湖越

今晚約咗兩個朋友食飯，諗唔到食咩，就揀咗呢間越南菜貪佢呢度風涼水冷，幫我個湖景靜靜地，好舒服，今日平日又唔多人。
我哋叫咗支白酒飲，職員俾咗啖我哋試都唔錯，都係$188支。
我哋叫咗個炭燒豬頸肉，燒得唔錯，係切得厚左小小，加埋佢個汁好好食。

叫咗個越南蝦餅同越南春卷，即叫即炸，都好好食，份量又可以叫一半，可以食好多款式，蝦餅又彈牙，春卷好飽滿，好足料。

跟住叫咗個炒通菜， 熱辣辣好香好惹味，菜靚，炒得唔老。

香草辣椒炒牛腩牛筋，呢個送酒真係一流，牛腩好林，又入味。

我哋三個人飲咗三支白酒，食咗少少嘢，都唔使$1000埋單，又可以靜靜哋食飯，又可以同老朋友聚一聚，真心唔錯。