清真牛肉館 (龍崗道) (已結業)

今天放工後又來到九龍城~小比難得地肯放棄吃泰菜而來了這裡~讓大比回味一下新鮮滾熱辣的牛肉餅七點來到~門前已經很多很多人了還生怕要久久久等的時候竟然我最後一人拎飛的~卻先叫我~呆了點呆~差點就過了還不知道~原來2人位是多麼快有~~好彩~~~二話不說就先點了2個牛肉餅~因為d單都要排住隊先~如果唔係就有排等的了~~師傅好努力地不停整整整好期待啊!因為預定了會到鄰錯吃潮洲糖水所以小比就選了個冷盤~拍青瓜~一來到就呆了~青瓜沒有拍~都不要緊~為甚麼是油油油~下了大量麻油和麻醬~因為吃開的都是酸辣或是麻醬~沒想到油油的最後小比吃得不太自在的完成了上半層~牛肉餅來了來了~~~~小比第一時間就吃了~通常都會有事發生的...沒錯~小比是懂得吃這個餅的~就是先咬一個小洞都把肉汁啜清~~但因為超級新鮮的關係~~~~~~小比有半個口腔ge皮即時燙得浮起了~紅腫了~脫了~大比也懶得出聲了~因為點叫都阻唔到小比最愛第一時間吃新鮮滾東西不太吃牛肉的小比也很想再叫..............大比另外點了個咖哩牛腩飯做正餐~很不錯~牛腩完全地炆得淋淋的~與咖哩溶為一體~配上白飯一大碟~~~~吃不到辣的大比也完成了大半

屋企人吃牛肉餅, 心急得滯, 差點兒燙到. 他們說還是台灣的胡椒餅好吃. 不過, 唔係一樣得東西... 無得咁比.有時候, 期望不要太高會好一點.可能係傳媒渲染得嚴重. 過高的期望.我自己不吃牛肉. 所以叫了一客蔥油餅.蔥油餅就真的是喜出望外了!很久沒有吃到那麼香而不油膩的蔥油餅了!而且層次分明. 誠意推介!

牛肉餅真係皮薄多汁,d肉汁仲熱辣辣!正呀﹗我一次可以食兩、三個...呵呵﹗因為其他食物,我就覺得一般中菜咁囉~所以主要狂攻牛肉餅...其實就算等位都唔係等好耐啫...

和您的第一百篇食評。是日黑雨，選擇去九龍城，未食已全身濕洒；好彩不用等位，但餐廳竟然剛好全滿，厲害。仍然是叫一份牛肉餅，咖哩羊腩；再加一份春卷。牛肉餅多汁，羊腩不夠蘇但咖哩夠香，算是一貫水平，但原來春卷也又薄又脆，簡簡單單的菜式都好好味。經過這麼多風風雨雨，好辛苦才可以吃到這一餐，好彩，總算沒有令人失望。食完就又出去同天氣搏斗過，真是為食，無計。

求左老公好耐(因為住得遠),佢終於同我黎食牛肉餅.勁開心!好貪心咁叫左:-兩個牛肉餅: 皮薄多汁,d肉汁一湧而上熱辣辣,名不虛傳既極品!-醬牛肚拚牛筋: 牛肚好煙靭有咬口,醬牛筋係好似果凍,不過無乜味.-咖哩羊腩: 夠羶同好稔,正!-酸辣湯: 夠晒辣,又多料.Overall係勁滿意,希望可以快d再返黎食!

星期六就打八號風球,收工後突然記起阿蘇大力推介過呢間食店,所以專登搭兩轉車都去試.結果,大失所望.不近人情:因為我還未到,跟我一起吃飯的朋友便先去位.在橫風橫雨的情況下,平日爆滿的店變得有點疏落.但是店員死也不肯讓朋友先進店內等待.甚至連門口也不讓進.結果他便要在門外被風吹雨打.態度無禮:進店後,店員指示我們搭坐其中一.那張是圓,又未坐滿,所以我們便隨意挑位坐.但後來進了更多食客,跟我們搭坐,店員為擠滿一,竟粗聲地口不擇言:你地一係就坐左邊,一係就坐右邊"啦~",唔好阻住我地d位!佢地認真無禮至極,就算我唔當佢地係務從業員,但基本做人禮貌都識少少掛?失魂:落單後呆坐15-20分鐘!!! 追問下,原來幫我地落單店員姐姐在遊魂,張單仍靜靜地躺在我們面前,唔得左拿去廚房!!!不過呢位失魂姐姐事後被人時,仍好似想狡辯係我地呢兩位食客錯!!! (真係諗爆頭,姐姐你冇失魂,又掂解係食客錯呢? 哦!一定係我地唔提你啦!!!) 懶惰:不過,呢位姐姐最搞笑唔係失魂,而係佢每次拿食物來時,如果大家搭叫埋同一樣野,她都必定問我地:係邊個叫先? 嘩!佢唔止失魂,仲極級懶囉! 結果,我同隔離搭果位食客,一齊都望

來這裹只有牛肉餅最好吃，新鮮熱辣，牛肉多汁，值回票價，但其他食物很一般，咖喱牛腩，份量少，牛腩鞋回，咖喱不夠香，要回水！而這裹太旺，服務很差，給我的感覺是不太歡迎我，最好立即吃完立即離開！坐一秒都不能多，狂人沙巴提提你，來清真牛肉館最好買外賣，用受氣。

於九龍城逛了一整天、剛好路過此店、想起牛肉餅的味道、便拉著母親進去回味一下。點了二件牛肉餅($20) 和一碟雞絲拉皮。牛肉餅很快便送上、立即試上一口、可能少人的關係、好像沒有像多客人時那樣熱辣辣、不過算了吧...因為味道依然很棒!! 外皮很薄、餅內充滿著濃濃的肉汁,,,讚!!雞絲拉皮則較為遜色、雞絲沒有雞味、青瓜亦不夠爽脆、而且不夠凍、配著糊口的麻醬一起吃時、令人感到很膩.....下次還是吃其他東西好了,,,

今早與老爸到附近的醫院做檢查, 餓了差不多12小時, 一做完便來了這裡食餐好!由於時間尚早(中午十二點幾), 很容易便在店內找到位子. 叫了牛肉餅, 牛肉水餃, 和咖哩羊腩飯. 牛肉餅熱騰騰, 仍然有很多肉汁, 皮不厚但好多牛肉, 很好吃! 牛肉水餃也不錯, 也有很多肉汁! 咖哩羊腩飯的咖哩較稀也較辣,羊腩較肥但一點也不羶, 吃起來也ok. 味道與兩三年前吃的也差不多, 如果可以唔落味精就更好!!

經過九龍城，見門口咁多人排隊，原來係朋友介紹個間食店，佢話牛肉餅好好食。望到店入面好窄好迫，服務員好忙咁叫號碼，仲有門外等得好唔耐煩既客人，要食都唔知要等幾耐先入到去坐，我都係叫外賣好了。$21-牛肉餅2件應該係加左價，朋友同我講o個時仲係$10蚊件，叫左外賣，收銀話仲要等20分鐘先有得拎，我心諗係未真係咁好味呀?遊左20分鐘番轉頭拎，點知仲要等，我見不少人都拎住黃色飛仔等外賣，真係幾誇張...等多5分鐘先叫到我既號碼，拎個發泡膠盒已經聞到香噴噴，不過我想坐低先食，去左附近公園，打開個盒，熱辣辣，好香。專業既外賣盒，係個盒頂整個洞放走熱氣，唔會令個餅林左，發泡膠盒內用紙索油兼包住2件熱餅，唔會溶左D發泡膠，真係好細心，令件餅可以好似係店入面食一樣。怪不得咁多人叫外賣，咬一口D肉汁已經標出黎，皮薄得黎又唔易穿，牛肉質感好似山竹牛肉咁幾特別，有D牛味加"算"味，不過我個人覺得咸左D，最好味其實係D肉汁...$21，總算見識過，係幾特別不過味道一般，唔會特別想食，要等20分鐘既話應該唔會再等。

同一條街兩檔清真料理，二選一下一定揀呢間老舖，吃了多年也有點信心保證。復活節大假，搵食的朋友可真不少，早兩日到粉嶺吃豬手結果落空而回，是日吃牛肉餅，獨個兒也要等上半時小先有位，落了兩件牛肉餅的單，又要等上半區鐘，「搵食」認真艱難。流量大，是日吃到的牛肉餅新鮮比唔新鮮難，熱辣辣的肉餅，爆汁肉餡下了不少韭菜、蒜頭及醋，帶著北方的味兒，而皮薄得幾乎能看透內餡，兩面煎得鬆脆又無漏汁，較之肉餡，這餅皮更考功力。等了一小時的牛肉餅，仍是水準之作，值得一等。

上星期跟一理同事一同去食野...叫了一個8人既set dinner...除牛肉餅好味d之外, 其他野都好一般...加上服務勁差..我們都未食完已經不停問我地d野食要不要幫我地包走...那時我們只是入了坐不足30分鐘...後來我有個同事答個待應, 我們仲有一個朋友來緊..之後坐在櫃位的女人就好惡咁問我地佢幾時到, 我同事話5分鐘後到, 之後佢黑口黑面...話我地坐咁耐...依家仲有d咁既服務態度..真係食到一把火...

星期一晚同同事行經九龍城途經清真牛肉館毫不猶疑即刻買左4件黎試試... @@...是夜橫風...橫雨我地企係牛肉館門外... 狀甚可憐.....(曾經打算放棄個41蚊而走人既...)20分鐘後... 熱烘烘的牛肉餅送到我地手中我地不故儀態就咁係街上面係咁咬... xd牛肉餅果然名不虛傳@@...!!!就係因為我地係街上面食... d肉汁就係咁漏晒落地(唉... 徙晒........)下次堂食個時會試埋其他菜式!!p.s. 熱騰騰的牛肉餅搞到我上顎損晒...唉-_-|||

琴晚經過清真牛肉館..心血來潮唸起..好多人成日話佢個牛肉餅好鬼正..所以就同男朋友去左去買外賣拎走..本來唸住買一個試吓..點知最少要買2個($10 蚊一個)所以就買左2個啦~果陣差唔多10點..眼見店內座上客都有7成滿,拍得住D泰國菜館..落左單就0係門口等...等左差唔多10分鐘有多....真係即叫即煎嗎???等左十幾分鐘終於有得食...(為免凍左..唔同味道..我地就咁坐0係門口食!)每個牛肉餅都用一個紙袋裝住..牛肉餅熱辣辣...賣相尚算不俗!由於個餅勁熱...仲差D"辣"親個咀~一咬落去....覺得個外皮都叫幾厚....又冇乜味...但係D肉汁(定係油呢??!!!??!!???!)已經漏晒出黎.....攪到一手都係!!!哈哈~到D牛肉~肉尚算可以....不過都好似唔係好夠味咁...難道我味覺有問題嗎???總結~牛肉餅係新鮮熱辣辣...不過本人同男友都覺得只係普通好食~~上海菜既鍋貼其實都係異由同音之妙~反而仲好似好味D!!

今晚為左慶祝我既生日,所以同老公奶奶去食,叫左牛肉餅,咖哩牛腩飯,三牛拚盤,牛肉湯餃但係D餃子皮好厚,好難食,拚盤無味,唔好食真係只得牛肉餅好食,其他唔洗食