影片
招牌菜
去開買野順便食野，流浮山嘅餐廳唔算好多。見呢間比較多人就試吓。餐牌好多都係普通茶餐廳嘅嘢食，見黎到流浮山，點都試下少少海鮮。.豉椒蒸立魚飯 - 只售$48。得覺得算幾抵食，成條立魚新鮮即蒸，好香又唔算太多骨.豬扒包 - 果然呢啲都係茶記好食好多，包唔夠脆，好乾身，冇乜醬汁，豬扒都好細塊。.甘筍西米露 - 餐加$14就有，剩買$20。西米質地幾好，好彈牙。但係冇乜甘筍味。.紫米露 - 都係加$14，呢個好好飲，又唔會好甜，紫米又香。
繼續閱讀
在其他地方買海鮮,黎呢度加工。其中既豉椒炒硯無乜味賴尿蝦既蒜蓉好香好夠料清蒸蟶子皇都幾入味仲有薑蔥蒸石斑麻麻地個薑蔥炒桶蠔,d 薑好大塊,全碟野無乜薑味,失色左今日$48/ 斤咁計,以為好抵食。以為$300 幾蚊點知一碟半斤都無既通菜$82一個茶位$33,我地5人食左8 斤海鮮,合共$650左右仲要我地買左條倉魚加幾粒硯既海鮮湯,出到黎無左條倉魚同硯,同我地提供既材料一d 都唔夾😹有d 擔心其實我地買既料食到幾多p.s. d 姐姐服務態度好好,而且幾快手!
繼續閱讀
同一班朋友去咗流浮山的海鮮檔買海鮮食飯, 但由於事前無做功夫, 唯有買完海鮮後成班人响條街度揾吓邊間收加工費比較平的嚟試, 問咗幾間都要收六十幾至八十幾蚊一斤加工費好似都唔平, 經過呢間酒家睇到門口貼住加工費每斤只收48蚊, 但見裡面無其他客人, 心諗呢間嘢得唔得架, 但經大家商討, 為咗荷包著想, 大家決定一試, 然後就成班人走咗入去. 呢間鋪頭好攪嘢, 佢哋將果公證磅放响大廳度即場磅重計海鮮加工費比客人睇, 真係公平又公正, 磅完計完就等食, 而可能由於依家個大環境真係差, 果晚望出街眼見成條街都無乜人行過, 而呢間小店, 成晚就只得我哋同埋後尾入嚟既1枱倆位情侶客人. 而由於無乜人既關係, 所以大家吹咗一陣水好快就有嘢食 (而亦由於我哋班人都唔鍾相機食先, 所以無相提供, 請大家見諒):第一味係豆豉苦瓜炒蟶子, 平時多數鋪頭都習慣性地係豉椒炒, 佢哋就介紹我哋用苦瓜嚟炒, 估唔到呢嗰配搭原來係好正同好夾, 大家食咗都一致話GOOD!第二味係炒斑球, 呢味個人認為味道唔錯, 啲魚球唔會煮得太硬或太爛, 熟度又啱啱好, 魚肉入口即溶化, 而事實係碟嘢都好快被搶食一空.第三味係豉油皇乾煎大花竹蝦, 啲蝦勁大勁多肉, 超正, 真係一分錢一分貨, 雖然啲花竹蝦勁貴, 但响加工費度鏗咗一截, 當做幫補番, 師父既煮功亦無 "side" 咗我哋啲花竹蝦. 第四味係紅燒/炆魚頭腩, 我個人唔係好鍾意炸既餸(太熱氣), 所以試咗一舊雖然覺得味道都唔錯, 但就適可而止無再返食了.第五味係炆鮑魚, 大大隻鮑魚, 煮出嚟啲汁既味道唔錯, 但略嚴啲料頭(葱)煮得唔夠熟, 浪費咗的料頭. 第六味係蒜蓉粉絲蒸元貝, 元貝蒸得啱啱好, 加埋啲生熟蒜同埋粉絲, 正!第七味係薑葱炒蟹, 其實食到呢味已經開始飽飽哋, 但呢味嘢一攞到上枱面, 啲香氣飄過嚟既時候又即刻引番起我既食欲, 食落口, Hm......, 正呀!最後上枱既係灼菜蕊, 揚州炒飯同埋海鮮湯, 呢啲都不過不失, 但要讚吓嗰炒飯, 炒到好乾身唔油, 啲蛋仲要包住啲飯, 師父功架唔錯. 最後最後事頭婆上咗碟橙比我哋, 啲橙好甜, 响大家食到嗰肚脹哂既時候都好快被搶食一空, 然後响我哋成班人既要求下事頭婆再送多碟比我哋食, 事頭婆真好人(其實可能事頭婆心諗如果唔係見無乜客都唔會咁順攤送比您哋班餓鬼), 然後仲話埋比我哋知啲橙其實就係响佢隔離檔生菓鋪買既 (可能佢驚我們再問佢要多碟....嘻嘻!)然後賣單, 哇, 加工費真係無花假, 平, 下次做節要帶我屋企人嚟呢度食至得.
繼續閱讀
浪漫的情人節碰巧也是老公家族的團年飯聚，我們在沒太多考慮的情況下，決定維持不打破是日二人世界的慣例。儘管如此，但對於並不享受情人節套餐的我們，又可以怎樣安排？！沒錯，聆聽心裡的說話吧 .......「郊外閒遊和海鮮晚餐」，這一切便來得簡便又合意了！中午至黃昏在南生圍看過風景、拍過照，用腳步編織出我們甜蜜的回憶，渡過平和又寧靜的時光。晚上，便轉到一個陌生的地方 — 流浮山晚膳！是日流浮山交通擠塞，原來不少公司、團體，當然還包括朋友與家人等的飯局，每間海鮮飯店均滿是人潮，輾轉和誤打誤撞後，我們在「雄記海鮮」選購了海鮮，然後安坐「游龍」用膳。豉椒炒蟶子皇端來時，香氣誘人，肚子在打鼓的我們，馬上動筷！蟶子皇肉厚爽脆，鮮味沒有被蘊含十足鑊氣的燈籠椒和醬汁掩蓋，既能嚐到蟶子皇的爽朗與甜美，但又能感應得到豉椒的熱情與澎湃，鮮味與惹味共融，令我倆大喜！這道豉椒炒蟶子皇好比一對性格各異，但黙契十足，將相互優點盡顯的情侶！龍躉魚味不濃，因此一直不是我最愛的魚類，但當晚剛巧其他活魚太大了，而這塊龍躉肉正合二人享用，於是隨緣選購了，亦因緣做了這道西芹炒龍躉球。西芹炒龍躉球味道來得柔和，鮮清的西芹沒搶去龍躉球的風采。至得我歡心的是彈牙和豐腴的龍躉皮，每塊皮層均隱藏著無限的骨膠原和奧米加3。魚肉嫩滑，西芹爽口，柔情萬種似的，有如一對文靜的女士與博學的男士，走在一起互相尊重，享受心靈的交流！慣常堆放在帶子上滿滿的蒜蓉和粉絲，份量變得甚為稀少，稀少得連切開了一半的帶子也呈現得一清二楚。入口的蒜蓉粉絲蒸帶子，沒有預期的蒜香，帶子明顯是老了，似乎蒸煮的時間過長，幸好帶子本身的質素不俗，仍能嚐到一絲絲的甜韻。愛情是雙向的，若只有單方面的堅持，任憑他/她怎樣努力為對方付出，結果也委屈了自己！我是蟹癡，海鮮中我最愛螃蟹！而蟹的不同料理中，能夠嚐出蟹之鮮味的同時，又能考驗廚師功力的，我會選花雕蛋白蒸蟹。蟹和蛋白也是不耐火的食材，要讓蒸出來的花蟹既鮮又富酒香，蟹肉多汁，肉質跟蛋白同樣細滑鮮甜，火喉的拿捏尤為關鍵。每次耳朵接收到這菜名，便能令我垂涎激增。一看這碟花雕蛋白蒸花蟹的蛋白，質感結實、毫無水滑凝脂的感覺，火喉似乎又不對勁了！先試上方一件蟹身，蟹肉乾得要命，再試蛋白，乾硬不堪！一隻經過精心挑選，本是生猛結實、價值五百大元的花蟹，落得一死未能滿足食客之下場，心裡也替蟹兒感難過及無奈！再試下方的蟹鉗，蟹汁豐富、蟹肉鮮甜富酒香，我喜歡的蟹滋味終回來了。蟹鉗跟上方的蟹身實在差距太大了，唯有再試放於中間的蟹身，看過究竟。中間的蟹身，口感還不錯，起碼沒有了第一件的乾巴巴，雖然仍是有點過火，但香軟豐腴的蟹羔卻能彌補蟹肉的不足。而下方的蛋白亦比上方的蛋白來得軟滑，這最少也證明了這道花雕蛋白蒸花蟹在火力不均的爐頭蒸煮，白白犧牲了上方的蟹身！天長地久的愛情是要用愛心平衡地經營，絕對不能操之過急！老公抵不住奄仔蟹的誘惑，其後再追加一隻奄仔蟹，於是便成了我們的鹽焗奄仔蟹。購買時「雄記」稱奄仔蟹已屆季節尾聲，所以蟹羔大約只有盛期的七成，讓我們不要期望過高。我們翻開蟹身一看，蟹羔也非常飽滿，而且入口還是很鮮甜潤滑，羔香四溢，輕沾蟹蓋的鹽巴，蟹羔的甜香更形突出，這隻鹽焗奄仔蟹非常稱心和合意！經過不斷的磨合與修葺，從日漸成熟的情感裡，便能蘊釀出教人心花怒放的愛情！「游龍」於餐後為我們送上甜美多汁的橙。首次到訪流浮山，竟巧合地遇上各方朋友在同一地點慶祝，算是緣份的安排，而且渡過了一個熱鬧的情人節晚上。特別要感謝「雄記海鮮」為我們挑選海鮮的老實哥哥，海鮮雖不平宜，但質量卓越。而「遊龍」炒與焗的廚功也不遜，唯蒸功則需要特別的改進。愛情雖要緣份，朋友和家人亦是天賜的緣份，希望大家可以抓緊及珍惜當下的緣份！
繼續閱讀
預祝中秋節決定食餐勁,早幾日約定去食海鲜,通常去三聖海天,但今次去流浮山找店主六嫂,早二日預約大約四百元一位.第一味上菜係椒鹽瀨尿蝦,炸得好脆,但比較食開D斑馬細隻,肉質尚算彈牙.跟住就係炸生蠔,這是特別order的, 因不太想吃金蠔,水準沒有太大驚喜,蠔的個子較細,吃不到大隻蠔的質感.當冇叚想的時候,來了一味涼瓜抄蟶子,意想不到的配搭-涼瓜的甘苦味帶出蟶子的鮮甜味.然後就開始一連串的美食 - 大斑兩味:本來想叫蒸魚,但太冇特色,所以改了要這道菜,西芹抄斑球啖啖肉,連BB也吃了幾件.再來個炸魚骨,堆得如山般高,香口味濃,可能適合送啤洒,所以一件不留.六嫂話這兩個餸要用好大的魚才做得好吃,家裡做不到.再來油焗蟹,應該是焗黄油蟹.聽了幾次也弄不清.蟹身比手掌大,用油鹽焗.蟹內的膏配合淡淡的咸香,一人半隻真不夠.當大家感覺飽飽時,就來了一大盤龍蝦伊面.大家都擔心如何去消化每人半隻的本地龍蝦,但新鮮的食材配上湯煮,好味到伊面底亦都半條不留.最後來的揚州抄飯,清抄菜心,和海鮮湯都保持水準,點綴美味的海鲜.買單連汽水啤酒4500元. (一家10大 加1中童 加1 BB)雖然這晚只得我們一枱客,但店主用心煮俾客人食,值得推薦.希望好的食店不會消失.
繼續閱讀