滿屋日本料理 (大埔超級城C區)

營業中

休息中

今日嚟到大埔，見到有間日本料理嘅放題喎，梗係去試一試。滿屋日本料理就喺大埔超級城巴士站隔離，位置都好方便。可能因為時段較早，唔駛等就入到去。係等緊上壽司之前，梗係食咗餐前冷盤先。呢度啲冷盤種類都真係唔少，中華沙律、泡菜等等。食咗兩碟前菜準備好個肚，就到刺身啦！叫咗帶子，吞拿魚，鮮蝦等等…最吸引我嘅一定係鮮蝦，又大條又新鮮，炎炎夏日食刺身真係一流。另一方面，鍋物都好唔錯，特別係呢個壽喜燒鍋，甜甜地嘅湯底，令到濃味嘅牛肉食完都唔滯，非常唔錯。最後梗係要食返個雪糕，作為完美嘅結局。