港畔餐廳

營業中

休息中

麗晶酒店自助晚餐這間自助餐的質素比想像中高，雖然價錢偏貴一點，但絕對是性價比之選，因為食物質素很高，用餐環境幽雅寧靜又舒適，海旁美景盡收眼底，絕對值回票價，因此我很明白為什麼那麼多人喜歡到這間酒店吃自助餐，因此強烈建議必須幾個月前訂位。很感激店員的細心，用電話訂位非常方便，通常都能馬上接通。服務員對談相當有禮親切，充分感受到他們有盡力回應我們的訴求，服務100分，已經已經讓人留下深刻的好印象。喜歡酒店處事有彈性，不但幫我安排了我最喜歡的座位，而且還細心準備了生日蛋糕，很大驚喜。我喜歡拍照，所以很欣賞酒店半小時前便讓我進入酒店內拍食物照。這安排實在很貼心，不是每間酒店都做到，更顯難得。很欣賞食物擺盤精美。不同食物分區擺放，有沙律區，日本食物，麵包，中菜，熱食和甜品等等，美食數之不盡，排放得十分整齊，我實在不捨得吃。添補食物的速度很快，不會讓你看到空的碟，服務實在好得很，讓我無法挑剔。眾多食物中，我最喜歡吃吞拿魚刺身，拖羅並不是每間放題餐廳酒店都食到，水準之高讓人震驚。很肥美，雪花紋清晰，沒有腥味，只有純純皂油脂豐腴感，實在不得了，超好吃。我吃了很多片，一點也不覺得滯和膩，只是有滿滿的幸福

今個七月係我最鍾意嘅黑松露主題好好運地比我好快book到位🥰黑松露野食類別都幾多有黑松露嘅馬卡龍、朱古力、雪糕、牛面肉、豆腐。個人覺得最值得試係黑松露risotto同佢既長通粉非常入味 好好食😘😘😘除左黑松露野食之外，值得推介有長腳蟹、龍蝦、拖羅、三文魚同帆立貝刺身算新鮮無冷藏味 羊架都好好食唔怕肥既 鴨肝都非常好食 入口即溶佢既中湯都好好味 必試👍🏻另外 呢到既甜品係好唔錯朱古力蛋糕、tiramisu、燉蛋、芋頭蛋糕真係必食！！！今次已經係二訪呢間餐廳，絕對會有下次！KKDAY訂仲會有77折優惠，多人食抵好多！

今天是我表弟生日，於是便選擇來麗晶酒店吃自助晚餐，星期日晚市只有一輪，時間是18：00-22：00，價錢每位接近$1000，定價比其他同星級酒店自助餐貴差不多$200。首先，酒店的凍海鮮選擇不多，沒有最「回本」的龍蝦和生蠔，只有一些不太值錢的長腳蟹、麵包蟹、青口和大蝦等等，由於完全唔吸引，所以今次我是完全沒有品嚐任何凍海鮮。至於刺身，分別有三文魚、拖羅、帶子和甜蝦等，除了拖羅有根，其他都味道不錯，而且壽司款式很吸引，有火灸三文魚、象拔蚌和蟹子帶子壽司，特別推介火灸三文魚，每一口都鮮甜美味，入口即溶，味道相當不錯。之後便是熟食項目，今次的熟食是最「回本」和吸引的，分別有烚龍蝦、鮑魚花膠海參、片皮鴨和羊架等等，龍蝦雖然是白烚，但酒店亦提供不同醬料給大家沾著吃，而且龍蝦本身亦鮮美多汁，肉質爽口彈牙，即使不沾任何醬料都很好吃。至於鮑魚的質感很軟綿綿，而且相當入味，花膠則比較爽口一些，片皮鴨它本身已「包定｣，不過亦可以叫廚師即叫即包，因為我不吃任何配菜，只吃春卷皮+片皮鴨+醬料，於是叫廚師即場製作，鴨肉柔軟嫩滑，醬汁香甜滋味，味道相當不錯。羊架是今次我最喜愛的食物，肉質柔軟之餘，亦不會血淋淋，最

再次到訪麗晶港畔餐廳沉浸式體驗環球美食落地窗邊飽覽維港醉人夜景 每次都相當感嘆絕對是香港最佳景色的自助餐地點最近港畔餐廳推出意大利主題自助餐匯聚意大利各地滋味佳餚 從意粉 薄餅 到 ᴛɪʀᴀᴍɪsᴜ帶出意式美食的多樣性跟傳統必試的有由酒店廚藝總監 ᴄɪʀᴏ ᴘᴇᴛʀᴏɴᴇ 親自操刀的煙芝士黑松露意大利薯仔意粉 湯底以各種蔬果熬製 濃郁鮮甜再把充滿口感的意大利粉放入巴馬臣芝士輪中拌勻 隨後再加入煙燻芝士跟松露 鹹香又滋味多款意式餐點也是高質出品 前菜有多款鹹香芝士到 ᴍᴀʀɢʜᴇʀɪᴛᴀ 薄餅餅皮香脆 內帶軟熟鋪滿芝士跟新鮮番茄和羅勒 小小 sɪᴢᴇ 好快ᴋ.ᴏ還有奪目又惹味的意式番茄燉蛋意式甜品少不了人氣 ᴛɪʀᴀᴍɪsᴜ還有口感十足的 ᴄᴀɴɴᴏʟɪ 西西里奶酪卷跟蛋糕除了意大利主題 港畔餐廳也集結世界各城市的頂級風味當中以中式的鮑魚 雞湯 鴨掌 名貴餐點最有人氣焯開邊龍蝦超鮮甜肉質又彈牙 必吃日式有高質刺身跟自助的三文魚籽山甜品有超甜蜜瓜水果 馬卡龍 葡撻 各式冰淇淋居然還有港式喳咋

相信八十到九十年代嘅香港人應該聽過麗晶酒店，因為一部電影令到麗晶酒店出名前身洲際酒店於2020年翻新後，於2023年復業。而港畔餐廳重新營業後都幫襯過一次（當時都係慶祝姐姐生日）今日為了預祝姐姐生日係網站訂位（8折）講返正題，今日連場大雨我們這一家不懼風吹雨打，大約18:15到了酒店，講真港畔餐廳食物未必最好但環境就真係唔錯，無敵海景加上翻新後座位亦都闊落咗！今晚主題係黑松露，而其中自助餐本身招牌菜就有拖羅拖羅食落肥美無雪味，三文魚子就無金箔（不過無所謂）麵包蟹十分多膏，但上一次有海膽今日並無供應。黑松露切薄片口感有啲脆口主題黑松露當然要試，帕爾馬芝士黑松露意大利飯，都美味嘅不過芝士味太重有啲搶咗黑松露嘅味松露豬腩比意大利飯好食，但依然食唔出松露味其實松露呢種食材比較適合較清淡嘅食法，感覺咁煮都食唔出黑松露嘅美味好似有點浪費啲黑松露黑松露芝士有點接受唔到首推羊架，今日嘅羊架超水準之作。另外煎鵝肝（定鴨肝）上一次用花雕酒南瓜等來煮（應該無記錯🤔）做法比較特別，今次煎鵝肝配蘋果蓉配搭唔錯，食落唔太油膩，至於片皮鴨普通貨色一試無妨至於龍蝦（忘記影相）因為熱食所以放係熟食區，處理過後方便食用要

今我和太太往尖沙咀麗晶酒店港畔餐廳食自助晚餐,謝謝太太提早一個月前訂位,今晚主要以松露作主力,自助餐食品豐富,這裡有冷盤,凍海鮮,刺身,熱食和甜品,冷盤有谷巴火腿,巴馬火腿和沙樂美腸,食落咸度剛剛好而不感油膩 ,凍海鮮有蝦和青口,食落味道新鮮味美,口感鮮甜,刺身有蝦,拖羅,帶子,油甘魚,三文魚和吞拿魚,蝦,帶子和三文魚食落新鮮,吞拿魚,拖羅和油甘魚肉質鮮甜味美,金萡三文魚籽味道鮮甜,入口即熔,熱食有蘋果醋煎鴨肝,蒸龍蝦,片皮鴨,螺片,炆鮑魚,西冷和松露香烤意式炆朱腩作主打,蘋果醋煎鴨肝食落蘋果醋香,鴨肝入口即熔,口感香滑,蒸龍蝦肉質鮮甜新鮮,口感一流,配柚子盬,芝士醬和香草蛋黃醬口感提升,片皮鴨食落有油花,螺片炆鮑魚食落彈牙,西冷肉味香濃,松露香烤意式炆朱腩食落香脆啖啖肉,食落有油花,另外煎多寶魚,羊架和炆牛面肉,煎多寶魚肉質鮮嫩,煎得爽脆,羊架比較生,如熟一點口感味道更佳,炆牛面肉肉味香濃,西湯有南瓜松露湯,飲落口感清新,甜品提拉米蘇食落口感香滑,甜品款式多有咖啡焦糖燉蛋,朱古力松露蛋糕和自家製雪糕,咖啡焦糖燉蛋甜度適中,咖啡香濃,朱古力松露蛋糕味道香濃,有啖啖松露香,雪糕我選了黑松

裝修之後第一次嚟，因為之前一路都好難訂位，因為果日係閒日所以好容易訂到位，但係亦可能係閒日餐廳只係坐滿七成，論環境真係一流，座位亦都好舒適食物種類好似比以前少左，但係都係貴精不貴多而且食物添加亦非常快，長脚蟹，麵包蟹，三文魚，蝦，刺身，寿司，片皮鴨，但係我就最中意食鵝掌鮑魚，而且服務態度亦都10分好，自助餐亦都包一杯飲品，我認為已經足夠，因為佢另外有一個小水吧可以自取飲品，好似係椰子水，冷泡茶之類，呢嗰自助餐唔會令人失望，值得一試!

講真，如果$1200呢個價錢，呢啲質素同種類完全唔值。講真，如果$1200呢個價錢，呢啲質素同種類完全唔值。首先，種類款式少，生蠔，燉湯，羹都冇。龍蝦🦞唔係蒸，係烚，烚完完全冇味道。蟹腳，我食左幾條，有二三條係好咸，極重海水味，我懷疑又屙又嘔就係呢個原因。我係食完唔夠二個鐘就要去廁所，係唔乾我個肚就會即all。我仲聽到排隊去廁所的人話肚痛。仲有，只有鴨肝唔係鵝肝，食一次就算。熟食亦都冇特別完全唔需要encore。雪糕又唔係Häagen-Dazs唔係 movenpick，都唔知乜牌子來。甜品位完全冇驚喜。影相都費事。唔知點仲可以訂到滿座。

麗晶酒店港畔餐廳 Lunch Buffet最近我去咗麗晶酒店嘅港畔餐廳享用午餐自助餐，想到呢間酒店嘅名氣，心中充滿期待。不過，實際體驗卻有啲落差。首先，食物種類方面，真係有啲一般，選擇唔夠多，感覺乏善可陳。雖然有幾樣熱菜同冷盤，但總體嚟講，樣式並冇特別吸引，令我對午餐的期待感大減。服務方面就係一個亮點，店員嘅態度真係一流，無論係招呼定係解答問題，都保持住親切同專業。而且，食物 refill 得幾快，令你唔會因為食物唔夠而感到失望，呢一點真係值得讚賞。不過，食物嘅質素就有啲令人失望，唔係話特別好食，甚至有幾樣菜式味道都唔夠鮮明，讓人感覺食慾平平。相對於麗晶酒店的品牌形象，我期待佢哋能夠提供更高水準嘅菜品。最終，考慮到價格同食物質素，我覺得呢個自助餐嘅 CP 值真係唔高，唔算值得回頭再嚟。總括嚟講，港畔餐廳嘅午餐自助餐有其服務質素嘅優勢，但食物種類同質素都需要改進，否則未來可能會吸引唔到太多回頭客。希望下次再去時，可以見到更多新嘅選擇同更好嘅味道！

今晚和布布的晚餐地點選在尖沙咀K11的「HARBOURSIDE」自助餐試試。現場的氛圍偏暗舒適，談情好地方，安排坐在一張對著坐的細枱有點窄，幸好望著星光大道，維港夜色盡收眼底，非常浪漫。事不宜遲立刻開始。講到食物，種類之豐富令人眼花繚亂，有海鮮、壽司、燒烤、熱炒、沙律，甚至還有甜點區。海鮮部分新鮮得像剛從海裡撈出來的一樣，海蝦、爆糕面包蟹，無法抵擋。而壽司的米飯粒粒分明，鮮味十足，三文魚子新鮮大粒可當飯食🤪燒烤區更是吸引眼球，烤得恰到好處的牛扒羊架，什麼節食減肥卡路里早已經忘記得一乾二淨！甜品區我覺得反而係今晚重點，朱古力生日切餅內有士多啤梨果醬好食到無哂朋友，老實講唔生日都要話有，好味！紐約芝士餅一定要試，包你滿意！整體來說，HARBOURSIDE唔單止係吃貨天堂，更是放鬆心情的好去處。價錢合理，餐品豐盛，難怪這裡成了朋友聚會、家庭聚餐的熱門選擇。結束時，我們倆笑著說，這裡絕對值得一試。

同慶祝朋友生日，揀左間好多人介紹既自助餐，價錢一啲都唔平9xx蚊另加10%又系5星酒店，所以期望會好高！服務可以，但菜式好小。普通冷盤刺身一般酒店自助餐都有，但成千蚊一位生蠔都無好失望！熟食普普通通，做得最好羊架同牛扒，鵝肝用煮的方式配南瓜醬，好難食（本身鵝肝用烚的方式已經唔好食），所以系無乜特別好食！反而甜品做得幾好👍🏻基本上$500左右既自助餐都做到甘既質素，我下次就唔會比多一倍去食！最後結帳加埋free flow 每人139x埋單，每人1400蚊應該有好多選擇掛！？

香港麗晶酒店嘅港畔餐廳真係一個唔可以錯過嘅自助餐好去處！入面嘅食物種類多到睇到眼花撩亂。無論你鐘意咩，都可以搵到你鍾意嘅選擇。鮮嫩嘅刺身海鮮絕對係焦點，每一口都感受到海水嘅鮮味，特別新鮮，令人一試成主顧。而且，佢哋嘅中式熱食都唔可以小覷，例如鮑魚花膠，口感滑潤，味道極品！香煎鵝肝亦係一絕，表面酥脆，內裡柔軟，簡直好吃得令人想再嚟多一次。龍蝦方面更係超抵，每次可以攞半隻，享受那種豪華感。甜品方面，選擇多得數唔晒，無論係蛋糕、撻、抑或冰淇淋，樣樣都吸引，讓人毫不猶豫地想嘗試。更重要係個餐廳嘅氛圍，微弱嘅燈光加上優雅嘅佈置，俾人一種浪漫嘅感覺，真係好有情調，無論係同情侶定係朋友聚會，都絕對合適！總括來講，港畔餐廳真係值得一試，無論食物、環境都好到無得輸！

係酒店裝修易名之前食過幾次Harbourside dinner buffet，都非常滿意，由沙律到熱盤到甜品，都非常多元化、多種類，多到試唔曬每一樣，味道都十分之好。雖然貴，但值得係全港第一嘅buffet。今次係佢裝修之後第一次嚟食，係完全失望。全場只有一張沙律+cold cut+凍海鮮+刺身壽司嘅枱，另一張係熱盤嘅枱，第三張係甜品雪糕嘅枱，非常之少嘢食，味道亦十分一般。朋友試咗牛扒話好韌，啲甜品亦都冇咩特色，除咗甜之外冇乜特別嘅味道，都唔知自己食緊乜。唯獨係Tiramisu同雪糕叫做比較好啲。即製嘅pancake亦都整得好差，個妹妹仔職員好似唔識整咁⋯仲有buffet包一杯嘅嘢飲，朋友叫咗Cold brew coffee，佢話難飲到飲一啖放棄咗，完全係零咖啡味，唔知自己飲緊咩... 我叫咗熱嘅Black Coffee，亦都係難飲到一個點... 從來未試係酒店飲到咁難飲嘅咖啡，好似係用好陳舊、好霉嘅豆沖出黎🤢 Ibis啲咖啡都正常過佢好多...唯一值得一讚係服務態度，仍然維持到水準。另外我哋去toilet時發現佢啲廁紙同抹手紙都係個平時公司Office嘅水準，令人十分感覺到Harbou

尖沙咀麗晶酒店的港畔餐廳真係唔可以錯過！自助餐嘅食物質素高，選擇多到令人眼花撩亂，每樣都新鮮又好味。無論係海鮮、熱食、甜品，樣樣都值得一試。餐廳的環境一流，裝潢典雅，氣氛好，適合慶祝重要日子，例如生日或者結婚週年。而且，餐廳職員非常有禮貌，服務態度一流，總係笑面迎人，令你感覺到賓至如歸。每次來呢度用餐，都會有新嘅驚喜，令我每次都好期待再嚟。總之，如果你想要一個既放鬆又美味嘅用餐體驗，港畔餐廳絕對係一個超級推介！記得提前訂位，保證不會失望！

網上見到唔少人都誇Harbourside自助餐又有靚景於是就襯屋企人生日去試下整體嚟講，種類都算多如果由魚生、沙律、熟食同甜品每樣食少少真係會好飽係唯獨飲品方面只可以喺Menu揀一樣(可無限refill)之後就無得揀第二款飲品係依方面稍為有少少失望不過自助餐飲品唔係重點最緊要係啲食物嘅質素魚生特別出色，尤其中拖羅，入口魚油味好濃帶子食落口好鮮甜熟食種類算多，中湯同西湯都有如果要揀一樣要再食多一次我會揀鵝肝！不過可以唔洗加蘋果蓉會更加好食另外佢個巴東牛肉配印度薄餅係perfect match！個芝士通心粉凍咗無咁好食，同埋都好膩辣肉腸pizza比芝士pizza好食鮑魚大讚，啲汁醬好入味而鮑魚好焾身牛扒熟度啱啱好冬蔭公雞肉幾入味，雞肉幾林，估唔到咁想煮會係咁夾到甜品部份，種類唔多咖啡Cream brulee係幾深刻印象Cheese cake就正常發揮Cream bun有少少不解點解要用提子乾包，因為唔會提升整體嘅味道中式甜品有杏仁菜，但係差不多尾聲去睇嘅時候好水同埋甜品區fill得好慢當日最想食嘅tiramisu 無食到就有啲失望