滿屋日本料理 (已結業)

6:30入座食到8:30是正常，但我7點入左4張單，只有4種食物上枱，等到7:45被要求埋單，因為8:00 last order,我告知職員有很多食物還未送上，職員叫我立即再寫，於是我寫2張交給職員，但等到8:00還是沒有食物，職員叫我再寫，因為要截單了，我實在無奈又氣憤，職員說會親自跟進，但那時已經8:05了，我說:你上得到給我，我又要8:30離開，請問我怎吃得下呢？職員說:是我們問題我們會給你一點時間。最後食物8:15終於上到，我跟家人好似很趕時間的吃，職員在8:40跟我們說要快點了，其實還有食物未吃，但我們實在吃得太辛苦了，不知道為何要吃的這麼趕快，炸物及串燒都很熱，我們吃不了，最後我們決定離開，相信我們不會再來了。

話說今晚本身想去食另一間自助餐幫朋友賢仔慶祝生日，不過佢最尾都話想食放題。結果就選擇左這間滿屋。其實好耐以前已經幫襯滿屋，早幾年銅鑼灣呢間食物質素係好好既。但這從這兩三年質素開始每況愈下。刺身質素算是尚可，但無劍魚腩，整體新鮮度還好。燒物不過不失，牛舌羊架之類既都可以，味道唔會話醃到死哂過火位。之不過最要批評既就係服務，侍應多次嗺收碟要我地夾埋最後一件食物。之後侍應一邊大聲同同事講野一邊收碟，結果把整碟汁及條生菜倒到我褲上。正中一褲都係🤦🏼‍♂️😑🤬好啦，一句唔好意思行左去。我自己再問先比濕紙巾我。😪之後侍應又係隔離枱收碟，收收下把幾張隔離枱用完的點菜紙一下飛到我的碟上面。我忍唔住問佢：「姐姐，咁樣係咩意思？」佢先好似回一回神話唔好意思。點解服務可以咁差？

今晚跟朋友來到滿屋，一早已知道在這區內實屬必食放題，但這還是第一次到來。星期天的晚上七點多，已人頭湧湧，沒多久就很快安排了坐位。冷盤沙律甜品就可以在外面自助提取，這也可減低員工的工作量，客人也可以自行提取份量，也是很好的安排。飲品總類多，而且還有我最愛的梅酒，讚。刺身總括不錯，且壽司也有很多總類羊架騷味十足，個人喜愛燒菠蘿十分厚身，肉汁甚多，很清甜甜品一定要取糯米榴槤波，榴槤蓉滿滿，齒甲流香。最後一定要食雪糕，有多款選擇。

我好小食放題因爲一黎貴啦二黎我怕肥不今次係男朋友同我講呢間聽人講好好食咁我地放工就一齊去左食晚餐放題。其實都係二百幾數值得試的。意想不到芝麻雞翼係咁鬼好食，叫左一轉我男朋友就食不同，加上真係叫幾隻到幾隻唔會漏單值得一讚同埋服務員好勤力幫我地清潔換碟，係咪我太耐無食過放題😛好似變左好多同自助餐服務有得揮。好啦講返食先，食物質素好緊要，叫左好多三文魚🍣好肥美同埋都算係新鮮。我試過食其他放題台勁垃圾，呢間完全係ok 的同埋好欣賞佢既熟食，碟碟都好熱唔係交行貨，最後送雪糕🍦唔同牌子都有得選，甜品都值得讚好多款式同埋係有心做，仲有估唔到我最愛既章魚燒都幾好食當然無日本質素，但我好滿意，我一定會再食嫁哈哈

同朋友嚟銅鑼灣行街， 諗到食乜簡直係一個難題。 所以就決定食放題， 多選擇肯定啱食， 而我跟今次選擇就係滿屋門口嘅櫻花裝飾好有春日感覺入到去就已經見到有凍蝦，蜆，中華沙律，蟹柳蟹籽。 蟹柳蟹籽青瓜係放喺度自己撈，夠晒特別。 雖然呢個係放題，但佢既凍蝦都好大隻，而且蝦肉鮮甜，而蜆既係中size, 隻隻蜆都有蜆肉，唔係得個殼，凍食既海鮮新鮮刺身方面: 三文魚，油甘魚，鮑片， 大赤貝，帶子，甜蝦， 大赤蝦，螺肉等等。大赤蝦差唔多成隻筷子咁長，肉質鮮甜大赤貝都好新鮮大隻， 以放題價黎講，都算厚肉粟米粒好香牛油同埋蜜糖味道，而且本身粟米粒好甜，食左2碗炸芝麻雞翼外皮金黃酥脆，咬開內裡藏著嫩滑的雞肉。值得一讚既係，每次order都係即叫即炸，我一個人仲食左9隻添呀真係好惹味三文魚鮫: 係出面食要40蚊一碟，呢到係任食。三文魚肉味道香濃鮮甜，營養價值非常高，好味花膠有4舊，舊舊都大塊，一啖放入口，膠質涌晒入口，冬菇好大隻，娃娃菜吸左煮花膠既汁，好正芒果特飲，底層係芒果爆珠，上層係芒果雪糕，忌廉，中間係芒果奶昔。出面要20幾蚊杯，呢到係任飲滿屋嘅食物了你令到我覺得好驚喜，由貴價嘅花膠到平價嘅粟米佢都做

食物種類非常多，有兩本點餐薄，兩人個一人睇一本唔洗爭。冷盤，沙律，湯，甜品，梅酒，飲品一律自助形式，飲品種類亦多最窩心既係有暖飲櫃，女仔某些日子飲凍飲唔係咁好，又唔係咁中意飲熱茶😌好少見到放題有爆谷機，焦糖爆谷，焦糖分部平均，岩哂阿囡食🍿刺身推介:帶子，赤貝，大赤蝦，油甘魚芒果特飲，有爆珠，鮮打芒果汁，芒果雪糕，芒果控至愛芝麻雞翼必食，外皮加上芝麻香脆可口，肉嫩多汁牛油粟米，每粒粟米都有好香甜既牛油蜜糖味，阿囡食哂兩大碗粟米

今日又過開銅鑼灣，買野之餘，順便約朋友食個午飯，銅鑼灣食飯真的很方便，想食什麼菜式都有，今日便走咗去銅鑼灣廣場二期食放題， 這間叫❨ 滿屋日本料理 ❩，雖説是放題，但係食物的種類與飲品，應該相信能滿足大家，食物種類有刺身.炸物.手卷.燒物等等，簡直應有盡有，還有一些創意壽司和豪華海鮮宴只看門口便覺他們不是馬馬虎虎的餐廳放在桌上的餐牌和兩本，分别生-熟各一本一張張的卡座，井井有條刺身盤很乾淨，使我食得很安心，當然食物先最重要，不輪三文魚-带子-大赤蝦或油甘魚，均入口新鲜，絕對不是外面一般的雪藏食品這長長的火炙原條海鰻壽司，鰻魚的濃味直入口腔，絕對值得一試一，另外岩盬.火炙和牛壽司，也是本人推介值得一讚這火炙鹅肝壽司，雖經燒過，但入口仍保持鬆軟入口即容的感覺，鹅肝味仍保還有多款壽司如海瞻磯之雪大蝦卷-海膽海葡萄大赤壽司等不要遗忘試下盬燒鯖花魚、黄金燒帶子、盬燒牛舌和海鮮宴等熟食就連飯後甜點都用上高级雪糕還有多款飲品和小食提供，真的不知如何是好這午餐真的使我滿足已回，有時間再過來一定要再幫襯晚飯

我係團購價$178+$98服務費食閒日，但Walk in 客人($238+10%服務費)入去仲平過團購，我們團購只是比較多2小時坐係度等唔知有冇漏單既食物，往往要人呆等好耐先有食物，Walk in客就極快速到晒，點解我地比錢多過Walk in客，服務就差一大截，只是多2小時食，呢啲時間大家都唔太多人會去到11點半啦，大公司就唔好咁啦，冇人會再去架啦, 款式少，出單慢，味道一般，只有Waiter好好人，我唔會再回頭光顧了。

座位太迫，十一人安排十二人座位，但其實坐八人比較鬆動。用餐時經常手撞手。上菜時間平均超過十五分鐘，刺身不夠新鮮.甜點選擇太少。落單食物也有遺漏；最後雪糕也只是一位一份未能吃得盡興。

這天同事突然嚷著要吃放題，就找我陪他去。我們訂了7點半的座位，但不到7點已經到達，時間尚早故立刻便可安排我們入座。一入門口就看到有不同的前菜、飲品及小食可以拿，飲品種類繁多👍🏻而刺身、壽司、料理及甜品等是要下單點的，每樣都十分吸引，所以我們每一樣都點😋來吃放題重點當然是刺身，這裡除了一般有的三文魚、牡丹蝦、帶子及油甘魚外，還有赤貝及象拔蚌，這些真的不是每間店都有，而且刺身十分新鮮，讓我對其他食物也十分期待。我們真的點了好多食物的關係，整桌都放滿食物。每樣都好好吃，食物也非常快就送到，端來也是熱的，而且也沒有漏單的情況👍🏻最後店員還會給了雪糕紙，有Häagen-Dazs及Mövenpick等雪糕讓你選😍我跟同事都非常滿意，下次也會再來喔

呢次飯局係為左多謝婚禮當日出心出力既兄弟姊妹團 咁多人又要符合個個既口味 食放題係最好不過!!一行九人 有優惠免一個人頭 只需收返加一就可以 約左8點半既時段 聽聞係可以食到尾 就即管睇下有無大胃王可以食到尾  安排左張大方枱比我地 但係坐路口果個就勁唔方便 因為佢後面不時都有車仔推出推入搞到佢要成日起身讓車仔推過今次係第2次黎食 上次飲過梅酒好好飲 今次一開波就拎左好多梅酒 點知轉左第2款牌子個個都即刻勁失望 滿心歡喜既梅酒放題 結果係飲完一杯就無人想再飲野食就好快黎到 都無漏單既情況不過食物都明顯差過上次好多 可能上次黎咁岩佢地賣好多廣告 唔敢亂黎 今次就.......鵝肝壽司難食到喊 苦既!唔知以為去左明X壽司  海饅壽司既 鰻魚係淋到唔洗咬就自動係個口入面融左 又係食到反眼三文魚刺身 無味 同上次比真係.....雖然未去到難食 不過...... 反而大甜蝦就有驚喜 又大隻又甜又多膏熱食方面就相對比較好 羊鞍,牛柳粒,炸物 各樣都做得唔錯. 食完一輪就值得再ENCORE!雪糕同飲品都有好多選擇 一D都唔求其

星期二返工返到冇晒心機最啱就係食放題了，同同事做完gym就決定要好好慰勞自己，於是就去食放題！食放題最重要係種類多，一入到去有個自助bar有熟食同壽司等等。但最令我興奮嘅係有超多種類嘅野飲，由無酒精到有酒精用好多個大雪櫃排得好整齊，見倒都覺得滿足。同朋友一坐低就瘋狂點野，太肚餓了，因為腸胃炎完醫生叫我唔好食生野住所以今次刺生冇我份… 只可以望住朋友食得津津有味。首先係壽司，我個人好鍾意食沙律系壽司，所以係放題必叫，另外仲叫咗鵝肝、海鰻同和牛壽司。然後就係肉食啦～肉方面我地叫咗燒牛舌、蒜片牛粒、羊架同炸蝦天婦羅。真係好推介燒牛舌！質感十呎又入味食完一轉即刻加單叫第二轉！食個不停，再嚟就係我同友人嘅大愛！麻薯波波波！除咗叫芋頭萵，仲叫咗榴槤，榴槤真係好高質呀！！！身為榴槤愛好者，至少都要食返4粒嚟過下癮。仲有就係芝士年糕，全部即炸，外脆內軟，正！食到咁上下都差唔多飽，即刻叫個燒菠蘿嚟解下濟，酸酸甜甜，可惜冇影相～解完濟又係時間食甜品！見倒哩粒不知名物體咁受歡迎，我又夾咗兩粒嚟試下，原來係榴槤mochi嚟咖！煙煙umum煙煙umum加埋入面嘅榴槤蓉真係最好配搭。朋友叫咗杯哈根大師期間限定櫻花

星期六即興想食放題，奈何11樓已經爆滿，只好落8樓滿屋試下。大約6點入座，先點了刺身，刺身來得很快，雖然不算特別新鮮也至少不難食。然後再入紙的點菜紙，包括海鮮、和風料理、煮物等等等等，全部有入無出，等左至少十幾分鐘都無見影。向服務員反映，他說可能夜市比較忙，要我地逐一話佢知漏了什麼，佢直接去入單。首先，今日先第一日做週末夜市嗎？這是漏單理由嗎？第二，要直接入單咁剔紙仔黎做乜呢？最後等到埋單都只上左一個燒菠蘿，遇有特別order的雪糕。連隔離枱都一樣等到唔耐煩黑住面埋單。從未見過放題服務咁差，漏單漏到咁都夠膽收我$248還加一。黑名單，絕對無下次。

到底要幾唔怕肥既人先會做完運動去食放題呢？係貪佢易吸收定係運動完有QUOTA吃？其實我們都怕肥，只因為敵唔過戰友既誘惑。。剛巧見到點心新鮮出爐，師傅又話點心唔係叮叮，係親手蒸既。十分推薦蝦餃。我就好捧場拎咗三粒，又真係好過叮叮點心既～刺身OKAY，解足雪。滿意滿意燒物咸左少少，最喜歡燒牛舌～唔會燒到硬或太韌最期待既薯波出現了，滿屋既炸物真係唔錯。我哋叫左3轉，每次都係熱辣辣薯波其實係蕃薯丸入面有芋蓉，唔太甜，口感軟糯。叫到成檯都係食物，豐富到一人手揸一碟每人可以揀一款雪糕，我唔食榴槤既都聞到榴槤飄香。滿屋仲有季節限定既 Häagen-Dazs～最後有個桂花JELLY做結尾，桂花味香，清新解膩。唔錯

上星期三同同事來到這一間日本料理食午飯，第一次食，已經覺得D野食勁 但最衰唔記得帶手機影相。不過星期四又再同另一個同事來多一次，同大家分享下。兩個餐牌，白色的一個，套餐只包白飯，湯和飲品; 黑色的一個，套餐包白飯，湯，飲品，沙律和甜品，對比上只加多大概12元就擁有沙律和甜品，抵到爛。點選吉列黑豚猪扒定食加炒什菜，只係見過份量都嚇你一跳。大大份，又沙律，又甜品，食都食唔完，侍應生見我咁驚惶，提議食少少白飯，其他要KO晒，怕我食得過飽我同事點了四色魚生丼，有三文魚，油甘魚，甜蝦，蟹籽。同事都讚我好介绍，味道一流。上次忘記影相，但沒有忘記提大家要試的餐包括:花膠瑤柱炒飯加燒鯖魚，串燒拼盤，火炙壽司盛配细烏冬，雪花牛肉鍋加三文魚刺身.....值得一讚是每個侍應生都笑容滿面，服務一流