清真牛肉館 (龍崗道) (已結業)

牛肉餅:雖然size好似細左,但係味道依然好正,最正就係咬落去嘅肉汁四淺,有非常香濃嘅牛肉汁味!我地叫左個四人餐,食食下先記得要影番張相做紀錄,好彩都仲有好多,果個豆腐粉絲湯味道都唔錯,而個咖喱牛腩配落個薄餅度簡直一絕,雖然佢仲有碟招牌菜叫鹵水三拼(牛肚、牛展同牛筋),不過我就覺得麻麻地好食,可能呢個冷盆真係幾冷啦....味道又無乜特別!

個日食0左咖哩羊腩飯同牛肉餅,先試個飯,咖哩汁唔係外面食到的味道,睇睇貼0係wall上面的報道先知呢種係巴基斯坦咖哩汁,其實係幾稀的一隻咖哩,配飯唔係好得,可能配印度薄餅會好d......再試個牛餅,有d失望呀講真.個件餅唔夠熱,汁係好多,但比我的感覺係好似小籠餅咁上下的味道,真係好普通囉........最慘係貴呀陰公.......

今日跟太座重臨。食完之後，感覺像參加老友嘅葬禮...昔日獨步天下嘅牛肉餅，今日再嘗，餅皮燶了，肉汁並冇以前咁豐盈，平平無奇....咖喱牛腩伴葱油餅而食。牛腩韌得咬不動而且凍冰冰，牛根反而還可以；咖喱汁係唯一還可取嘅，夠濃辣，用葱油餅點而食之，總算有D嘢落肚....唉...但比起從前嘅水準，差天共地....

好少去開9龍城o個邊今日去開特登行1x分鐘去試一試呢度出名牛肉餅都等左幾耐因為要時間煎黎到即刻食一件先!一咬落去d 汁必晒出黎仲飛左"木台"面可見有幾多汁!但見到d 汁有7成係油舊餅係就係好多汁不過牛肉落左好多調味食唔到有牛味但食到好多醃料味道唔係我杯茶同埋個皮都唔係薄另外叫左個豆沙鍋餅$27 貴lor我覺得新鮮整起熱辣辣個皮仲好脆tim 豆沙唔係好甜但d豆沙分佈唔平均有d位係無豆沙ps 星期日5點幾去到點心類menu有12款但有8款都賣晒-___-最後要叫d 唔想食ge 野....同埋d野食要等好耐有充裕時間先好黎食招呼真係無mud態度都幾寸味道同服務我覺得好多地方都好過佢.

閒日同老婆去九龍城行下，打算外賣久違了牛肉餅試下. 最少要買2件.等左幾分鐘，牛肉餅好熱，我地坐左係門外D櫈食. 一咬，D牛肉汁流晒出來，好香，D餡好入味，但好油膩.為免食得琅珼，請自備紙巾.

牛肉餅($10)之前見蘚絲黃勁讚就滿懷希望去試下但.........幾失望佢話超好食既湯汁~只不過係充滿油既''油汁''肉汁既昧亦吾係話好濃總體來講~只係1個屬中上既餅吾值得特登去試囉仲試左鮮蝦混吞($20)+豆沙煎餅($27)前者:湯好好味~但混吞就普普通通~蝦吾算好新鮮~~後者:正~個豆沙吾會太甜~個皮好熱~仲有D脆!!!!好食!豆沙煎餅反而有D驚喜!!!p.s.堂食最底消費每人20蚊!

(補充食評1-5-07)事原我和女友到九龍城<洋一居>用膳後,發現網友大力推薦的牛肉餅只是數過街口,於是拔腿就跑地前往<清真牛肉館>,品嘗一下牛肉餅.等了四分鐘後,我要的外賣已到手了,打開紙袋後,發現牛肉餅只有三吋闊,半吋厚而已.不過..外表雖然失色,但不減我對它的期望.當我一口咬下去時,發現外表跟內裏都係...\"流\"係就係有內汁..但感覺同食煎餃子不無異樣..咁就9蚊....所以奉勸各位,慕名而來就免啦!

咖哩羊肉飯,但味道普通,不過牛肉餅真係掂,去到唔可以唔食,待應態度ok,不過間鋪人真係多,多到爆,食完唔想再坐.下次去附近都會再幫襯,不過睇下多唔多人等位先啦.

下午五時已經入黎食晚飯....只有兩張有人座...我地坐張大圓, 亞姐招呼周到並對每項查詢都好有耐性解答!二人叫了咖哩雙併(只可揀雞, 牛, 羊任何兩款), $58, 雞比較"鞋", 羊會腍, 但會"痴"牙, 咖哩幾香, 較一般茶餐廳既為辣! 牛肉餅一件, $10, 我無食....見老公食得好狼狽, 又多汁, 又熱! 清炒西蘭花, $41, 少油少鹽...普通, 腍少少! 連一碗飯, $5無收加一, $114!

見門口寫住一個$9,一客兩個$17,咁入去買兩個外賣,要等十分鐘,但收我$21,我冇問點解,因我覺得佢應該係加咗價.終於等到仲急不及待試先,一咬落去,嘩!真係爆汁!唔明點解,個餅皮好薄,點解會藏到咁多汁呢?諗咗一陣,諗唔到點解之餘仲食完添.但講真,各人口味唔同,我個人覺得除咗爆汁外冇乜特別兼冇乜味道,試過就算.

我不同意你說食友們可能去錯地方的講法,我相信有心要找想試的食肆,一定會牢牢謹記該店正確全名,不會馬虎到來留言.要知道每個人口味不同,大家有權在這裡寫出食後感,當然你亦有權在這裡支持你認為好吃的食肆,但請不要企圖引導其他人覺得其他食友在這裡糊說.你說那間’北京清真牛肉館’是此店以前一個廚師自立門戶的.

牛肉餅好食,但係價錢都貴,要9蚊一個.

上星期六下午五點到去試,竟然泊到咪錶位,入到去大把位, 叫了咖哩牛,牛三拼和牛肉饼, 咖哩牛夠林夠味,牛肉饼也肉汁豐富, 牛三拼就麻麻地, 可惜食唔落,冇試咖哩羊。

呢到最出名係牛肉餅，皮薄肉嫩多汁，幾乎每一枱都叫。幾常大排長籠，座位迫夾坐得唔舒服，要搭枱。二人套餐有麻油雞、咖喱雞/牛腩/羊、炒清菜、牛肉餅二件、甜品。麻油雞係冷盤，汁底類似較稀嘅麻醬，都幾好味；咖喱甘香味濃，唔會太辣，牛腩炆得夠稔，用咖喱汁送飯一流；牛肉餅水準依然，細心留意其實肉汁都幾油膩；甜品係什果涼粉，糖漿甜品剛好，但用罐頭什果就欠誠意。聽到間餐廰個名，令人聯想到回教，好難想像呢到居然係食上海菜。

我食左咖哩羊同牛肉餅,牛肉餅味鮮又多汁,好正.咖喱羊仲正,如果真係鍾意食羊ge人,係會鍾意D羊肉有少少羊味得黎又唔覺(蘇),我食過好多間咖喱羊肉,只有清真牛肉館可以合晒我要求,除左味道好之外,佢炆得D羊好正,D皮有入口即溶ge感覺.