滿記甜品 (朗豪坊)

營業中

休息中

白雪仙草芋圓🍦🖤🍡夏日消暑推介！呢款啱哂覺得單食雪糕太單調嘅朋友仔。成個甜品用雲呢拿冰(白雪)做底，有足足5款食材：雪糕(可以自己揀味)、涼粉、芋圓、紅豆同薏米。雪糕同涼粉當然消暑，滑嘟嘟又彈牙嘅芋圓配埋充滿顆粒感嘅紅豆薏米一齊食，真係口感豐富，令人百感交集😂。杏汁桃膠芋圓🍼🍑🍡 (凍又得熱又得)怕食生冷嘢嘅朋友就不妨熱食呢款補身甜品。杏汁潤肺又有助消化，大餐之後飲返碗係個唔錯嘅選擇。桃膠清熱止渴、紓解壓力、養顔嫩膚，可以話係女仔過夏天嘅恩物。不過成日甜品始終唔貴，所以唔好太期待桃膠嘅份量同質素。反而芋圓原來意外地同杏汁幾夾，顔色靚得嚟又彈牙，望到心情都變好呢！

情人節和我的靈魂伴侶食甜品慶祝！行過朗豪坊，諗起滿記甜品，不過一直都無機會食......突然想食台灣芋圓，咩都同芋圓有關......我地點了「雪山榴蓮配綠茶雪糕」「白雪仙草芋圓」雪山榴蓮配綠茶雪糕 （$53）榴蓮果味濃而香，和淡淡的綠茶成了一個很大的對比，也豐富了成道菜的口感。白雪仙草芋圓（$42）白雪仙草芋圓有一種幸福滋味，芋頭泥味道新純，而芋圓有QQ的質感，仙草則軟軟的，配鮮奶有一種平衡的效果。兩個人share 食就可以試曬兩種口味，又sweet sweet 食物賣相咁正，打卡都一流！

近日天氣乾燥，有時食完飯或者下晝都想食返一碗糖水，可以滋潤一下！特別有時在家中會開暖爐皮膚一定好乾燥，見到門口有「窩心燉品」系列，正正配合各位美女養顏嘅願望。 不過今次選擇咗滿記熱賣產品之一榴槤班戟，呢個班戟比平時出邊皮厚肉少，完全相反，就算一打開個盒都已經有濃烈嘅榴槤香氣，外皮薄包住滿滿嘅榴槤肉另外雜果西米露，可以揀椰汁或者芒汁底。水果都新鮮，還有爽甜嘅海底椰，當中重有紅肉火龍果，奇異果，西瓜和芒果。一次過可以品嘗不同水果滋味環境衛生，坐位都舒適，不過價錢相對貴，綜合來講休閑還是可以考慮嘅選擇

好耐冇行過朗豪坊的我，行到一半需要找地方坐一坐休息一番再食食甜品，滿記在晚上10點還是人山人海的雪山楊枝金露配綠茶雪糕 $49甜甜的芒果有少少的柚子粒沒有平時的西柚酸味，西米夠淋粒粒勻勻，但配上綠茶雪糕有些小怪怪的，職員沒主動提問雪糕口味，以為會配搭圖中的芒果雪糕海底椰白雪黑糯米配雲尼拿汁 $40有2大球的黑糯米非常足料，上面鋪了滿多的海底椰熱濃香芝麻糊 $27 熱芝麻糊配腰果花生露 $31味道 賣相 衞生 服務 抵食 推介

滿記甜品，係香港一間連鎖甜品食肆，香港人無人不知無人不曉。還記很久以前第一次去滿記甜品食了一碗涷楊枝甘露後就一直念念不忘，感覺全香港最好食楊枝甘露就在滿記甜品。滿記甜品好多元化實有一樣野你會喜歡的。除了較著名的楊枝甘露外、榴槤班戟、芒果班戟、西米露、湯圓我都愛食。價錢有好大眾化，所有的分店交通方便。今天我同朋友去到尖沙咀朗豪坊分店，裡面的空間不大，座位滿多擠擠的。人流不多無需排隊即可入座。店員非常之細心同我地推介今日嘅優惠甜品”雪梨亞答籽燉桃膠”,今天優惠價優惠價20咋$20咋，即點啦仲等咩吖天氣開始乾燥，滋潤的桃膠配雪梨，雙重的滋潤，桃膠又可幫助排便和美顏，亞答籽口感Q中帶韌，微酸帶甜，挺好渴給我潤潤的溫暖感。

今日諗住去朗豪坊尋找美食，無意經過滿記甜品，又好隨意咁望下門口個餐牌，跟住見到我至愛嘅西米焗布丁，咁就被個餐牌吸引左我入去食糖水喇，呢啲咪就係隨心而行，隨心而做，坐底後，服務員好主動咁推介左個超抵食又滋潤嘅糖水，就係“雪梨亞答籽燉桃膠“，原價$42，今日只需$20咋，最後我決定選擇呢個糖水，雖然係特價，但唔會因為特價而減少材料。大家都好熟嘅滿記招牌好特別嘅天花燈糖水甜度非常恰當，雪梨大大粒，滿滿嘅桃膠，好有口感，$20所帶來嘅滿足感簡直無得輸

來呢間滿記食糖水都唔算話坐得好逼嘅，始終喺商場裏面嘅舖頭，空間感會大d，唔同出邊嗰啲街鋪有太擠逼嘅感覺。今次我就試下楊枝甘露涼粉，噉呢個配搭嚟講都係唔錯嘅，價錢43元。

满记甜品之前几年偶尔还会去吃的，但是有一段时间没有光顾了，周末跑到朗豪坊溜达溜达就好，查到附近有就跑来试一下。这家店的店面还是挺小的，全开放基本上就是走廊边上的很简单的一家甜品店。卖的吃的东西的种类还是挺丰富的，各种班戟，芋圆，仙草等等都有，无论是一人食还是朋友一起约着吃一点都蛮不错，价格也合适。点了一份芋圆绿茶冰淇淋。上的速度还是挺快的，感觉味道也还行吧。随便吃一点还是可以的，服务态度也很好。就是高峰期的时候可能需要等位，需要点耐心，总体而言蛮好的一家甜品店。

我們今日在旺角食完晚餐，行到這邊影下相行下街，見在甜品又唔多食的甜品機會，今日有心情就食一次！幾種推介款式及舊式一般甜品。男友點了正在推介的冰涼鮮果優酪雪，有香蕉、奇異果、芒果3種水果，中間是涼快優酪及台式冰，更有提子乾、麥皮脆脆、下面更有纖維粒粒！我點了熱芝麻糊配腰果花生糊：香滑腰果花生糊、烏髮芝麻糊，夾埋食好健康又補身！座位比較窄，枱貼枱，同附近客人好近的位置，無乜私穩！光猛的環境，服務普通，但客人都幾多！

女人就係有個甜品胃，食完飯總係要食返個糖水先滿足🤭本身仲以為自己夠早，八點幾一定可以避過甜品店多人要排隊既時間，點知滿記都已經爆爆地，好彩店員開始開摺檯▪️ 雪山榴槤 💲51呢個有球抹茶雪糕，比預期中出色，入口順滑既，而且味道帶甘，個人覺得都幾似係哈根達斯既出品😛而舊榴槤蓉都有住濃郁既榴槤味，不過口感比較一般，入面就偏多絲同埋渣，搞到我成日都誤以為有頭髮係當中😳至於士多啤梨係雪到有少少似冰糖葫蘆既質感，食落係微甜，底下有椰汁🥥🔎 整體評分（7/10）

老二放暑假，我們到朗豪坊隨便逛逛，到下午茶時間，有點想吃甜品，就到滿記，因之前我們吃過，味道不錯！榴蓮+綠茶，老二叫的，榴蓮味好重，草莓好甜！其他好好味！榴蓮+紫糯米！又養顏又好味，我最愛老大叫的，糯米湯丸子！不甜不膩正好結賬共152，價格算合理！接受！

去星期五放工去左滿記食甜品，本身食完既白雪仙草芋圓上面個球係芋泥，好好食架，轉左香芋雪糕比較失色，又好甜唔係咁好食，轉左香芋雪糕比較失色，而朋友果碗重有條頭髮，有啲失望

雪山芒果西米露（配芒果雪糕）小丸子，成碗甜品，只有芒果雪糕好吃，其他差。芒果黑色，酸，小丸子堅固，消化不了。五十三元。又貴又差。薑湯䁔心花生丸，真心是䁔湯圓😓不是熱熱腰果花生露，沒有味道只有甜

喺附近放工同同事去左食滿記甜品。以前成日都食滿記甜品，覺得佢好有質素～～而且佢嘅份量都好合理～事隔一兩年.....當我再次幫襯滿記糖水嘅時候，我發現好多嘢都減分左～☹️👎🏻👎🏻👎🏻以前凍嘅糖水同熱嘅糖水嗰碗係唔同嘅，凍嘅會大啲..熱嘅會細啲。🙄🙄而家發現佢會用同以前一樣份量嘅細碗嚟裝凍嘅糖水，同埋有一個芋圓糖水～最初先推出嘅時候，我勁鍾意食！呢個芋圓糖水佢係用白雪汁做底，再加上台灣芋圓，同埋一整球芋頭來做～～～點知今次我想再叫嘅時候，一問之下，原來嗰個芋頭泥已經變咗一球雪糕🍦😑😑😑完全唔吸引！冇咗個精粹🥴

今晚食飽雞煲，醫飽左第一個胃，另一個胃開始呼叫啦。朋友與我都好喜歡榴槤，幾乎每次食榴槤都係食滿記嘅呢個榴槤甜品，咁啱去到又有位，仲要好好彩坐返我哋對上一次坐嗰個位（數數手指都年紀兩年前， ），興奮到搵返當年嘅相睇返，再影返一張一模一樣嘅嚟㗎當年今日🤣🤣. 影下影下個甜品就嚟啦!味道水準依然不變，不過年紀開始大，冇後生時期咁食得凍野嚕（敏感牙齒累事😭）！我哋兩個都好鍾情榴槤所以叫嘅都係一樣，食下傾下咁就一晚。