清真牛肉館 (龍崗道) (已結業)

今天休息，隻身到了九龍城。心血來潮想起這間店，去到時已是兩點九，但店內還是八成滿。搭了一張細枱，同枱兩個女士吃咖哩飯類。看看餐牌，平日兩點半後有餐，要了個牛肉餅兩件加酸辣湯，三十二元絕對不算便宜，心想既然咁出名，但試何妨？湯很快上，味道適中，吃到一半，主角上場。由於新鮮做起，熱騰騰，咬下去湯汁會標出來，只不過口感和肉味不過爾爾，可能是先前吃了酸辣湯影響味覺？期間聽到同枱女士說咖哩不錯。說不好吃又不是，只不過很難令我專程去吃第二次吧。

差唔多一年無來過, 今日下午兩點半去到, 都係咁多人, 等咗十五分鐘, 算快啦! 好彩兩個人啫!叫咗:1. 牛肉餅- 無得彈! 香港第一2. 咖哩雞- 好味道, 又唔係好辣3. 蔥油餅- 撈埋啲咖哩食, 正4. 咖哩角- 無一般食到個啲咁油膩美中不足係人太多, 上菜慢咗啲

星期四放工後約九時, 和同事到九龍城看寵物, 沿途行至街尾, 見到一間門面不多起眼, 但門口已有排了一堆人群在等位, 我們便趁熱閙看看究竟!在門口排了約二十分鐘, 已聞到香濃的牛肉汁味....入到店內, 座位雖然有點迫, 但看見周圍的食客都十分享受及滿足, 相信他們不計較大家坐得親密點, 打開MENU, 價錢尚算大眾化, 我們一行三人肺腑思量後, 終於經一輪心理戰鬥後, 我們叫了下列佳餚:牛肉餅六件–Size如平時吃的豆沙餅般, 兩三口便可吃完, 食一個一定不夠喉, 餅皮煙韌, 口感不錯, 吃一口, 內面的濃烈牛肉汁濺出口內, 熱烘烘的牛肉湯, 令齒甲留香, 更值得一讚的是所用的牛肉是新鮮, 並不是冰鮮的咖喱牛腩飯–牛腩炆得好”淋”, 牛根有嚼口, 不是太辣, 香濃的咖喱汁伴菜馬鈴薯送飯, 必然之選砂鍋津白–甜美津白加入雞肉,魷魚,粉絲等食材, 烹調入味, 飲完全身暖笠笠, 不覺口渴, 果然真材實料!清湯羊腩麵- 羊肉佈滿全碗, 不算太羶, 不吃羊肉的朋友都可嘗試一口, 上海麵質煙韌, 份量足夠, 超值推薦

牛肉餅值得一試，但其他的只能以及格來形容。因為當晚同卓的人點了一個六人餐，菜色和我們的有很大差別(我和朋友都看到流口水)。2人餐我只能給OK的評分，建議和多些人一起去較好吧。

2008年2月12日，清真牛肉館雖然是年初六, 九龍城附近的食肆還是有點冷清, 但中午時間的清真門口卻已有人排隊了。因我有感冒，胃口不佳，與另一半隻叫了：芹菜皇湯麵：有少許辣，另一半覺得麵不錯，但我不喜歡吃上海麵，因沒有我喜歡的彈性。牛肉水餃：牛肉汁從餃內流出來，近日雖歲常吃餃子，但仍然覺得這個牛肉水餃挺新鮮。一直都覺得牛肉餃子很容易是口的，但卻不是。牛肉餅：人氣是有了，差不多每一都叫，但我覺得餡料還好，但外層的餅皮像“漏了氣”和油油的，不太討好。下次可以再試試咖喱。

午餐係食呢度嘅咖哩牛腩飯加兩件牛肉餅!咖哩牛腩飯係一碟飯加一碗咖哩牛腩,咖哩好香口,係印度咖哩既味道,牛腩好有咖哩味,都幾好食!牛肉餅多汁,大約有一個可口可樂yoyo咁大,食物方面味道真的不錯!不過服務一般,而且多數係大枱然後要所有人搭枱,所以食得唔舒服!

Every time I go there, I see people queueing to go in.Every once in a while, I crave for its curry mutton and 牛肉餅.I also want to recommend beef dumplings, seasame paste chicken and spring onion pancake.

我真係好鍾意佢啲牛肉餅，真係好好食，好有特色，皮薄香脆、內藏豐富牛肉汁、餡料十足、即叫即煎，令我成日都掛住佢。但見個個話佢D咖哩好好食好正，專登去試下，因為自己對咖哩亦非常喜好，周圍試食。第一次試咖哩牛腩，唔多點，咖哩汁唔夠味唔夠香唔夠濃，一層厚厚紅油泡面，非常油膩，全無過人之處，差過快餐店。之後比多次機會佢，試咖哩羊腩，好少少羊腩算肉嫩，但咖哩水汪汪無質感，咖哩汁真係唔夠香濃，認真失望。亦試過其他招牌炒飯，上海粗炒之類，都是失望而回。算吧啦！都係一心一意食番佢最獨門，鎮店之寶<牛肉餅> 最穩陣嫁啦！

前果排~因為公事而要去九龍城有一轉,途中經過聽聞已久的清真牛肉館,二話不說叫兩個牛肉餅外賣啦(牛肉餅最少要2件,外賣好似+1$),買左之後keep o係個書包一陣,做完正經野先搵個位坐底慢慢嘆,經過左大約25分鐘,終於搞掂公事,可以慢慢品嘗出哂名的牛肉餅,o係公園好不容易才o係班阿伯手上搵到個位,即時拎盒牛肉餅出黎等佢呼吸下新鮮空氣,咬一口,個餅出奇地熱辣辣!!大家要留意呢排香港天氣係幾咁寒冷!!!o係咁ge天氣溫度下~近半個鐘頭個餅依然Keep到熱辣辣,真叫人興奮!9成9係即叫即做,唔怪得到我等左幾分鐘啦,牛肉餡好好味牛汁極多,汁當中亦有不少油份,好可能係這些油令這牛肉餅保溫的原因!食這餅有樣事情要切記,就係一開始唔好太貪心,第一口即來貪心的一咬隨時比熱辣辣的牛汁燙傷咀仔!若對這牛餅真的要挑剔的話,只能說餅皮厚了一點,還有平宜些就更好了!!P.S.大家請留意!這正店是龍崗道1號!全名是"清真牛肉館",而不是過幾個鋪位的"北京清真牛肉館"!這是沒有"北京"的!!!

只有牛肉餅值得食, 其他食物水準中下!不如只去外賣算數!

我地上星期洗車時見沒有人等位就入去食野, 平日晚上無時無刻都好多人(不要去錯shop, 有兩間, 一間是copy cat, 要去糖水shop 隔離先對).兩個人食左1) 牛肉餅2件, 好好味, 沒有很多油, d汁留在碗中是幾清的牛肉汁, 好好味2) 牛肉水餃, 好好味, d皮是厚, 不過水餃中間的湯很好味, 我一個人食7隻都唔覺滯3) 牛肚noodle, 好好味, 特別是個湯, 很好味, noodle的質感像上海noodle, 彈牙. 平平地(好似around $70 only), 唔迫人的下午non- peak hour 去食真係唔錯

牛肉餅超好食,唔可以唔食!多汁,正!其他食物都唔錯,可以食吓咖哩羊!好多人等位,趕時間咪去!

都有半年無食, 今日想對自己好d, lunch 外賣了3 隻牛肉餅, 加個未試過的牛肚絲麻醬(冷)麵返屋企慢慢嘆. (星期日12:xx pm 等外賣, 係要15-20 分鐘的!)牛肚絲麻醬麵一大盒, 麻醬/切絲牛肚/青瓜/上海麵樣樣都一大堆, 夠晒睇頭... 切絲牛肚幾腍, 麵質就好腍, 加埋大量杰撻撻又帶酸的麻醬, 食落幾糊口, 同青瓜一齊食就好d, 不過整體食落溫溫吞吞唔凍唔熱, 味道一般. 叫做試過0下咁啦, 下次都係唔好搞咁多0野, 食返咖喱算了.牛肉餅份量比之前細0左, 但味道依然, 層皮厚度適中, 煙煙韌韌, 熱辣辣的湯汁多到瀉晒, 好食! 牛肉餡料味道亦同之前一樣好.會繼續幫襯... 去過一次佢的"二奶"/ "老翻" 店, 其實食物都唔錯, 不過牛肉餅嘛, 梗係正店好食100 倍啦!

叫0左咖喱牛腩飯、牛肉餅、蔥油餅。個咖喱唔辣，好食！牛肉餅都唔錯，個皮又唔會因為0的湯變淋…個蔥油餅就算唔點咖喱汁食都ok。

以前記得一食落去就爆晒d 汁，但我同我朋友今日食就比以前爭少少: 1. 唔夠熱2. 汁冇以前咁多3. 舊餅size 細左希望只係一時失手啦~