及待即刻擺落口啦..點知lur都lur唔切, d芒果酸到我la口la面, 真係好難頂, 我從來未食過咁難入口既芒果, 諗住退貨啦, 個呀姐話呢個時節d芒果係咁喎, 唔比退~咁咪局住食囉! 我仲諗住得我遭殃姐, 點知d豆腐花仲嚇人, 硬到不得了, 原全冇豆味, 簡直衰過7-11買有防腐劑個d! 個腐竹糖水應該冇難到啦掛? 我呀姨話面頭有雪, 又稀, 咁邊好食丫? 楊技甘露? 咪人做你做先得架, 真係要好食先擺出黎賣啦, 唔該! 真係遺背哂創辦人"利苑"既心血!總之,

環境：西貢呢間有幾個舖位，我比較鍾意舊舖，因為無咁多人坐，兩個人都唔駛同人逼，不過d 櫈就麻麻地好坐。有車之人可以泊係對出既停車場又或者Pepperonis上面個停車場。食物：香蕉pancake - 咁多年黎依然係我既至愛！香蕉肥do do，cream好香口，個皮薄同埋有一種出面食唔到既香味！$16/2件我覺得抵！楊枝甘露- 雖然無咩進步，但係依然可以話係食過咁多間入面最好食個頭幾間，芒果味好香，唔似得好多得顏色，但係無芒果味。$22/碗都算唔錯。夏天必食！椰汁蓮子燉雪烚膏(熱) - 一定要熱食，因為咁先食到佢既香味，椰汁好香，蓮子就要睇你好唔好彩，有時好林，有時就唔夠林，雪烚膏都幾足料，食落喉嚨個個感覺好滑，同埋好潤，女仔一定鍾意。$30/盅，係我冬天既首選。服務：普普通通，無咩特別。不過如果閒日下晝去的話最好唔好過7-11隔離個間食，因為係無人招呼你。總括黎講，如果有車，又或者咁岩經過開，絕對值得試一試！

連續第二個星期西貢遊船河, 食晚飯前先食個甜品. 有人叫個芒果pancake share, 而我自己就叫我至愛腐竹白果糖水, 清甜下火, 值得推介! 而且侍仔幾有禮貌, 唔錯!

雖然滿記開好多間分店(City Super內)，但我就覺得都係西貢呢間最好味！當日食榴蓮班戟、荔茸焗西米布甸同腐竹糖水。好明顯，個荔茸焗西米布甸比起係City Super 分店食真係香濃好多，正！而榴蓮班戟同腐竹糖水都係一貫水準。但感覺上總比其他分店新鮮。

20050515 10.30pm燒完o野食, 一班朋友7人一齊食個甜品先走. 老實我不嬲唔鐘意滿記, 不過今次就幾唔錯. 等位等o左一陣, 無辦法, 滿記真係無時無刻都好鬼多人.其他人食咩我唔記得, 我叫o左個綠豆沙拼涼粉($13)係怪怪地, 另外又有一個薑汁雪糕同埋芒果pancake share. pancake 都幾好. 薑汁雪糕係新產品相當唔錯, 入口夠滑有o的薑肉, 落肚之後微辣都幾得意.Total $160.

上星期試o左榴槤忘返,榴槤以唔係新鮮o黎講都算夠味.但係個人認為椰汁黑糯米配一球榴槤絕對唔值$35,下次唔會再叫.寧願買新鮮榴槤.

今日行完山, 同男友走到馳名西頁的滿記試下。我叫左個焗荔茸西米布丁, 男友叫左紅豆沙豆腐花。我個布丁好好味, 食到中間有d芋茸(液體狀)必出黎, 好香滑。

嗰日同朋友食完飯來這裡吃甜品，試咗杏仁蛋白，熱辣辣，杏仁糊杰度適中，蛋白很滑，又不太甜，好好味！

食完布袋澳，當然跟手就入西貢食滿記。食品方面都無驚喜，一向的大路。但自從市區分店開得多左。西貢店的資深員工都被分派出去睇住。加上車位越來越難搵，實在大大咁減低入去的意慾。

一球新鮮的榴槤果肉, 配在一球黑糯米上, 加上creamy 的椰汁, 十分配搭.難得在這三月的春天時分有最優質的榴果肉.榴槤份量好像比之前在openrice.com 上載的圖片為少.

小妹都試過“榴槤忘返”﹐不過係朗豪坊食gei*佢個榴槤球好香榴槤味...又有少少似雪糕,加埋椰汁,感覺好match ^ ^

自從2/27 和一班openrice 的食家見面後，對openrice 更加有歸屬感，所以希望寫多些食評為openrice 出點綿力。對於喜歡吃榴槤的我來說，西頁滿記最出色的莫過於「榴槤忘返」。綿細冰碎的vanila 汁浸著新鮮的榴槤球和紫糯米球，真的能讓愛吃榴槤的人「榴槤忘返」呢！

自從第一次食過佢\個杏仁茶加合桃露－－熱version，每次發現有咩地方有開滿記，都忍唔住坐低，同埋極力推介俾同行ｏ既朋友自己最鍾意佢\個杏仁茶加合桃露，又滑又香，稀稠合度，完全唔捨得再食第二啲嘢蓋\咗佢\陣香味芝麻糊都係滑到不得了，令人食過返尋味糖不甩冇令人失望，雖然有時熱嘢會賣晒同埋要等，但係當熱辣辣又軟靭適中ｏ既糯米團帶來極滿足口感時，就覺得等一下係有道理ｏ既．．．楊枝甘露當然好過許\氏甜品好多，夠專業。份量，可以俾女士們當一個好豐富ｏ既tea喇。要試吓佢\個芒果椰汁黑糯米，重點係佢\芒果／椰汁／黑糯米ｏ既比例啱啱好，真係會三樣一齊食晒，仲唔會太甜，一個字－－Pro.貪得意試過佢\個黑糯米布甸，奶／椰汁同黑糯米糖水ｏ既混合味道，同埋入口即溶ｏ既質感，唔怪得娛樂行嗰度個老細咁緊張，叫我唔好同啲熱食放埋一齊～全線員工ｏ既服務態度都算良好／中上，試過幫襯好多度啲人都好有禮貌。加分。

食過好多楊枝甘露, 包括杏花樓同金龍船, 始終都係西貢滿記的最好食.有朋友試左個Pierre 荔枝冰, 話好正,另外重叫左芒果pan-cake, 好好食, 不過略嫌貴左少少.

我2月11日去咁O岩經過西貢, 又見呢道有咁多食評, 咪試O下LAW...先講我叫的呢到至出名的榴槤布甸, 味道的確很好, 我係鍾意食榴槤的人, 但平時唔會叫用榴槤整的食品, 於終覺得怪怪地, 不過呢到咁出名呢O下野, 果然很好, BUT $18.一客同四方果O者喱SIZE 差不多的布甸就貴左D.D.囡囡的芒果都很好, 不太甜, 太腍, 很好味.老公的蕃薯糖水, 就不係好掂, 一D都唔甜淨係得D辣辣地O既薑味..雖然整體來講都係唔錯, 不過要山長水遠來, 就不值得, 因食品種類不特別, 價錢仲...!$$$