影片
電話號碼
29482281
開飯介紹
位於大埔大美督，以地道越南風味及優美的自然景觀著稱。餐廳坐落於山湖之間，環境寧靜優雅，提供室內與室外座位，無論是親近大自然還是享受美食，都能在此找到完美的平衡。
繼續閱讀
附加資料
-外賣直送屋企樓下
-門外約20個車位免費泊車
-門外免費汽車充電
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
越湖lake Vietnam（ 大埔大美督）今日揸咗車去大埔，見到有間越南菜，門口仲要有得泊車非常方便，即刻入去試吓餐廳有室外同室內，見今日有風，坐室外感受一下，望出去仲有湖，非常舒服又休閒越南街頭牛仔骨$128肉質鮮嫩唔會太鞋，脂肪同肉嘅比例非常平均，香濃嘅牛肉味上面鋪滿大量黑椒，唔會覺得油膩馬拉盞通菜$88通菜顏色嫩綠，爽口，帶有微辣，濃郁嘅蝦醬同魚露嘅味道，用咗馬拉盞嚟炒係泰國一種經典嘅調味，鹹香味重，入口惹味，融入醬料，口感豐富椰青焗大蜆$128第一次食到用椰子肉嚟調製嘅大蜆，有好多嘅椰子肉喺入邊，每一啖都散發出香濃嘅椰子香味，大蜆份量算多，味道鮮甜，好新鮮，入口又冇沙，有香濃嘅椰青同埋香茅味，夠晒清甜，配菜有大蔥，香茅辣椒，炸蒜越南珍多冰$42顏色非常鮮艷，用咗斑斕粉製成嘅綠色粉條，質感爽滑，又清甜，椰汁味非常重，入面仲有新鮮菠蘿粒
繼續閱讀
今日落住毛毛雨又入咗大美督行陣，因為唔想出商場去迫，又唔想返大陸咁遠，香港好多集團式經營越南菜，味道已經做到好一般，入到嚟見到呢間湖越，有午餐，都幾抵食都係60至$70。我哋三個人，二話不說叫咗兩杯啤酒，有一個唔飲，夠晒凍有冰杯。我哋各自叫咗嘢食，有麵包有湯粉有小食，特別要講吓呢個法包，外脆內軟，滿滿嘅材料有雞絲同埋扎肉，肝醬同牛油，配料都有好多，好少做得好食，呢個真係推介。另外叫順化黑豚豬湯河，嚟到碗嘢真係嘩咗一聲好豐富，有豬肉，鴨血，豆卜，蜆，河粉幼滑，非常好食，湯底係用蝦湯，濃郁非常。生熟牛河（走蔥），店舖話明係60斤牛骨當然要試吓，上到台個湯夠晒熱唔在講，真係好香，牛肉靚，成碗嘢即是味道昇華，高分。另外香茅雞翼同埋越南春卷都做得非常正宗及入味，呢間越南菜真係我喺香港食過數一數二。
繼續閱讀
Happy Friday 去咗大美督食晚飯，朋友搵咗一間食越南菜嘅餐廳，去到餐廳覺得好驚喜，環境好舒服，我哋揀咗外面嘅座位，吹住陣陣涼風，感覺寧靜舒適。見到Menu嘅越式湯粉非常吸引，所以點咗一款試試，另外再點咗個咖喱同牛仔骨。順化黑豚豬腩肉濃蝦湯粉湯頭係好香濃嘅蝦湯，非常正！本身係配檬粉，我轉咗河粉，河粉非常滑。除咗有豬腩片，仲有蝦、扎肉、鴨血同豆卜等等，非常豐富。越式椰香咖喱軟殼蟹配法包咖喱汁加咗蛋，更加香同厚身，用嚟配法包非常好食。法包好脆身，好香口。軟殼蟹好大隻，切件後份量好多。抵食！炭燒牛仔骨牛仔骨好香，肉質又唔會乾，幾好食。食飽之後，由於環境太舒服，所以點咗杯特濃青檸梳打，再坐多陣，一面飲一面傾吓偈，吹吹風，好enjoy。整體食物質素唔錯，價錢合理，最重要嘅係環境自然舒適。餐廳外亦有地方泊車，啱晒駕駛人士入嚟食飯。
繼續閱讀
今日一家人入去大美督食晚飯，訂咗呢間越南菜，當晚唔多人可能係平日啦出邊風涼水冷，超好環境，又靜靜地我哋叫咗越南春卷，豬肉串，飯，牛油雞翼，燒魚，菜同埋米子卷好多嘢。特別要講就係個春卷同埋豬肉串仲有個河粉，個越南春卷係人手包，新鮮好食同我越南食嘅一樣，個豬肉串又係爆汁。蒜蓉牛油雞翼，好香牛油味，好食個牛湯河真係好正，濃濃牛骨味，之後仲忍唔住叫多個剩牛丸，呢度啲牛丸又係爆汁全部都係用靚嘢，而家好少小店捨得用呢啲貨，完全食得出。👍🏻
繼續閱讀
平時好少食越南菜，今日入到嚟揀唔到食咩就試吓呢間湖越，上網睇評分都唔錯，去到餐廳都坐咗一半人，有室外室外，我哋揀咗坐出邊。我哋叫咗個越式小食拼盤，有蝦餅，豬肉串，春卷，扎肉，香茅豬扒都好豐富，全部都好好食，可能我又好肚餓。跟住見到佢哋新出咗個蕃茄蟹膏湯檬粉，我知道出邊都有好多間有做，但係我就未食過，佢哋係原隻蟹釀咗好多蟹肉蟹膏入去，成隻蟹差唔多隻碗咁大，蟹膏餅唔同出邊咁樣係一塊塊，個湯係用咗大量蝦頭同埋蟹去煲湯，店員話絕無味精，我飲晒成碗都係冇口渴，呢碗嘢簡直係依半傷人，雖然佢買緊百幾蚊但係真材實料。跟住叫咗個咖喱，係越式咖喱比較稀少少，好香椰奶味，唔似出邊啲咖喱咁杰撻撻。香茅雞翼，正常味道跟住仲叫多咗個菠蘿炒飯，好有鑊氣份量夠大，可惜就唔係成個菠蘿上。仲有個明爐魚，好大條我哋四個人都食唔晒，不過呢個就冇打包，佢哋個海鮮汁酸酸辣辣幾好食。總括呢間餐廳係唔錯，食物質素係有心機，份量都偏大，價錢唔貴，四個人食都要打包走。坐出邊仲可以望住個湖景，靜靜地食飯，唔錯。
繼續閱讀
您可能會有興趣的...