湖越

營業中

休息中

今日晏晝大圍開始踩單車入大尾督，踩到入去見到呢間越南菜好多人，睇吓門口Menu有咩食，都好豐富，於是我哋一行四人就泊低架車入去食。我哋坐出邊，環境好正，望住個湖，天氣又好。我哋叫咗個越式小食拼盤，好豐富，有豬扒，有雞翼，有豬肉串，蝦餅等等，全部都炸得好好味。撈檬，個撈檬汁酸酸甜甜勁好食，春卷又係勁飽滿唔似叫貨，好似去左越南咁。跟住叫咗個牛丸湯粉share，牛丸爆汁好正，牛湯濃郁，menu話用50斤煲且絕無味精，清租得很。朋友叫咗個牛柳粒紅飯，唔係周圍有得食，好香口，牛柳粒嘅夠味，呢個飯唔使汁到可以送飯。另外個朋友叫咗個咖喱鴨髀湯河，呢個真係未見過，但係咖喱同鴨比出奇地好甲，成碗粉都好食，特別係啲河粉都好滑（朋友話）仲有個順化濃蝦湯，真材實料，好濃郁蝦味，成碗湯都差唔多飲哂。成餐飯都好滿足，下次再踩單車都可以入嚟食午餐，埋單都唔使一人一舊。

公道啲講，平日嚟呢度，環境真的非常不錯👍🏼👍🏼👍🏼👍🏼不知道是否兩個星期前去過跑馬地一間越南嘢，食過出色的越南發法包和牛油雞翼，今次令到我今次大失所望是否我不應該拿這麼高的標準放在這間餐廳？牛肉湯河：河粉是碎濕濕的，牛丸一般的沒有味道，湯是好味的，但卻非常油。（用牛骨熬出嚟嘅湯應該是清甜沒有油的）牛油雞翼：一個頗離譜的牛油雞翼，佢翻炸，都唔緊要，但面頭嘅炸醬係淋哲節，炸雞翼好難嘅咩⁉️⁉️⁉️⁉️⁉️好難想像越南菜嘅靈魂之一牛油雞翼可以做到咁差❗️‼️‼️‼️‼️‼️‼️越式法包：法包❓唔知食咗啲乜嘢囉❗️但佢個薯條炸得好好👍🏼👍🏼👍🏼初頭點餐諗住食完嘢之後再叫越南咖啡，但上面三樣最基本嘅植物都可以做到咁樣，唔會奢望佢杯咖啡好飲得去邊，所以不要也罷😔越南菜最基本的三樣食物都 不 合 格 💢🅾️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

今日假期大圍踩單車入大尾督玩下，一早睇咗去呢間餐廳食嘢，打嚟book咗枱先， 2:30嚟到都好多人，我哋兩個人約咗坐出邊，環境一流。我哋叫咗碗生牛肉河粉，都好大碗下，牛肉好食，河粉好滑，湯底一流，餐牌寫話用上50斤牛骨熬製而成，好香濃嘅牛骨味，成個湯都飲晒。另外叫咗一個牛油果蟹肉沙律，又係好大碟，我哋兩個人都食唔晒啲嘢，原來牛油果配蟹肉係咁夾，加埋佢啲酸微微嘅汁撈埋真係好食好開胃，跟住叫咗個椰青同埋杯嘢飲，又係勁大杯，出邊個風景太靚，同埋今日天氣太好，所以我哋坐左成兩個鐘都有啲唔好意思，跟住就踩翻單車出返去lu

最近我去咗一間大美督呢間隱世越南菜小店，幾有風味。首先講下佢哋嘅招牌菜之一：湖越牛魔火車頭河粉$108。呢個牛骨湯底非常香濃，老闆話湯底足料牛骨煲出嚟，真係冇得輸！配料有安格斯牛肉、牛丸、牛筋、牛柏葉同牛展，每樣都各有特色。牛肉嫩滑又香，牛筋軟綿，牛柏葉爽口，牛展更係煮到啱啱好嘅口感。另外，我哋仲試咗越式小食拼盤（小）$168，好豐富。拼盤入面有蝦餅、春卷、香茅豬扒、雞翼、扎肉、咖喱角同豬肉串。蝦餅、春卷都炸得金黃香脆。香茅豬扒夠腍身，雞翼入味。扎肉同咖喱角味道濃郁，豬肉串燒得剛剛好，呢個細搵拼盤抵食！最後點咗鹹魚炒芥蘭$88，夠哂大碟！

前排食完隔離餐廳逐間逐間試吓，今晚試吓呢間湖越，主打越南菜及絕無味精。頭盤黎左個順化豬肉串，好好食呢個，叫職員俾個蛋汁我好似日本食法咁樣都好正。原本訂咗個咖喱炒蟹，佢哋有薄餅跟埋，蟹好新鮮，肉實正👍🏻馬拉盞通菜，冇乜特別，好食。順化濃蝦湯檬，呢個真係超正，個湯仲有d蝦頭，問職員佢話用大量蝦頭熬製，絕無味精，飲哂湯都唔頸渴。越式炒粉絲，豆腐，都係冇乜特別，好食。炭燒牛仔骨，好有炭香味，點埋個燒汁，好惹味。食完呢間都覺得唔錯，可以有下次。

大尾篤不嬲都係放假勝地，今日 幾咗個friend出嚟放風爭，大熱天時，我覺得食越南菜就最好不過😎📍 湖越 (大埔)大埔大美督村47D號地舖裏面有室外同室內位置，室外位置仲望到湖景添🤩🔻1. 火車頭紅飯（豬扒、雞翼、扎肉、豬肉串、墨魚餅、太陽蛋）✨飯係蕃茄加美極嘅味道，而家好足料，加上飯嘅質感好特別，似係東南亞特色米飯，色香味俱全☺️🔻2. 經典越南法包配薯條✨裏面有越南豬耳扎肉、雞絲、酸青瓜、甘筍，好啱同朋友一齊share嚟食！🔻3. 新鮮椰青✨佢地嘅椰青好新鮮！椰青汁冇酸冇淡，每啖飲落都覺得清甜，而果肉都好厚實，暑熱天氣必嗌！🥳🔻4. 特濃青檸梳打✨我本人都幾鍾意激酸有氣嘅飲料，果然冇失望，勁啱我，青檸酸超級出😍😆🔻5. 冰龍眼茶✨夏天都係會瘋狂咁飲野，呢杯龍眼茶都好清新，龍眼好甜

今日嚟到大埔龍尾灘，去沙灘玩之前嚟呢度醫飽個肚，附近都有唔少嘅食肆。嗌咗個牛油果沙冰，龍眼茶，咖喱豬頸肉雞翼撈檬。 呢度個撈檬，有得揀汁，我揀咗咖喱汁黎撈，98蚊。 我第一次用咖喱汁嚟食撈檬，但佢唔係好杰身嗰啲，但係都好濃椰香味。少少甜甜地，唔太鹹嘅。個咖喱汁係好熱嘅，個麵就暖暖地。 有三隻雞翼，同埋好多片豬頸肉，個雞翼都炸得好脆，豬頸肉都係焗得好香。個牛油果沙冰好重牛奶味，冇乜冰渣。 我朋友話個龍眼茶都好好飲，好舒服。

聽朋友講呢度海鮮新鮮，我哋成家人過嚟試吓，唔使走去西貢。當日去到都幾多人，好彩訂咗枱入邊有冷氣，上菜速度都幾快。我哋叫咗個春卷食住先，好正，熱辣辣，正宗越南春卷，侍應姐姐都係話師傅親手整，絕非叫現繩貨。跟住叫咗隻海南雞，都唔錯，雞好滑。咖喱炒蟹嚟到，當然要叫個薄餅撈咖喱汁啦，隻蟹成斤重，咖哩好有椰香味，有啲似泰國嗰隻咖喱。另外仲叫咗隻粉絲蟹煲，同樣新鮮靚蟹。炭燒大頭蝦，普普通通嘅一味餸都可以整到咁好食，點埋佢哋嘅酸辣汁，爆哂羔，加埋炭燒，一流。辣椒膏炒蟶子，都係新鮮嘢，係唔夠辣。越南鹽焗花螺：第一次食，都係唔錯，點埋個汁味道昇華。

難得朋友揸車黎接我放工去食飯，梗係食餐好啦😆，今次入咗大尾督，揀咗間越南菜，叫湖越，環境幾好👍🏽門口仲有得泊車添😃我地2個人叫咗三樣野，估唔到全部都大大碟😆😆首先係湖越牛摩火車頭河粉。🐂一見到我地都不自覺地嘩咗一聲🤣🤣因為係超級大碗！好多餸有牛丸，牛腱，牛肉，牛筋，牛柏葉，蘿蔔…牛丸爽口，牛筋幼嫩入口即溶😎我河粉嫩滑，湯頭濃郁，每一口都有不同既滋味😋😋另一道係椰香咖喱軟殼蟹配薄餅，🦀軟殼蟹鬆脆而且有膏，配以濃郁的椰香咖喱醬汁,一個字！正👍🏽 薄餅加咖喱汁，又係絕配！這道菜突出了越式咖喱的特色，所以係正既😋😋最後就係蒜蓉炒椰菜苗🥬🧄又係大大碟，椰菜苗爽脆👍🏽👍🏽蒜蓉味濃郁🤤好好味！！幾時？整體嚟講呢間係性價比高嘅餐廳😎

早2星期前同朋友～又去左大尾篤踏單車🚴踏完之後～繼泰太廚房後～今次就去後邊越南菜（湖越）到食晚餐🥣😎價錢中等😏好食越南街頭法棍（香茅豬扒、豬頸肉）包配薯條好有特色🤪同越南味道👅外皮口感酥脆🙂‍↕️火車頭紅飯（豬扒、雞翼、扎肉、豬肉串、墨魚餅、太陽蛋）飯係蕃茄味道🤩口感豐富多變😏咀嚼時層次感十足😝色香味俱全😎胡越牛魔火車頭（安格斯牛肉、牛丸、牛筋、牛柏葉、牛展、牛骨湯，河粉）嫩多汁的牛肉、牛丸彈牙和口感層次豐富多樣😎配2杯特飲😏蝶豆花椰汁冰青檸梳打😎餐廳環境～真好有越南🇻🇳地道風格🤓牆上掛了一些越南燈籠😏好似真去左越南一樣（假裝去越南🤣）😇亦可選擇坐室外😊感受下大自然風景😅

前牌入去大美督食飯，見到開咗好多新餐廳，今次揀咗呢間「湖越」，上到去坐低望返對面個湖景，真係好正，但係呢度得把風扇仔，搞唔店，於是搬咗入去入邊冷氣位坐，一樣望到個湖景，正！我哋開頭叫咗呢個特別餐牌嘅（金枕頭），入邊係咖喱軟殼蟹，出邊係竹炭麵包，熱辣辣脆卜卜嘅麵包點上咖喱汁，再連埋脆卜卜嘅軟殼蟹食真係三重感覺，咖哩好Creamy，好有椰香，而軟殼蟹脆卜卜好正。之後叫咗碗牛肉湯粉，又係熱辣辣，湯好重牛骨味，呢度堅稱冇味精及用上大量牛骨煲個湯。之後仲叫咗個菠蘿炒飯，炒飯粒粒分明，好多菠蘿，又係推介。另外叫咗個米子卷，正常野埋尾叫咗個滴漏咖啡，好好味。呢度最好就係營造到個越南嘅氣氛，有個咁嘅環境咁舒服嘅地方而且價錢合理，唔貴，值得推介。

在今日的沙田單車行程中,當感到肚餓時,我和朋友便前往一間越南餐廳用午餐。這間餐廳位於大尾篤村,環境不錯,裝修雅緻又整潔,給人一種乾淨舒適的感覺。我們仔細瀏覽了菜單,最終點了幾道經典的越南菜式,包括湖越牛魔火車頭、經典越南法包配薯條、越南扎肉鮮蝦米紙卷和越南滴漏咖啡。這家餐廳的賣點之一是他們的湯底不含味精,但仍然濃郁醇厚,配料也十分豐富,特別是牛肉的味道非常鮮嫩。牛魔火車頭湯粉的湯底可謂是整個菜單的亮點,一入口就令人垂涎欲滴。經典越南法包分成四件很貼心,保持了越南特有的風味,咬下去酥脆可口。越南扎肉鮮蝦米紙卷新鮮可口,裡面的大蝦肉和豐盛的沙律菜相得益彰,是一道相當別緻的開胃小菜。最後,我們還品嚐了這裡特色的越南滴漏咖啡,加上煉奶喝起來香甜回甘,回味無窮,相當特別。整個用餐過程令我們賓至如歸,不僅環境優雅,菜式也別具特色,充分體現出越南菜的精髓。這無疑是一次非常成功的越南風味午餐體驗。

同朋友去大尾篤行下，行完換餐廳醫肚，巴士站對開已經有幾間餐廳，今次揀咗越南野7點鐘入面冇乜人，成晚都係得兩枱客，其實食完覺得味道不錯，值得多啲捧場外面都有位，不過傍晚怕多蚊坐咗入面、日頭黎應該更加舒服😌食物推介：軟殼蟹米紙春卷，芒果清新，沙律菜亦新鮮，加埋脆口軟殼蟹配搭得好咖哩蜆肉焗面包，一上枱已經好香，侍應會幫手切開、足料大大份，蜆肉大粒、咖哩香濃，用黎點面包非常好，不過由於我地得兩個人，都真係食唔晒😂另外叫左椒鹽豆腐，呢個就稍為炸得乾左少少，足料大份好適合人多share，送酒應該幾唔錯👍

餐廳環境舒適，位置大尾督的一角，可以享受寧靜的環境。首先，我點了蠔仔煎蛋，做得非常正。蛋花軟糯、包著豐富的美味蠔肉。這些滋味搭配得非常好，是我喜歡的脆口。接下來，我嘗試了越南蟹檬—這是一道適合暖日的輕鬆菜式。蟹肉鮮嫩、口感豐富，湯底非常濃厚。第三道菜式，我點了馬拉盞炒通菜—這是一道具有強烈香氣和口感的菜式，通菜熟成完美，帶有一定的辣椒口感。最後，我選擇了椰汁冰—這是一道舒適和涼爽的甜點，適合熱日。椰子味濃郁，非常可飲。總的來說，我對這家餐廳感到非常滿意！服務友善、環境溫暖舒適、菜式非常美味、份量十足，一定會再幫襯！

今日咁啱係大美督附近做嘢收工就同同事一齊嚟到呢間餐廳見到出面好大架船 入去個刻好似上咗越南啲船嘅感覺咁有室內同室外座位 室外望到湖景假日過嚟 一定好chill～- - - - - - - - - - - - - - - - - - - - - - - -1. 芒果軟殼蟹米紙卷米紙入面包住芒果、軟殼蟹、生菜仲有青瓜絲、紅蘿蔔絲、檬粉食落口感豐富 脆脆哋又爽爽哋咁芒果果肉好有水份 味道香甜配有沙嗲醬同甜酸醬可點覺得點甜酸醬比較開胃少少2. 越式椰香咖喱牛筋腩＋香酥餅(2件)感覺椰奶香味較重 唔算好辣好適合食唔到辣又要食咖喱嘅我XD雖然得2件香酥餅 但係1件係有1分為4一小塊咁連埋牛筋腩再浸落咖喱可以一啖放入口度 滿足感UP!3. 香茅雞翼(6件)賣相煎得好靚 外皮金金黃黃食到香茅個種草本植物味道但係陣味又唔會太過度亦都唔會搶咗雞肉本身鮮味覺得佢菜單上應該打返粒星推介4. 新鮮椰青(冰)新鮮開嘅椰青 入面見到清澈顏色椰水冰冰涼涼 口感清爽 味道清甜諗起係夏天飲椰青嘅話一定好正