影片
開飯介紹
粥水火鍋店，以日本珍珠米煮成粥水，絕無味精及油分。每天到巿場選購新鮮海鮮，客人享用完海鮮後，更可一嚐匯聚了精華的海鮮粥。
繼續閱讀
營業時間
今日營業
17:30 - 22:00
星期一至日
17:30 - 22:00
公眾假期
17:30 - 22:00
公眾假期前夕
18:00 - 22:00
以上資料只供參考, 請與餐廳確認詳情
有關獎賞計劃
位於大角咀嘅常滿，雖然地點好隔涉，但係我覺得佢比同類型嘅其他連鎖店更加高質。佢有得揀唔同類型嘅海鮮套餐，我哋通常都會揀龍蝦餐🦞。除咗龍蝦之外，另外都仲會有六款唔同嘅精選海鮮，仲有得自選六款火鍋配料。首先，店員會上咗唔同種類嘅海鮮俾我哋先，見到我哋海鮮食得7788就會將我哋揀咗嗰六款配料俾埋我哋打邊爐食。到最後店員會幫我哋將南瓜芋頭放落個已經充滿海鮮精華嘅粥底度煲粥食🍲🦪🐟啲海鮮好新鮮，全部都係老闆每日見到邊啲新鮮邊啲靚邊啲當造先至揀嗰啲做當日嘅精選海鮮。🦐啲蝦上到枱嘅時候啲腳仔都仲郁緊，而且龍蝦都好大隻啖啖肉。🥟🥬🥒其他火鍋配料全部都好精緻咁幫我哋分好咗一碟一碟（有好多餐廳真係是但堆埋一碟就上枱㗎啦），雖然睇落份量唔多，但係勝在可以每樣食啲乜都試吓。其實當食晒所有海鮮同埋配料之後都已經好飽，個粥成日都會食唔晒。不過呢度老闆會好貼心咁樣問我哋需唔需要將啲粥打包拎走，唔好浪費。
繼續閱讀
港人 一年365日都打邊爐 近排天氣涼返 突然好想食粥底火鍋 畀我起openrice上面 搵到呢間小店佢最主打嘅係龍蝦餐同肉蟹餐 雙拼都可以 不過由於去食之前嘅一晚食咗龍蝦伊麵 所以最後尾揀咗肉蟹 可以加錢變膏蟹套餐入面有六款火鍋配料可以自己揀 都係基本嘅肉呀 丸呀 蔬菜類 我哋嗌咗 雞件 萵筍 兩款丸 其中有個高度推介 醬爆 瀨尿蝦丸 一咬落去真係好似 電影咁樣啲汁爆曬出嚟食嗰陣小心辣親 仲有腐皮卷 淮山 佢本身套餐配嘅海鮮都好豐富 蜆有兩款 一大一細 煮到開口就食得 隻隻脹卜卜 有鮑魚 好彈牙 成隻放入口過癮 有魚片 蝦 聖子煮到離殼 好鮮 不過唔知淥幾耐嘅朋友唔需要擔心 因為佢枱面上嗰張餐紙 已經寫好曬各種食材需要煮嘅時間 跟住佢嘅教學 時間 就唔怕啲海鮮唔熟或者煮到落過火 當你食曬所有海鮮同埋啲火鍋配料之後 成晚嘅精華就喺呢個湯入面 店員之後會幫你 加蛋 蘿蔔粒 粟米 加粥 煮起又綿 超甜 其實兩個人應該係食唔晒d粥 本身食完d餸已經好飽
繼續閱讀
今日同朋友去咗呢間餐廳食海鮮粥底火鍋，叫咗一個2人肉蟹餐。有六款海鮮六個火鍋配料，同埋粥底嘅材料，都幾抵食。蜆有兩款蜆，兩隻都冇沙，而且好甜，隻隻都開口。沙白就大隻小小，所以咬落去多汁啲，一咬落去嗰啲海鮮味必晒出嚟。鮑魚指引話落3分鐘，又真係啱啱好。隻鮑魚非常林，味道鮮甜，一啲都唔韌，而且佢一早已經清除左啲污糟嘢，食落好方便。桶蠔桶蠔嘅海水味比較重，起碼有半隻手掌咁大隻。而且一啲都唔腥。 蝦見到個侍應係喺水撈上嚟，隻蝦仲係生， 所以非常新鮮。 佢用竹籤吉住咗佢，所以唔怕一落去個火鍋度隻蝦會郁嚟郁去。食落去啲蝦告必晒出嚟，又彈又甜。肉蟹隻肉蟹好大隻，而且好多膏。 啲肉都係非常鮮甜，一定唔會係擺咗好耐。因為啲肉咬落去一啲都唔梅。 黑毛豬腩片豬肉味幾濃，可能因為係黑毛豬。 食落去好滑，好軟，一啲都唔韌。 美國肥牛肥瘦適中，加上本身個湯底係海鮮嘅清甜味，食呢啲肉就唔會好膩。 牛骨濃汁牛丸 推介師兄好有心咁提醒我哋，呢一隻牛丸好多汁一咬入去會必晒出嚟，小心焫親個咀。 點知真係好Juicy，而且牛味好重好特別仲好彈牙添。最後侍應幫我哋加咗啲芋頭南瓜粟米粒落個海鮮粥底度，成個粥非常鮮甜。另外佢加咗啲菜脯同油渣粒，令到成個粥幾有口感同埋味道幾豐富。 整體嚟講性價比非常高，侍應服侍周到，而且啲海鮮都好新鮮，最後嗰個粥簡直係精華。
繼續閱讀
好多年前去旅行時食過粥底火鍋，之後係香港都比較少見喱類型既餐廳。當日係大角咀見到又想食清清地既火鍋就簡左食喱間一入去坐低已經見到台上有張紙教我地點食，首先要將七款海鮮順序放入，時間都有規定，跟住食完海鮮先會將其他食材同粥膽放入火鍋。不得不讚喱到既店員超友善，會親自再教我地一次。海鮮份量超足料，有鮑魚﹑蟶子﹑魚﹑蟹﹑蜆，隻隻都海鮮大大隻，跟住時間去煮真係好鮮甜彈牙，食完海鮮都已經飽左5成。接著再放南瓜﹑芋頭﹑粟米落鍋，食材本來既甜味已經令成個火鍋唔需要太多額外調味，跟住我地另外ORDER左肥牛﹑豬肉片﹑萵荀同響鈴等常見普通食材，或者係因為湯底夠鮮甜簡單，令其他配料既味道都好似更加突出，好吃~~食到最後再放餐廳準備好既粥膽，綿滑好香甜，完美總結左喱一餐!!價錢方面都係二百鬆D，食到咁多海鮮真係好抵!!!
繼續閱讀
餐廳嘅肉蟹餐係$198/pax，包括咗七種時令海鮮，當日有包括鮑魚、沙白、蝦等等。喺餐廳後面會有一個調味料嘅區域，不過相對一般嘅火鍋店，佢哋嘅調味料選擇就比較少，但正正因為咁更加容易食得出海鮮本身嘅鮮甜同埋質素😛入座嘅時候店員已經俾咗一個計時器同埋一張紙比我地，上面可以揀六款火鍋配料，我哋就揀咗黑毛豬同埋牛肉，雞件同埋其他火鍋配料雖然全部都係一小碟嘅份量，但都足夠兩個人share😆🦀肉蟹比想像中大隻，店員亦都有一個牌提醒每一種海鮮要煮嘅時間，唔使煮到老晒😗海鮮方面個人覺得沙白同蝦🦐都唔錯，味道鮮甜而且啖啖肉一路食嘅時候店員都會幫手清骨碟同埋餸碟，唔會擺到成枱都係☺️呢方面服務唔錯不過舖頭嘅大細有限，如果週末想去食嘅話就要提早book位啦🤔
繼續閱讀