滿滿食堂

營業中

休息中

依家疫情諗住一個人去食，去到明明有二人枱，但帶位哥哥要我同一個陌生人打對坐，我話呢邊有吉枱喎，佢話呢邊唔開㗎... 間嘢要d客人（仲要今日都多客㗎）逼埋一處食石上燒. 我立即決定離開唔喺呢間嘢度食啦！

今日2:30到餐廳午餐，叫了香辣烏冬及燒五花腩，咬了一口五花腩，發現是凍的，於是通知服務員....結果兩分鐘後送回我已咬了一口的五花腩⋯⋯相信微波爐加熱，已沒有了燒肉的味道，肉質變硬，油脂失去。下次叫叮五花腩吧！再來的烏冬，油佔了三份一，拿出來有半碟，請看圖⋯⋯最差劣的是，有一班不知是客還是員工，在我後面的枱大模廝樣吸煙，可能是老闆吧，知道這是犯法嗎？！想吸食二手煙，去就好了⋯⋯沒有下一次！！！

喺中環嘅滿滿食堂 開咗唔係好耐 都係同事介紹我先知💕呢度地方好大 主打係石燒牛🐂另外有自助形式嘅飯和湯可refill 亦有不同醬料可選擇我叫咗佢嘅招牌牛扒 朋友要西冷 一上枱已經好香好香好香 原本牛味已經好夠 加埋有我最愛嘅生蒜同黑松露蒜蓉落去燒 錦上添花 同事真係無介紹錯 好好味另外飯同湯都係自助無限refill 而且價錢仲好抵tim 呢間一定要翻啅💓

開張嘅時候已經想試，不過次次經過都咁多人，所以都打消左念頭。今日經過見人唔多就去試試啦。入座嘅時候俾我感覺d服務幾好，侍應快手快腳幫你落單，可能因為中環lunch hour始終都比較多人，唔快手都會俾客人嫌棄。温泉蛋鹽燒牛脷丼－一上枱都有少少失望，因為d牛脷又細塊而且量少。食落味道不過不失，好彩有隻溫泉蛋可撈飯，如果唔係我都未必可以食哂碗飯。值得一提係佢送果個椰子湯，飲落味精味唔太重而且都飲到椰子味。喺中環食一過lunch$66(未加一).....算啦，都唔可以要求d咩。

為咗12:30前結賬有85折專登前來試吓，我由坐位行到去counter 剛剛12:30死都唔比85折，話已經遲咗！一定必須是12:30之前，激死人！個經理係我見過最無賴，又無禮貌，態度極之惡劣，你的食店會好快執笠，有個咁嘅經理！幫襯你二百幾元食個午餐，我唔會為幾十元同你嘈，不過一定會叫身邊所有人不幫襯，食物方面不特別，醬汁非常普通，豬扒、牛扒無鮮味，拉麵湯底同普通出前一丁拉麵一樣味道、餃子成舊是炸，又油又肥、特式飮品非常一般可以，價錢不是十分平，可以既話唔駛幫襯，亦會叫哂中環區公司附近既同事唔會來食！

中環區呢個價錢食牛肉超級抵，食物質素同價錢喜出望外， 沙律湯白飯任食仲要有飲品， 特飲半價飲杯台式飲品都抵返， 服務員清一色係小鮮肉，服務態度殷勤，沙律前部嘅炸蝦片好味， 其中發現炸蝦片經常得返好少主動問侍應，人佢哋即刻再炸，即叫即炸，甚至直接端上桌上，服務態度十分良好 蝦沙律 好食， 其中椰子豬骨湯好快已經畀食客數清，換上粟米羹味道亦不錯，價錢相宜食物款式很多，牛肉嘅質素很錯， 有機會去中環可重複再吃，大胃王絕對抵食

呢間滿滿食堂喺中環中心地帶，位置非常方便，開咗幾個月，以前經過見到要排隊，所以冇入去。 今日見到唔使排隊，等我試吓先，享受下一個人的寧靜午餐。個餐牌選擇好豐富，我都睇咗一陣，心多多先決定叫「海鹽燒鯖魚定食🐟」😆，$68，沒有加一，喺中環嚟講，價錢都算幾貼地。賣相、份量、味道都唔錯，不過要讚嘅居然係佢個椰子雞湯，好香濃嘅椰子味，唔係味精水，幾好飲😆。裝修走日本風格🇯🇵，侍應都好年青，服務唔錯，而且有個侍應見到我喺度玩緊電話，仲走過嚟話我知：呢度有Wi-Fi架。做咗中環上班族好耐啦，午飯時間，搵間平、靚、正嘅餐廳食飯，真係唔易，下次會再嚟，試埋佢其他菜式🍱。

平時返工食lunch黎黎去去都係公司附近個幾間食肆食到都悶悶地今日有朋友介紹左呢間滿滿食堂咁我地就一齊去嘗試下新野啦一落到去 就見到門口有提供啲紙袋比客人放口罩 十分貼心！因為係lunch時間，都幾多人，等左一陣就有枱安排比我地一坐低就研究下menu ，種類都好多，因為未食過，同朋友都研究左一陣先做到決定最後決定要個招牌蛋包飯首先個蛋有兩款選擇，黑松茸鮮菌滑蛋同招牌滑蛋之後仲有四款醬汁揀：原味燒汁，咖哩，蕃茄醬汁同芝士汁最後揀埋個主食就ok野飲要另外加錢，我見幾多人都有叫到個珍珠奶茶 都幾大杯既 不過我就無叫到我叫左個 黑松茸鮮菌滑蛋加芝士汁配招牌香草單骨炸雞翼落完單好快就上菜，個蛋包飯無咩味 可以我揀錯醬汁雞翼炸得幾好整體都可以下次會試下其他汁～

屋企人推薦既「滿滿食堂」！今日放工就一齊去試下佢地既石燒牛扒💕呢間舖要落地庫一層!所以好容易就經過左！店舖好寬敞，尤其肺炎期間，更加無咩人！睇一睇個餐牌，中環區來講，係好抵食！👍🏾.呢度既調味料沙律吧(有生菜、蕃茄仔、粟米)白飯同埋餐湯都係自己拎的，好方便👍🏾我地叫左三款牛扒同一款羊鞍！上枱嘅時候，店員會派圍裙，因為石燒牛扒剛開始好多油，好彈! 而且舊石好熱，要小心唔好掂到。牛扒上枱既時候，大概3-4成熟，放係熱石上面，客人可以自己控制生熟度！ .滿滿石燒牛扒$78 (200g)食落幾重牛味，比肉眼平$60😍脂肪比較少，所以上枱個陣都無甘彈！個人中意食牛嘅原味，所以唔加調味料，已經好好食😋.羊鞍 $98 (250g)上枱既時候已經聞到羊味😂 而且好多油爆曬出黎! 味道都唔錯，但比較肥！.安格斯西冷 (200g)$78有牛肉味，肉質有嚼口！.美國頂級肉眼 (200g) $138 肉眼好大塊，油脂好多！但個人認為滿滿石燒牛扒性價比更高更好食！.(+ $28 追加日本廣島蠔三隻)朋友鍾意食蠔，所以追加左3隻日本廣島蠔落石到燒。我就冇食到了! .(+$18日本原隻磯燒鮑魚)我怕肚痛，所以都係

中環新開日本菜, 之前經過幾次見價錢OK款式亦算多所以打算一試。餐廳應該是主打鐵板燒牛肉, 一步入餐廳已經聞到濃濃的油煙味。午飯時間人多難免要搭枱, 但枱與枱間的距離太近, 變相兩邊都十分有壓迫感, 在這段抗疫的時間尤其敏感, 剛好旁邊的食客點了鐵板牛扒, 我們用餐期間都要盡量坐遠以免被油/汁濺到。我們點了溫泉蛋番茄湯烏冬配鯰魚 ($56) 和黑蒜油豚骨湯烏冬配豬軟骨 ($65), 烏冬口感不錯, 份量不算多但軟硬度適中,。番茄湯裡面有不少茄蓉, 屬於比較濃味的番茄湯, 鯰魚有兩塊, 大概是過度醃製以致太咸, 黑蒜油豚骨湯則略為太油。以餐廳的價位來說, 食物質素和環境雖然算不上十分好, 但也可以接受。

石鍋鰻魚令人滿意，自助食品令人滿腹，實惠價錢令人滿足。8/10星期日都要回公司OT, 中途很想吃鰻魚飯, 突然見到滿滿食堂的餐牌有鰻魚飯, $88算合理,於是決定一試。原來這裡只做晚市/宵夜, 主打石燒牛扒,亦有其他肉類和海鮮供應。還有手卷和刺身。提供的飲品主要為台式飲料。幸好沒有燒酌,否則一定不會返回公司工作。電視一直播著台灣烹調節目和杜汶澤煮食的節目。前菜，沙律，飯和湯都是自助無限任添的。湯是中式椰子紅蘿蔔粟米湯，令我有點愕然但味道不錯。鰻魚不一會就到達，香噴噴。鰻魚下面墊著些炒雜菜，石鍋令鰻魚保溫，但墊著雜菜便不會燒焦，很細心。鰻魚肉質嫩滑，味道鮮美，完全沒有泥味，燒汁下得均勻。雜菜吸收了燒汁和鰻魚的香味，很適合下飯。環境舒適，侍應態度有禮，$88沒有加一，食物性價比很高。值得推介給大家。

夜晚去中環食飯，2個人食咗幾樣野。燒肉汁牛肉漢堡包外型的骰，塊牛肉漢堡咬落去仲有汁，味道一流。旁邊既酸瓜雖然唔起眼，但咬落酸酸哋，之後甘甜，有驚喜！芝士蛋包飯既蛋抄得香滑，但吾唔會鬆散，好有蛋香，嗰咖哩汁辣度岩岩好，白汁海鮮炸物嗰炸金針菇外脆內軟，啱我地口味。跟餐加特飲有半價，我地揀左雲頂四季春茗同鮮果水果茶，甜度適中。石燒燒之料理我哋揀咗美國牛柳, 200g牛柳兩嗰人食都夠。我哋一邊切，一邊用鐵板烤熟牛柳，生熟程度啱啱好，入口嫩滑多汁。醬汁可以喺自助區取，但我哋吾記得去拎😅，如果加埋個醬汁真喺一流！呢個餐包埋白飯同沙律，食完好滿足。

餐廳推介石燒肉，今日初試佢地的石燒牛（100g)+雞扒，$76包沙律同白飯，唔包飲品但無加一，價錢相當合理。兩塊肉本身冇落調味，出面可以提供唔同的調味醬料俾客人，由最基本海鹽、黑椒碎、英式芥末以至辣味噌、煙薰鹽都有，選擇頗多。上枱時石板非常夠熱，牛肉係medium rare，入面靠石板熱力慢慢煎熟，肉質軟身無筋，唔覺有落鬆肉粉，肉味一般但帶點兒肉汁，配基本調味已經好好食。連皮雞扒全熟得嚟唔會overcooked，經石板上煎香變得金黃帶點脆口，口感唔錯。我唔食雞皮，將成塊切開請同事食，佢表示高度讚揚😋沙律係普通日式麻醬撈椰菜粟米粒，冇特別。整體而言質素唔錯，感覺良好，會再去幫襯試其他野。

半自助模式的餐廳, 價錢親民, 環境寬敞。晚市餐牌主要有石鍋肉料理及手卷供選擇。點完主食之後, 可以到自助沙律吧選擇沙律, 他們亦有一個自助醬汁枱。自助沙律吧有沙律菜、粟米、蕃茄、青瓜絲、紅蘿蔔絲等等, 沙律醬汁還有我最喜愛的日式芝麻醬, 用來沾生菜吃, 好味, 令人開胃的~//滿滿花の手卷系列 - 雪白の卷//卷物裡面有泡菜和青瓜, 旁邊會配上帶子刺身。卷物味道清新, 帶子刺身厚厚的, 幾新鮮。//滿滿花の手卷系列 - 鰻魚先生//是我會推介的手卷! 用上墨魚汁壽司飯, 卷物裡面有鰻魚、青瓜絲、蟹籽, 幾惹味的。鰻魚肉質嫩, 旁邊亦附上少量泡菜, 微辛辣的泡菜令人開胃。鮮果消脂蘋果果醋 - 微酸甜, 裡面還有鮮水果。

是日黎到位於中環皇后大道中的「滿滿食堂」吃午飯，餐廳主打最近日本大熱的石燒牛扒。店舖簡約寬敞，感覺舒適假日也有午市定食套餐，價錢由五十幾蚊起，中環區來講算係經濟實惠調味料、沙律吧、白飯及餐湯都是顧客自助的，非常方便滿滿石燒牛扒+超嫩石燒雞扒原件牛扒同雞扒上枱時都係大約七成熟，放在熱騰騰的熱石上面～客人可以自行切割成不同大小，生熟程度都係由自己控制！雞扒連皮一齊燒香，夠哂肥美，肉質嫩滑，入口juicy！牛扒有100g，牛肉味都幾香濃，質素不錯海鹽燒鯰魚柳定食定食套餐仲會包含前菜及炸物，前菜有芝士帆立貝，口感嫩滑～炸物有天婦羅菇，好香脆，滿有菇菌香！鯰魚柳則有兩件，魚肉鮮嫩甜美，頗新鮮的！適合搭配白飯一齊食滿滿花卷色彩豐富嘅材料分別有鰻魚、芥末八爪魚、青瓜及甜蛋，餡料同米飯嘅比例平均，都幾足料呢！味道同口感都好豐富，好好味呀牛蒡紅棗茶去脂解油膩，無糖又健康