清新素食咖啡店

營業中

休息中

感恩九龍灣企業廣場有素食餐廳，增加午餐持素的機會，小店得老闆一人主理，等候時間未免需要點耐性，但亦都係一個機會放慢一下平時急促腳步，雖然是素食冇肉，但每次食湯烏冬都很夠味👍🏻

終於有機會再次到訪，有機會堂食，水準依然好好，蔬菜素丸湯烏冬，很夠味熱辣辣，辛苦老細一腳踢，所以要預留等候時間，但係可以喺百忙之中悠閒地食個午餐，的確係賞心樂事

之前經過企業廣場 無意中發現呢間隱世餐廳 ～其實已經食過幾次 試過幾款嘢食都好有水準 所以決定寫人生第一個食評 😋😋暫時試過 泰式冬䕃功素海鮮螺絲粉 （味道唔錯）日式芝麻汁素雞肉蕎麥冷麵沙律 （好岩夏天食～ 夠fresh ）黑松露西蘭花素蝦天使麵 （黑松露味好香）素牛肉丸湯烏冬 （夠大碗 牛肉丸都好出色 😋😋） 總結真係好岩素食朋友 😍 就算唔係素食嘅人都好岩食 呢間餐廳由老闆一人主理 食物質素有保證 好欣賞老闆嘅用心製作 ～ 加油!

今日第一次食呢間，叫左個黑松露西蘭花素蝦天使麵配雜菜湯。個雜菜湯肯定唔係罐頭湯而係真係直接煮嘅湯。因為罐頭湯一定有好多洋葱甚至係蒜頭，正式素食店又點會有五葷 ? 我食嘅呢碗就絕對冇五葷，仲好難得地佢落左薑汁去驅寒，呢樣係其他素食店冇做嘅，所以好多時我只食素果日會因為太寒涼而胃氣脹而唔舒服，而呢碗湯有落薑汁，解決左呢個問題。講返個天使麵，蔬菜方面係有啲唔夠新鮮，我估我食嘅時候係擺左幾日嘅材料嚟，而其他人嘅評論寫到好霉霉舊舊嘅果位客人食嘅可能比我食嘅擺得更多日。😶😶 而且有幾件菜有啲黑邊冇切走，如果可以一早切埋啲黑色啡色果啲唔知氧化定污漕嘢先煮會更好。不過個黑松露我覺得好正常，未食之前搞一搞撈一撈先食會好啲，因為啲黑松露汁係流晒落底部，而且素食店唔用奶類製品，冇忌廉加強黑松露個味，當然會淡好多。但肉眼睇已經有好多黑松露，食落去係正常冇厄人嘅，最緊要撈多撈個底先食。個天使麵軟硬度都好適中。份量都好大，55蚊一個黑松露天使麵呢個容量已經好君真。雖然我食完都係同以往一般素食店一樣係唔夠飽。呢個係素食呢樣嘢嘅本身問題。總概嚟講，每樣嘢都冇問題，幾好，唯一問題係材料唔夠新鮮，啲菜擺得耐。解決問題嘅方

中午時份~12:50 到店叫外賣, 當時店內大約有6成客人, 外面有約2-3 人等侯外賣叫了一個菠菜汁意粉同一個素雞蒿麥冷麵, 當時店家完全無提及等候時間等到1310, 我意會到已經等左20分鐘, 忍唔住追問一下, 店員話好快有等到1320, 佢話下一張單係我..最後等到1330  終於有了..足足等左40分鐘..而且一句唔好意思都冇..睇番食評..原來呢間等候時間係偏長..但亦不至於40分鐘吧建議店家如果人手不足, 下次可以先提醒 畢竟打工仔lunch hour 時間有限 菠菜汁意粉較乾, 配菜亦較少絕對不會再光顧

走入店裡，迎面撲鼻而來嘅係一陣清新嘅香氣，空氣中彌漫住咖啡嘅香味同植物嘅氣息。店裡嘅裝潢簡潔舒適，有好多自然元素嘅設計，令人感到放鬆。桌面上擺咗啲精緻嘅植物盆栽，令用餐環境更加有生氣。接下嚟，就係我品嚐 南瓜忌廉意粉啦。上嚟嘅時候，呢道菜令我驚艷。意粉好彈牙，配埋豐富嘅南瓜忌廉醬汁，質感綿密順滑。每一口都彷彿係品嚐南瓜嘅原汁原味，再加埋啲輕盈嘅蔬菜同新鮮嘅香草，營造出一種清新嘅口感。南瓜嘅甜味同意粉嘅鹹香完美融合，真係好好味。除咗南瓜忌廉意粉，我仲試咗一碗南瓜湯作為開胃菜。呢碗湯個顏色係金黃色，散發住濃郁嘅南瓜香氣。飲低一口，湯嘅口感濃郁豐富，口味層次分明。南瓜嘅甜味同淡淡嘅奶香味一拍即合，好令人回味。而且，湯入面仲加咗啲香脆嘅南瓜籽，增加咗口感嘅豐富度，令整碗湯更加有趣。我深深感受到南瓜呢種食材嘅多樣性同豐富性。清新素食咖啡店以佢地嘅精湛廚藝，將南瓜嘅美味發揮到極致。無論係南瓜忌廉意粉定係南瓜湯，都展現咗南瓜嘅獨特風味同優雅口感。

疫情關係有一段時間無嚟幫襯，前幾日特登同屋企人嚟食下午茶，依然都係咁高質😋我叫咗素叉燒刈包配沙律，個包好鬆軟，中間夾滿咗素叉燒，好飽滿👍🏻屋企人就叫咗素肉燥飯加個南瓜湯，素肉燥食落好似真嘅台灣肉燥咁，好驚喜！湯好濃味好creamy😋下午茶嚟性價比好高👏🏻鋪面唔算大，十令個位左右，但係都坐得舒服。記得之前只係得老闆一個坐陣要一腳踢，今次嚟多咗個女仔幫手，好好禮貌同好好招呼。一定會再幫襯👍🏻

九龍灣冇咩素食餐廳可揀，無意中見到，感覺到制作的認真👍🏻因只有老闆一人，但佢冇因為咁而是但交行貨，味道不錯😋只係因人手不足，等候時間比較長🥹但可能因為來此店鋪的顧客都是茹素者，大家脾氣都比較好吧😅所以食客都係靜靜地等候，靜靜地食，因此店舖整體環境舒服，平靜，🍀喺繁忙嘅工作當中，可以享受一個小時嘅午餐時段，實在不失為一個好選擇❤️

去九龍灣搵朋友食午飯，知我素食，好細心的男孩帶我去企業廣場吃素。小小店舖，只可容納十多顧客，位置比較緊密，勝在有高高的透明膠板隔開食客，傾偈都好容易溝通，唔會阻住人。流轉快，午市時間只需等幾分鐘就可以入座。老闆娘好好心機，服務質素十分好。我點了午餐F，朋友點了午餐E。先來一碗真材實料的南瓜🎃湯🥣，滿滿南瓜蓉加入了金針菇🍄，口感充實。主菜田園蔬菜🥬沙律🥗配碎果仁黑醋汁。另加芝士多士。沙律菜新鮮爽脆，果仁香脆可口，黒醋汁甜酸適中。吃了一半已經覺得好飽。朋友的主菜係日式芝蔴汁牛蒡絲素雞絲冷麵🍜，食材好新鮮豐富。男孩子也吃了一半已經飽。以呢個價錢真係平到笑，絕對超值 👍🏻👍🏻

呢間以前喺九龍灣返工，幫襯過一排，果時想試吓食素，附近冇乜素食餐廳，最近就係呢間，食過幾次覺得好一般般，啲肉整得唔係好似真肉，價錢唔算平，淨係單點都差唔多50蚊，啲職員服務態度係幾好。

身為一隻食肉獸去素食餐廳既機會真係少之又少呢間舖頭係公司附近行過幾次終於跟同事過黎試下佢餐牌睇落唔錯，都幾吸引！選擇多之餘，各種唔同類型既菜式都有想食中式或者西式style都無問題呢個南瓜忌廉意粉可謂非常有驚喜本身望落個汁唔係太厚身，仲以為會比較清淡但第一啖食落去已經有濃濃既南瓜香❤️加上彈牙既意粉，成件事好夾不知不覺已經食晒成碟好滿足！唔講真係唔會覺得佢係素食去呢間小店食野已經係前一排既事近日疫情少左出街食飯希望下次再去既時候可以有機會食返呢碟意粉

今天是我農曆生日，我習慣都會在這天茹素。現在香港找素食店不容易，尤其在早市時間，畢竟現在仍是食肉獸主導的世界，草食動物太少了。今早由於要和女兒領回鄉證，難得離開草食者沙漠 TKO 。在九龍灣辦證後在「開飯」找到這裏有素食店，還要註明早上已營業，滿心歡喜想過來開餐。可是找了很久仍找不到，要勞煩管理員哥哥帶路，在郵局旁找到此店。由於招牌沒有燈，極不顯眼。加上早上店主以為沒人，店內什物仍堵在門口。我等了一會店主少施施然過來移開移開什物招呼我入去。店內仍充滿油煙味。不是7點已營業嗎？為何到11時仍未開門？不是肚餓不想多走幾間，我早走了！畢竟，餐廳仲點是食物，我還是吃了才說。我見食評指他的松露天使麵不錯，我於是便點了這個套餐。套餐除了主食還有湯或沙律及飲品。我點了菜湯及咖啡。我要求咖啡先上，但最後仍是我吃完才有，算！先說菜湯，它是港式蘿宋湯走牛肉，但內裏的菜痗痗溶溶，說穿是金X菜湯。X寶喝了一半便上主食，天使麵的配菜也是痗痗黃黃的，吃上口還帶點酸，雖未至於變壞但感覺已是非常不好。松露雖心知只是幾滴松露精油，但只要配以合適的菌類亦可做到不錯的效果。但它只用了鮮冬菇，和精油的味道極不配。到了餐後咖啡

第一次來這個小店,內外幽暗, 12點半沒有很多人, 店員友善招待, 我點了日式芝麻汁牛蒡絲素雞肉蕎麥冷麵沙律$47, 另加了$7生薑茶, 我沒有加錢要湯, 今天的餐湯是南瓜湯啊, 冷麵很快便上桌, 很多沙律, 配料足, 但是芝麻汁味道有點奇怪, 個人並不喜歡...生薑茶沒有很濃的薑味, 淡淡的. 

一個人星期六的午餐店子不太大，但有優閒的感覺～喜歡清新清淡的，所以點了菠菜汁蔬菜意粉。食物上的時候很夠熱 一個不錯的素食選擇～很大碟，份量很足，所以不怕不夠飽～

不是友人介紹，浪子也不知道這兒原來藏著一間素食店.....其實整個1/F都有食肆，不過都好隱蔽，不是在企業廣場工作可能真的不會知道。這間素食店的位子不多，約二十來個。Lunch價錢約五十多元，算是這個樓層裡最高的。款式不算多，但勝在有心思，每個選擇都難以在其他素食店找到。點了一個螺絲粉全餐，要了田園沙律和咖啡。材料算新鮮，黑醋汁勁酸，十分醒胃。基本上這餐最好就是這個沙律。如果不吃沙律也可以選擇餐湯。韓式辣味不多，只能算有香氣而無辣味，螺絲粉一般，不知是來貨問題還是處理不得宜，螺絲粉給浪子的口感是很鬆散和沒有粉味。而辣醬較淡，挽回不了味道。咖啡熱度足，跟餐餐飲來說也算不錯。小店經營不易，做素食就更應好好支持。但做食肆，衛生真的要看著緊一點。