源記燒味粉麵茶餐廳 (已結業)

大約朝早8點左右喺灣仔想食早餐， 見到巴士站附近哩間源記就入去食.唔洗等位 .原本被安排搭枱卡位 ,但因為風口位 ,問侍應哥哥有冇第二個位轉 ,佢就安排左另一張卡位比我 ,個時唔洗搭枱.職員都禮貌 , 一坐定又拎水同餐具比我.之後叫左個腿蛋治 ,熱奶茶 野食都好快上枱 ,但一上枱就見到......見到好明顯既一條毛髮係麵包上面⋯ 當刻原本都想叫侍應換過 ，但又唔知佢拎入水吧會唔會整過一份新的 ，所以就放棄左第一塊麵包 繼續食⋯ 味道係正常 杯奶茶都係正常。 價錢係灣仔佢都只算係中間價， 但我諗有得揀下次我都未必會再去了 ;(

家裏對面的源記餐廳，一直沒有機會去打卡。這家店開了十多年。裝修算是合格，地方也很寬敞。服務員的服務中規中矩。點了黑椒雞扒通粉+腸仔炒蛋和餐包+熱咖啡約39元。價錢算是正常。雞扒非常大塊，煎得也算香口，不過通粉湯底味道比較淡，炒蛋亦沒什麼特別。其他的也不過不失。整體普普通通吧。

中午放飯時間沿途找一吃未嚐過源記 與同行入去一試叫了兩樣：-蟲草花蒸雞 客飯雞肉蒸得過老 有點鞋口 雞切口位置不太好 而且被拍扁 食落去啲骨周圍散開 食落要小心 感覺唔太好但雞皮蒸到很軟 有啲似棉花雞既外皮 如果食雞皮可以試試 整體都有蟲草花香味 豉油汁還好 但贊油過多 唔想撈太多落飯 -常餐沙嗲豬軟骨米 配多士奄列沙嗲米粉：有啲味 但汁落湯嫌唔夠多豬軟骨：正常 骨不會太硬 但未夠軟 肉有少鞋口奄烈：火腿料足又煎得幾好 無過老多士：賣相好看 上油均勻 厚多士烘得夠熱 包皮夠穌 吃下口感不會塌 很好 但可惜用馬芝連牛油 本人就不愛多吃飲品：一杯凍奶茶 少甜少奶非常甜 及落很多奶 香口 順口 但太甜 同人地枱上正常奶茶的一樣色 可能忘記少甜少奶一杯 凍朱正常不過不失 不過偏甜 落了糖水返工放飯時間 有間咁既野都算唔差不過不失 可以再黎試其他

首先，下午茶餐雞翼薯角沙律，碟上好明顯無比沙律，個伙記第一次話:第二個餐係禁，我比個餐牌佢睇，寫明薯角及沙律喎。伙記跟住話:比多左薯角咪無沙律囉。😑我都無話唔要沙律，伙記跟住叫我唔好嘈(講左兩次)，換比你。(點可以禁無禮貌叫客人唔好嘈😠)當然，換來另一碟明顯少左薯角啦！我心知不妙，計定數先，咪比佢收多錢。果然，埋單計多左二十蚊。😤明明係套餐價就分開逐樣計，紅豆冰加十蚊變左加二十幾蚊，又賴電腦出錯，跟本就係人既問題啦！。離譜！

灣仔返工食個lunch，近近地去源記諗住食個常餐冇死啦🙈見K餐沙嗲豬軟骨公仔面，好似好特別喎通常沙嗲牛嘛，咁就試下，但伏豬軟骨其實份量幾多，但唔係舊舊都軟 🙈 個麵呢就好林。。。仲有啲奇怪既菜絲 🙈另外有人叫左K餐蕃茄湯，話係罐頭羅宋湯咁既味，我心諗都好過冇啦 😂 但我冇圖冇真相。牛油多士ok，唔熱既，不過都算脆同新鮮。奄列就大家有眼見比較乾身，味道正常。同事話食開燒味好食，但今日都係唔得，又乾又硬。

今天在這裡點了一客油菜全走及熱檸檬🍋水外帶。生菜🥬份量頗多，很清爽，還帶點牛腩湯的味道，看看盒面，原來是牛腩專家😅，怪不得。這店在公司附近，同事們也經常在此買飯盒，公司有同事請吃下午茶也會在這裏點。

午餐時間係灣仔真係好難，你一定要有唔怕等同可以極速Clear 到一個餐既能力先好考慮落街食飯。。如果要用速度來計，源記既流量的確唔錯。因為係茶記。😂😂😂😂唔好以為係茶記就只有常餐，碟頭男人的浪漫喎。呢度有新鮮燒味食咖！第一次來食，同事就推介我一定要食佢既叉燒 （之後我地去親源記都會話。食叉燒），無錯，除左叉燒類外，我油雞都無食過。因為同事只會嗌叉燒俾我。。。😆😆😆叉燒揀既唔多，我多數食叉燒米，其實個米係麻麻地，無乜味，不過米粉喎，係咁咖啦，所以我okay，主角叉燒，唔肥唔瘦，適中，其實唔係真係特別好味，不過不失咁啦。。應該係有其他好食啲嘅餐廳，不過當同你一齊食嗰個人一直係咁話好食好食，唔知點解你都會覺得係幾好食咁。。😂😂😂😂 想試又唔想係其他地方等咁耐位咪試下囉。不過都$44碗咖，少少貴，可以食到個碟頭飯lu.....😂😂👍🏻👍🏻

夜晚9點收工攰到隻野，諗住快快食個飯，間餐廳未滿坐，唔算多人。我地簡單叫2個餐，伙記落單寫野慢，我地都唔怕重覆多幾次俾佢寫清楚。之後等左差不多半個鐘都未有野到，飲品都冇杯，期間我地追單，個伙記（唔係落單嗰個）話出緊外賣要等多等。再等之下，問返幫我地落單個伙記，佢仲話冇同我地落過單，👺仲叫同我地再重新落，堅嬲！佢伙記走埋電腦度睇都話冇order, 跟住佢自己搵搵下出面收銀張枱有張紙仔，先同我地「沙冧」。肚餓諗住有啲野落肚都咁難，仲要俾人屈我地冇落單！以後唔會再去呢間野😡😡😡

灣仔源記燒味粉麵茶餐廳，同事推介其中的燒味飯不錯，我也湊湊熱鬧一齊去，今天點了一個雙拼飯，燻蹄油雞飯，多蔥油。燻蹄油雞飯：大大碟飯量十足，雞腿和燻蹄數不少，$60價錢公道，雖然飯有點冷，但可以接受。熱檸水要另外加錢，檸檬沒有苦澀味。

今天因為外出工作的綠故, 到了灣仔附近. 時間尚早, 就來個早餐吧.走入了茶記, 打算悶悶地點沙爹牛肉公仔麪之際, 發現了一個不常有的早餐, 沙爹豬軟骨公仔麪, 當然不會放過這個機會試一試. 雖然要加HKD7配雙蛋方包, 但是早餐沒有這兩樣似乎不成體統. 餐飲就點了啡走.  五分鐘左右, 食物就到整了, 上餐很是高速. 一看上去, 就見到豬軟骨份量不少, 亦不肥. 口感方面, 肉質鬆軟入味, 白色軟骨亦輕易咬碎, 公仔麪就較軟身, 有改善空間.  

相信大家都一定有工作繁忙時，試過連落街吃飯的時間都沒有的情況。這個時候，外賣便是你的救星了。選擇外賣時你考慮的重要因素是甚麼呢？食物味道和價錢？與堂食不一樣，食肆環境已經毋須費心，而我最重視的就是快或者準時送到。試過12時落單，她竟然2時才送來，並送上例湯「賠罪」，但我的lunchtime 已經完了，難道眾目睽睽之下大模斯樣吃飯嗎？如此服務真的叫人哭笑不得。今天幫襯的食肆便完全是沒有問題，落單叫五個飯，15分鐘便送到。沒錯單或遺漏，送貨姐姐的態度也好，絕對是一個不錯的選擇。燒鵝又燒飯非常大盒，我想足有兩碗白米飯🍚又燒非常鬆軟好吃，燒鴨也多肉，不會有平時外賣就都給你多骨無肉的問題。雙併飯兩種燒味大概各有六七件厚切，份量充足。凍檸不苦澀，值得一讚👍🏻

返工日子一到中午時間就好多人出街食午餐，通常無十幾二十分鐘都未必入到餐廳內，好彩單拖搵食就容易啲，邊度有個吉位就攝落去， 求求其其食完就走方便快趣。這間餐廳有午巿套餐供應，一個飯/麵加杯嘢飲大概 50至60蚊左右，而我這個焗咖哩牛腩飯就要58蚊，凍飲加三蚊即合共要61蚊，唔係話好平，在灣仔區來說可以接受。飯又焗得唔錯，香噴噴的咖哩又唔會太過辣，亦都唔會偏甜，算係適中，在這個匆忙的灣仔區吃午飯，我唔會要求太多，簡簡單單食餐只要不要太過偏差，我覺得係可以接受的。

去完澳門，在灣仔坐巴士，諗住食碗麵先回家，去了這間茶餐廳，叫了幾碗麵，全部冇叫牛腩，來到後這碗雲吞米粉，好多油呀，應該加左腩汁，不過我冇要求的。。。其它墨丸同魚蛋也是加腩汁，真的夠慷慨。。碗麵份量係大碗，雲吞都爽口彈牙的，有蝦又有肉，都好正的，米粉也唔係好淋，係有咬口的，也是好味的。。不過真的好油……食完個肚一肚油，感覺不太舒適，希望下次不要下腩汁，記住要求不加腩汁，其實也好多人坐滿晒，好旺場，生意也好好。

上班前跟先生準備吃個靚早餐才返工，於是來到落車便見到的源記。以前也有幫襯不同分店的源記，貪佢食物味道OK，服務不錯，環境也舒服。怎料，今天中伏! 喜歡吃蕃茄湯，所以一見到這張宣傳，二話不說點了蕃茄豬軟骨通粉!食物來到的時候，顏色好淺色，似五香肉丁那種，我懷疑侍應比錯，所以問侍應，侍應說「係蕃茄通粉」而另一個路過的侍應一望便說不是蕃茄通，於是我只好吃一口試試，但真的完全沒有蕃茄味，結果我再問多一次會否送錯食物來，其中個侍應好大聲，隔住半間店的距離說「點呀? 都話係蕃茄囉，蕃茄汁呀! 無蕃茄架!」我明白食物跟宣傳相片會有不同，但分別真的很大，我不介意沒有「真蕃茄」，但非常介意沒有蕃茄味。加上侍應的態度，真的食到一肚氣。美好的早上，心情便被破壞了，以後早餐不會幫襯這間店，任何時段也不會再幫襯了!

源記燒味粉麵茶餐廳是灣仔云云茶記中的其中一間，分上下兩層，下層裝潢較光鮮，上層則略簡陋。 午市人流太多，服務難免較慢及不到位。 羅宋湯是跟餐的餐湯，微微帶辣，味道普通。 主食菠蘿蕃茄焗豬扒飯即叫即焗，豬扒份量略少，鬆軟感合理。醬汁調味方面，不覺有太重的味精，建議追加多一點芝士更為合心。以凍奶茶作餐飲，不論奶味茶香均淡，比預期差。