添記燒臘飯店

營業中

休息中

本身諗住堂食燒肉飯，但因為太多人排隊又太熱，所以買咗$100燒腩去附近公園搵個位坐低食。一放入口簡直係滿足，啲肉同脂肪一層一層比例極好，個皮勁脆，食嗰時仲係熱焫焫，味道又唔會太鹹雖然價錢有啲貴，但我覺得值得😍😍

尋晚睇社交平台睇到介紹呢間燒臘店，突然燒肉心起，今日一支公走入元朗食返餐。以前已經幫襯過幾次外賣，佢哋既質素早已心中有數。第一次堂食，去到已經差唔多12點，擔心已經賣完，好彩靚姐話仲有燒肉雞，我話燒肉OK啦，結果上嚟肉雞拼，原來係一定要食燒肉雞飯，無單燒肉，OK啦，雖然我對雞只係一般興趣。明顯呢個係燒肉唔夠，雞又有剩既安排😒。店員同收銀好好口，好有禮貌，多謝唔該絕無欠你。不過當聽到有客話唔食雞嗰陣，阿姐態度180℃變化就有啲令人驚訝😅。OK啦，揾食啫。大排檔環境唔會乾淨，得兩大一小枱，阿姐原本要我插入大枱窄縫入面，好彩細枱啱啱有人起身，我就唔使夾住食。一坐低上手既骨仲係度，睇下水渠水已經淹上嚟，嫌污糟真系可以直接外賣。雞好一般，雞胸肉，有啲實，但又唔系鞋，都可以的。都見有人好彩食雞髀，無計，一切皆是命。戲肉當然係燒肉，佢哋話係新鮮肉烤製，有啲UN，有啲實，有肉味，塊皮扑扑脆，絕對好食，每次質素都差唔多好穩定。飯就系最弱既一環，鞋口有生米，唔掂。埋單29，單雙拼一樣價錢。值得一提，之前買外賣燒肉，放幾個鐘啲皮依然香脆，記得佐敦有某家燒臘都係咁講，可惜唔系事實。大排檔唔影相啦，已經有人up

聽講中午1 點幾到2點，會開始冇脆皮燒肉賣，今次坐低，不慌不忙要燒肉加燒肉飯，職員話不可以，只能燒肉拼其他雞鴨叉燒排骨，因為燒肉貨量不夠賣比其他客！ 記住入去要坐左手邊，右邊是另一檔口，有分別的！ 我和家人坐一張大圓枱，幾班食客都是唔認識的，我哋坐低喺度高談闊論這間舖頭點樣平點樣平，大家食得很開心！我嘅燒肉皮係脆卜卜嘅，但米飯真係爭啲， 明解價錢要將貨就價，影相喺張相度發現，原來師傅俾咗隻鴨肶我，我今日真係Lucky day!

依家好難搵到咁抵食嘅雙拼飯😋😋星期日早左起身專登黎到依間元朗著名冬菇亭😆8點咁早都見到有個阿叔等緊～要坐多兩三個字先賣～環境就有少少少熱，不過阿姐好細心轉個風扇過黎🫶🏻嗌左個油雞燒腩仔飯✨✨份量好多好抵食好味！蔥油好邪惡但必要😝冇介紹錯！四周連鎖餐廳林立下黎，黎到食著名燒腩仔確有特色✨🫶🏻😙

😎 今朝特登早起係天后坐 968🚌 去元朗食也值得🤩 燒肉重暖嗰皮咬落真係”chop chop” 聲🤫大概 0815 到🧐 已經有人排緊買燒味外賣🫢堂食計埋我得麻佬3名😅我第一次去坐低諗住即叫番碗著名生熟地例🥣 (我起碼有卅年未飲過😭) 點知😲 靚姐話要 1000 先至有🥺 原來佢就係喺度準備緊湯料😛叫咗碟燒腩叉燒🍚 呀姐話係爽叉喎💁🏻‍♀️ 我話好呀🙋🏻‍♂️(其實我唔知🤷🏻‍♂️ 乜嘢係爽叉)呀姐寫咗紙仔 $42🤔走咗之後尾睇番 OpenRice 餐牌雙拼飯係 $30🙆🏻‍♂️ 唔通亞姐以為我會等到 1000 飲埋碗例湯🫨😬

上星期端午節10點半去到都有條人龍，但姐姐話冇拎飛既人佢就叫大家唔好等了，因為做節d 人朝早4點幾就黎排隊，賣哂就派飛，所以都派左好多飛，未必有剩俾排隊客買了。但發現左平時原來可以即日打電話黎訂定，咁就唔使特登黎排隊!唯有隔一個星期，揀星期六9點零打電話去留定$200 燒腩仔，講定11點去拎。11 點前去到都見到條長隊，有接近20人。因為留左就可以行入去，等左5分鐘左右，都即斬新鮮既俾我。呢度$199, 肥瘦適中，返到屋企都仲脆！唔會咸，又真係幾好食，但偏貴。等既期間都會出堂食既飯同埋都有其他留左既人拎燒味飯。 但walkin 既話就繼續排緊，所以有心想食既話，打去留定都唔錯👍🏻

講起燒腩仔就一定要試喺元朗雞地附近嘅呢間燒味檔佢係冬菇亭入面次次都要12點前過嚟買，如果唔係就會賣晒尤其大事大節簡直要一早過嚟買而且佢一啲都唔貴單拼$28 我就加多咗$20要多份燒肉超級大份 好好味 好飽肚燒腩仔好脆，而且肥瘦均勻買完都要忍唔住企喺一邊度食😋😋😋除咗燒腩仔之外，佢其他燒味都唔差可以一試佢嘅搶手程度簡直就係想買返屋企夜晚加料都買唔到😂😂真係超級推介👍🏻👍🏻👍🏻👍🏻👍🏻

其實一直都有食開添記, 每次都係食燒肉飯, 因為真係做到皮脆肉嫰感覺, 食過一次叉燒同雞,感覺一般,無乜驚喜燒肉水準尚算平均,每次都 keep到一定水準,但率嫌偏肥 偏油, 豉油都偏淡味直得一讚係燒腩仔無骨, 唔似方間有d嚿骨佔左一部分位咁如果唔介意燒肉小小偏肥, 係值得一試,而且燒肉即出即切,熱辣辣好好味,對比起另一太子出名燒肉果間,添記實在優勝太多另外, 價錢27蚊一個飯盒都合理, 但唔建議加20蚊加燒腩, 因為份量的確分別不大店員服務都親切有禮

添記的燒味深受街坊歡迎，長期有人龍，通常中午賣完就收舖。今日經過見人龍唔太長，於是排隊買熱辣辣嘅燒腩仔。企咗一陣，眼見砧板上的燒腩仔越斬越少，擔心排到自己時會唔會仲有。幸好店員拎住一夠熱辣辣、新鮮出爐嘅燒腩出來，好嘢！👏👏燒腩肥可以揀全瘦或者半肥瘦，我就要咗100蚊半肥瘦。買幾多錢，師傅就會切幾多，然後放上磅比大家睇，非常均爭。終於到主角出場了！燒腩仔睇落好似好肥好膩，但皮脆肉嫩，皮燒得好脆，夾住一層肥肉、一層瘦肉，肥而不膩，十分滋味！值得一讚嘅係，發泡膠盒開咗個窿疏氣，保持燒腩仔乾身，真係好細心！佢哋嘅單併飯$28，都好抵食，燒味份量都好足料。不過環境衛生就麻麻，所以只會買外賣，唔堂食。😅

食燒肉，食過這一間都返唔到轉頭，因為真是限時，仲要好多人排隊，有幸見到條隊少人排，所以排下真是食到好好回的燒肉！價錢比一般的是貴點，但值！因為真係新鮮出爐，即切比你！個發泡膠盒仲會幫你開口疏氣！食落，皮仲超脆，肉味足！好快賣曬都閉門唔到你生意！

元郎7am 骨摩寧 Tour 我最鍾意嘅燒腩、好多人覺得環境惡劣，我覺得環境一流、10分有feel，做燒臘檔竟然1:00前收工你就知道佢有幾Amazing , 坐喺條坑渠冷巷側邊如果你有支茅台/ 自備紅酒/ 啤酒任何酒精類物品真係人生一大享受，用新鮮豬肉，燒到卜卜脆，真正三間肉其他燒味也不俗，但始終都係燒腩仔至係主角

元朗好味燒肉飯呢一間燒味舖好出名，平時通常去到中午左右已經賣晒仲要收左工😮如果想食都要係放假同埋早啲去買先得，每次叫都係食燒肉飯 ，單併只要$28，又抵又好食😋

食添記的乳豬飯真係要靠運費, 首先好似只有星期天才有, 及要大約十點半十一點才有一只 , 賣晒就無.我試過排隊時還有, 到我坐低時已經賣晒,  今次唔知算唔算好彩, 試到一碟, 但老實講, 只係一般水準而已.添記係大排檔, 主打斬料外賣, 亦有幾張枱堂食, 正正常常都起碼要等10-15分鐘才有位坐.排隊時還有大半隻乳豬, 到我坐低時只剩外六份一左右了, 添記的乳豬應該叫奶豬更貼切, 因為望落比酒樓的要細點, 而且添記的係玻璃皮, 不同酒樓的芝麻皮.我碟乳豬飯係近腳的部份,  燒得唔靚, 皮唔脆, 份量也好似比燒味店的少了一點,  44蚊的話只係正常, 唔特別, 坐我對面的亦係叫乳豬飯, 佢碟就明顥的靚好多, 所以食乳豬飯都係睇彩數, 睇下師傅切了什麼俾你.環境 : 大排檔, 無裝修, 無空調, 食完就走.招呼 : 阿姐會提醒客人排隊前要量體溫, 好似唔見要掃碼.價格 : 44蚊, 合理, 但唔超值,  十蚊的湯水一家要推介,  足料, 唔覺有味精.

每次經過添記，都一定有好長嘅人龍。聽街坊講都話好好食，之前一直都冇機會買到嚟食嘅，中午前就會賣晒。今日難得一朝早去咗銀行，處理完畢，只是早上10點，心諗，不如行過去添記睇吓。好好彩只有五六個人排隊，等咗15分鐘多啲，就到我啦。睇住老闆細心快手，手起刀落去切隻鵝脾。天氣咁熱，就買返屋企食啦。因為堂食坐嘅地方環境都唔算非常理想。返到屋企，煮一個湯米粉，配燒鵝鴨髀。成間屋都香噴噴，燒鵝的確係有炭香味。每一口都非常多汁，沾蘇梅醬，好正。

炭爐燒肉 新鮮熱辣 外皮極香脆 咬落卜卜聲腩肉位瘦中帶肥 味帶微鹹 肉汁極多即刻食真係超正 一條骨都係$80-$100 算抵食又好食呢間發哥都幫襯 好多行山人士 食完燒腩走去行山燒腩好受歡迎 2pm 前一定賣晒 越早去就越著數 最估唔到既係 佢地除左有常見既叉燒/切雞/油鷄/燒肉外仲有燒雞 ! 今次 walk-in 見到有 機不可失 即刻試試 燒雞雞皮帶炭香 肉唔乾有肉汁 有特色是日例湯亦大碗足料 每枱食燒味飯既客幾乎每人一碗每次入元朗 呢間同成記茶寮定必光顧 真係諗起都想食