滷友記 (華都中心)

營業中

休息中

不得了不得了，一間餐廳除左招牌滷水外，炸物都一樣咁高質，問你點會唔去食？😝😝🍜滷水三拼麵（蘿蔔，豆腐，牛肚）$47先講湯底，滷水味道好突出，色澤又夠深，味道帶微微甜但一定都唔會過鹹。米粉吸引曬滷水湯，非常入味。蘿蔔滷得夠腍又無渣，豆腐滷過帶醬香味，牛肚入面爽脆，大大碗都係$47，勁抵食！🍜滷水三拼麵（豆腐，牛肚，雞腎）$47剛剛講話豆腐同牛肚非常入味好食外，雞腎都有唔錯表現。雞腎完全無腥味，夠入面又夠爽口，正！🍢椒鹽炸墨丸 $19墨丸爽口彈牙再灑上椒鹽，又香又好味。最緊要配埋餐廳祕製嘅蒜辣醬，好味程度大提升。🐣生炸巨型雞髀 $29雞髀的確夠曬巨型啖啖肉，雞皮炸到薯片咁脆，炸完又唔會嚡。最細心係幫你斬埋件上唔會食到論論盡盡，抵讚。#荃灣美食 #伏遊荃灣 📍滷友記 (荃灣)荃灣西樓角街170-184號華都中心1樓44號舖

朋友極力推介叫我試吓這兒的招牌滷水，路經荃灣但時間已經很晚，碰碰運氣睇吓有冇得食。好彩還趕得上，立即叫了一個滷友三寳麵，一個餐奶茶，一客滷水雞翼和一杯熱的陳皮冰糖燉檸檬。滷水三寶的確唔錯，金錢𦟌腍滑，牛筋夠腍仍然有嚼口，金錢肚爽身，粗面也不過不失，配了古法滷水汁湯底，香濃味道一致，不錯的選擇。滷水雞翼可能浸得比較耐，不是很嫩滑那種感覺，但味道不錯。值得一讚係我飲嘅陳皮冰糖燉檸檬，是他們自家製產品，濃厚酸甜度均做得很好，如果鍾意還可以買一瓶回家。

荃灣出名多好食既小店，所以放假都特登同呀妹過來搵食🤣 呢間小店主打滷水野，入面既格局好有台式小店既風格。我地點左2個麵，一個冷盤，再加多隻溏心蛋。粉麵飯本身係送熱飲既✨🥢 滷友三寶麵（$52）有多種麵同湯底可以選擇🤗我揀左粗麵，唔知點解食落好滑🤩滷水湯飲落好順喉，完全唔會過咸👍🏻👍🏻👍🏻 牛𦟌牛筋滷得好入味而且超淋，完全係一咬就開，金錢肚好爽☺️好高質😍推推推🥢 自選四餸麵（$52）豬大腸、豆腐、雞翼、白蘿蔔，蕃茄湯豆腐正常滑，豬大腸必食👍🏻洗得好乾淨，而且中間夾住小小肥膏，又夠入味，雞翼又係好入味，蘿蔔好清甜多汁，米粉好特別，唔係一夾就斷，又唔容易浸淋，但又吸到湯汁👍🏻蕃茄湯濃厚掛麵，唔同一般出面食到既味道🥫係偏酸嘅蕃茄味，仲有五香粉既味道，好特別🥢 芝麻汁雞絲粉皮（$42）粉皮超滑，我係咁夾完又滑落🤣 好彈牙，芝麻醬落得好慷慨，加埋面頭既芝麻、花生、青瓜絲，好清爽👍🏻岩哂夏天食🥚 溏心蛋（$8）好入味，唔過咸，溏心做得岩岩好👍🏻💫 份量多🤩真係抵食夾大件💫 唔食蔥既就得落單時走蔥💫 唔洗加一

正值食飯時間，比較多人，等左十五分鐘左右先有位，我地嗌左兩碗面，三款小食。招牌大滷麵$49（金錢、陳皮魚蛋、蘿蔔、豆腐）湯底濃郁金錢入味又諗，蘿蔔甜又冇渣，豆腐亦系滷豆腐三拼面（金錢肚、手打墨丸、新竹貢丸）金錢肚好爽口蕃茄湯底配手造爽脆米粉，湯底帶少少甜味手造爽脆米粉口感非常爽口椒鹽炸丸（雙拼）$19，墨丸同貢丸各有5粒，勁香口，妹妹吃不停炸秋葵$22 一點也不油膩連同生蒜一起吃平衡了秋葵的清淡生炸雞脾$29 皮脆肉嫩切件上但比較喜歡原隻上多啲+$10有支自家飲品 蘋果雪梨雪耳（原價$19）用料十足非常滋潤。凍檸樂 整體來說全餐都ok,飯同麵食都會奉送熱飲；下次會下午茶先黎食，迫過午膳時間的人流。

欣賞店舖對食物嘅熱誠同執着。自家製💕米粉🍜💕醬料💕野飲🥤比起連鎖食肆個份熱誠💯值得大家讚賞🈵~•~•~•~•~•~•~•~•~•~•~•~•~•~•~•~•~•~•~•▫️野食▫️▪ 雙拼麵 (下午茶餐 $38)滷水🐮金錢肚•滷水豬🐷大腸•上海麵🍜滷水湯湯底好濃郁，味道適中，唔咸🤩金錢肚厚身，夠腍，唔會靭🥰越嚼越出味😋豬大腸🙅🏻‍♀️唔會好肥，洗得乾淨👍🏻唔會望到中間有白色💭💭一舊舊既野😏🙅🏻‍♀️冇🤢味🙅🏻‍♀️兩樣都燜得淋身，但唔係爛BatBat個種🤓👆🏻每碗麵店家都會配上青菜🥬所以其實係3️⃣餸🤣👇🏻▪ 雙拼麵 (下午茶餐 $38)滷水豆腐•上湯蘿蔔🤍🥕•手造爽脆米粉🍜蕃茄湯🥫🍅蕃茄湯底唔係🙅🏻‍♀️茄水，係真材實料❤️有濃濃蕃茄蓉❣️白蘿蔔🤍🥕冇渣，甜既唔苦😁炆得入味夠淋😙豆腐同埋蘿蔔都係索汁索湯既餸🤭🤭索曬滷水汁既精華💕配上蕃茄湯底混合左鹹甜味道🥰手造爽脆米粉係自家製👍🏻🤔睇餐牌既時候諗脆米粉係點？🤨同行朋友話叫黎試下咪知😏米粉係幼身，爽口。💁🏻‍♀️請放心，唔係炸，唔會油膩🙆🏻‍♀️💃🏻米粉係麵類入面最輕磅既首選💃🏻▪ 滷水/麻辣✌🏻雙拼小食 ($42)揀左🐮牛筋腩同🐷豬肚。底有少少🥒青瓜絲。🐮牛

位於荃灣華都中心 ，一間小店“滷友記”。荃灣實在太多好野食，次次都唔知食咩間好。今次，經過華都中心，見到這間滷味店。走入去試下先！當然要叫個牛三寶米粉。他們的米粉是自家制，比較彈性，我喜歡！ 牛三寶都好靚仔，牛根滑溜溜，牛展夠厚身，牛肚爽口。好味！再加幾個小食 - 椒鹽墨丸貢丸，炸豬扒，麻辣雙拼（豬大腸+牛根腩）。真係樣樣都好味！ 好好都有驚喜！我比較喜歡店鋪播著台灣流行的歌曲，滷水味，麻辣味，牛根湯味，簡單有去左台灣的味道。大家不防一試！兩個人，食飽飽，都係$142，讚！支持小店！

當初嚟買外賣，可能新開將服務態度有善，味道亦不錯。今次再次幫襯，兩個麵其中一個完全錯晒，打電話話佢知又唔想唔想換返比我。落到去換，同其中一位男侍應講又完全唔應我。 個女嘅就咁遞返碗面俾我算，一句唔好意思都冇。換返嚟嘅都仲係唔記得走青。味道方面，滷水撈麵就同一般車仔麵啲味冇乜分別。所謂撈麵只係比少啲湯嘅湯麵。份量尚可，但食落真係完全唔覺得係滷水食物，最盡比晒佢都只係屬於比較好味嘅車仔麵咁囉。食車仔麵我點解唔食千色車仔麵呢？至少食完飽過食呢個撈麵。如果係佢車仔麵我可以食物質數比4星，但以滷水食品就唔合格。

<簡簡單單 · 又一餐🥢>_滷友記 - 胡椒咸菜豬肚湯飯$42 、自選三拼麵：豬大腸、手打墨魚丸、新竹貢丸蕃茄湯米粉$47、上湯浸蘿白、滷水豆腐$22 、跟餐配自家製陳皮冰糖燉檸檬$10、蘋果雪梨雪耳$10_認真搬屋真係好忙🤣去IKEA 掃貨之前，一於醫醫個肚先☺️，今日揀小店系列嘅口袋名單- 荃灣滷友記😋_由於包包本人喺胡椒咸菜豬肚湯嘅愛好者😆，所以每次見到Menu 上有就一定必叫Try Try 🙈~依度嘅胡椒鹹菜豬肚湯質素唔錯，唔會過咸味道適中，重點喺豬肚洗得超級乾淨，而且勁冧👍🏻，如果酸菜再酸D就滿分💯_至於個自選麵，包包就叫左豬大腸、手打墨丸、新竹貢丸配蕃茄湯手造米粉，依個有驚喜喎🤓一上枱夠哂大碗，份量十足，試吓啖湯先☺️湯頭酸酸甜甜好開胃，米粉亦都夠爽口同吸湯，貢丸墨丸質素佳，唔好有好粉嘅感覺，夠彈牙👍🏻豬大腸滷得夠入味同淋😌_小食方面，叫左上湯浸蘿蔔同滷水豆腐。蘿蔔冇渣做到清甜嘅效果😋，豆腐方面亦滷得入味，不錯👌_飲品呢？一場黎到試左自家製系列- 陳皮冰糖燉檸檬同蘋果雪梨雪耳，兩杯都係啱哂依家嘅天氣，可以順便潤一潤肺，唔會太甜，味道剛剛好☺️

食飯時間真係求奇入估唔到呢度台式食店既滷肉堅出色我記得個飯唔係好貴 好似50-60左右仲要有塊豬扒/雞扒我覺得100分.有一粒粒肉碎呀 菇呀好足料！一d都唔hea唔係勁杰既汁加少少肉係啖啖肉加菇！！.睇真D肉真係唔細碗.唔叫野飲可以要小食下次試🤪其實一碗飯都好飽我男仔都差d食唔晒😂

又來到荃灣，今次介紹一間平靚正的餐廳🥰滷友牛三寶飯 $55呢間叫滷友記當然試下滷水招牌菜，真係相當不錯又大大碗，牛𦟌幾軟熟好濃牛味，牛筋好入味淋得來又彈牙，金錢肚最好食！好厚身又唔韌，值得一讚肉燥汁比想像中好食鹹甜度剛好麻辣雞絲粉皮 $42幾足料有幾多雞絲同青瓜，粉皮口感不錯又夠爽口，夠麻香但對jo來講太辣😂😂😂其實係好好食我老公食得好開心上湯浸時蔬 $18想叫碟菜食，滷水娃娃菜，比想像中好食呢蒜香炸豆腐 $22好多炸蒜！！豆腐外脆內軟，用不鏽鋼碗上保溫幾好，影左咁耐相仲熱到辣咀😂味道偏淡所以點肉燥汁和枱上的麻辣汁食一流！.加$10有自家製飲品，揀左先檸檬薏米水，好清新勁香檸檬又唔甜不錯呢.整體來講好有驚喜！服務又幾好，我夜收又要影相，舖頭要關門都無摧我好好！又平又大碗又好食，性價比幾高支持小店👍🏻另外枱上有提供兩款醬汁：麻辣汁同酸辣汁，味道都不錯！

今日黎到滷友記食滷水食物，雖然係小店，但係食物絕不欺場。所有都用滷水汁精心淆製而成，淨係聞到都好香，食落所有滷水肉都非常入味😋 ▶️滷友三寶麵🍜主打三款金錢𦟌、牛筋、金錢肚可以選擇滷水、麻辣、蕃茄或酸辣湯底，揀左蕃茄湯，原來一樣好好味，足料濃味蕃茄湯，原來除左滷水湯外，蕃茄都好味👍 ▶️滷友牛三寶飯同樣有主打金錢𦟌、牛筋、金錢肚，配上滋味滷水汁 ▶️滷水雙拼牛筋腩加豬大腸，兩款都好淋整體來說，滷水既食物好出色

荃灣一直係比人叫天橋城市，而呢間滷友記亦都係可以係地鐵站經天橋過去，位置方便👍🏻呢間店既面積唔算太大，大概有6-10張枱左右，餐牌選擇都多，有台式滷肉飯同滷水粉麵，特別一提既係佢有款手造米粉，係外面係比較少見既～今次就叫左雞翼 豬大腸 同雞腎，麻辣湯同米粉，同埋如果你叫三餸以上的話仲會送飲品或小食，我就揀左凍檸茶～碗麵既賣相唔錯，最值得一提既就係佢個麻辣湯，麻既程度做得十分到，食完個嘴會真係有小小痺，另外佢既滷水亦夠入味，雞翼等等都好腍，面個米粉係吸哂個湯既味，食落夠哂過癮👍🏻👍🏻👍🏻至於杯凍檸茶係無冰的，但個人覺得唔係太夠甜，不過呢樣就純粹係個人喜好啦～總結呢間係幾好食既小店，樣樣既都足料同抵食，價錢亦唔算太貴，值得過黎一試👍🏻

#荃灣 Yeah 難得放假, 同媽媽撐枱腳! 荃灣是一個我們時常出沒的地方, 行行下街見有間餐廳新開張, 附近得佢一間要排隊, 本著唔執輸嘅精神, 梗係排埋一份啦! (實情係媽媽朋友介紹過)…先來一客小食, 酥炸豬扒 $23 ~ 炸粉薄, 炸得香脆! 豬扒都算厚肉, 唔嚡唔靭入醃得好入味! 牛三寶麵 $52, 選粗麵, 試試蕃茄湯! 牛三寶包括 金錢腱、牛筋、金錢肚! 牛筋超軟滑, 骨膠原滿滿! 金錢腱好厚身, 燜得十分腍, 媽媽表示無牙都可食! 金錢肚有咬口, 但唔靭, 讚! 再來一客滷水四拼麵 $52, 選大腸, 豬肚, 雞翼, 魚旦, 搭配自家手造米粉, 要滷水湯! 米粉標明手造, 果然名不虛傳, 幼滑爽口! 大腸及雞翼超超超入味, 大腸唔太肥, 入口即化, 雞翼入味肉質仍嫩滑! 魚旦係細蛋, 陳皮魚旦, 爽口有魚味! 豬肚亦爽口! 滷水汁濃郁, 飲幾口亦唔覺咸, 無味精! 加配鮮檸檬薏米水 $10, 蘋果雪梨水 $10! 足料到一個點, 入口清涼, 味濃郁, 大讚! 發掘一間開飯熱點! 

荃灣出名多嘢食 揀食咩都要諗好耐由於時間唔足夠 只可以快食碗麵❤️❤️今日就嚟到滷友記食車仔麵呢間車仔麵都好多人上網評論👍🏻👍🏻好多人讚不絕口唔係等咗好耐就有位😋😋揀咗個麵之後 我就揀咗雞翼 貢丸 魚蛋啲車仔麵好快就到左個湯底好濃味😋😋😋😋雞翼亦都好有味道成碗嘅份量都好足夠😆😆😆😆👍🏻👍🏻再配埋佢嘅凍奶茶呢個份量啱啱好 佢沖嘅茶好滑😋😋😋最後我成碗湯底飲晒😋😋😋一滴不留😋😋😋😋

荃灣一帶一向都多各式各樣嘅餐廳，呢間小店就主要以滷水為主題，一走到門口，已經聞到好大滷水味。小店好受附近街坊同上班族歡迎，因為價錢經濟實惠，所以晚市時間都好旺場招牌大滷麵望落唔錯大滷麵-選擇左撈粗麵，會配一碗滷水汁，材料好豐富，有港式陳皮魚蛋丶金錢展丶豆腐丶蘿蔔丶生菜等。滷水湯底唔咸，陳皮魚蛋係兒時街邊魚蛋嘅味道，金錢展軟淋入味，豆腐亦滷得入味，蘿蔔香甜有汁無渣，整體唔錯。台式肉燥飯也有點左一個麵丶一個飯，都好足料唐心蛋肉燥飯-估唔到呢度都有台式美食，肉燥半肥瘦，份量好多好大碗，豬肉粒有好香嘅五香味，用黎送飯一流，另外隻唐心蛋堅流心。生炸巨型雞脾生炸雞髀真係好巨型，好香脆，表面仲有椒鹽味，而且有肉汁，雞脾啖啖肉好入味。炸秋葵：小食方面，選擇左炸秋葵，表面鋪滿左蒜蓉， 咬落十分香口。柚子蜜-飲品方面，選咗熱柚子蜜，飲落聞聞柚子清香，味道唔錯。