滬翠園上海飯店 (已結業)

在門口見到內裡很多人以為應該不錯﹐點知最基本的小籠包也不好味﹐望見招牌炒飯好看﹐材料豐富﹐上面還有蛋包著﹐以為好好味﹐結果料是很多﹐蝦很大但很腥﹐我吃到腥味便一直想吐。。。。。總知不會再去。

我去了兩次，兩次相拒有兩年了，我比多次機會佢，佢間舖都不會珍惜，以後永不再去了！我第一次去是約三年前左右，叫了擔擔麵，勁糊，惡劣之極！少籠飽，好似食舊肉入口咁，勁滯！釀料死死實實，無汁，飽內冇空位，食舊干蒸牛肉好食過佢，果次詳細叫乜，我忘了，但冇一樣掂！但間店有好多老外食，坤老外不知何謂好中菜也！一路對呢間店冇好感，二年後比多次機會佢，又係一樣！好似仲變本加厲！叫了蝦餃、蘿白絲餅．．．蘿白絲餅咬下，蘿白絲好似舊圾垃咁，雜亂無章，一口咬下，成抽蘿白咬出，我第一次食到呢個質素的蘿白絲餅，有冇搞錯！成?的蘿白絲餅要外皮鬆「騷」，有蘿白味，蘿白絲要層次有序咁釀入皮內，使人一咬下，能分開蘿白絲，不會一抽就食光，下一口就齋食餅皮。再講蝦餃，無敵經典，食了兩粒，一般得要命，皮有少少爛，咬下無汁，不算熱，是蝦餃的失敗點，也是蝦餃的致命傷，跟著的是飲食業的致命傷，第三粒下面，竟然發然小強！！！在無情的蒸製下，小強就在這粒蝦餃下仙遊了！數十年前有灶低藏屍，今天有餃低藏屍，混醬之極點到無得頂級也！惡頂到痴蟹縠！除非以死威逼，否則永世不去！Black List?！放佢入「死得啦的名單」內（舒特拉的名單）！

用四星級價錢,去食連街邊車仔檔質素也不如的食物,滬翠園宣布值5隻大黑豬!!!第一隻豬: 服務態度奇差與家人在02年8月31日去九龍塘的滬翠園食飯,當落order時, 問侍應究竟什麼叫三色拼盤, 點知侍應懶得解釋, 叫我們食citibank信用卡的優惠套餐,好像嫌我們問長問短花時間. 第二隻豬: 食具污糟杯口有污漬, 匙羹後面有洗不乾淨的tomato sauce, 核突!!!第三隻豬: 食物差勁沒有肉汁的小籠包, 送上臺時皮已穿了的鍋貼, 太咸的金華火腿......6個人收成千蚊的菜, 唔係咁第四隻豬: 趕客走食到半中途, 突然問也不問, 收起所有碗碟, 然後送上糖水, 原來侍應忘了我們未食完, 好似趕住放工趕客走咁, 離譜!!!第五隻豬: 太多臺太少侍應叫侍應落單, 請等5分鐘; 叫侍應拿杯水, 都係請等5分鐘; 叫侍應換過d污糟餐具,當然亦要等5分鐘,唔係侍應懶, 係太少侍應, 個場最少30臺,但好似得5-6個侍應, 結果食客咪等...等...等......以前滬翠園都算幾好食, 點知依家搞到自己咁cheap, 再唔改善遲早等執笠. blacklist?啦

4 people order a set dinner using CITIBANK credit card for $ 590 (original $ 980)tastes of food are goodquite satisfy given that this discount, otherwise it's a little bit expensive

又一間位於又一城既食肆，中國菜之中我最鍾意食上海菜，而且媽子試過之後話好食，咁我當然都去試一試!呢間食肆裝修得幾豪華咁，而且好有中國特色，一睇就知係中菜館(唔似得ZEN，驟眼睇以為食西餐..)食物方面呢，雞絲粉皮非常唔錯，d醬好好味，絕對刺激到我既食慾，另外個豆苗餃都幾好食架，其他點心好似蝦餃燒賣果d都唔差，甜品亦食得過。不過呢度既食物真係「小巧」左d，係就係好食，但價錢都幾貴，所以對於我黎講呢...唔可以成日去...hahahaha另外........有次我去到見到有個靚女公關，令我食野既心情大增!!哈哈哈哈哈哈!!!XD

二人套餐份量八成飽，因為沒有飯的原故。散叫都不錯，但很貴。前菜：燻魚略硬了點。而且每碟菜很小巧，不夠飽！

此飯店價錢非常貴, 要限時交檯, D o野又差, 個賽螃蟹非常唔掂, 蛋白很老, 更差的是有很多水出, 我重未吃過這樣的賽螃蟹, 火腿津白, 涼了之後, 有一層透明東西包著D 黃芽白, 這兩個上海名菜做得這麼差, 怎叫人去吃其他菜, 真不明白為何在冷氣不夠的地方也有這麼多人吃飯.

超值鮑魚套餐內的鮑魚味道一般，同碟的海參則浸得不夠「淋」，又有腥味。套餐內其他菜色味道也屬一般。服務不俗，但等了很久才有甜品，幸好有生果送。

此乃位於又一城的上海菜館, 高格調的環境, 優越的服務, 食物的味道總是恰到好處, 應濃則濃, 應淡則淡, 簡直係一級棒! 但美中不足的是價錢太貴喇！