滿記甜品 (朗豪坊)

營業中

休息中

與朋友在朗豪坊晚餐後轉場到4樓的滿記甜品下場，吃吃久違的中式甜品。我點了杏仁蛋白，朋友則點了湯圓、楊枝甘露、芝麻糊。所有甜品實際賣相都與餐牌上的不同，杏仁蛋白長的像嘔吐物🤢幸好味道是正常的，但嫌杏仁味不夠濃。而朋友點的忘記拍照了，楊枝甘露及芝麻糊都不過不失，除了醜了點。但湯圓不但長得醜，第一次見扁到起角的湯圓，而且皮太厚，粉感太重，而花生料總覺得怪怪的，跟平常吃的不太一樣，不太合自己口味。可能太久沒吃滿記，現在的滿記跟印象中的味道差好遠，好像沒有以前的好吃。

行開朗豪坊，見到有好幾間食肆同梳乎蛋cross over, 於是上去4樓睇睇先，中央大堂位置擺左幾檔小食檔買梳乎蛋做型嘅食品，朋友對尼隻咁可愛嘅公仔冇興趣，一於入滿記，我叫我的梳乎蛋，佢叫佢的布甸。梳乎蛋布甸，入口香滑，甜度適中，加上做型可愛，真係大人小孩都啱食朋友至愛焗茘茸西米布甸，其實尼個布甸很好味，以前去酒樓飲茶都食到，宜家好似只有滿記有，咬落囗西米淋混埋芋蓉，好香好滑除左可愛的梳乎蛋布甸，仲可以選擇楊枝甘露同芒果冰，賣相都很可愛吸引最後埋單唔貴，見到D賣相咁可愛又美味嘅甜品，童真一點又何妨，人都會靚D😊最後不得不讚服務阿姐，雖然坐滿人，但好快就安排我地入坐，見朋友抱住個袋，立即拎個籃比佢放袋，細心又醒目👍🏻

旺角食完晚飯，想搵地方坐食甜品傾計哈哈 😆最方便都係去朗豪坊食滿記，平時會走去山東街個到，但今日太累😳滿記menu選擇超多，睇左好耐先叫到野食。點左芒果黑糯米甜甜（$35）同西瓜豆腐花🍉（$29）好耐無食芒果黑糯米，仲要滿記嘅黑糯米唔係普通淨黑糯米係加左栗子🌰2大球糯米食到好飽救命配椰汁🥥冰底食 正😁 雖然芒果有d生 好酸😳西瓜豆腐花較為普通，豆腐花呢，大埔人表示去阿婆豆腐花比較好。豆花豆味淡，亦唔係幾滑

那天在荃灣滿記嘆甜品，環境很好，滿記集團各分店的裝修都十分雅致，有自然風格，令人感到舒適。那天好想吃芒果甜品，是滿記招牌甜品，楊枝甘露。椰奶的味道不夠，柚子肉太酸份量不多，但芒果很肉很甜，酸味少，但口感很不夠滑可能西米發得不好，整體水平下降了，不是不好吃，而是比起其他分店的出品，好像是差了一㸃。芒果窩夫班戟才第一次嚐，窩夫很香脆，有牛油底，芒果肉多甜少酸，而㵉上的芒果醬超好味，再吃芒果雪糕，很濃郁的芒果味，想必是呂宋芒啊! 真是芒味爆燈的甜品，如要吃滿記芒果甜品，非芒果窩夫莫屬，但滿記出品，口味間間有些不同，而荃灣分店，芒果窩夫必食之選。

滿記甜品🍮自從成日比大陸人搞到間間都排隊，好耐好耐係食過滿記，難得今日19:30行開朗豪坊，唔洗排隊我係一個榴槤控♥️黎到夏天成日心思思想食榴槤，一坐低就點左個⭐️榴槤忘返 -$46陣陣榴槤香氣，濃郁稠身的榴槤肉超吸睛，吃落甘香可口，榴槤味在口中揮之不去😍配上椰汁打成的碎冰及紫米球。非常有咬口。-⭐️榴槤班戟2件裝 - $34因為食左榴槤忘返先。佢入而有大大啖的榴槤肉，到食依個班戟時比忌廉稍稍搶了風頭，但依舊吃到一絲絲的榴槤蓉。-以下5星為滿分🏞環境：⭐️⭐️⭐️💁🏻‍♀️服務：⭐️⭐️⭐️🗑衛生：⭐️⭐️⭐️😋美味：⭐️⭐️⭐️⭐️🔊推介度：⭐️⭐️⭐️⭐️總分(7/10)

消暑聖地滿記甜品！今日要帶住仔仔玩足全日…由朝玩到晚…見佢今日冇咩扭計就獎勵下佢！帶佢食甜品啦！滿記甜品更有一間係身邊！我地係朗豪坊放完電落電梯就見到滿記！仔仔睇到個餐牌經已興奮到坐底埋…好啦！就一齊食雪糕啦！滿記甜品d糖水睇落好似好細碗！但係其實份量十足呢！今次同仔仔揀左綠茶牛奶雪糕涼粉雪山！說真的！我真係好鍾意食滿記個綠茶雪糕！佢個茶味濃度岩岩好！涼粉又唔會好苦！撈埋一齊食味道一流！仔仔就食個牛奶雪糕！一人一半岩岩好！d雪山冰塊我最鍾意壓溶哂佢黎飲！超正！總括：環境衛生良好！店員細心！見我同仔仔兩個人主動拎兩隻匙俾我地用！甜品唔洗我講大家都認同味道一流啦！下次出黎旺角一定再帶仔仔黎！最重要係坐得舒服！唔洗同人迫呢！

晚上9點多走🏃到旺角街頭...女兒又嚷著食甜品...滿記常常經過, 今次就幫襯下😁門口有人群, 但等了不久便有位置!點了芒果糯米卷, 腐竹薏米湯圓糖水及芒果泡泡浴!😂芒果泡泡浴的確很吸晴!😍鴨仔是冰芒果汁! 牛奶泡泡浴! 最底是芒果布丁!😳造型的確有花心機!👍芒果糯米卷! 芒果超甜!😋 唯糯米皮太薄了...腐竹薏米湯水, 正常中式糖水!!評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐服務: ⭐⭐⭐

係朗豪坊食完晚餐，後面緊係要食埋糖水先夠滿足。 結果去左朗豪坊既滿記。 呢個紅棗雪耳猴桃糖水要成$34, 以一碗中式糖水黎講都係偏貴。 不過幸好吾算好甜，都算食得落😓 料都算幾多下既，滿滿一碗， 只係冇咩糖水，好似只係食料冇咩點飲糖水咁。

落雨，又落雨，偏偏聚會先黎落雨。每次我地都會去d小店食下甜品，分享下戰利品，今日落雨唯有去商場間滿記試下啦。芒果脆脆窩夫，窩夫應該係一早整好，放左成日咁款，又硬又凍。芒果可能唔當造，好明顯浸過糖水，但都食到酸酸地，最正常係球芒果雪糕。海底椰白雪黑糯米，黑糯米太甜，椰汁底又係得個甜字，毫無椰香，海底椰最正常，好似超市自己買返屋企果d咁。總括黎講，呢碗野確實係甜品。下次落雨都係冒雨去返小店，起碼差極都叫正常。

朗豪坊入面既甜品店都係得果幾間, 行過見好耐無食滿記, 又見佢新出左芭菲系列, 仲只係賣$38,其他生果涼粉都要成$40店內坐得逼就係常識黎, 而望左一轉都無見到有人食芭菲, 都驚有D中伏, 不過見佢咁平都係想試下XDD宇治金時芭菲($38), 等左差唔多20分鐘先有得食, 睇黎整呢樣野都好花時間, 不過上枱果下確實有D失望, 因為入面D 雪糕好似溶左一半咁, 樣子真係唔係幾討好驚喜在後頭, 芭菲入面有綠茶雪糕, 綠茶啫喱,紅豆, 可可脆片, 忌廉, 好豐富, 而且每樣配料都好夾, especially綠茶啫喱好好味!! 另外仲叫左個西瓜西米露($29), 呢個普通, 唔太甜, 西瓜份量比較少

第一次食滿記就係芒果鮮奶樂！雖然滿記最出名做榴連，但我最愛都係鮮奶樂 ($29) 😋 .甜度控制得非常好，比坊間多數出品都少糖，保留牛奶醇香 👍🏻👍🏻👍🏻 .魚膠粉量亦係啱啱好，布甸唔彈，非常軟滑.抹茶雪糕啫喱 ($35) 都唔錯，但無驚豔感覺，畢竟香港有好多抹茶甜品專門店

旺角成日都好多人，今日同朋友玩完board game，用完腦，緊係要食返d 甜野。行到入朗豪坊，見到呢間野唔洗等位，店員叫我地隨便坐。所以就自己入左去揀左個位坐底。店員就拎左餐牌比我地揀甜品。朋友嗌左個芝麻糊加豆腐花(熱食)，我就嗌左個楊枝金露涼粉等左5分鐘左右，店員就遞甜品比我地。朋友話個芝麻糊配豆腐花幾好味，不過d 豆腐花係凍既，熱同凍夾埋一齊，感覺少少怪，但唔係難食既。我呢個楊枝甘露涼粉，都幾足料，有好多芒果同涼粉，仲有d 西米露幾有咬口，唔會係"林"晒個種。份量都岩岩好。

吃過晚餐，大約9pm 左右來到滿記，等了一張枱的時間，聯同友人合共三位，點了兩份甜品。· 海底椰白雪涼粉 $36· 楊支甘露涼粉 $37· 我喜歡這份甜品，椰汁微甜中內含vanilla 雪糕，冷吃比較美味。而涼粉不甜，沒有太大突出的味道；椰肉就比較有嚼口，略帶絲絲椰香，我會推薦！· 相對海底椰涼粉，這份就更淡口。楊支甘露味道清淡如水，涼粉沒有味道，加上西柚略帶苦澀味，整體感覺是又苦又淡，我不懂得欣賞。總而言之，我覺得吃糖水可以有更好的選擇，滿記可能適合遊客，因為出名。但係作為一個窮苦百姓，三十幾蚊咁細碗，差啲唔記得左講，係好細碗，同你係大排檔食飯個啲碗既size差唔多，真係細碗（很重要所以要講三次），我覺得一啲都唔抵食。講真芝麻糊乜乜乜個啲，你去自己買來diy 食，或者係啲專門食中式食物既鋪頭，會真係好啲。因為我覺得去食甜品，就緊係想來點不一樣既嘗試。但如果你係陪朋友想吹水為重點，我都唔建議食滿記，因為人太多，佢都好快上食物，食完就幫你清枱，你都唔好意思留咁耐既感覺，所以我真係麻麻呢間鋪。當然你鐘意食淡口甜品、小鳥胃覺得細碗份量剛好、貪佢夠出名，咁我就會好推介。

平時一開呢班朋友食飯，飯後甜品係指定動作，夜晚喺旺角食完，所以揀咗喺朗豪坊滿記嗰度食。大家都係芒果人，所以每個人都揀咗款芒果甜品。芒果白雪涼粉＄39同圖片上就真係有啲出入，份量唔係好多，成碗都係椰汁，入邊有好多碎冰，芒果就幾好食，唔會太甜。芒果黑糯米甜甜$39兩者嘅差別只係涼份轉咗做黑糯米，黑糯米幾好食，煙煙un un,椰汁旁邊都係碎冰，食落去覺得太凍。榴槤pancake $34個人就最鍾意呢一個pancake ,滿滿嘅榴槤，好香，雖然入邊好多忌廉，但係都叫可以接受。

今日早上要去中環複診......下晝要到旺角上堂....但係中間有成三個鐘頭空檔唔知去邊度.....唯有去朗豪坊行下....但係行嚟行去都行唔到三個鐘卒之去咗4樓滿記甜品食糖水好耐冇嚟過所以試吓水準可唔可以保持到好在我一個人來...！唔係想搵個位攝下都難黎到一定要食我最鍾意食嘅榴槤班cake不過我依家覺得滿記越來越多人質素就未必越嚟越好....！因為成＄34兩個班cake.....榴槤肉得好少....忌廉多多之後我再揀多個紅豆沙芝麻糊湯圓啲紅豆少得可憐三匙畢完已經冇晒豆....只得返水味道更加一般般湯圓就還可以不過得三粒可能真係鋪租貴.....所以食物嘅用料未必好足夠....