滿粥順德粥底海鮮火鍋

營業中

休息中

月頭出糧日，與風先生決定對自己好一點，到大角咀嚐一嚐新開業的粥底海鮮火鍋選了$298 龍蝦餐🦞7款時令海鮮 - 龍蝦、蟶子、鮑魚、大蜆、沙白、基圍蝦、魚片所有海鮮都超鮮甜，🦞龍蝦肥美肉厚，肉質鮮甜彈牙，蟶子與基圍蝦本想再額外追加，但被風先生阻止（知我眼闊肚窄）每款海鮮均有教學提示烹調時間，不用擔心煮過熟6款自選火鍋配料 - 金菇、萵苣、手作凍豆腐、雞件、鮮蝦雲吞及牛肉芝心丸超推薦牛肉芝心丸，滿滿爆汁芝士3款煮粥時蔬 - 粟米、南瓜粒、芋頭粒1款精華海鮮粥火鍋末段，在吸收滿滿海鮮精華的粥底，加入芫茜、菜脯、蛋漿及豬油渣一同烹調，提升了粥的口感和味道，大滿足侍應姐姐服務貼心，主動頻密地收拾海鮮殼及定時加湯餐廳的店面不大，約能容納30人，我是在平日晚上幫襯，7:30左右已經全場座滿，建議大家到訪，最好是先行訂座餐廳另有一間VIP 房，可以容納12人，平日一至四，最低消費$3,000，五六日假期，最低消費$3,500，已經計劃下回帶一班朋友再來總結：清粥底能品嚐到海鮮原有的鮮甜，「滿粥」選用的食材新鮮而且份量足，讓人捧着肚子離開，令人回味無窮

What a surprisingly nice and worth-trying restaurant in TKT which offers fresh seafood😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻We found the restaurant is fabulous so we seat in and had super nice catch up. The food is super fresh and sweet !We can park car outside! The crab 🦀 set just cost $198 and we are full! Can choose 6 other bino 配料！ worth to give it a try ! The shrimp 🦐 is still moving ! 😍 so fresh and nice !Yeah I guessThe crab 🦀 is 好鮮甜！

老公話大角咀開左間新嘅粥底火鍋，所以佢帶左我食果度食飯。去到發現已經全full，好好生意，我哋等左一段時間就入座。餐牌有三個餐，我哋揀肉蟹餐，套餐有七款海鮮、六款自選火鍋配料、三款煮粥時蔬配料同一款精華海鮮粥。另外枱上嘅紙話你知每款海鮮煮幾耐，食嘅流程，幾時落煮粥配料等，仲有比埋個計時器計時。粥底：用日本珍珠米做膽煮粥水，清淡帶甜，夠晒健康。海鮮：有沙白、蜆、鮑魚、蟶子、海蝦同鯇魚片，肉蟹當然係主角。所有海鮮真係新鮮，好鮮甜，樣樣都夠大隻。海蝦好生猛，仲郁緊，鯇魚片一D都唔腥。自選火鍋配料：揀左美國肥牛、黑毛豬腩片、瀨尿牛丸、手工鮮蝦雲吞、魚片頭同金菇。各款火鍋配料都用心揀過，高質，其中瀨尿牛丸同手工鮮蝦雲吞我就特別鐘意，幾好味。海鮮粥：食完海鮮後，先落南瓜、芋頭和粟米，然後再食火鍋配料。食完火鍋配料，職員就問我哋，如ready就可煮粥。粥配料有菜脯冬菜、豬油渣同蛋漿。我唔意食莞茜蔥，所以走晒。呢個粥係用之前食海鮮所有嘅精華去煮，老公話夠鮮甜，飯同煮粥時蔬配料都煮到溶晒，我哋勁鐘意，覺得好好食。

餐廳主打粥底火鍋🫕 先品嚐當天購入的生猛海鮮及火鍋配料，最後再放入配菜，熱氣騰騰盡收精華的海鮮粥口感清新鮮甜呀🤤▫️❥$𝟭𝟵𝟴 肉蟹餐／ᴘᴇʀ ᴘᴇʀꜱᴏɴ 🦀ᐝ 7款時令即劏海鮮ᐝ 6款自選火鍋配料ᐝ 3款煮粥時蔬配料ᐝ 1款精華海鮮粥◂ ◂ 店員細心的告知每款食材放入鍋中所需的時間，再用計時器算好⌛️◂ ◂ 海鮮方面真的鮮得沒話說，每一款都很喜歡👍🏻◂ ◂ 自選火鍋配料推薦要試醬爆賴尿牛丸，爽彈又爆汁，美味👍🏻◂ ◂ 黑毛豬腩片肥瘦分明，不會過於肥膩，也很推薦👍🏻◂ ◂ 最後的海鮮粥加了南瓜、芋頭、蔥花的，清新又鮮甜🎃 太飽的關係只淺嚐了幾口便外帶回家🙊

朋友介紹我食滿粥話食完都會好滿足，所以今日就嚟大角咀試一試我哋揀咗c肉蟹餐首先就嚟咗七款海鮮最驚喜係真係好新鮮，啲蝦都仲一路郁緊㗎！海鮮嘅份量都OK! 好高性價比鮑魚大隻！最抵讚係啲蟹 真係好多膏!平時喺屋企食海鮮一定要搞一大餐，又要洗喺呢度就好簡單，有寫清楚每樣海鮮所需時間set 返timer 就ok!整體嚟講海鮮都好鮮甜啲蜆都唔無沙 食到呢度就滿足左我第一個食海鮮嘅願望之後就到打邊爐啦揀咗六樣唔同嘅配料瀨尿牛丸、魚腐竹卷，花膠都有！我哋兩個人食，啲配料都夠多！足料喎！ 平時淨係嗌呢啲配料打邊爐可能都唔平啦！有誠意！樣樣質素都好好 睇落食落都覺得牛同豬係靚肉到呢度已經好飽啦，但係又點能夠冇粥呢？打邊爐到最後員工會好好咁過嚟幫較粥本身個湯底已經充滿咗唔同海鮮嘅精華，仲有邊爐嘅精華呢！加咗粥膽、蛋漿、豬油渣、莞茜、菜脯、冬菜、蔥花 兩個字 好味！總結呢個價錢可以食到咁多樣嘢仲有海鮮，樣樣質素都好味，值得推介！

媽媽喜歡吃海鮮，已經試過多間蒸海鮮店。上OP見到呢間係海鮮粥底打邊爐，就帶佢嚟試試。我哋2人點了龍蝦餐，除咗海鮮外，仲可以揀肉同菜共6款配料，好豐富～店員先上粥水做湯底，我就去自助配料區配出蒜蓉辣椒豉油，準備一陣配海鮮食。沙白及海蝦先到，沙白大大隻，根據指示只需煮到開口就可以撈起，食落好鮮甜脆卜卜，真係唔好煮太耐。海蝦是生猛仲跳緊，隻隻食落都夠彈牙。之後再上海鮮拼盤，有蟶子皇，鮑魚，魚片及龍蝦。蟶子皇大大大隻，煮幾分鐘即食得，完全唔駛任何調味直接食已經好正。魚片同鮑魚都一樣出色，根據返個烹調時間剛剛熟就最好。至於主角龍蝦，上枱時都係好生猛，肉質結實，食落彈牙大大隻有膏！食完真係好滿足！食完海鮮，店員就上火鍋配料，大推牛骨濃汁牛丸，食落爆汁。黑毛豬同肥牛都好正，份量足。最最最後，店員會加豬油渣+菜圃+米粥去調配海鮮粥，碗粥真係不得了，比起蒸海鮮的粥底完全唔同，鮮甜好多。粥底海鮮餐幾乎無調味料，單靠店家入貨靚海鮮。今次食到好滿足，媽媽已經問定有冇大枱，下次同親戚一齊再嚟。另外想讚一讚呢度店員服務很好，主動加湯底及清理枱面👍🏻

今天和朋友在旺角行街行到大角咀，見到在附近有食粥底火煱店舖，亦見到門口有優惠食譜，於是就走了入去食海鮮粥底火煱🔥此餐廳位於大角咀杉樹街金基大廈地下G7號舖，鄰近旺角及太子。店內裝修簡潔，卡位坐得舒適，啱晒食火鍋。粥底結白，我揀咗店員推介的肉蟹餐😉 有七款時令嘅劏海鮮、六款自選火鍋配料、三款煮粥時菜配料及一款精華海鮮粥，真係好有特色💯肉蟹餐嘅海鮮配料有肉蟹、基圍蝦、鮮魚肉、聖子、鮑魚、沙白蜆同細蜆，之後來火鍋配料有美國肥牛、手工鮮蝦雲吞、薑汁皮蛋貢丸、黃金響鈴、養顏花膠片、唐生菜，樣樣睇落都新鮮好味😋仲有粒粒南瓜、芋頭、粟米用來煮粥食。粥鍋滚開後，我哋先放海鮮落粥底火鍋，間餐廳有個計時鐘及餐牌話你知放肉蟹要十分鐘、基圍蝦同魚肉就要2分鐘、鮑魚要3分鐘及蜆就要2分半鐘，跟住做真係吃出鮮甜好好味。落完海鮮後，先落南瓜、芋頭和粟米，跟住就落埋所有火鍋配料，最後令到粥底超滋味。而火鍋配料嘅牛肉亦好有肉味，手工鮮蝦雲吞好夠爽口，養顏花膠片又夠大件又入味夠林，尤其是薑汁皮蛋貢丸，真係令你吃到所有好味道。最後加入粥膽、蛋漿、豬油渣、芫荽、菜譜、冬菜、蔥花，一起沸騰攪拌後便熄火，可慢慢品嚐，這真是極品海

杉樹街附近好多新樓起好探完朋友新居後落樓下就有好多餐廳選擇今次去咗間打邊爐估唔到有驚喜🤩🔅揀餐好方便，先選A,B,C食龍蝦/肉蟹/2樣都要餐廳已配好其他時令7款海鮮自己再係表格上選擇6款火鍋配料餐紙有說明打邊爐食嘢次序同埋教埋每款海鮮煮幾耐最後先再煮粥🔅海鮮方面🦀🦐🐟我地揀咗肉蟹餐餐廳今晚時令海鮮有沙白、蜆、鮑魚、基圍蝦、魚每款海鮮都好新鮮，仲郁得好生猛㗎！沙白同蜆好重海水味，蜆肉好肥厚鮑魚爽口，基圍蝦肉質鮮甜重點肉蟹好多蟹膏，蟹肉鮮甜，真係食到舔舔脷🔅配料方面🐮🐷肥牛叫咗兩份，正正常常黑毛豬腩片厚薄度適中，腩片爽口豬味濃，推薦💯牛骨濃汁牛丸、台式墨魚丸大大粒爽口彈牙，用料十足🔅最後職員拎咗啲濕飯出泥煮粥🍚索晒每款海鮮嘅精華，好濃好好味每人至少都有三碗粥分配，飽到上心口呀📍滿粥順德粥底海鮮火鍋 (大角咀)🔎大角咀杉樹街2-16號金基大廈地下G7號舖

有3款套餐選擇，我地就選擇左最平既$198試下水溫，$198已經包左7款海鮮🦀、6款自選火鍋配料🍲同埋最後個粥。🦀海鮮🦀拎去粥底打邊爐，最緊要係海鮮一定要夠新鮮，一子錯滿盤皆落索，就算係一隻硯仔岀事，已經可以令最後果煲粥唔同曬。而店家就深明呢個道理，所以拎上海鮮盤嘅時候，已經❤️溫馨提示❤️我哋，佢哋係選擇最優質嘅海鮮，但係硯真係用肉眼睇唔到，所以叫我哋如果食到其中一粒有砂就通知佢地，佢哋會將成個足底幫我哋換咗佢，以確保我哋食到最後果啖靚粥。海鮮同埋火鍋配料，佢都係按人頭去俾個份量，但係唔需要擔心，我呢個黑洞胃都飽到上心口。🤭因為我同我老公都太欣賞呢間嘅美食同埋服務，所以就問咗包房嘅細節，如果冇記錯，星期一至四就minimum charge 3000，五至日就3500/4000(唔肯定），我就已經組緊團喇😆早食早享受。🚨🚨最後，佢有一個儲印仔嘅活動，食一個餐就有一個印，儲夠10個，下次再去就送一位$198既餐（詳情請問返當日嘅店員）。🚨🚨

放假去旺角行完街，朋友仔提議不如去食粥底海鮮火鍋，上OpenRice見到大角咀有間「滿粥順德粥底海鮮火鍋」，價錢又唔貴，今晚就一於食佢啦😉有3個餐選擇，肉蟹餐$198、龍蝦餐$298、孖寶餐（肉蟹+龍蝦）$348，我哋一樣都揀咗龍蝦餐🦞枱面會有一個計時器，我地就可以根據返唔同嘅海鮮煮合適嘅時間😄7款海鮮龍蝦、鮑魚、蟶子、沙白、大蜆、基圍蝦、生魚片龍蝦每人半隻，勁大隻仲帶有蝦膏，肉質鮮甜彈牙，貝類隻隻肥大飽滿亦冇沙，基圍蝦非常新鮮，上枱時啲腳仲郁郁下架，蟶子肉質爽口Q彈，食得出所有海鮮都係新鮮即叫即劏，正👍🏻食完海鮮之後店員就會幫我哋加入粟米、南瓜、芋頭，之後就會開始食火鍋配料🍲6款火鍋配料美國肥牛、黑毛豬腩片、鮮蝦雲吞、魚皮餃、爆漿瀨尿牛丸、松露香菇貢丸肥牛只需輕輕一淥就食得，肉質軟稔肉味濃，豬腩片肥瘦相間，識落一啲都唔肥膩仲滿口油脂香，丸類較有特色，一口咬落爆汁，好食😋最後店員會幫我哋加入粥膽、蛋漿、豬油渣、菜脯、冬菜、芫荽、蔥花，湯底充滿海鮮嘅鮮味，再加上肉類嘅油香，煮好後一碗金黃色嘅粥就呈現喺我地眼前，鮮甜又軟綿，每人食咗兩碗都唔夠喉😆📍滿粥順德粥底海鮮火鍋 (大角咀)大角咀杉樹

謝謝好朋友同我們慶祝生日，並安排了這間有得唱歌的火鍋店，他們所有海鮮都很新鮮，龍蝦🦞及膏蟹🦀又大隻又多膏超正，另外很多其他火鍋食品也唔錯，當然最後的南瓜🎃粟米🌽粥底是十分鮮甜美味，真係無得頂😋而且員工態度友善有禮，令人食得舒服又開心👍

自前年生日之後都無食過滿粥，朋友前排突然話想食，所以就book咗平日夜晚過嚟。可能因為係平日，入到去無乜好多枱坐咗人。套餐有3個：肉蟹/龍蝦/肉蟹+龍蝦，見上次食咗肉蟹餐，今次就試龍蝦。湯底應該係就咁無調味嘅粥水嚟，龍蝦每人有半隻，都幾多肉，啲肉去到龍蝦頭都仲有好多。除咗龍蝦，呢個套餐有蜆、沙白、鮑魚、蚌、魚片、蝦，另外仲可以加其他海鮮，不過我哋無加到。店員有過嚟提示我哋每樣海鮮要淥幾耐（餐枱紙都有寫），收吉碟都收得好快，同埋見到我哋裝殼嘅桶一滿咗就即刻過嚟幫我哋倒，服務幾好。食完海鮮之後，店員就上芋頭南瓜粒同6款自選火鍋料，火鍋料都有幾多款揀，不過我哋要留肚食最後嘅粥，所以無叫好多肉。朋友拎湯嚟加嗰陣，店員都有提醒唔好加太多，如果唔係個粥會好稀。食晒所有餸之後，店員就幫我哋加粥，呢個時候個湯底已經變咗金黃色，加咗粥之後就好似南瓜粥咁。粥量大概每人2-3碗，仲有加埋蛋花，食完好飽！總括嚟講都幾抵食，海鮮好夠新鮮之餘，服務仲幾好添！

之前外賣食左幾十次質素一直唔錯，就算一個人食二人餐都有叫開，後尾搬左觀塘返公司就諗住真人去食，去左兩次都係特登飛的入新蒲崗，服務員安排入座落料落到一半叫我走，話要比張台其他人；第二次遲左入直接俾左張台人，仲屈我話有打電話問我黎唔黎，朝早book定寧願比位walk-in 客連問一句都冇，如果一早知就唔會飛的入黎啦，早到又唔得遲左又唔得，一定要exactly 個個鐘數入台，唔係都要求神拜佛有得入，唔想白行唔好入新蒲崗呢間，人生最差服務態度既餐廳

食過好幾次海鮮每次都好新鮮第一次嚟食 預早book左房 再訂左龍蝦刺身打卡一流之餘仲要好好味龍蝦頭可以拎嚟打邊爐食 正順帶一提 鋪頭有一間房 低消好似好似3000就得但可以唱埋k, 成班朋友或者屋企人嚟食非常好 每set海鮮有7款，基本上一定有蜆 鮑魚 蝦 蟹另外幾款就睇當日邊樣新鮮試過魚，蟶子，大蜆，款款都冇令人失望另外再自選幾款火鍋料，都一樣好味食完曬就落芋頭粒同南瓜粒之後店員就會落粥幫手煮一煲充滿鮮味嘅海鮮粥就完成啦試過同桌朋友唔食海鮮，嗰煲冇落過海鮮嘅粥真係爭好遠 每人一set其實都一定好夠飽但多人就可以再試埋散叫嘅牛同羊都一樣好味

呢排轉天氣開始凍，突然好想食火鍋就揀咗滿粥。入到去侍應介紹兩款套餐，一款係跟蟹，另一款貴少少就跟龍蝦，大概$300左右首先上菜上咗每人半隻龍蝦，聖子、魚片、鮑魚。每一款都好新鮮好彈牙，隻龍蝦可以話係喺香港食過數一數二嘅咁新鮮！另外鮑魚都好出色。之後配菜仲有粟米南瓜同芋頭。南瓜同芋頭係等佢煲到淋哂，溶係個湯底度😋門口寫住任食基圍蝦，但係入到去就話得返幾隻，所以就有啲失望。不過啲蝦真係好新鮮，見到佢哋係個碗裏面，隻腳仲會郁吓郁吓。之後就有一碟蜆，沙白煮完之後好肥好多汁。最後就上埋幾款自選配菜，當中我覺得牛筋丸係必點嘅。食晒咁多餸之後已經好飽，最後就上埋個粥撈喺頭先個湯底到，成個人都好滿足，我飽到個粥食唔晒！