滬小館

營業中

休息中

~Normal Working Day~有同事說想吃上海菜所以有人建議叫滬小館的外賣！$78一個A+B+C百搭套餐，很多選擇看一看，有小好想吃的喲我們共叫了13個套餐，外賣盒及袋子都要各收$1，總數$1061～落order後大概二十分鐘左右有了外賣的袋子是環保袋來的可以再用哦：「霞姨，夠鐘放飯了～」呱看都好吃！很吸引丫！小妹跟同事一齊分享青瓜海蜇、紅油抄手、雞絲粉皮和炸銀絲卷真心覺得食物很高質紅油抄手有六顆，雖然不夠辣，但味道很捧炸銀絲卷吃起來不會太油膩雞絲粉皮是我吃過最好吃的一間是Q彈的這個炸銀絲卷很攪笑裡面那麼粗但味道很好公司所有同事都對這間餐廳讚不絕口

不相比大集團，以上海小店已經不錯座位還好 人多應該會比較狹窄食物方面。小籠包多汁好味，唔係一般實的的既肉質。鍋貼雖然肉質比較多粉 但入面仲有肉汁 煎得好脆底～～加埋豆瓣醬真係好好食。生煎包 放凍左少少底仲係脆 好吃雪菜肉絲炒年糕就比較唔好彩 年糕發得太淋 炒埋一堆無左口感 但味道係好吃 不過可惜小食叫左糖醋排骨同肴肉係最好食 肴肉係入口即溶 一定會返去再食 糖醋亦都好岩我口味。所以係旺角黎講 會再去食😊

岩岩放工太肚餓, 諗住就近隨便入一間食，點知就中左伏！六點鐘都未夠就入到去坐低...間鋪得兩三台客, 諗住坐得鬆動少少..點知比個呀姐態度差勁地大大聲叫我地坐埋一邊..大佬呀，幾點呀？根本冇人！講番食物, 菜芯老過個呀姐, 未洗乾淨, 一陣苦味, 菜花都唔搣。紅油炒手, 冇任何味道, 個肉餡好似用水洗過咁, 咩味都冇！年糕算正常少少, 但都係冇咩味道, 同埋軟到一Pat野咁！總結，想食上海野唔好黎, 想受人氣就黎啦！！！

人生第一次食野食到要係OpenRice打食評！同友人去食晚餐，座位好細好迫坐得唔舒服，不過旺角區都預咗。之後叫咗個口水雞、水煮魚、酸辣土豆絲、乾扁四季豆，個價格都幾平民，呢樣要讚！但食物質素就不敢恭維口水雞好細碟都算，皮、脂肪、骨仲多過肉...水煮魚唔辣，得青瓜做配菜，d龍脷柳好似煮左好耐撈出嚟俾客食咁...四季豆有陣怪怪嘅茶葉味⋯⋯得個土豆絲同個七喜ok...不過服務員啲態度唔錯，環境都幾乾淨！

香港最低至最好食嘅上海菜最正就係招牌小籠包,多汁皮薄，好食過酒店，食完一隻又想食多隻。回鍋肉四季豆好好味，擺碟好睇，菜具有色香味俱全，令我回味無窮。叫左冷盤的拼盤三小拼口水雞 排骨 烤麩 全部好好味，飯後叫左豆沙鍋餅加綠豆糕，飯後甜一甜！好正！加上又低食，同fd去食四個人食左300幾 平均一人不用100蚊，可以享受到酒店級嘅食物,大力推薦！第二次經過時發現有下午茶同午市，點野更加低食，真係有點誇張，係香港上海菜中見過最低食及最好味。

老實講，d 野吾算難食，但以$68一個lunch仲吾包飲品黎講，真係吾會有第二次，完全做一次性生意首先，咸肉菜飯，冇咩味，菜少，咸肉勁多肥豬肉睇個春卷樣，諗住應該好過d 炒飯掛。 開頭食果兩舊，的確吾錯，外脆內軟，有香菇，菜等等，但食到第3舊，我真係o 左咀，炸到燶哂，中間仲爆開左，勁燶又硬到爆，真係擺吾落口，咁都仲可以比個客食，真係吾知講咩好間咁大個店連茶水都冇，仲要收人$68.

呢間位於西洋菜街嘅滬小館都開左一般時間，雖然喺公司附近，但一直冇幫襯。好多時來，都有兩三個人等位，咁多數就走，lunch time時間有限。今日由於一個人，就可以搏下，又咁啱唔洗排，就試到喇。滬小館裡面位置都幾密，平時我同d同事身型龐大，又真係比較難坐得落。中午真係幾多人。顧名思義就係食上海野，餐牌又唔係話好貴，例如小籠包咁30蚊，麵食又係38蚊起，炒飯麵40零蚊，中等價錢。午市、下午茶餐都有，有幾個組合。我揀左菜肉雲吞麵同小籠包，價值68蚊，再加10蚊先有汽水、豆漿。當然，我事後就有少少呻笨嘅，單點雲吞麵，38蚊，小籠包係30蚊，只不過係平左5蚊叫飲品。如果抵d，就梗炒年糕果d囉。同單點差價大d。食物質素正常，小籠包4粒，即蒸，湯汁頗多，皮唔厚，有少少墜手，餡料都足，呢個價都ok。比起好多有名連鎖野其實差不多。菜肉雲吞四大粒，份量可以，麵底足夠，蛋味幾重，好扎實，夠滑，會飽肚。湯就淡淡地，適合清淡人士。雲吞幾大粒，唔會鹹，正正常常。68蚊套餐，中午來講偏貴，不過有四粒小籠包再加四粒雲吞同碗麵，我就食得幾飽。但人多我就未必會回頭，怕等位。

超級肚餓的我們三人點了酸菜魚、酸辣炒薯條、芝士小籠包、四川擔擔麵最好味的是白飯因為真的很餓 只吃白飯也要填飽肚子我朋友另外再點了炒年糕 救命是老干媽醬炒年糕總括全部都難食 難食

行旺角等睇波，食個早飯。經過見到旺角呢間上海菜裝修幾精緻，價錢又幾抵，一向鍾意食上海菜嘅我地就入左去。我地一人一個麵，點左一籠小籠包同一個小食拼盤。首先上左個擔擔麵，雖然係小店，但湯底都唔馬虎架，麵質都唔差，好食過啲連續上海菜啲麵呀!黎多個菜肉雲吞湯麵，雲吞好大粒好足料，湯底都幾清。個小食拼盤我地揀左肴肉，青瓜海蜇，烤麩。最後上小籠包，呢個先係重點!鮮肉小籠包，多汁到呢，就咁望都望到呀!好好食呀，又一間可以翻兜嘅小店!

很快上了菜首先上了雞絲粉皮、上海生煎包、牛𦟌湯，雞絲粉皮好難有得輸，好味；生煎包個底好硬，深啡色，小心燙口，咬下有湯流出，餡料夠味；湯味好清無乜特別，但牛𦟌非常林。可能桌子太小了，所以沒有一次過上，食完也很快收走碟子。之後上紅燒牛肉麵，有好濃鹼水味，本人不喜歡這種味，所以落了很多醋辟味，一般，唔會再叫。小食：招牌醉雞、鎮江肴肉、青瓜海蜇醉雞入味，肴肉無特別，好似一舊鹹嘅啫喱咁、青瓜好多，冇乜海蜇，醋同麻油配搭，好味。蟹粉小籠包，有濃蟹膏味，應該係全晚最好味的食物。

開左無耐都已經食過兩次, overall都覺得呢間既食物質素不錯, 而且態度都幾好, 重點係抵食, 所以encore指數都好高!生煎包($18/2)煎得香脆, 入面好多汁, 仲係熱辣辣, 本身叫左2個, 都忍唔住要追加2隻, 點知店員會主動幫我地計番$35/4, 其實好小事, 但睇得出店員好細心好均爭!皮蛋豆腐($28)好大碟, 個汁甜甜地好好味!牛腩($55), 都幾大份, 可以$6加白飯. 蒜蓉菜心($25), 落單果時寫左少油, 估唔到店員入單都有記錄, 而出到黎條菜真係好少油, 好多蒜蓉, 又大碟, 以呢個價錢真係好抵食又好味!反而酸辣湯同陽春麵就普普通通。

今日行過旺角食呢間滬小館出面睇佢裝修幾靚以為佢啲野食都會有咁上下質素點知.....中伏我地叫個套餐有雞絲粉皮 肉鹵炒飯同小籠包再另叫四川擔擔麵同紅油抄手雞絲粉皮:兩個字「垃圾」啲粉皮成條浸左係湯好耐嘅河粉咁 軟林林 啲花生醬味道又奇怪肉鹵炒飯:份量少 其實同老抽炒飯冇分別小籠包:係多汁 但好多味精 食完好口渴四川擔擔麵:湯好淡 冇花生醬味 麵成注咁 好難夾紅油抄手:味道奇奇怪怪另外 呢間鋪頭啲服務態度都好有問題個姐姐好似岩岩訓醒咁講野語氣好差又1999咁 叫我同我朋友對住坐但明明間鋪得兩枱客 總之 呢間鋪真係好伏

通常叫套餐比散叫都有優惠，所以就選了套餐, 加飲品特價+$5（ 本來$10），也叫飲品了，味道是好的。食食下再睇真，散叫比較套餐貴$5，叫職員了解一下，佢話套餐有很多選擇，我選中的是比較平的，如果覺得唔合理，可以幫我轉散叫，但飲品要照原價，最後價錢是一樣我再看看menu, 我發覺大部分都是散叫平D，非常困難揾到一個組合叫套餐平D。請大家留意！這個手法在大型超市常常見，無諗過小店都有這情況：有心人對無意者😓

蔥油雞洋蔥油拌麵韭菜豬肉水餃（6隻）$78揀3款👍🏻蔥油雞好食，蔥油蒜切到好細，雞肉嫩滑雞皮爽口彈牙👍🏻油麵味濃，簡單洋蔥拌麵，配不少蝦米，已惹味十足👍🏻韭菜豬肉水餃隻隻足料，皮薄餡靚滷肉炒飯鮮肉小籠包（4隻）$68揀2款👍🏻滷肉炒飯好香，好夠濃，飯粒分明，仲有唔少松子，超入味👍🏻鮮肉小籠包，湯汁唔多，但勝在皮薄肉餡👍🏻豆漿 唔太甜，幾好食飯時間，但樓面得一個人，好亂！！🙈

果日去金魚街逛咗兩粒鐘有多,攪到兩點幾先至得閒醫肚。由街頭行到街尾,其實都有好多選擇。起先想去試吓皇后餐廳嘅下午茶餐,因為以前旺角返工食lunch好多次,下午茶時段就未試過終於朋友搶先話想食上海野,咁唯有試依間囉。一入舖面就被牆上嘅碟碟設計吸引咗,好靚跟住餐單點咗兩個餐試吓]雲吞面有四粒大雲吞,味道唔錯。湯底比較清淡。面嘅份量係一般下午茶嚟講算係多]擔擔面當然會濃味啲,但未去到詠x園嘅水準,麻醬唔足夠。同樣係大份量嘅面底,肉醬略嫌少。]招牌醉雞好味,雞好滑,酒味可以再濃一點。粉皮就麻麻哋]