溢泉茶餐廳 (已結業)

從一開始食福建炒飯就愛上咗呢間茶餐廳, 湯好飲, 食物又好味, 而且非常願意按照客人需求去調整餐! 無論外賣定係去到鋪頭食, 都係咁好味! 每個員工都好有禮貌, 上餐速度亦都非常快! 大肚婆唔食得太鹹, 唔食洋蔥都照顧周到!👍🏻可惜上次去鋪頭食, 竟然聽到老闆娘話只營業到今個月底啦, 真係超級傷心啊! 真係好鐘意溢泉😂以後都食唔到咁好味嘅菠蘿雞粒炒飯 福建炒飯 超好飲而且外賣會冇冰嘅檸檬茶🥹希望繼續係大埔開新店啦🙏

平日間唔中有幫襯呢間餐廳都係屋企人食開覺得水準還可以先食話說有一日打電話叫定外賣去拎平日打電話叫外賣，老闆娘態度已經好差，落錯單又唔認數，屈你講錯今次揸車去攞外賣，外賣一早已經包好放在枱面，一行出門口行唔夠幾步，望下個袋就發現有杯奶茶係個吉杯，原來一早已經倒瀉晒跟住就入返餐廳同老闆娘講點知老闆娘賴係我倒瀉的又話自己包得好好唔會倒瀉最後要同佢嘈左一輪先肯換一杯新返到屋企後發現杯奶茶一早倒瀉晒落去麥皮度佢又無換，到最後要食奶茶麥皮總之就好激氣，俾錢買難受，明明杯奶茶已經包好點會我攞起後10秒就倒瀉晒落啲麥皮度以後會black list佢

疫情下星期六也不見得市面冷清，下午茶時段才出街逛逛，去寶湖3T，又未見有新意；去到下面樂瞳，又已準備打佯，結果立志來這家溢泉。豬扒炒公仔麵，看來色水偏向深色，吃落也比較鹹，如果整碟吃可能會顯得比較鹹，豬扒的質素普通，雖然有些還夠鬆身，但整體還是偏向乾瘦一點。雞肶體積正常，不算太大，亦都不是生炸那款，薄薄的雞皮，炸完之後極之香脆，內裏亦都還保留一點肉汁。西多士，以為下午茶時段雞脾拼西多，西多士應該只有半份，但原來，都有整塊西多士，看見旁邊的店員，自己下來亦都弄了一份西多士一起吃。外表金黃，看上去都覺得非常之脆口、香口，上面的牛油亦都夠多，然之後職員有給我一瓶糖漿，最為出色的，就是因為它的花生醬較多，因此每一件都充滿着醬、油、糖漿。鴛鴦走，茶味夠濃、咖啡味尤在，不會互搶，亦不見酸對比金源，這兒雞脾勝；對比華立，這兒可一次吃到雞脾和西多

今次喺寶湖花園附近搵到一間茶餐廳，中午時分要排隊，見到咁多人姑且試吓乜嘢味道。當日嘅快餐係有叉燒煎蛋雞扒飯，見到咁多料當然叫嚟試吓啦，佢嘅豉油係特別調製過，唔係草草了事，同煎蛋及叉燒很夾。

想搵間坐得舒服既餐廳就入左去，至少有卡位入到去叫左個茶餐同炸肶西多茶餐無乜問題，但個炸肶西多就不得了得半份西多可能因為租貴但炸肶又硬又有臘味味真係第一次服務員態度極不友善無下次

幾次逛街時匆匆走過，大概沒甚留意，朋友表示好奇的想試試，下午茶時間，看到餐牌上的套餐挺合口味，於是走了進去。幸好找到了卡位，坐得十分舒適。把餐牌翻來翻去，看到提供飯麵、小菜、小食等，選擇很多。最後，我與朋友點了兩個茶餐，分別是乾炒豬扒烏冬及魚柳飽，都配凍檸茶。飲品上得快，茶味清新，甜度足，有質素！先來魚柳飽，麵包烤烘過，底部脆口亦香，魚柳即叫即炸，吃下熱騰騰，內裏魚肉軟綿，趁熱吃的味道非常棒，但感覺若放涼了吉列外層會變得硬。不久炒烏冬送來了，即時是下午茶餐，用上了芽菜、洋葱、枸菜花作配料，非常有諴意。烏冬煮好後即送過來，看見冒熱煙，感到非常有鍋氣，烏冬麵條煮得熟，柔軟度剛好，配料也熟而且爽口，好味道。是一頓很有質素的下午茶，值得再回味！有機會再試其他的。

星期日, 繼續為買BB衫而奔波. 吃過早餐, 把BB交給父母逗. 我們來到大埔, 進行採購. 開始採購前, 係寶湖花園泊好車. 再過來六鄉里, 食個午飯. 星期日的大埔墟, 說人流, 也許比大埔超級城更多. 我們身處在人流不多的六鄉里一帶, 幾間茶餐廳, 依然坐個滿場. 就近紅綠燈口, 一間既普通又就腳既茶記, 名字幾得意的, 要用括號, 括住個茶字. 說明, 我是餐廳, 也是茶餐廳麼. 一齊推門, 有個穿黃色風褸的人漢也一齊入. 他坐在門口圓檯, 我們坐係最入既卡位. 起初都沒為意是什麼人, 後來我們在等餐時, 看見那埋頭苦食的男人, 就是刑警內的Stone Sir. (黃日華)......有明星熟客, 一定是好麼, 那就要試試及評評啦. 第一杯, 奶茶, 已經是一個好, 奶香味重, 茶味十足. 又濃又滑. 夠哂咖啡因, 醒神開胃.之後是羅宋湯, 用料非常十足, 能飲到有大大舊肉, 絕對不是馬虎的例湯. 味道濃, 蕃茄味香, 料多到直情可以說是每一羹都有料. 齋妹要的, 咪又係羅漢齋炒麵. 這個用了菜心, 木耳, 豆腐, 冬菇芽菜等. 用料也不差的, 而且多了些豆腐卜, 豆腐卜滲入

本人在溢泉進食時，有一百足從天花版跌進我的餸，再抓到枱上，再跳到地上，然後消失。起初食肆員工態度良好，我見餘下之食物已不需要，打算從容處理。到結賬時只是要求降價十元 (因為有百足)，誰不知有兩位店員 (相信是店主之八十後兒子) 在這時見到食物已收走，便立即反目成仇，說只見到百足從我的枱上跳到地上，並没有在食物上出現過，並且講粗口駡人。於是我說 “如果你要堅持收足，那麼我就打去食環署”。結果溢泉茶餐廳:- 被食環署警告- 在消委會留下了一個不良記錄，這些不良記錄累積到某程度，會被消委會公之於世，列入黑名單食環署 Case No: ICC-1-214540929消委會 Case No: CC 301/110145 / 2010李國英議員辨事處 Case No: TPM TP/J/01/02溢泉已違反以下合約, 因為任何食物也要是一張以下之合約：1. 食物本身2. 食物要符合食環署標準3. 環境也要符合食環署標準溢泉 很明顯已違反了這張合約，我有理由佢絕付款。因為在進入 溢泉 用膳時，溢泉並没有告訴進食時要以百足爲伴，亦没表明他們是没有能力達到食環署之環境衛生要求。否則，一定不會幫襯。肯定他

無咩可能!! 無人比食評既??? 由 08 年開始, 我差唔多2個星期就去一次, 多數係 ot or 屋企 d 嘢唔想食就去食, 呢度既湯同蒸嘢一流咖!!!不過, 一般要食蒸嘢都要等15 mins 以上~ 值咖~~d 湯又好飲, 我唔覺得有味精囉, 所以我次次都叫大碗湯咖!!!今次係因為做嘢, 屋企無留飯, 就叫左個 take away 啦~ 都係 $36 (因為我叫左大湯, +$5)有機會去食下啦~呀, dinner 果陣有好多的士叔叔咖!~~ 會好小位咖!!