滿屋日本料理 (已結業)

今日同朋友去銅鑼灣食日式放題！哈哈～今日去了sogo 後面的銅鑼灣廣場二期8樓的滿屋日本料理！一入去地方幾大台上有兩本放題餐紙！有魚生、炸物、燒物、壽司、窩物......上面是自己點！食物好新鮮！👍🏻👍🏻甜品可以出面的自助吧拿！有豆腐花😋😋，蛋糕...雪糕一人只有一杯！出面的自己吧仲有一些炸薯格、沙律......飲品有兩大雪櫃的飲品！有成十多款汽水和酒！熱飲有三款茶包！有梅酒，青酒......

武肺下人人自危，大家都少了外出食飯，寧願多自煮/叫外賣。生意難做下，很多餐廳都出盡奇招爭生意，老實說只要您「識揀」，有衛生措施、網評好的餐廳，在那逆市下，食到寶沒難度。上星期同家人去銅鑼灣吃了久未嘗過的晚市放題，上網看過那間人氣放題店推出了特別優惠時段： 星期一至四可以$188 嘗到晚市放題（平時$238-$248），當中包括海膽手卷、大目吞拿魚、赤蝦等回本美食，馬上不能錯過立刻帶家人去食。一上到去，第一觀感不錯。原因見到全部侍應服務員都戴上口罩，尤其是端食物的更會戴上手套感覺非常穩陣安全。有服務員帶我們到自己的座位，我們當然沒有錯過時間，我去自助吧取食物，家人負責睇紙揀選日式料理。這裏自助吧嗰陣不錯，沙律吧非常多選擇；又有凍蝦、凍螺等冷盤，炸物看來非常乾身又多款式，尤其是見到有蝦多士及紫薯波波，絕對不能錯過馬上要夾兩件！熟食區見到滷得非常入味的有港式魚蛋雞翼豬皮、椰汁咖喱蘿蔔牛腩、葡撻仔等。甜嘴兒不能錯過這裏的甜品櫃，有10多款選擇必定能滿足你們有胃口。但是最令我欣賞的是這裏的飲品櫃，見到有白啤，已經非常滿足，但是竟然有清酒，冷熱均可非常正！唔講咁多，即刻馬上攞幾款冷盤美食🍤🥟同酒水

見樓下派傳單咪上去試下，由7點入座，等左15分鐘先上個刺身，吾新鮮都算啦再叫壽司，等左20分鐘，啲火炙壽司係凍既再俾單啦⋯⋯個侍應唉左一聲.....都算啦黎啲熟食係凍既，仲要放低果下飛左出黎🙄🙄🙄又話飲食業慘淡，有生意又吾願意做甘，放題我俾單係咪都好正常呢，吾洗唉一聲既野食凍都算啦.....上野食上得慢都算啦.....啲員工態度仲要差，要我俾250蚊食個差既放題真係dum心口！！！！呢餐放題我食左兩個鐘我都吾知我食左啲乜

有次同朋友想食放題，就上咗呢間滿屋放題都試吓，上到嚟人流唔算多，坐都坐得幾舒服，坐低左之後店員就會比兩本Menu你揀嘢食，其實都幾多嘢食種類俾你揀，佢除咗有Menu俾你揀之外，出邊都會有自助形式嘅食物俾你拎返埋座位度食，首先梗係叫刺身啦，刺身種類都好多，亦都好新鮮，亦都會比足夠份量俾你，不過如果食完唔夠喉嘅話亦都可以再叫，份量亦都一樣比足你👍🏻👍🏻👍🏻佢哋嘅甜蝦刺身同埋赤蝦刺身都非常鮮甜，又新鮮，大大隻，啖啖肉，不得不提嘅就係帶子刺身亦都非常可口，擺盤亦都好靚，好吸引。而另一樣要睇到嘅就係佢哋嘅甜品係用上Häagen-Dazs嘅杯裝雪糕，好有誠意，亦都有幾款味道可以俾你任君選擇，再加上食完亦都可以再食第二杯。呢個係燒蝦串燒，燒得好香口，好美味，值得推介，其實仲有好多款好多款食物都比較好食，有興趣嘅朋友可以一試。😋😋😋

自己間唔中都會去食放題🙆🏻‍♀️✅第一因為自己鐘意食日本野✅第二自己又貪心想有多元化選擇, 每樣食啲🙊「滿屋」放題CP值真係好高, 加上質素有保證💯▫️刺身▫️🍣壽司▫️火焰壽司▫️手卷▫️卷物▫️🍤天婦羅▫️炸物▫️🍢串燒▫️燒物▫️一品料理▫️🍲煮物▫️🥟廚師推介小食▫️🍶酒類非酒類飲品▫️🍮甜品▫️全部都有😎-刺身擺得齊齊整整靚靚仔仔上枱👍🏻而咁多款刺身中, 我就最鐘意大赤蝦同油甘魚刺身😋-串燒同燒物由🥩肉類到🍍蔬果類都有🍖燒羊鞍一件已經好有份量, 燒得剛好夠Juicy🤤🍌蜜糖燒香蕉夠特別, 🍯蜜糖嘅甜味同🍌香蕉嘅果香好夾❗️-另外推介大家⚠️必試⚠️貓山榴槤炸彈💣皮薄脆之餘啲貓山榴槤餡一咬落去係爆出黎, 堅正🤩-廚師推介item我一眼就睇中👀黑松露汁蘑菇芝士釀雞翼🍗雞翼焗到金黃色, 🍄蘑菇芝士🧀塞到漲卜卜, 好睇又好食☺️-🍽作為晚餐我始終想有啲米飯落肚🍚估唔到佢嘅鮮🍲蟹肉粥好有驚喜, 個粥底好綿好滑😍-除左自助區嘅甜品🍮 每人可以揀一杯Haagen Dazs / Movenpick / Dreyer's雪糕🍦雖然已經好飽, 但係甜品係另一個胃我一樣KO😙😙😙

同男朋友耐唔耐就會食返次放題，貪放題可以比一個價錢就咩都有得食，唔使就住就住～我地食左滿屋好多次嚕，因為可以任飲梅酒同清酒，爽呀。-落左單就出去自助區攞啲前菜食，估唔到凍盤除左有沙律之外，仲有蝦、螺同蜆呢啲海鮮食。自助區仲有薯格、炸魚皮、泰式鳳爪、涼拌芽菜、味噌湯、青紅蘿蔔豬骨湯等等，甜食除左有凍櫃既小蛋糕，仲有爆谷同葡撻添！而飲品區足足有廿幾款任你揀，可樂、解茶係基本，仲有涼粉爽、啤酒呢啲揀；想飲熱野既野，亦有暖版既維他奶同三款熱茶包比你沖（玄米茶、烏龍茶、煎茶）；而我當晚飲得最多既，就一定係清酒同梅酒！梅酒我足足飲左兩樽，梅味十足，不過略嫌無乜酒味。-食放題第一件事當然係叫刺身啦！第一輪叫左三文魚、劍魚腩、北海道帶子、甜蝦同大赤蝦，刺身好新鮮，帶子大大隻，好厚肉。雖然赤蝦大隻得黎肉質又夠爽彈，但我自己都係中意甜蝦既軟綿鮮甜多啲。第二輪繼續Encore三文魚、帶子同甜蝦！-蕃薯仔天婦羅唔夠熱，龍躉天婦羅夠特別，而且啖啖肉唔會得舊炸粉。-鹽燒牛舌：幾厚，燒到外脆內軟，唔錯。燒菠蘿：多汁又夠甜，啖啖肉。鹽燒海蝦：燒到入面都有微微既鹽味，肉質爽彈。-燒羊鞍：燒到焦焦脆脆，入口又幾鬆軟，唔會

一向都好鍾意食日式放題款式又多又特別熱食、冷盤、壽司、刺身、鍋物、甜品真係咩都有🤤🤤可以鍾意食咩就點咩仲要可以逐件落單唔一定要成碟上唔會浪費之餘又可以試多啲款式真係好正❤️今日係銅鑼灣行完街諗唔到食咩就上去滿屋encore 放題啦刺身新鮮好味不過其他燒物都非常出色例如牛舌、和牛粒最正係個羊架肉質彈牙冇羶味天婦羅炸物非常香脆最正係炸蕃薯仔超甜好味一口一粒食到停唔到口佢哋連花膠、翅都有真係非常特別🥰最後飽到食唔到甜品呀😭😭😭

好耐冇出過街，難得出嚟食嘢梗係要食得豐富啲啦，搵埋我朋友過嚟銅鑼灣依間滿屋食放題，餐廳好易搵，喺銅鑼灣地鐵站一想離就係，而且環境好乾淨，坐得舒服🤩最正嘅係依度除咗可以點嘢食之外，仲可以出去拎嘢食，嘢食種類超超超豐富！有勁多野飲、甜品、炸物、沙律、蛋撻，你講得出嘅都有😍我最推介嘅係依度嘅炸物：榴槤炸彈同炸生蠔，外層炸到脆卜卜，一咬落去全部都係榴槤肉，好邪惡，超香濃榴槤味😍生蠔仲要大大隻好鮮甜！另外依度嘅辣蜆都好正！未到好有韓式feel，鍋底用咗韓式嘅辣做調味，蜆好鮮，仲要熱辣辣😚同埋呢度嘅串燒同埋壽司都好高質，唔會好似其他放題咁Hea你🤣 尤其是係煙熏三文魚壽司，各位三文魚控必食！三文魚好香煙熏味，燒到超香，仲有三文魚嘅油脂味超正😚最後仲有我最鍾意嘅movepick雪糕，啊啊啊啊啊😍完美😍

前幾日約咗個朋友去食生日飯，佢本身好大食嘅，所以我就提議我哋一齊去食日式放題，我已經預先book咗銅鑼灣嘅滿屋，所以我哋就一齊去。呢度嘅嘢食選擇好多，除咗刺身同壽司之外，仲有串燒熟食等等...而且係等嘅期間之外出邊仲有啲熟食可以自己拎，唔使怕餓住你等。呢個係炸蝦天婦羅，天婦羅炸得好鬆脆，粉漿好薄好鬆化，蝦肉好爽口同彈牙。我哋仲叫咗啲刺身，帶子刺身好鮮甜，而且唔會切到好薄好細片，好有口感，螺肉就好爽口，味道都好鮮。我哋仲叫咗啲炸物同埋熟食，呢個係汁燒牛舌，牛舌好爽口而且味道好入味。

已經好一段時間無食放題一大班人任食絕對係不二之選，價錢收費如下每逢經過銅鑼灣廣場都有長長人龍，能夠屹立多年的放題，必定有其優勢好多好多選擇，好多都想試飲品有成四個雪櫃，仲有熱飲可選，好細心仲有自助形式的冷熱盤，好多元化極極極推介的刺身，好新鮮好大粒帆立貝，好新鮮好鮮甜，推介必點火炙壽司都是不容錯過的選擇，特別最右的火炙和牛壽司，好正！平時好怕厚厚粉漿天婦羅，估唔到放題佢都做到咁好質素結論係食物質素依舊好，有水準呢度除左唔怕落左單要等好耐，侍應有禮有快手選擇咁多，好岩一家大細同埋一班朋友gathering

放題相信好多香港人都一定食過～ 滿屋呢間放題都相信好多人食過～～～ 因為疫情問題都見到少左人幫襯，店家係抗疫方面都做左D功夫，包括準備搓手液，入店量體溫，同埋坐得隔遠少少， 仲記得以前D枱排到好密集，兩個人一定係坐兩人枱，但而家兩個人都會俾四人枱俾你，務求令大家食得安樂～～～ 每次食放題都好中意meet哂D紙出黎全部野Screen一次睇下有咩岩食～～ 咁就睇到餐廳多唔多款式！結果當然係夠多款式Hahaah佢出面仲放左D小食，沙律，甜品，清酒，梅酒，飲品～～～ 仲有湯～ 叫左野食又未到可以係出面慢慢揀！ 食住先等d刺身黎！以前細個食放題成日都叫到食唔哂... 而家人大左就唔想哂野，會叫到自己食得夠既份量～～～ 哂野真係唔岩～～～刺身夠哂鮮味，我最中意食三文魚，夠哂肥美！ 花之戀又係好正！唔會好細件～又唔會太大件，size夠哂適中！佢D軍艦都好正.... 叫左勁多件，放題食壽司成日俾人話唔抵，因為太多飯... 但自己鍾意食乜就食，嗌乜就嗌先至係精粹！佢D熟食都好掂，例如係炸榴連球，芝麻雞翼，粟米同埋牛仔骨等等... 每樣都叫一次都其實食到好飽Hahahah另外值得一提係佢D飲品都好正！有好

每次揀唔到主意食咩嘅時候放題絕對係一個好好嘅選擇今次嚟到一路都好想試嘅滿屋之前成日都好多人呢排靜咗啲我覺得係去食嘅好時候🤣我哋平日去就$248一位晚餐來講真係一啲都唔貴呢度選擇又多汽水、冷盤、啤酒、 熱茶、湯、自家製甜品、隨便自己攞不過可能呢排大家都比較關注衛生所以冷盤真係好少人攞😅我覺得佢哋嘅壽司, 刺身都非常新鮮而且種類都好多選擇我最愛嘅牡丹蝦啲肉係爽口㗎👍就算熟食都好好味呀天婦羅炸得非常脆口食落唔錯, 唔會成口油個炸蠔有驚喜熱辣辣脆卜卜、蠔本身好juicy我自己食咗三隻🤣辣酒煮蜆,牛肉粒都好正每碟嘅份量唔會太大份可以叫多啲嘢食好味嘅先再encore侍應有戴晒口罩上菜速度算唔錯亦會主動收碟👍宵夜時段再抵啲下次OT我會再返嚟食呢間😂

讀書年代真係好鍾意食放題,一個價錢任食2小時,又有壽司、又有刺身、有凍食又有熱食.食物種類又多又豐富.以前都多嚟呢間食放題,但出嚟工作後,成日太忙已經少咗好多食,加上又好難預時間.好多時都好快full booking.好彩朋友之前book定,而且唔算好多人都OK.$238 2小時,慢慢食住慢慢傾,剌身整體都OK,特別鍾意係鮑片,反而三文魚一般,剌身唔算好厚切,但以放題嚟講算係幾唔錯.反而有款壽司我十分推介大家試,海膽三文魚蓉壽司,佢唔會好大件,但我都食咗5件左右,因為真係幾好味.熱食我就特別鍾意佢個辣味炒蜆同埋牛肉鍋,個牛肉鍋我仲有再encore.另外,都一定要試埋佢個紫薯同埋牛柳粒都係整得相當惹味.

今日去到銅鑼灣，真係唔敢相信呢個係銅鑼灣，少人到一個極點。上到滿屋，即有位，等都唔使等。一直到3點離場，個場坐唔到一半枱講返服務，可能客少，所以真係冇得頂，剛劃好第一張單已經有人行埋嚟幫你落咗先，之後都係，未劃完佢地已經準備行埋嚟咁，平時邊間放題都冇咁積極嘅員工亦可能因為客少，今次所有單都好準，冇多亦冇漏刺身都好新鮮壽司同手卷啲飯嘅份量比較細唔會咁快飽，天婦羅夠脆口，其他野都好好，不過麵呀，烏東呀，火鍋等等就冇試了最近last order 後仲有個員工過嚟一枱枱派雪糕加埋一後203，食物品質，員工服務都比預期的好，我覺得完全可以再去

在剛興起日式放題的時候，已經光顧尖沙咀的滿屋，可惜它已經結業，今晚便來到銅鑼灣的分店。食物種類繁多，有天婦羅、創作精選、手卷、、刺身、壽司、火焰壽司、燒物、一品料理、卷物、炸物、串燒、煮物和廚師推介。飲品除了汽水、啤酒和果汁之外，亦都有清酒和梅酒，可以任飲。自取食物方面：有熱葷、沙律、蛋撻、冷盤和小食。可以吃着等其他食物，是一個窩心的設計。刺身方面，個人推介油甘魚、帶子、赤蝦和劍魚，款款新鮮，味道鮮甜。海膽手卷，是必定必點的一款，份量雖不多，不過海膽鮮甜已經足夠。燒物：以燒海蝦和燒菠蘿，最為出色。　熱食推介，黑松露炒金姑菜，味道香濃，而且健康。甜品方面，有自家製甜品、雪糕和百福豆腐花，最後每人亦有一盒名牌雪糕，吃完已經飽到了一個點。