滬翠園上海飯店 (已結業)

(25/12/04)同朋友行到累, 三點幾來吃飯, 叫左糯米燒賣–ok蟹粉小籠包–皮厚左d, 蟹味不太濃賽螃蟹–同其他地方差唔多雜菌糖糟麵–以為係o個種煎面餅, 原來係好似酒樓的肉絲炒麵咁既, 麵係脆口的那種, 而淋上面的”送”, 很油值得一讚的是, 這裡既茶。我們叫了龍井茶, 很香, 還不是用一般的小茶杯盛載, 而是用不秀鋼拓底的玻璃杯, 感覺高雅。

我都想分享吓經驗. 當日友人要食上海菜. 另一間飯店在裝修中, 所以walk-in. 佢地給張很細的二人桌子, 真係最細的摺桌.還要限時交位.跟住介紹所謂名貴套餐, 坐得極唔舒服, 邊到有心機食.order 遲遲又不到, 要三崔四請, 跟住又要你快D找數. D野又細碟又唔好食, 但價錢一D都唔平, 友人說唔會再幫襯.

尋日中秋節, 同男朋友黎dinner~D service麻麻地, 好多侍應一睇就知係新移民啦, 唔係話歧視, 不過佢地d反應真係有點兒慢囉, 都唔明點解d老闆會慳埋d咁既錢嫁~食物方面, 個醉雞都幾好味。津白就麻麻地, 冇乜味, 而且真得幾條津白. 一條一條咁排o係度, 一d配菜都冇, 我真係唔識欣賞。最後係宮保蝦球, 味道都ok, 不過都係淨係得一個個蝦球, 冇其他配菜囉, 一d賣相都冇, 都唔知點可姒上桌既~~杯茶就幾好味~三百幾蚊埋單, 我覺得唔值囉~~

本人到九龍塘又一城的滬翠園上海飯店吃晚飯, 佢地有位侍應大力推介我們吃一個鮑魚套餐(每位$188), 仲話隻鮑魚係餐牌上五頭那一種(值$108)。點知碗翅用普通湯匙可以五淡吃完, 得幾條翅仔, 真係食街邊的碗仔翅好過。隻鮑魚極搵笨, 只係一隻湯匙的size, 邊鬼度有五頭? 那碟帶子賽螃蟹又係偷工減料, 我撩完全碟以地氈式搜索, 全是蛋白加上一小撮瑤柱蓉(少得好緊要), 碟蔥爆牛肉則以肥牛代替牛肉(第一次見)。吃完埋單四百幾, 但是吃不飽, 只得一肚氣! 我真係唔知佢地點攞Q嘜!!!

金華火腿津白咸左d蟹粉小籠飽皮厚又普通每碟份量都係算小, 嫌佢有d小食感覺一大班人去食就唔係咁好喇!

見同一個集團做翰騰閣同Kikuzen唔錯就試下啦。點知個水準仲差過平價的上海舖。茶- $8位，每位有隻杯，入面有茶葉，要侍應斟水。好處係茶比較有味同食完可以咬下茶葉，不過人手唔多，地方又窄，成日要穿穿插插咁斟水。蘿蔔絲酥餅- 一碟兩隻，幾大粒，有蝦米，個皮好鬆，都幾好。糯米燒賣- 三粒有兩粒塌晒皮，咁都夠膽擺上檯，唔覺得特別，麻麻。生煎包- 幾好，應該真係生煎。狗不理- 似菜肉包，肉不算太碎，普通。小籠包- 一籠三粒，幾大粒，好多肉，D汁唔知去左邊。差！百葉/腐皮包肉- 咸左少少，個湯有落假翅，兩粒賣$28，麻麻。火方- 桂花糖伴蓮子、罐頭荔枝，火腿淡味、細塊，荔枝太甜，$88四件，唔覺得值。海參窩巴，$98，普普通通，窩巴太少。服務- 帶客埋檯古古怪怪，鍾意將D人擺埋一堆，唔多人就隔檯坐啦。早知就落樓下又一棧啦，好食又抵食！

嘩,呢間所謂中高檔食店,都唔知有無搞錯,簡直食到我地一肚氣!罪行一:我地一行三人,坐下不足半分鐘,一個操半咸淡廣東話的侍應甲就問我地飲豆漿定山楂茶.我地當然知道這必須要錢.因此其中一個朋友就問有無茶.侍應甲就話有,有香片或烏龍,但都係要錢.因此我地就揀了山楂茶.殊不知,我地食完野後,侍應甲就問我地飲乜茶,我地當然要覺得奇怪,點解又問我地飲乜,一問之下,侍應甲回應每位客人已收了茶錢,即使我地唔飲都要收錢....我地即時火都黎埋,佢地有無咁唔老實呀.因為佢一路無講過即使揀了豆漿或山楂茶,都要收茶錢..而家唔係我地唔肯俾錢,而係感覺被騙!罪行二:我地7:35先入座,9:00知客就趕我們走,又話自己新黎,唔知食客有時間限制的規矩,又話我地坐得耐,最離譜就係有個侍應乙在知客耳邊um um尋尋,什麼什麼唔係食野,淨飲要雙計...大佬呀,你一來無同我地講要幾時交檯,二來什麼叫淨飲雙計??我定只係食完傾一陣計,又何來叫淨飲?罪行三:到埋單時,我個朋友終於忍唔住,要叫經理過來,知客話經理不在,叫了個主任出來,我朋友向她投訴我們的不滿時,她完全抱著敷衍的態度,完全無回應我們的不滿,今時今日咁o既服務態度,

今日晚飯地點為又一城的滬翠園。我以前已經幫襯過一次鮑魚套餐﹐不過印象已淡﹐為公平起見﹐只集中講今晚的食物水準。餐前香片﹐以一個襯以不鏽鋼邊的玻璃杯作茶杯﹐有好有唔好﹐唔好的就係感覺好怪﹐同上海菜式好似格格不入﹐好的地方就係個杯夠大﹐唔需要飲一啖就斟一次茶。我地幫襯的係4人套餐﹐先來一碟拼盤﹐海哲一般﹐醉雞亦不見得出色﹐肉質頗粗﹐不過燻魚就做得幾入味同夠多肉﹐唔會話啖啖都係骨。有人可能會覺得過甜﹐但我就幾中意。鍋貼份量足﹐肉餡夠多﹐不過味道亦係街邊檔水準﹐不吃也不是損失。肋排肉質唔錯﹐味道都可以接受﹐但似乎唔多受歡迎﹐我一個人都清左三份一碟。清炒河蝦仁﹐係今晚最好味的菜式﹐清爽彈牙﹐又新鮮﹐唯一可惜係熱度不足﹐如果夠熱就係一道好滿意的菜式了。魚翅酸辣湯﹐所用的魚翅的真實性令人有點懷疑﹐不過味道尚算不錯﹐所以都無所謂了。甜品係馬蹄露﹐清甜潤喉。埋單計落百零蚊一位﹐都算可接受吧﹗而服務周到亦算有禮貌。另外﹐全店禁煙我循例會將環境評價加一分。原本係三分﹐而家可以俾四分。

上年同學grad,去左呢間,可能係2點几關係,冇咩人食,仲俾左間大房我地~我地叫左個set,有湯有小菜几款加甜品,湯我地要酸辣湯,都唔錯,小菜可以叫2個,我地要左鱔糊同糖醋魚,另外要左個馬蹄綠豆甜湯~除左個甜品好"結",同外觀比較核突之外,其他食品都好好食,5個人先至$330到,個個都好飽好滿足~

tried here for dinner before, that time really quite good------------------this time for lunch, 擔擔麵normal la, but noodle texture too sticky soft, 小籠包, skin very thick and hard, 蜜瓜西米露, normal, worse than before----------------overall, this time, here quite stupid-------------------charge about $80of course, not good environment and service

Sat 7:30pm, 好多人等位~ 好彩book o左~兩個人坐o係欄杆邊~ order o左o既o野食唔駛十分鐘出o晒.......:醉雞- 唔夠滑~小籠包- 好唔掂~ 皮o既顏色話你知係預早蒸定再翻熱, 皮厚, 包頂o既皮已經有d硬~ 仲無肉汁...焉鴦明蝦球- 一半係沙律醬炒, 一邊係茄汁炒~ 蝦都算爽~帶子賽螃蟹- ok, 唔多油~火腿津白- 獻汁太杰~椰汁蜜瓜西米露杏仁豆腐- 一般~埋單$553~ 以此quality計, 唔係咁抵~ 最衰就係門口得兩個人等, 唔係成村人, 都趕客喎~

今日lunch time同班Client去呢度開飯<br>推介有:<br>1.生煎飽<br>2.砂鍋雲吞雞<br>3.醉雞<br>4.清炒河蝦仁<br>5.鱔糊<br>6.紫米露<br>呀...呢度杯香片茶真係越飲越出味..香~!!!<br>Carrot絲酥餅太多肥肉在內.回鍋牛肉好多油.唔掂<br>serve 我地o個個四眼侍應似做開茶餐廳多過呢類高檔菜館.佢竟然由我地第一張叫過去第三張問o個食客要唔要野...大聲到嚇死我~!!!!<br>呢條友仔服務認真差。

上海綠波廊？我未去過上海，但有生之年一定會去，我估我會呢一兩年的旅行會去一趟，一定會吃馳名的南翔和綠波廊。我用呢兩間出名的食店同佢比，我自覺都悔辱了這兩間食店呀！

我試過台北鼎泰豐(新店)和上海綠波廊(南翔有時會腥)滿分小籠包﹐咬下去肉汁四濺﹐完全不能相比﹗

檸檬茶就講得正確！做上海菜連小籠飽都做不出一般水平，有冇搞錯！不要話正到好似台北的鼎泰豐，也不用好似上海的南翔小籠飽（我冇食過呢間南翔小籠飽，但我有朋友食過，水準同台北鼎泰豐一樣咁正；台北鼎泰豐果間我食過，係幾正點）。佢連公仔點心果隻急涷小籠飽都比不上，公仔好食過佢三倍都有呀！咬落居然完全無汁，蒸肉餅都會自然有肉汁啦～～佢竟然無喎！幾高難度呀！食落死死實，飽內無空位，釀滿肉，舊肉又鞋又乾，半口已教人欲哭無淚，一口教人嘔吐大作！食一口ｄ飽，好似度日如年。嗚呼唉吁～～～