滬小館

營業中

休息中

係旺角行行下街，見到有間食上海菜既餐館，見店面都唔錯，就入去try try la~~首先order一個自選三小拼，我今次就揀左糖醋排骨、招牌醉雞同青瓜海蜇～～糖醋排骨味道甜甜地，醃得好夠味，肉質都ok~醉雞好嫩滑，有酒味，雞皮都好滑溜，讚！青瓜海蜇就都一般啦，青瓜略嫌有啲油，唔夠爽脆～另外，仲有必點既小籠包，由於想食黑松露小籠包，又想食蟹粉小籠包，心多多惟有俾多少少錢食晒兩款～黑松露小籠包雖然有好濃既黑松露味，但係始終都係蟹粉小籠包味道比較夾，更原汁原味，岩我口味～芝麻混醬蝦肉雲吞雖然大大粒，但啲醬有啲辣～～豬排粗炒夠晒色水，炒得不錯，豬排香脆嫩滑～

上海菜是我的第2最愛菜色每月都一定會食最小一次我唔係上海人 所以我話唔到比你知正唔正宗只可以講到比你知既係 個人覺得好唔好食黎間滬小館第一次幫襯星期五晚上830 不用排隊所以馬上入去試下2人叫了小併盤 有醉雞，烤麩及木耳醉雞酒香不濃味道可以但雞件太生烤麩應該沒有炸過只用醬汁去煮，鞋口，失敗之作，木耳味太淡跟秋葵不太配。雪菜肉絲湯年糕，湯底無味精濃濃雪菜味年糕軟糯好食。小籠包 皮薄多汁 藉得推介。食完唔夠再加了煎鍋貼，鍋貼內的湯汁比小籠包多極有驚喜。絕對會為鍋貼及小籠包再來的。

今天行經旺角，就試下呢間上海野，叫左七個送，一落单，唔洗2分鐘，就送上麻辣雞同糖醋骨 心諗死更，甘快唔方好野，雞味道还可以，个骨就過火了，等到鍋貼送上，一放入口 有點驚喜，好熱，爆汁，正！！回鍋肉，小籠包，都唔錯，跟手叫多个炒菜同撈面，點知就出事，菜心味較淡，但还很嫩，个薑葱撈面，就

由於我逢星期五在太子上堂關係，多數會同同學仔上堂前食少少野填土，知道旺角西洋菜南街有間上海野，平時見到但好多人，今次見到佢有座位，於是我地三個就走入去試下呢間上海野。我地叫左個自選三小拼：青瓜海蜇、糖醋排骨、招牌醉雞，味道尚可，我地三個女仔都覺得只是份量比較少。糖醋排骨算係有驚喜，酸酸地幾好味。然後我地叫左個紅油抄手，只是略嫌唔夠辣，同埋都算幾大隻。最後我哋食埋佢肉鹵醬香炒飯，炒飯就比較鹹，不過就幾多松子，算唔錯。

逢星期五我都會在太子上瑜伽班， 做運動前習慣性同同學仔食小小野先。座位都舒適，仲要無加一服務費生煎包忘記左影相 生煎包熱辣辣， 包的底部很香脆， 包的肉餡 很多肉汁 非常美味牛肉麵是我每次必點的，幼細的上海麵它的口感是我最愛，牛肉湯是甜甜的，不是很油膩 不自覺一啖接一啖小籠包皮薄餡靚熱辣辣又多汁，價錢不貴 口感非常上海粗炒落單上菜很快 2個麵一齊上， 水準穩定，不錯。樣樣都唔差 好想再試多幾款：脆綱鍋貼，手抓餅，酸辣湯

聖誕節唔使一定大魚大肉既，媽媽話之前食過呢間滬小館既酸菜魚唔錯，所以今日就同佢去食呢個做聖誕大餐啦選擇都幾多..而且價錢都唔貴蔥油香雞，雞肉粉紅色？粉紅色？😨同個侍應姐姐講個雞唔熟喎，d肉粉紅色仲有血，佢話「咁拎去同你叮叮佢」！叮叮佢？冷盤黎架喎！你叮完d雞肉都鞋哂啦佢話換過碟都係咁樣架啦，既然你咁講，咁我就換過第二樣野食啦水煮魚一上菜見到點解咁既色既，我明明叫酸菜魚架喎，原來係我手殘畫錯左，陰差陽錯底下就試下水煮魚啦，佢同一般係出面食嘅水煮魚唔同，佢用嘅係龍利柳而唔係魚片，再加青瓜同薯粉，係試個魚之前緊係要試下個汁，食落去只得咸味同好微既辣味龍利柳係啖啖肉冇骨好易食，但由於個人覺得個汁得個咸字，所以覺得成碗野都唔好食麻婆豆腐豆腐係新鮮既，幾滑，冇酸味！調味做得唔錯，有麻味都有辣味，用黎送飯一流！脆綱鍋貼呢個鍋貼有驚喜呀，新鮮熱辣整出黎，仲用米槳整左個脆卜卜既網底，咬開個鍋貼，個皮唔算太厚，入面餡料好juicy，咬開肉汁即刻流出黎，好味道京蔥爆牛肉開頭以為會係比肥牛，原來係比牛肉片👍🏻👍🏻京蔥好甜，但係個牛肉就用粉「那」得太勁，食落去冇乜牛肉味呢間餐廳個份量唔多，但我覺得個價錢都抵食既

上菜速度超慢，等半個鐘先有野食炒個上海粗炒有冇咁難炒呀，買外賣等最耐的一次係咁話催緊，真係冇下次， 得我一個外賣客都等咁耐上海粗炒又唔係平， 如果係肚餓的千其唔好食呢間，你會好後悔.

現在食上海菜，通常惠顧集團式的食肆！今天行街經過此小館，地方不大，但食物選擇也不少，所以決定試試！雞絲粉皮：份量及花生醬不多，有少少失色！鮮肉小籠包：皮薄多汁雲呑雞湯：細細盅有兩粒雲吞、3件雞，而湯也鮮甜上海粗炒：細細碟，麵條比其他食店幼，味道不夠濃上海綠豆糕：外觀已經不錯再加上口感及味道ok

今朝冇食早餐，晏晝好鬼肚餓，所以揀咗食呢間好飽肚嘅上海午餐。呢間上海餐廳午市有套餐供應，肚餓d可以揀前菜＋主食＋小食，可以加$5要罐裝汽水或豆漿。今日一行六人嚟食午餐，根據之前經驗d小食份量非常多，所以我哋分別叫咗6個前菜、6個主食同4個小食。主食我叫咗雲吞拉麵，雲吞有4隻，拉麵份量好多，如果食晒就食唔落小食。佢小食嘅份量真係好多，紅油抄手有6粒餃子，小籠包有4粒，鍋貼有3隻，真係好足料。特別要介紹個鍋貼，個面煎到好靚，入面都有肉汁。到最後都係食唔晒啲小食，下次可以嗌3個小食就夠啦。

又到放LUNCH嘅時間,今日諗唔到食咩, 由公司行到幾乎到旺角了。然後見到間上海菜- 滬小館,有套餐, 就入去試下~佢D裝修都幾鮮明企理,牆上仲有好多唔同嘅手繪碟子作裝飾。我要左A+B ($58),要雞絲粉皮+老干媽炒年糕。雞絲粉皮ERR..好一般.. 唔難食, 但都稱唔上好食。室溫的, 我覺得雞絲粉皮凍D食先好食..雞絲就只眼見嗰4條咁大把..真夠小家的..老干媽炒年糕一上枱.. 第1個感覺..又係覺得佢細碟..雖然最後我都夠飽..但我EXPECT差唔多$60,應該要大碟D?男士食, 實唔夠飽..配料有肉絲, 茶樹菇,味道係OK的, 但好重味,愈食愈想飲野,但差唔多$60的套餐係唔包野飲的~當你冇叫飲品,佢地都係唔會畀杯水你的唯有食完出去買其他野飲~~總括, 呢間野裝修係幾靚,但食物偏貴. 味道只係一般,份量少。 如果你對環境有要求,唔介意貴少少, 份量少D,都可以去食嘅~

食上海嘢掩尖，因為香港越來越少好的！要係旺角通宵開工，所以想食飽d，一查有這家，就行老遠去試。店面光鮮整齊，幾個阿姐服務員態度友善，店雖小，菜式蠻多。非常餓的緣故，我一人點了4種。冷盤3拼:有成7、8種俾你自選，我揀左蔥油雞、糖醋排骨、青瓜海蜇。蔥油雞有驚喜，調料調得太好，雖然不是滬菜，真好味，其餘兩菜正常。開洋蔥油拌麵：夠熱，蔥好正宗，麵質麵款很好，味道好近，俾顧客自己伴更好，唯獨不應用蝦米乾，應該用開洋（白小蝦），蝦米太鹹搶味而且不正宗。蟹粉小籠包：皮薄、湯熱汁多、肉味肉質好近，蟹味不夠，該是蟹粉量少緣故。上海菜肉餛飩：湯好味不鹹、菜肉均勻好味，皮略厚，口感偏粉，如薄d就好！我會再去試醉雞、粗炒！

今日同媽咪諗住入去食午飯，當時有成五張空檯，全部係四個位嘅檯，於是我同媽咪坐埋同一邊，結果個鄉音阿姐逼我地要對住坐。話等陣有人要拍檯。我話你地仲有咁多張檯，到時有兩位坐我地對面咪一樣。我地話一係有人來我地先轉，佢死都唔肯。仲話你唔食就走，無所謂。多謝曬，以後唔會再來，永久black list。其實見到午市都拍烏蠅，應該估到有古怪，隔離餐廳都爆滿，因為服務態度差。大家要小心警惕，唔好入去俾人鬧博難受呀。

~Normal Working Day~有同事說想吃上海菜所以有人建議叫滬小館的外賣！$78一個A+B+C百搭套餐，很多選擇看一看，有小好想吃的喲我們共叫了13個套餐，外賣盒及袋子都要各收$1，總數$1061～落order後大概二十分鐘左右有了外賣的袋子是環保袋來的可以再用哦：「霞姨，夠鐘放飯了～」呱看都好吃！很吸引丫！小妹跟同事一齊分享青瓜海蜇、紅油抄手、雞絲粉皮和炸銀絲卷真心覺得食物很高質紅油抄手有六顆，雖然不夠辣，但味道很捧炸銀絲卷吃起來不會太油膩雞絲粉皮是我吃過最好吃的一間是Q彈的這個炸銀絲卷很攪笑裡面那麼粗但味道很好公司所有同事都對這間餐廳讚不絕口

不相比大集團，以上海小店已經不錯座位還好 人多應該會比較狹窄食物方面。小籠包多汁好味，唔係一般實的的既肉質。鍋貼雖然肉質比較多粉 但入面仲有肉汁 煎得好脆底～～加埋豆瓣醬真係好好食。生煎包 放凍左少少底仲係脆 好吃雪菜肉絲炒年糕就比較唔好彩 年糕發得太淋 炒埋一堆無左口感 但味道係好吃 不過可惜小食叫左糖醋排骨同肴肉係最好食 肴肉係入口即溶 一定會返去再食 糖醋亦都好岩我口味。所以係旺角黎講 會再去食😊

岩岩放工太肚餓, 諗住就近隨便入一間食，點知就中左伏！六點鐘都未夠就入到去坐低...間鋪得兩三台客, 諗住坐得鬆動少少..點知比個呀姐態度差勁地大大聲叫我地坐埋一邊..大佬呀，幾點呀？根本冇人！講番食物, 菜芯老過個呀姐, 未洗乾淨, 一陣苦味, 菜花都唔搣。紅油炒手, 冇任何味道, 個肉餡好似用水洗過咁, 咩味都冇！年糕算正常少少, 但都係冇咩味道, 同埋軟到一Pat野咁！總結，想食上海野唔好黎, 想受人氣就黎啦！！！