清真牛肉館 (打鼓嶺道)

營業中

休息中

閒日星期四晚上8點入座，都坐滿左八成人～ 叫咗個咖喱牛腩 炆得好林好入味微辣好岩送飯🙆🏻‍♀️招牌牛肉餅一定要試吓，爆汁熱辣辣❤️餡料超滿足，外皮係煙煙韌韌個種😍如果叫咗個牛肉餅，就唔使叫小籠包la 餡料味道差唔多，留返個胃食其他嘢🤭最後仲叫咗個京燒羊腩，出乎意料嘅口感，煙煙韌韌又有軟骨😍點埋個醬汁冇咁膩🫶🏻亦都冇咩羊羶味❤️推薦大家試吓～呢度唔收加一又冇茶位費🤩比起其他餐廳抵食吖✌🏻

細個同屋企人就成日食架啦，依家就帶女友嚟試下。必食推介就係牛肉餅！我想講，好重份量，一咬落去爆哂汁出嚟。真係著白色衫要小心彈到！佢厚皮，因為要夠厚先可以包實d牛肉汁同牛肉。一個人食2-3嚿都飽哂😎不過無論食幾飽，我都要食埋咖哩牛腩飯！咖哩牛腩飯，佢嘅辣度真係令你又愛又恨，但真係好惹味，碗飯真係一流！我有時會用牛肉餅掂咖哩醬食添！真係好好食！佢牛腩好大嚿好足料，佢咖哩唔係普通用水溝味，係真係用香料整出嚟，有層次！我多數係外賣番屋企食嘅，但就算30小時車程，番到去都仲係好好食！值得推！

食物方面：整體尚算良好，兩個人叫左4道菜，食物味道排名如下： 1.牛肉餅：超多汁，而且外皮鬆脆唔會好濕，牛質好，但牛肉味就唔係話好濃～ 但味道係唔錯既。👍👍2. 蒜蓉炒油麥菜：中規中矩，唔會好鹹，好食。3. 牛肉炒年糕：稍有些滯，中規中矩4. 牛肉粉絲湯：味道一般，雖然湯都有啲牛肉味，但係感覺上有啲似豉油湯底環境方面：普通茶餐廳，裝修格局顏色比較是內地餐廳風格（本身餐廳都是內地風味），午餐都多人價錢方面：價錢公道💕

每次去都一定要食牛肉餅，不過之前有時候啲水準唔係咁好，size有大細，而且有時候個餅底啲粉好厚。今次水準超班，大滿足，外脆嘅皮，內裏滿滿嘅汁，牛肉味到一樣，外賣都一樣咁好食。

一場黎到就叫當然叫2名物啦😉咖喱牛腩飯一個碗仔上size🤔😅第一口食既係牛feel到凍凍地🙊底D既就好D暖少少咖喱汁味濃無特別香料➕辣度都係正常入門牛肉餅第一次食就出事諗住好像灌湯餃咁既湯汁你就錯啦🤣😅係2倍咁多😯🤨所以大家最好係碟到分開先😉牛肉彈牙鬆身👍🏻🤨汁係醬油汁，像腩汁咁補充反 個皮係脆整體 :脆，彈牙，濕潤牛腩汁結: 必食 牛肉餅🤩👍🏻👏🏻可以點件買😉#咖喱牛腩飯#牛肉餅#清真牛肉館

lunch time同同事黎食，今次係第二次，特別掛住佢地啲炒飯，粒粒分明有鍋氣，今次嗌咗個清真炒飯，入面有雞肉、牛肉、牛肚、疑似羊肉，非常惹味香口；咖喱牛腩粉絲湯，牛腩軟糯、小棠菜同粉絲好夾，湯唔辣，好適合唔食辣人士；蔥油餅熱辣辣香口，入口唔油膩，充滿麵粉香；牛三拼揀咗牛肚、牛肉、牛筋，配上特製醬汁，熱辣辣嘅天食真係好舒服；總括而言，今日用餐非常愉快同滿足

此店可說是城中老字號，揾食肥華由此店買$8壹件牛肉餅至現今買到$23壹件，肥華都係佢嘅捧埸客，雖曾經在同類型清真食店，食過同類型牛肉餅，但個口感同味道都不及此店玄門正宗感覺，8月1日肥華在九龍城聽完醫療報告後，又諗起此店嘅名物爆汁牛肉餅及㗎喱羊腩飯，肥華二話不說甘願硬拼太陽伯伯的威力，直闖此店誓尋老味，此店侍應姐姐可能見肥華身水身汗進入此店，竟主動給肥華兩杯香片茶享用，令肥華喜出望外，以今日此店出品來講，鎮店之寶牛肉餅顧然係得，依然爆汁，熱辣及美味，但個㗎喱羊腩飯肥華認為更是強中強，唔知係唔係早排在贀友食咗個不知所謂嘅㗎喱牛腩飯，此店今日呢個㗎喱羊腩飯真係驚為天人，好味到令食量巳大不如前嘅肥華，越食越開胃想再來一個此店㗎喱食品嘅衝動，最後肥華為荷包着想，衹外賣兩件牛肉餅回家，給靚媽享用就算👍😋👍😋

《清真牛肉館》九龍城老字號🦾價錢仲好親民😍一入門口 放滿一排獎項🏅馳名嘅牛肉餅🐮嚟到九龍城一定要嚟試下！---🐮清真牛肉餅（$46@2）必叫⭐️嚟到熱辣辣 煎到金黃色😍外皮好好香脆，入面牛肉脹卜卜！咬開系爆汁！超級多汁！🤪牛肉味好濃 好好食 🐮清真牛肉小籠包（$50@4）第一次見牛肉嘅小籠包所以試吓，入面同湯汁同牛肉餅系一樣😂所以如果買咗牛肉餅嘅話可以唔使叫。小籠包依然做到皮薄多汁👍 🐮咖喱牛肉粉絲湯（$72 中）粉絲湯有大中細揀 可以揀牛肉同埋羊肉咖喱味好香濃惹味，配粉絲 好入味牛肉好淋👍辣到適中 🐏麻辣水煮羊肉片 （$85)有驚喜有驚喜😍超級足料羊肉份量多 而且好嫩滑🐏個底仲有薯粉😍一啲騷味都無👍讚（85蚊嚟講好扺食 出面食水煮都要過百中🤪而且好足料個羊做得好）---(5🧸為滿分)賣相：🧸🧸味道：🧸🧸🧸🧸環境：🧸🧸🧸價錢：🧸🧸🧸🧸服務：🧸🧸🧸---清真牛肉館 (打鼓嶺道)地址: 九龍城打鼓嶺道33-35號地舖電話: 23821882

記得十幾年前曾經特登走黎買過牛肉餅返屋企食，嗰陣好似係讀緊大學，轉眼十幾年了，第一次黎堂食，風味依舊，一啲都無令人失望。叫左個咖哩牛腩、雞絲海蜇、羊肉春卷，最緊要當然係牛肉餅。咖哩牛腩應該係我食過最好味，佢有種獨特嘅香味，啲牛腩又好林又入味，介乎係似羶不羶之間，有種令人一吃再吃嘅衝動，一定要配飯吃，我諗淨係啲汁可以送3碗飯。雞孌海蜇好香麻油味，不過相比起來就無甚特別。羊肉春卷熱辣辣即炸，好鬆脆香口，不過啲羊肉就有啲韌。最好味一定係牛肉餡餅，一咬啲肉汁噴射而出，足足有三湯匙咁多肉汁，就算擺到最尾先食依然後滾熱辣，味道咸香濃厚，同十幾年前係一樣㗎。

之前聽人哋講清真牛肉館啲牛肉餅好好食， 一次都未去過， 終於今日去咗試啦😆門口超多人喺度等，仲有好多外賣， 好彩我到嘅時候剛剛有2位先入到，遲一分鐘都冇呀。我哋兩個人第一即點咗一客牛肉餅，一個咖哩牛腩飯，牛肉餅好juice一咬落去D汁標晒出嚟，跟住忍唔住再叫多一客，總共兩個人共食咗四件😋至於個咖哩牛腩飯，咖哩嘅味道調教得啱啱好，牛腩又好淋身好正炆得好夠火候真係好好味，味道又唔會太辣又唔會淡👍。最後再點甜品高力豆沙，真係好掂喎，一咬開入面嘅時候好軟綿綿，甜度又啱啱好正好正😋 好滿足嘅午餐值得推介👍👍

當提及九龍城時，首先會想起泰國菜和潮州菜🎊因為這裏由70年代前已經聚居了不少潮州人，70年代時經濟起飛，不少泰國華僑來港尋找機遇，其中都是祖籍潮州，語言相通關係令更多泰國人來此定居，更演變成小曼谷🎍不過這間清真牛肉館卻在50年代已經立足於此🎟營業至今有近70年歷史，回教徒特色飲食，他們是不吃豬肉，善用香料和辛辣味開胃口，另外亦主打上海菜。🐏羊肉小籠包 | $50 | 7.5/10上海菜不得不提小籠包，但因回教關係轉用了羊肉或牛肉作為內餡，與傳統版不同之處在於它內裏不是肉湯，而是藏在內的肉汁🥟入口香而不羶，皮薄而不軟，是相當不錯的小籠包。🐮咖哩牛腩飯 | $62 | 7.5/10清真咖哩有別於印度咖哩，不算太濃稠，但有一種獨特的香辣，牛腩肉煮得比較軟爛🥓🫓牛肉餡餅 | $46 | 8/10遠近馳名兼且價值不菲的餡餅，因為漏單等了快25分鐘才姍姍來遲😑 外表很夠酥脆，意想不到內裏藏了汁水滿滿的牛肉餡，因香料關係肉味不算很濃，但形成了上癮滋味😉🍥高力豆沙 | $32 | 6/10上海有名甜點，但油味頗多，豆沙餡不夠綿滑，不值一試😮‍💨

清真牛肉招牌已經見咗20幾年，不過從未試過，今次嚟到九龍城，忽然諗起佢，於是就去試吓。兩個人叫咗一客牛肉餅～兩件、咖喱牛腩、同埋牛肉絲蔴醬撈冷麵。起初對餐廳有啲好奇，入到嚟感覺有啲似以前大陸北方嘅菜館。上枱最快係撈麵，蔴醬香味都好濃，有少少酸味，牛肉絲就一般，整體來講都係一般。跟住咖喱牛腩到，一睇都算足料，而且炆得好琳，好有牛肉味，食吓會覺得有少少辣，好快就諗起欠左一碗白飯。我就係唔想食咁多澱粉，所以無叫！最後熱辣辣牛肉餅到，嗯⋯⋯皮薄喊靚又多汁，應該係啱啱煎好就上枱，所以都好好味😋

自己真係第一次食牛肉餅☝️見到佢咁出名就買來試吓！外皮真係煎到好香脆 咬開勁足料 滿滿嘅牛肉餡 爆曬汁🤩牛肉好嫩滑 牛味又好濃郁🐮食落外脆內juicy 真係真係超正💕

餐廳環境係老茶餐廳style，內裡掛滿得獎獎狀，可見食品有相當質素牛肉餅 $46/2個手心size，外皮厚度適中，而且煎得十分香脆可口，牛肉多汁又香甜濃，一咬即爆湯汁，食過會翻尋味的美食😍推薦度5/5酸辣擔擔麵 $50一上枱就聞到好香濃的花生麻醬味，麵上有香脆花生，蔥花，蝦乾，菜浦等配料，加上好微的酸辣湯底，勁滋味，衝激我味蕾，好特別的味道，原來酸辣加花生麻香係咁正😋😋😋推薦度5/5打完篇文又好想食🫣清真牛肉館 (打鼓嶺道) (九龍城)九龍城打鼓嶺道33-35號地舖

清真牛肉館係區內的老字號，開業超過50年。名物係牛肉餅。來九龍城搵食，點會放過佢？😋清真牛肉餅上菜時熱辣辣，外表金黃色，牛肉餅脹卜卜，真材實料。第一啖咬落去嘅時候，有少少爆汁，醬油調味啱啱好。個皮做得夠薄身。果然係必食推介。椒鹽鮮魷鮮魷都夠大隻，鮮味彈牙。炸粉夠薄。加埋辣椒、炸蒜、椒鹽。都幾惹味。清真炒飯- 係咖喱牛腩加炒飯。咖喱牛腩飯就食得多，炒飯都係第一次。效果都唔錯。牛腩夠淋，炒飯夠乾身，索晒咖喱味同牛肉汁，幾好食。