滬小館

營業中

休息中

估唔到呢間小店嘅上海野都幾好味，價錢親民，份量又夠，抵食。自選冷盤 $68/3款，好抵食，可以試哂3款，份量亦剛剛好，岩哂2人share。招牌醉雞成隻雞腿好正，夠入味，酒香不醉，雞肉嫩滑。糖醋排骨酸酸甜甜好開胃，煮得好入味，肉質鬆化，份量都幾多。鎮江肴肉好爽彈滑溜，入口溶化有肉汁香，沾醋食更香。鮮肉小籠包 $32/4隻皮薄餡靚多湯汁，肉汁好鮮味，肉餡軟腍香。酸辣湯 $28都幾多料，有金針菇、木耳、雞絲......酸度幾勁，越食越辣好刺激，但好快退去辣感，唔會太杰身，都幾好飲。豬排擔擔麵 $50個湯式夠濃郁，有花生同麻醬嘅香，微辣好惹味，加正麻油所以更香，個麵掛到好多湯汁，超正。炸豬排香脆，不過乾左d，浸落湯汁度會正d。上海粗炒 $52炒得幾香，但唔夠味，肉絲同椰菜都好味，粗麵有咬口煙韌，唔會好油，食完唔膩。

簡簡單單又想食下上海客飯小籠包呢間小店應該適合你。位於旺角太子區呢條街好多食店，多種選擇, 但食上海嘢只有佢哋一家。午餐提供套餐，有小食點心及飯麵。百搭套餐有三種價錢有$55起，自選選擇多，當日我點上小籠包，豬排豬骨湯麵。小籠包一籠有四件，滿滿的湯汁，小心燙口，皮薄，好快就食晒四隻。豬骨排骨湯麵，如果喜歡可以加$3轉擔擔湯底，我就order 傳統豬骨湯底，上海麵比較軟及幼細，只要煮得不太淋，我就會接受。湯底比較清淡，加上我喜愛的豆瓣醬，增加食慾。不過不失的套餐，價錢合理。

好鍾意食小籠包，同朋友行街經過見到有上海嘢食 ，第一時間唸到小籠包，於是就入去試試！一共嗌左四樣嘢～❀ 紅燒牛肉麵 $48牛肉入味夠，份量亦足夠，麵條筋道彈牙，整體唔錯，值得一試❀ 蔥油香雞 $38呢個其實就好食嘅，醬香味十足，雞亦算滑 唔會柴，但如果話係蔥油雞，就唔合格，因為無蔥油味..❀黑鬆露鳳尾蝦炒飯 $58有一股淡淡黑鬆露味，但係個飯味道太淡啦，好似無落鹽咁，真系麻麻地，唔建議食！😢❀鮮肉小籠包 $30入黎呢間餐廳就係為左食小籠包，小籠包皮薄多汁！鮮肉餡十分清香！好食😋 十分推薦大家食，小籠包值得一試！

👯朋友仔帶我嚟試下呢間小店🥰佢話之前食過一次,味道唔錯,價錢合理,值得回頭再吃😃✨餐牌內又真係有幾多菜色選擇喎🥰自選三小拼 $58（有9款選擇）鎮江肴肉秋葵木耳上海手撕烤麩揀咗呢三款味道都唔錯特別喜歡手撕烤麩,唔會太鹹及油膩😍🥟鮮肉小籠包 $30（4件）黑松露小籠包 $22 , $42（2件&4件之選）小籠包皮唔算好薄但係鮮肉餡料夠肉味及有濃湯汁熱辣辣上枱,好味😋🐟開胃酸菜魚$58酸菜配少許麻辣味,唔係太辣味道好協調, 又開胃😋魚肉質夠厚滑口, 冇魚腥味！👍🍜開洋蔥油拌麵 $36呢個拌麵嘅醬料調較味道剛好, 唔會太鹹麵質煙韌,有口感有蝦乾及菇菌作配料👍蒜蓉時令蔬菜 $28🥬菜心鮮嫩整體上菜嘅碟頭,唔係好大份量, 所以覺得比例算係中價🥰不過尚算係合理價錢嘅😃

第一次食，午市叫左一份上海粗炒。佢呢份上海粗炒做到 色，香，味俱全但我個人覺得有一個敗筆，就是冬菇唔夠乾身，太多水份既冬菇味道帶苦澀麵條味道其實我覺得okay 不過可能一人吃一份粗炒味道後來顯得有點咸朋友如果一個人去吃，建議要一杯茶或豆漿，感受更好。誠意推介另外如果經理可以友善點，整體感覺會更好

呢排唔知點解，特別想食上海菜🥢，一諗起小籠包同生煎包就流晒口水！當晚係1月1號，新年第一日即興去咗睇樓🏘，咁大個人都係第一次咋！睇夜左就喺附近搵嘢食，咁岩見到呢間價錢貼地嘅上海菜館就試一試啦👀————————————————👅自選三小拼（$58）👍🏻 叫拼盤份量當然比單點少啦，鎮江肴肉係有肉香嘅果凍，但係唔係好習慣沾醋。招牌醉雞酒味接受度剛好👌🏻，肉質未到嚡。已糖醋排骨係乾乾地既排骨，甜甜酸酸好開胃👅芝麻混醬菜肉雲吞（$30/6件）👉🏻 肉餡就偏味精同散修修，麻醬同辣醬好香👅上海生煎包（$19/2件）👉🏻蒸包嘅軟同鍋貼嘅脆二合為一🥟，但肉餡質素就一般啲，湯汁都唔算多👅黑松露鳳尾蝦炒飯（$58）👉🏻簡單直接既黑松露醬炒飯同大蝦仁，飯粒炒得乾身，但食得出係用偏長形嘅泰國絲苗米🍚，用嚟炒飯口感稍遜.👅紅燒牛肉麵（$48）👉🏻 牛肉無咩紅燒味，似中式炆牛肉多啲🐮，牛肉份量多，但麵煮到好腍👅有機鮮豆漿（$10）👉🏻見到雪櫃有幾大袋豆漿，應該係供應商供貨🙈？只有凍飲，如果要暖豆漿只會叮熱———————————————— 🚩總結：五個字：大件夾抵食———————————————— 🌟注意：不收加一服

上海菜最愛清清淡淡尢其係我最愛小籠包肉汁鎖左係入面；小籠包的皮入口軟滑有種溶化既感覺,湯汁絕對清新冇味精肉嫩上癮食完再想食雲吞超滑彈牙蝦隻新鮮入面有薑絲養身湯味清甜,零味精上湯食落就岩岩好啦最緊要餐送豆漿飲品抵到爆👍👍加配手拍青瓜及一款小食只需8蚊👏👏👏再整多個煨麵豬軟骨超嫩滑入味岩哂鐘意食清淡菜既你😍😍地址？要先問啦haha

一個人突然想食上海野就上openrice揾。見到有套餐，可以食多d唔同款野食價格又相宜就揀呢間。環境光猛企理，坐低睇menu發現無餐，有d失望。不過單點價格都算平，小食都在$40以下，熱炒$50 上下。點了小食三拼$58及小籠包$30/4粒。醉雞滑但肉太瘦，就是有酒味的瘦肉不推介。鎮江肴肉乾身，素鵝汁偏甜，小籠包不過不失，但夠熱是抵讚。份量少，不過也是一貫併盤也是如此。其實單點都差唔多價錢，單點反而會抵d整體來說不過不失，價格相宜，適合突然想食解饞既低價之選。

第一次嘗試四川擔擔麵，不算辣，湯地濃郁結身，好好濃嘅花生醬嘅味道。佢寫話辣，但實際無咩辣度。麵身較幼，口感彈牙，不過之後浸得耐就有D淋，份量足夠，食到後面有D膩，因為花生醬味真係好夠，齋麵會比較Dry，本身麵入邊有一塊肉碎。豬趴就普通啦，麻麻地。朋友叫嘅呢份炒麵味道麻麻地，無咩特別，唔太推薦。環境見到係有設計過，裝飾得幾modern，鋪頭只收現金。

2021年6月29日 晴今晚又同男朋友去完金魚街, 就到附近食個dinner 🤓呢間小館之前都想試, 今次終於試到la首先黎杯有機鮮豆漿 $10, 凍ge, 幾好飲, 都有豆味。鮮肉小籠包 $30, 小籠包皮薄多汁, 好食 皮蛋豆腐 $28, 呢個係冷盤黎, 豆腐都滑, 但皮蛋可以再多d。 配埋個汁正啊雪菜肉絲湯年糕 $48, 年糕夠淋又唔會過淋, 個湯就咁飲會咸, 但係配埋年糕就 arm arm 好 乾扁四季豆 $39, 白飯+$8, 豆炒到好香, 好惹味, 送飯一流埋單 $163, 冇加一, 幸福滿足

星期日訓到自然醒，本身大好心情行街，LUNCH想食餐豐富少少，點知就比呢間滬小館搞壞哂心情。🥢蔥油香雞 ＄39份量好小，味道算正常，但食落太甜。🥢開胃酸菜魚＄58唔係講笑，食酸菜魚多年，呢個絕對係我人生中食過最難食既酸菜魚！！用鯰魚柳整，肉質發哂脹，又腥又臭，湯底酸到盲公開眼，點解甘難食都可以擺上枱😡仲話開胃，今次真係反哂胃，同對比餐牌張圖真係超級伏！貨不對辦🥄酸辣湯 ＄25料係足，但味道係零分，得酸字，而且係好強烈既陳醋酸味，努力飲左幾啖放棄。另外叫左開洋蔥油拌麵＄36、上海油燜筍＄30味道普通，總結係真係好耐好耐未試過食一間餐廳黑面，想食完快快走，酸菜魚同酸辣湯真係極品，完全唔明白點解甘既質素可以出餐，難道煮果個/老闆無試過菜？真係好難接受到。好地地一個星期日搞衰哂，旺角區兩百蚊既LUNCH，仲要只收現金，呢個質素真係不得之了。

我食得比較清，所以點左個清燉牛𦟌麵。份量比較小，清湯配牛𦟌是分開上，清湯只有陣陣牛肉味，真心覺得不錯，牛𦟌只有三、四片，但係好「淋」好滑，麵是我喜歡的上海幼麵；另外，試左個沙薑豬手，都唔錯。感覺上是比較適合女士的份量。

叫了四碟菜，味道很好，會下次再幫趁。每樣都細細碟，好好，可以食多幾款。有蔥油雞。。香香滑滑櫻花蝦炒蛋。。夠火喉時菜特別推介--芝麻混醬菜肉餛飩少少spicy, 好野味

去到小店當然明白俾現金啦！但毫子都係現金，點解唔收呢？我張單剛好一百零一蚊，甘我有兩個五毫子加埋咪一蚊囉，點知佢好堅持唔收，最後找九十九蚊俾我呢下真係覺得人係生既，條款係死既，點解唔轉下呢！點都好啦，整體野食算可以，價錢亦都叫做合理啦呢個小籠包係熱既，仲有有肉汁，食得出肉有鮮味，唔會放左太耐，都係用心製作生煎包唔錯，煎到個底金黃色，入口有種香口而不油不膩真係估唔到呢個湯偏油同咸，都係湯有湯煮，肉有肉上，麵就一般啦。

一年多前黎食過，已經中左伏，事隔一年多，貴人善忘，見到上海野，就食個quick dinner...點解！點解我要重滔覆轍！🙃糖醋骨我極度懷疑係罐頭肉，凍既，d肉梅曬，祖紅色既稀汁。。。dog food 都好咪過佢唔信就試下🤭上湯大餛飩D皮已經滾爛曬，入面眉肉係梅爛肉，不過仲有味既！適合冇牙人士，老人家及嬰兒食用酸菜魚簡稱係代表作！龍脷柳魚塊，啲辣同酸完全蓋唔到佢嘅腥臭味！嗅落仲好押（尿騷味👍）雖然以上呢三個餸都係好恐怖，但係都仲有兩個餸係正常嘅，一個就係「小籠包」，一個就係煎完出嚟個賣相好靚嘅「鍋貼」如果我係因為價錢而幫襯，就係自己貪平，羅黎衰，可惜我係無睇價錢，一心想食小籠包而衝左入去🤢呢個價錢仲想點！係我錯，計性價比，唔應該有要求。。。