滿樂潮州 (美麗華廣場1期) (已結業)

【 #新派潮州菜】踏入五月天，天氣又熱又焗，熱到都冇咩胃口食嘢，屋企人提議不如去打冷喔～平時打冷感覺可能都比較「麻甩」，黎到滿樂潮州打冷，環境舒適充滿中國風，嘆一口功夫茶清一清味蕾再嘆潮菜。佢地嘅食物賣相好精緻細膩，少左份粗豪多左份 elegant, 打冷都可以好優雅架～是日點餐： 滷水鵝肉拼盤—小份：有鵝片、墨魚、五花腩肉、豆腐、滷大腸、滷蛋，樣樣有啲岩曬想試多幾款嘅我，鵝肉香滑入味，正！太極素菜羹： 上枱已經好吸睛悅目，碧綠色菜蓉撞奶白色雞蓉，啖啖清甜鮮味，質感細膩，愈飲愈開胃。黃金炸雙棗—各兩粒炸得金黃香脆，蝦肉爽口彈牙，Yummy~ 蔥蒜牛肉崧煨飯飯炒得乾身粒粒分明，配埋蔥蒜牛肉崧有咬口，飯煨得好香。金絲玉帶九肚魚烙金黃大餅煎得薄脆煙韌，內層九肚魚香滑無骨絲，啖啖香口惹味。潮州反沙芋條我最愛嘅反沙芋，糖衣外層香甜脆口，內層芋頭香軟粉糯，真係好食到停唔到口。滿樂潮州 Moon Lok Chiu Chow - Mira Place尖沙咀彌敦道132號美麗華廣場一期食四方4樓405 號舖 

香港人對潮州菜的印象大多局限於滷水打冷，其實潮州菜選料考究、刀工精細、烹調方式多樣，最近滿樂潮州於尖沙咀美麗華廣場開設新分店，以兼容並蓄的功夫潮菜打造臻於至善的潮式盛宴。內裡面積寬敞，裝修一洗中菜館的俗套老氣，注入時尚氣息，散發摩登的東方韻味。卡位設計舒適，私隱度更高。店員於餐前餐後奉上功夫茶，茶湯呈清澈的琥珀色，茶味醇厚，回甘無窮，有助消滯解膩。滷水鵝肉拼盤 $118滷水是廣東潮州的傳統特色名菜之一，一道招牌拼盤就已包羅鵝肉丶豬腩肉丶墨魚片丶滷蛋及豆腐，試齊多個款式。連皮帶肉、切成薄片的滷水鵝肉，肥瘦適中，肉質軟嫩而富彈性，濃郁的鵝味中隱含甘香醇厚的滷水韻味。滷汁色澤清透，不死鹹不口渴，個人尤其喜歡滷水蛋，滷得極之入味，浸潤蛋白之餘，同時滲入蛋黃。太極素菜羹 $78由乳白色及翠綠色拼湊而成的湯羹以太極為藍本，造型可謂一絲不苟，令人賞心悅目，寓意綠與白湯的味道相互平衡，成為潮州菜其中一個代表，兩色交替之處灑上金華火腿粒添香。材料原始樸實，綠湯以菠菜配上湯攪成菜茸，白湯則加入鮮雞肉及蛋白添加層次感。湯頭色澤翡翠泛光，幼滑而略帶稠身，沒有草青澀味，每一口盡是精華，清香味美。黃金炸雙棗 $7

今日去尖沙咀 美麗華商場 購物， 見到一間新派裝修嘅酒樓， 滿樂潮州 ， 決定一試。一入餐廳已經被 新裝修既氣派所吸引，型格得嚟又相當華麗。由於我們祇有兩人。所以最後選了一個套餐 + 兩個特色點心。上餐時份量相當十足，令我們有點驚訝。一坐低先嚟兩杯功夫茶刺激下味蕾先。飯后同樣會 奉上功夫茶，有置身於潮州嘅感覺。食物方面首先上臺嘅係鮮蝦腸粉， 皮薄餡靚，大蝦鮮甜且彈牙，令人食到相當滿足，配上大廚自家調製的甜豉油，味道可口。灼芥蘭 食得出非常新鮮，脆口又清甜，忍不住口一條接一條地吃。滷水墨魚滷蛋應該算是最正式嘅潮州菜。滷蛋入味， 墨魚夾脆，仲有滑滑滷豆腐鋪底，加上滷水汁提鮮，絶配。潮州炒河以鮮蝦肉絲韭菜豆芽爲基底，鑊氣十足。加上用足料XO醬去炒，更加惹味。另外我們加上兩個點心。潮式灌漿蘿蔔非常特色。與一般酒樓的蘿蔔絲酥類同。但滿樂以薄漿脆炸，咬開一絲絲羅白分明，配以特色黑糖醬，比到我哋另類新口感，味道更是絕配。 最後點了一籠鴛鴦水晶飽以甜品作總結， 清香的白蓮蓉內餡及濃香的豆沙內餡各具特色。水晶外皮雖然晶瑩通透但咬落也十分Q彈，食完真是幸福滿足。

母親節就到💖，仔女們諗好同媽子去邊到慶祝未？呀媽為咗同仔女慳荷包，一定話唔中意出街食，籍口可以係五花八門，但同女人話唔中意收花一樣，邊有女人收到花💐唔開心到隻眼都識笑😌？草根就提早同母親👩🏻食咗一餐豐富嘅母親節晚餐，價錢係唔平，但間中帶媽子去享受下都好合理💕因為無論點計，你都冇辦法報答到呢份養育之恩。Happy Mum Happy Life!.今次去嘅喺美麗華4樓一間新開嘅潮州菜館， 餐廳以橄欖綠、湖水綠同木系裝修做主調，感覺光潔明亮。適逢母親節仲推出左一款午市同2款晚市母親節菜單，今次我哋點咗最豐富嗰款同呀媽慶祝😙🤟🏻。.點菜後隨即奉上功夫茶🫖，茶甘味香。.敬親恩．晚市套餐（$688）❣️龍鬚子母中蝦原隻大蝦上面加上蝦膠以及蝦籽🦐，外面包上脆麵再去炸。第一啖入口脆卜卜，由於一早已經去晒殼，所以食落啖啖肉，蝦肉彈牙鮮味，最後加上黑醋味道更加好味😋。.❣️木瓜盅燉燕窩木瓜盅以原個木瓜盛上，中間加入濃湯同燕窩，夠晒矜貴😍。好重要嘅一點係湯保持熱燙♨️，湯一定喺夠熱先會最好味❤️。另外湯嘅份量好多，而且味道香濃，就好似食緊翅湯一樣😍。木瓜燉到腍透，輕易用匙羹就可以食到，香甜好食。. ❣️23頭乾鮑魚伴

雖然跟「百樂潮州」同源的「滿樂潮州」並不是新的品牌，不過這間前身名為「百樂小館」的「滿樂潮州」卻是新開不久。這一晚，我就在這潮州菜館與太太吃了一頓潮州晚餐。吃潮州菜，滷水應該不少得吧！「滷水鵝肉拼盤」（$118/小）既有鵝肉，又有墨魚、豆腐，還有豬腩肉和滷蛋，正好每樣試試。也許因為是新店關係，這裡的滷水汁未夠陳香，但味道仍然不錯，配以啖啖肉的鵝片和其他滷水食品，仍是吃潮菜的好選擇。「杏汁白肺湯」（$136/兩位）是我喜歡的湯水，這裡的「杏汁白肺湯」味道偏濃，沙沙的口感蠻實在的。來到潮州菜館，潮州菜當然不止吃一道那麼少，一道「潮州蠔烙」（$78/小）正好一吃。口感軟熟的蠔絡，內有不少蠔仔，份量都幾多，趁熱吃，最好。餐牌上的「五行六合菜」（$78/小）名字特別，又夠健康，也點來試試。原來這五行六合菜有荷蘭豆、紅椒、百合、酸菜、苦瓜等材料，五味俱備，全素無葷，的確非常健康，而且味道也不錯。飽肚之選揀了「糖醋伊麵」（$98/小），這潮州菜式風味獨特，集甜酸兩種味道於一身，是粥飯以外可考慮之選。最後的甜品就點來一向喜歡的潮州特色甜品「反沙芋條」（$78），這工序繁複的潮州經典甜品味道是好的，不過

Every year in May and June, we may probably busy for searching a place for Mother’s/Father’s Day meal.  When the day is fast approaching, the pressure is on ... !!Treat Mom & Dad for a sumptuous feast this year, Moon Lok Chiu Chow in Mira Place just might be perfect to get a taste of refined Chiu Chow delicacies.  The three special curated 8-course meal, combines homage to heritage with culinary tradition.  Price starting from $498 p.p.  to $688 p.p. Available from 1/5 - 30/6/2021, minimum 2 pax

好耐無食過中菜，前幾日見到尖沙咀美麗華新開滿樂潮州，就轉下口味食下潮州菜。今次人少少就點左一個細份既滷水鵝肉拼盤，但其實份量都唔細，而且仲齊哂幾款，難得滷水入味得黎完全唔會過鹹，鵝肉肥瘦亦算適中。炸雙棗都係潮州酒家的平常菜，如果未食過可能唔知係咩，但其實即係蝦棗與蟹棗，有d似平時食既炸蝦丸和炸蟹餅，不過就會多左馬蹄，所以咬落去會更加爽口。太極素菜羹淨係睇賣相都覺得好有心思，精緻得黎又好中華風，捧到上枱都竟然完全無變形 XD 侍應仲細心到分完兩碗但都無撈亂顏色，味道清淡，但質地比較稠，所以每人分完兩碗都覺得好飽下。平時出街食多數揀炒飯，不過今次見到有蔥蒜牛肉崧煨飯就試下，比炒飯會濕身d但又唔會太油，裡面都幾多牛肉片，而且肉質都幾滑唔韌，老人家都咬到。食親潮州菜都會叫煎蠔餅，見到有款係用九肚魚做烙餅，當然要貪新鮮，出乎意料原來好味過蠔餅，煎到脆脆地好香口，九肚魚無食蠔咁重口味，更加突出到烙餅味道。甜品就揀左反沙芋，出面果層係脆脆地既白糖，入面包住芋頭，不過糖衣果層就略為厚左d，食完幾舊會覺得比較甜。

今日放假，就同媽咪出去行吓街平日無咁多人，飲茶都舒服啲呢度環境超正夠光猛又有時尚感坐低不久，已經為我哋端上潮洲功夫茶呢個午市套餐好抵食有點心外，仲有潮洲小菜及小食鮮蝦菜苗餃個皮超薄，睇落已經好晶凝通透餡料脹卜卜，夾起身已經feel到好足料蝦肉夠厚肉，好爽口炸芋絲春卷以芋泥為主，食既時候中間有軟綿綿既口感！潮州鹹雞雞件好入味唔會淨係得死咸味，我食到仲有啲沙薑既味道而且肉質好嫩滑，就算雞胸肉都一樣咁滑椒鹽九肚魚即叫即炸，超香重點係去哂骨架當然有幼骨是在所難免，但啲幼骨真係好幼，咬落完全feel唔到係骨淨係食到滑嘟嘟既魚肉金牌乳鴿呢度既炸乳鴿用既油溫好好，真係炸到塊皮脆卜卜同時亦保持到肉汁而且肉質都好豐富，唔會瘦猛猛！海皇豆腐羹超級足料，有好多豆腐粒，仲有蝦肉、瑤柱、八爪魚！口感好豐富鮮蠔仔泡粥黎到先醒起點左好多水份既食物不過食潮州菜又點可以唔叫蠔仔粥呢！每粒既蠔仔都脹卜卜仲有埋方魚，好正宗個粥好夠鮮味杏汁桂花糕杏汁本身我不太喜好！所以呢個甜品就唔啱我口味

又到了孝敬雙親的月份，搜一下發現美麗華的這家新潮州菜，5月1日到6月30日有推出套餐，剛巧午市便試一下午市套餐吧！孝親中午套餐 $498/位點點心思拼盤（蝦餃、燒賣、粉粿、素菜餃）味道賣相不錯，經典點心一向味道中規中矩，絕對可以回來試試其他點心。二選一中，紅燒潮州中鮑翅以蠟燭溫著，更加大體，鮑翅份量多，味道好，配上芫荽和醋真的一流！而木瓜盅燉燕窩原盅上，營養價值高，好吃！下一道菜蟹黃脆皮海參絕對是驚喜之作。柚皮炆得入味柔綿，配上蟹黃和海參真好吃！胡椒粉絲焗蟹煲一上菜就聞到濃郁的胡椒和紹興酒，超香。翻開粉絲邊看到蟹蓋及其他部分，粉絲入味，好吃！金枝燴玉柳為完美的午宴劃下句號，是一碟出色的蔬菜。最後的甜點還有孝親壽桃及萬壽果燉學耳，吃罷還有店員送上精美生果拼盤，真的吃得滿心滿足呢！店員服務有禮，一直細心留意我們的需要。午市人非常多，點心看起來都很不錯。店員還有推薦「頌親恩」晚市盛宴及「敬親恩」晚市套餐，感覺上都很吸引，有機會父親節再來試試看。

提早為媽媽慶祝母親節🧏🏻‍♀️，去咗美麗華廣場一間新開嘅中菜廳，餐廳融合咗傳統、港式同南洋風味嘅潮州菜🍴。草根妹妹預先做咗功課👀，睇到餐牌有鮑魚、海參同燕窩，夠晒睇頭同份量，絕對可以討好到媽媽嘅歡心🥰！.🍵潮州菜當然唔少得一杯熱辣辣嘅功夫茶啦！.❤️敬親恩（$688/1位，兩位起）.🦐龍鬚子母中蝦一口咬落，非常香脆🤩，脆口嘅龍鬚包住蝦肉🤤，造型十分精緻✨。蝦肉中間包着蝦籽🦐，令蝦味非常濃郁，有種係口腔爆發嘅感覺💯，係一個非常出色嘅中式小菜。.✨木瓜盅燉燕窩廚師預先燉製雞、豬、金華火腿煲出嚟嘅高湯🐷🐥🍖，再放落木瓜入面，最後加入燕窩😍。高湯味道濃郁❤️，夠晒鹹香😆，再加入清甜新鮮嘅木瓜肉👍🏻，飲落非常舒服🥳，而且夠晒養顏🙌🏻，啱晒各位女士們，非常討好💋。.🌊23頭乾鮑炆海參食材矜貴🤩，大廚需要將乾鮑同海參炆煮幾日⏳，全部都係功夫菜嚟㗎，淨係花心思嗰個位都夠抵讚啦😍。豬婆參入口有即溶嘅感覺🤤，非常非常軟腍入味👍🏻，充滿骨膠原💯，滋補養生🥰。至於23頭乾鮑魚口感煙韌彈牙🌊，配上冬菇🍄，夠晒高質數。.🕊脆皮炸乳鴿乳鴿新鮮出爐🔥，外皮香脆，肉質都算細嫩👍🏻，仲夠晒Juice添💧。菜式夠懷舊，唔知又會唔

週末跟老公到尖沙咀shopping，心水手袋買到了，心情好到不得了，請老公飲杯功夫茶🫖食兩件點心慶祝一下。傳統潮州菜 fusion 出品，滿樂潮州 老公曾經都是常客，佢好鍾意食呢度嘅潮州粉果。杭州菊花茶係我嘅心水，一坐低仲有鹹菜小食，酸甜可口十分開胃。海鮮炆鴛鴦米 $98海鮮真係有好多隻彈牙大蝦，鮮味的魷魚鬚，配以各色蔬菜條，口感有層次。鴛鴦米就是米粉與粉絲一半一半，燜煮吸收鮮味醬油汁，軟硬適中，炒得乾身有鑊氣，不錯的選擇。潮州蒸粉棵 $38真材實料，皮薄餡靚，傳統潮州做法我嘴巴美味的享受。豬肉碎醃得好味，蝦米、冬菇爆得香， 加入了菜脯、沙葛粒特別爽口，芫荽香，花生脆口，出邊酒樓好少食到如此水準。香煎蘿蔔糕 $32滿樂出品的蘿蔔糕享負勝名，我每年新年都會買兩盒，突然心思思又想食，這裏煎得特別香脆，味道濃郁有鹹香，再配甜辣醬簡直一流。爽滑牛肉腸 $48牛肉色澤甘香，不肥不腻，腸粉入口軟潤爽滑，味道鮮美，老人家細路仔都鍾意食。最後飲返兩杯潮州功夫茶，完美的回甘茶香味。總括而言，服務態度好，食物水準高，值得再來一聚。

今日同朋友行到攰就搵下野食，入到美麗華廣場都有好多餐廳選擇，其間見到滿樂潮州裝修好舒服，就決定試下，雖然都係飲茶食小菜，但有別傳統酒樓，裝修有時代感，坐椅亦坐得舒適。🍵先上四小杯茶水，飲落香醇，酸菜亦好惹味，唔會過酸，調味剛好，好快就清哂。😂🥢鮮蝦菜苗餃 $38粒粒飽滿，蝦肉好爽口，有菜有肉，口感清新。🥢布拉白腸粉 $38一碟看似平凡卻又不凡的布拉腸，爽滑不爛，滑嘟嘟既口感令人一口接一接。🥢五香炸芋絲卷 $60呢款香口既潮汕小食，係坊間好少見，所以我都係第一次食，配上五香醃料再先蒸後炸，外層有腐皮包住，濃濃芋香、好有口感。🥢潮式蘿蔔灌漿 $60呢款亦係潮州傳統小食，因為經油炸非常可口，食落滿滿蘿蔔既甜味。🥢潮州炒麵線 $98上碟時已嗅到香味，非常有鑊氣，食落爽身而不膩， 配上爽口韭菜和銀芽、香口豬肉一齊食非常惹味。好少地方可以食到正宗潮州菜，餐牌款式亦非常之多，而且服務員都好有禮貌，希望有機會試下小菜，晚市再黎食過。