滿記甜品 (新城市廣場一期)

營業中

休息中

甜品係女仕門嘅第二個胃，我都唔例外。每次食左晚飯，我都一定會食甜點。我食過好多間甜品店嘅榴櫣班戟，都係得满記做到皮薄榴櫣容多，我可一次過食兩合。另外，满記有個芒果班戟都食得過。

吃了久違的焗茘茸西米布甸，這個傳統的中式甜品，很飽肚，顏色金黃奪目。西米沒有煮得過腍，茘茸很滑，表面焗得剛好，沒有過乾。即叫即焗，上枱時熱燙燙，香氣撲鼻。茘茸淡淡的紫色，夾在金黃色的西米糊中，一啖一啖在口中鎔化，滲透著幽幽的芋頭味道，真是口腹心靈的大满足。份量如果能大一點满足度更高。

吃過晚飯和姐姐一起去了滿記吃甜品，突然想吃水果，所以叫了一個有一球冰淇淋的水果盤，冰淇淋是抹茶味道，夏天果然還是抹茶味比較適合，甜而不膩，又有淡淡茶香，水果有西瓜，芒果，哈密瓜，木瓜，都很新鮮。還叫了一個紫米糕，因為本人一向很喜歡紫米的味道，而找來找去竟未見到熱熱的那種紫米粥，只好叫了紫米糕代替，好在味道也還不錯。不會太甜，保留了很足的紫米和芋頭的味道。

西瓜西米露>賣相似嘔吐物, 食落冇西瓜味, 份量極少海底椰涼粉>賣相尚可, 味道可接受, 但冇海底椰海底椰西米露>冇味道, 冇甜味, 似飲水, 唔夠凍, 西米極少腐竹薏米糖水>冇味道, 淡如水, 份量極少, 薏米超少綜合所有, 貨不對版, 垃圾, 都唔明點解會有人比<<讚>> ???

杏仁茶配黑糯米($23)碗杏仁茶送嚟嗰陣係暖暖地，唔太熱，可以即刻食。我鍾意推開咗啲黑糯米先再同埋啲杏仁茶一齊食。個杏仁茶幾有杏仁嗰種獨特嘅味道，再加埋煙煙韌韌嘅黑糯米，成個口感都好得意。如果話係唔係最好味，佢唔係。但又唔係唔好味。不過不失啦。

成日揀甜品鋪我都一定會揀返老字號 信心保證既滿記 呢排出左草莓系列 因此作為捧場客既我當然要試下啦 今次就叫左個草莓西米露  係甜品一上我就已經引唔住要即刻影底了 因為真係太靚 佢用個粉紅色杯仔裝住 裏面除左有D西米 令到杯甜品有曬口感 另外仲有d草莓果肉同沙冰 感覺好清涼 士多啤利味好夠濃 無望落去咁奶 而且份量比我想像中大 所以都食左好耐 價錢同滿記其他食品比都算合理 只要$36 推介大家試下

呢碗芒果白雪黑糯米，由芒果、黑糯米同埋牛奶Vanilla冰(?)組成。可能因為有病同埋芒果啦，所以真係好消暑。少少脆嘅冰，煙韌嘅黑糯米，熟透嘅甜甜芒果。。。真係配搭得好好。唔差，食完都幾飽。

滿記都係芒果出名，所以order左芒果西米露配雲呢拿雪糕。本身expect芒果好味d，點知雪糕先系主角。唔知係自家製定出面牌子雪糕，好濃郁既雲呢拿味道，真係好香。雪糕入面食落有d碎冰，可能有d人覺得貨不對板，但我個人覺得咁樣先有口感，無感沉悶，加埋芒果西米露本身已經好甜，咁樣有d碎冰中和下，反而容易入口d。西米露都ok既，普普通通，無癡住一舊舊，幾彈牙。芒果醬汁反而太甜，淡翻d，再多d果肉就perfect啦！呢個一份$39（雪糕要另外加$9）

都唔知點解女朋友咁鍾意食甜品，但小嘅為咗氹大人開心，唯有冒住增肥嘅生命危險，帶佢去最近嘅甜品店---滿記甜品。甜品店嘅內在裝修以白色為主，俾倒人地一種簡潔同埋classic嘅味道，但係就比較狹窄我地首先叫咗個38蚊嘅草莓豆腐花，都算幾貴賣相好靚好吸引上面有好多士多啤梨，成杯甜品呈粉紅色，真係好特別，用嚟氹女仔開心一流味道方面，底下嘅士多啤梨牛乳好濃同埋甜，加上有少少碎冰，一食落去好有層次，加上豆腐花嘅淡淡甜味，估唔倒士多啤梨同豆腐花可以咁夾，帶嚟咁多味覺上嘅衝撃 整體嚟講都好值得推介!

食完晚餐感覺唔夠飽，就行左去滿記再戰過，同友人分別嗌左芒果豆腐花同紅豆沙配豆腐花，兩個都比較便宜既甜品。芒果豆腐花，有大大塊芒果係面，加上芒果汁，成道甜品都係充滿芒果味，而芒果都好新鮮，唔會太酸。而紅豆沙配豆腐花，依個就不過不失，但比較特別既係出面食唔到。滿記仲有好多唔同種類既甜品希望下次可以試埋！

食飽飽，點都要食埋甜品先夠候既。滿記係香港都叫老字號，但仍然不斷推出一啲新既產品。今次就叫左抹茶豆腐花同雪山黑珍珠，先講講抹茶豆腐花，依個係滿記抹茶系列我比較喜愛既甜點，依首甜品除左豆腐花外，仲有紅豆黎吊味，豆腐花通常用糖水或黃糖黎配，原來配上紅豆同抹茶口感係可以咁新鮮！而雪山黑珍珠直頭係我既最愛，一開頭諗雪山以為係指抹茶雪糕，原來係入面白色一片片既野(唔知叫咩)，有d似沙𣲙，真係好fresh，又特別，基本上係其他糖水鋪食唔到！真係強烈推薦雪山黑珍珠！

話說小弟今日同朋友放學午餐食唔飽就去左滿記食甜品。我同朋友都叫左抹茶彩虹。有西瓜，芒果宜d例牌水果，當然唔少得抹茶雪糕啦。一見到佢覺得幾多colorful 好似幾正咁，二話不說就食左幾舊水果先，唔太酸唔太甜同埋都幾新鮮嘅，可以接受啦。但係個抹茶雪糕就真係閉家火。可能小編平時食開重口味，個人覺得雪糕冇咩抹茶味，令到整個甜品有d美中不足。不過整個甜品黎睇，中規中矩啦，可以一試嘅～

今次既飯後甜品，我地去左滿記星期日既沙田多人就係人都知，當然就連滿記都唔例外我地左一個最穩陣既芒果豆腐花諗住實冇死啦芒果豆腐花 ($28) - 芒果肉帶酸，芒果汁既味都好香濃，味道香甜，但豆腐花唔滑，質感仲有D 硬，比想像中差

榴槤永遠是我的最愛😳，每次去甜品店都一定會食有榴槤既甜品,但這個季節榴槤基本上不會出現在小型甜品店內，每每也失望而回！但幸好的是滿記這一大型連鎖甜品店一年四季都有供應榴槤產品，今次經過沙田滿記門口看了一看menu 想也不想便點了1個榴槤忘返😜外賣，滿記榴槤的品質算十分不俗😬，即使外賣把它密封但依然會聞到淡淡的榴槤香！ 回家後把它打開香氣樸鼻，看到一球榴槤肉及一球黑糯米伴著雲呢拿冰，雖然榴槤肉份量頗多及極香但食進嘴裏時榴槤味明顯不足，但另一可挽回整體分數的是小小的黑糯米，黑糯米混和了芋頭及粟米在內增加了咬口及香氣，整碗甜品給予了我滿足感！感恩在這季節仍有榴槤食

行街行左好耐好支力，又想食甜品但附近又無乜。忽然醒起有滿記就梗係去試下啦。記得都有成9年冇食過。三點幾去好多人，好不容易搵到位。叫左綠茶雪糕楊枝甘露，fd叫左椰汁糯米。綠茶雪糕無綠茶味，楊枝甘露無芒果味，好淡，好失望。又少料。相反，個糯米好淋好好食。椰汁又香，不過個甜品唔係我，只係試左少少，早知就跟距一齊叫。