滿屋日本料理 (大埔超級城C區)

營業中

休息中

四、五年前食過旺角分店，當時係香港放題最hit嘅時候，佢嘅水平都係above average...數年過去，今日去開一田買野，見到原來呢到都有分店，咁就一於入去祭下個五臟府啦！以2021年嘅價錢黎講，$2xx算係中價，最緊要睇下佢有咩食，如果無咩choice就真係麻麻了🤔係門口睇左陣，發覺menu款式好似多咗(同多年前相比），咁就GoGoGo lah～而家食放題用qr code落單係基本盤，又環保又方便又準備！落左單5分鐘唔夠，刺身船已經快速到達，數量齊，用料鮮👍一間放題就好難全部食物都好嘅，先講咗一啲好嘅比大家參考😉焗芝士帶子: 成個貝殼上碟，所以唔使驚佢會重啲殼，芝士味重得黎，帶子都大大隻😝花之戀: 我鍾意去佢細細舊，咁就可以食到幾塊三文魚同沙律醬同埋魚子嘅mix&match👍燒牛舌: 真係即叫即整，又軟身又有牛味蒲燒鰻魚: 火喉恰到好處，encore咗3次🤭羊架: 燒物真係做得特別好，唔會好腥同埋無咩肥膏！！好多時食放題d羊架都好多肥膏🤮🤮雙皮奶卷: 好香嘅奶味，熱辣辣🔥🔥榴槤波波: 入口脆身，內裡榴槤成流心狀態，師傅功架十足🤗食咗咁多款，比較唔推介嘅就係燒菠蘿。唔知道係時令還是

由於好耐都冇食過放題🦪🍤🍣🍛🍲🍡，知道大埔近近地有間滿屋就約左朋友去食餐勁嘅😆入到去就見到啲小食🥟、甜品🍮、飲品🧃可以自己拎，啲飲品種類多到嚇親我😂，就算係啤酒嘅牌子都有4-5種，仲有埋清酒添🍶！入到去店員安排坐低，第一個感覺係張檯一啲都唔細，比起我多年前食放題嘅印象喺張檯放3、4碟嘢已經非常迫，同埋檯與檯之間非常近，基本上無路可行，但呢度嘅舒適度都幾唔錯💁🏻‍♀️。到食物方面，食物嘅種類唔算好多，我最想食嘅炸芋頭丸竟然冇🥲，但食物溫到唔錯🌡，唔會凍冰冰，有啲仲係熱辣辣添🔥。喺刺身方面比較出色係大赤蝦🦐，因為佢真係好大隻，食落啖啖肉👍🏻 呢度仲有刺身帶子，不過肉質方面就比較淋身，而赤貝就keep到個爽口。熱食方面，我認為西京比目魚🐟非常有驚喜，呢個比目魚我叫左兩次就知有幾出色😆雖然佢係薄身啲，但非常滑，煎得亦好香口，好有出去俾錢散叫嚟食嘅味道。由於我唔食羊🐏，所以得我朋友食左個燒羊鞍，佢話好好味一啲都唔韌，仲好有羊味！仲有非常推薦榴連炸彈同相思雙皮奶🍼，超大陣榴連味，同埋個炸雙皮奶新鮮炸，真係好好味😋唯一我覺得失望嘅係避風塘炒墨魚仔，墨魚仔出面個粉漿好粉，同個味道好一般。其他嘅都keep

見到個個post都話正同大滿足，就決定係生日去試試佢，平日晚餐$268加一。先唔講質素，佢既放題種類得好小，熱食、串燒、鍋物同炸物都係得幾款選擇，而且食物質素真係好一般，唯一係刺身叫做合格，同雪糕比較好，其他都係一般中的一般，佢外面仲有啲熟食同甜品比你拎，但見到都唔會想拎😅成晚都好似冇乜食過野咁，雖然係二百零蚊姐，但都未至於係呢個質素囉，呢個價位同食物質素同款式真係唔會再黎，呢間都可算係食過最渣的一間放題。

滿屋最近開左大埔分店，梗係要去試吓！比起佢其他分店，呢間相對上比較細，坐得比較迫，不過乾淨企理，都有和式嘅感覺。呢度用嘅QR code點餐，亦都有自助放題區。自助放題區嘅選擇都唔少，有炸八爪魚丸，黃瓜海蜇等等嘅涼食，仲有湯同甜品。而且呢度都有朱古力火鍋。一嚟當然叫咗刺身同壽司先😄刺身大大盤上，亦都好新鮮，厚薄適中，同埋上菜速度都好快。平時食開嘅油甘魚三文魚油甜蝦帶子等等都有。值得一提係帶子非常好食，好大隻同好厚，特別鮮甜！如果食特上嘅話有一版版嘅海膽，雖然一份唔係好多，不過好鮮甜。另外仲有拖羅同牡丹蝦，都係非常值得推介嘅係壽司方便選擇都係唔少，有吞拿魚茸，Wasabi八爪魚軍艦等等，而且有啲比較特色嘅配搭例如生蠔壽司，肥美又好食。熟食方便都有唔少燒物，好似燒牛舌，菠蘿，仲有唔同幾天婦羅。款款質素唔錯，唔會話上枱嗰陣凍哂。其他選擇都唔少，選擇有烏冬，燒牛肉、燒海鮮鍋，亦都有粥，想食嘅話可以有好多選擇。燒牛肉鍋好足料，味道好好。甜品方面就冇乜太大驚喜，除左雪糕之外最好食應該係個朱古力火鍋。總括嚟講呢間野嘅新鮮程度同食物質素同其他分店一樣都係幾高嘅，上菜速度快，維持到一貫嘅高水平。

過左辛勞ge一個月要食餐好 慰勞下自己！😤近近地 係大埔就食到放題～終於唔洗去到旺角有放題☺可以放縱自己狂食野🤭 真係減到壓ga~一入到去 超多款飲品同甜品淨係前菜已經有十幾款🤩有我中意ge蓮藕、海蜇、荀、紅菜頭滿足晒我 可以一次過食晒中意ge野🤣👍食放題當然要狂食刺身😆😆刺身都OK 冇雪味又唔會雪到冰左👍刺身帶子幾甜😋 隨即叫左鵝肝帶子壽司🤩比想像中食落較清 唔重味食到咁上下已經飽飽地🤭 每款卷物叫左一件試下整體都唔錯 唔會覺得自己食左大舊飯😆👍食左咁多生野，當然都有食下熱野暖暖胃有d熟食味道都唔錯☺（我冇食晒咁多款🤭）e個放題仲有清酒飲 可以同frd乾一杯😆～

今日屋企冇飯開，所以有藉口去食放題。😝冷盤選擇都幾多元化，有蓮藕片、中華沙律、翡翠螺、麻辣豬耳、枝豆、泡菜、車厘茄等等，而且仲有朱古力噴泉同其他炸物小食。刺身相當高質，每款都超級新鮮。鵝肝帶子壽司 : 雖然鵝肝份量唔算太多，但味道相當濃郁，配上口感肥美嘅帶子，非常滿足。🥰三款唔同特色嘅卷物 (香蔥一口牛肉卷，雙重芝士鰻魚卷，芝士軟殼蟹卷)。燒牛舌啖啖肉又香口。香脆可口嘅避風塘炸墨魚仔。好多唔同款式嘅甜品，而且仲有山水豆腐花同生果。

最近好想食放題，所以今日就約咗朋友嚟大埔呢間放題食餐飽，坐低咗就當然周圍去睇吓有咩嘢好食。門口位置係熟食區，甜品區同冷盤區，款式都有幾多吓。飲品方面都有幾多選擇，啤酒，維他奶果啲都有。刺身叫咗帶子、赤蝦、榮螺、北寄貝、赤貝。每款都相當新鮮，赤蝦大隻又新鮮，帶子超大粒勁厚肉 😍 忍唔住瘋狂食。雙皮奶、榴槤炸彈 : 呢兩款炸物自己超鍾意食，榴槤餡勁正 🤤 好似食緊粒真嘅榴槤咁，榴槤控千祈唔好錯過。鮮甜得嚟口感綿綿嘅海鮮粥。黃金燒扇貝 : 醬汁超惹味，扇貝又幾大粒。

難得工作咗成日就同朋友去食日式晚市放題任食喺大埔食放題我就識得揀「 滿屋日本料理 」 @manya_japanese_tp 計吓條數即係兩個人$500左右真係好抵食二話不說走咗去食😋鍾意佢點餐方式夠晒方便只需要用手機掃描QR code即可下單入面食物仲要圖文並茂一目了然 簡易操作環保之餘 仲可以減少人與人嘅接觸令我食得安心又放心🤗⊰⊹════════════════⊹⊱✎ 食後感 ：✨「 刺身 」刺身款式一共有14款當然唔少得要叫三文魚、帶子及甜蝦等等雖然甜蝦細細隻但係食落去好鮮甜爽口所以我再encore甜蝦另外三文魚刺身條紋非常平均食得出啲刺身真係好新鮮「 壽司 」壽司、卷物、手卷等系列嘅都有五個系列款式差不多有30款選擇當中有我最鍾意嘅海膽吞拿魚蓉壽司最鍾意嘅軟綿綿嘅吞拿魚腩蓉mix 埋海膽同埋飯一齊食口感層次更豐富加點豉油Wasabi更加滋味其餘熟食方面包括有「串燒」、「一品料理」、「煮物」、「廚師推介」、「天婦羅」及「炸物」等#燒羊鞍當中仲有我最喜愛嘅 #燒羊鞍羊架來到我即刻嘩然一聲因為羊鞍超級大件而且煮得恰到好處味道還帶一點羊騷味正是我想吃到的羊肉質素一口氣order左兩三件

今日女朋友嚟同我阿爸阿媽食飯 咁就book咗一間喺大埔新開嘅放題餐廳叫做滿屋日本料理 顧名思義真係浪漫滿屋呀入到去款式應有盡有 除咗有普通飲品甜品同埋熟食之外 仲有一個朱古力噴泉 幾有特色 仲有棉花糖同埋生果可以浸落去 但係都係留番畀小朋友玩好啲刺身拼盤 有三文魚 油甘魚 赤蝦 帶子等等 全部都好新鮮肥美 尤其是係三文魚 魚油好甘香豐富 帶子極之鮮甜爽口 值得一讚之後就叫咗一啲熟食 首先有一個芝士焗扇貝 芝士嘅味道好香 鹹鹹甜甜 加上彈牙爽口嘅扇貝 令到大家都一食上癮帶子壽司 帶子好鮮甜 口感幾軟滑 加上酸酸地嘅壽司飯 令到大家都好開胃花之戀壽司 三文魚幾肥美 加上甜甜地嘅燒汁 都幾清新可口

滿屋今日收工之後同一個朋友去咗大埔行一陣街度見到佢哋最近都開咗間新嘅放題店，之前喺旺角食哥哥覺得佢哋嘅水準唔錯今次難得有時間當然就要試吓佢哋嘅水準果然係提升咗好多，每樣小食都係好精彩嘅，唔係一般嘅放題咁求其大大盤刺身，喺出邊都冇得食嘅虎蝦同埋越式生蝦呢度都有得食至於熟食嘅話，佢哋嘅辣炒青口同埋花膠都好好味😋另外燒物嘅話我推介佢哋嘅菠蘿，雞翼，雞軟骨同海蝦都好出色❤️❤️最後甜品仲可以選擇Häagen-Dazs或者Dryer等名牌嘅雪糕,絕對係一個物超所值嘅放題喺附近食飯仲可以有免費一個鐘頭嘅消費泊車，絕對抵

今日入大埔搵朋友影相 順手食個Lunch見口痕想食日本嘢 索性不如直接食放題所以去大埔超級城 試下呢間 滿屋入到去都係一般放題格局 自助區選擇都算多種類有冷盤 有熱食 有甜品 仲有我幾鐘意嘅朱古力噴泉各樣都試咗少少 感覺自助區都係合格以上當然 我最睇重嘅重點 係壽司 刺身 燒物啦!首先講下壽司先 第一眼睇到已經要讚因為佢每件都係細細件 啲飯唔多 可以留肚試更多唔同種類特別推薦 吞拿魚蓉海膽壽司 同埋 三文魚籽花之戀飯少但魚生份量足料 味道又好食 幾唔錯重點要提一提 個海膽手卷 真係足料 唔係求其整少少上去就算 咬落去feel係有幾浸嘅非常唔錯!到刺身 刺身唔係薄切 厚薄適中 片片大細唔會太大差距味道各款都唔錯 特別鐘意食佢個甜蝦 好味!三文魚同出便單點嘅都係差唔多味 冇因係為放題降低質素大蝦 啖啖都係肉 一個人都忍唔住食5-6隻 真係幾好食!最後到燒物 結果亦都係令人滿意 首先要推薦 燒鰻魚 雖然可能係魚尾 細舊少少但味道都係唔錯 我都點多一碟encore羊架 燒雞翼 亦都好好食 燒嘅火候岩岩好最後亦都食埋個牛肉鍋 味道同份量都滿意真係飽住完 飽住走以平民放題嚟講 都覺得OK嘅如果去開

大埔滿屋真係會令人想再去😋 再次嚟食一樣咁高質👍水準keep到值得一讚👏 果然個個收到風，平日都人流不絕，book咗位就一定食到啦☺掃QR code order食物外，仲有多款沙律、冷盤、甜點蛋糕、飲品等自助區域~·一大盤刺身真係浮誇又吸睛😍刺身真係好好味🤤 吞拿魚軟綿綿，入口迅間溶化無渣🤩 厚切三文魚魚油濃香🤤帶子新鮮甘甜😚 甜蝦好creamy🦐而壽司個人至愛🍣蟹籽壽司，咬到索索聲👄海膽手卷都係必點😻 食多幾round回本 !·熟食都有唔少選擇，串燒炸物熱辣辣🔥咬開芝麻雞翼仲出哂煙👍 炸榴槤波波好好食，勁香榴槤味😍咁有質素既日式放題真係好少有！令人成日都好掛住😚 好想個個月都食一次🤩😍·📍滿屋日本料理大埔安邦路9號大埔超級城地下542-548號舖

今日同媽媽出咗去大埔行街，夜晚兩個都勁肚餓，途經見到呢度有放題，任叫任食，食物款式非常多！ 三文魚肥美，大甜蝦超級大隻，非常鮮甜，帶子爽口，油甘魚入口即溶🤤🤤🤤炸物非常香口，即叫即炸，芝麻雞翼外脆內嫩，一定要encore！😊😊牛柳粒熟度剛好，味道十分惹味， 燒元貝有濃濃沙律芝士香，creamy!! 😋😋最終仲有雪糕作總結，食到我同媽媽棒住個大肚腩👍🏻全程都冇漏單，性價比10分高😎😊

已經encore過尼間好多次，食物種類都好多刺身就叫左三文魚、呑拿魚同d蝦，當日既三文魚都幾新鮮熟食就叫左個一口牛柳粒食，好有鑊氣，好惹味，蒜片將牛柳粒既味昇華左所以我幾推介尼個。炸物方面種類都多既，佢係即炸，所以熱辣辣既，有炸蝦天婦羅，炸鮮奶，全部既味道都幾好架。 而飲品種類都幾多，有茶、有汽水，竟然有朱古力奶，我都飲左2,3盒🤩🥤🍵當日上嘢食既速度都ok,服務都ok,最後每人有一杯Haagen dazs

都有一排冇去食日式放題又係時候去品嚐一下，至於今次聚餐就去咗大埔超級城呢間滿屋日本料理用膳，任飲任食兩小時入去已有自助區提供多款前菜沙律以及小食甜品等，再掃一掃QR code開始點選美食，先來品嚐一定係刺身拼盤，有十多款刺身選擇就點了吞拿魚、北寄貝、赤貝、北海道帶子刺身、大赤蝦以及甜蝦等，一邊食住啖啖爽彈又鮮甜刺身口感飽滿接住有另一款必吃美食火灸壽司，鹽燒左口魚邊壽司、厚燒芝士鰻魚、蒜香燒和牛及醬燒廣島蠔，壽司size啱啱好又足料一啖一件，皆因火灸過食落香濃又滋味食件海膽手卷特別滿足，再點多幾款壽司同軍艦，又繼續有串燒牛舌肉質香嫩同新鮮菠蘿香甜又多汁輪到燒物款款都咁出色，其中燒羊鞍肉嫩又帶點油香同西京比目魚外脆內嫩啖啖肉，又食埋熱辣辣香脆嘅炸物榴槤炸彈、相思雙皮奶，放題時間不知不覺又到尾聲最後品嚐埋呢碗日式叉燒拉麵連甜品雪糕movenpick ，咁又享受完一餐美味日式放題。