添好運點心專門店

營業中

休息中

聽聞這店很久, 卻因旺角店要大排長龍, 令我卻步 .得知深水埗開了新店, 心想要去一試 .環境 : 因我去的時間是5点 , 所以沒有太多人 座位我想要是人多, 應該都會逼.服務 : 一般 , 像舊式茶居的 , 不冷不熱 .豬潤腸 : 好食, 好薄 , 好滑!酥皮叉燒包 : 超好食! 裏面的餡料味道剛好 , 豐富, 不肥 !蝦餃 : 皮薄 , 好食 !陳皮牛肉 : ok !古式糯米雞 : 超唔ok lor ! 從未想過或見過糯米雞是這樣的, 裏面是多片豬肉片+ 一小段潤腸 + 一片冬菇 . 打開時, 我嚇了一跳 ! 古法是這樣的嗎 ? 蒸大腸 : 好味 ! 唔un !

添好運點心專門店d服務勁差.. 等個煎蛋牛肉盅飯要等成個鐘..吹左成5次.每一次都有借口.個呀姐仲係到笑得好衰.第一次都係話"係呀.蒸緊".但冇見佢冇去追過..第二次又係咁.第三次就話牛肉要蒸耐d先得..(但我地個鳳爪盅飯一早到左仲食完好耐)第四次就話等下啦.係咁耐的等五次仲話..係呀.要等齊好多至會一齊蒸...其間有好幾次d人拿走左張咭去睇..但又冇人出過聲..有好幾樣點心都要追幾次至有..仲有..個茶杯有d污穢.叫個呀姐換個個比我地.. 佢就話.."個個杯都係咁的.唔使換啦"..我真係頂佢唔順..各位.. 出去食飯..d野食係要好味.. 但服務都一樣好重要.. 如果d服務係咁幾平幾好味我都唔會去..

新店第一次來,閒日較易搵位,估唔到依舊無茶選擇及得少量食物選擇. 酥皮叉燒包及腸粉好好食,馬拉糕有水準,不過蒸肉餅飯的肉泥超難食,蓮藕餅無蓮藕味,還是蓮香的好...

今天我們3人一起去添好運吃點心，但係點知入到去要等60mins位。入正題我們叫了一籠燒賣"林bepbep"，蝦蛟唔夠un，豉油皇炒麵d麵太硬，太咸，潮洲粉果麻麻，排骨飯很''林''，鳳爪不好味金姑牛肉鮮竹卷太咸,米芝蓮喎服務質素太差:

朋友仔話呢間點心好食, 但如果去MK果間要等2HRS, 所以我地去左深水埗呢間去到3點幾都有好多人等位, 等左15MINS就有位, 但一定要黏住隔離檯坐因為朋友仔食過, 佢就負責點叉燒菠蘿包---好食過聘珍樓N部, D料又多又多汁唔乾淨淨虾餃--皮真係超溥呀!!!好大隻虾同超彈牙!!!蘿白糕----好多蘿白, 面粉少白汁春捲--最初我怕個味道怪怪地, 但原來超夾呀!!!!又脆又唔乾好多蘑姑燒賣---好多豬肉, 無咩特別食完就要快D走啦, 因為出面好多人等位. 您唔走D侍應都趕人走

添好運既酥皮叉燒包, 一直知道它好味, 在旺角店時已吃過. 今次去新店試食, 店鋪果然大了, 走的仍然是平民路線, 價錢便宜, 但仍然要排隊等位, 好在也不是要等太久, 星期日的晚上8時, 2人位大約等10-15分鐘.新店有包廂房, 設有最低消費 $1000. 房內有比較高級的點心吃, 如果不是, 很難達到 minimum charge. 等候期間聽到知客先生說, 包廂房的booking, 包括中午和晚市, 在3個月內都已經爆滿了! 現在要book, 都是book3個月後的日子.(By the way, 知客先生都幾串架) 終於入到去, 依然是很逼, 快快食完便走, 不是給你嘆報紙那種. 當然第一時間叫出名的酥皮叉燒包, 馬拉糕, 燒賣等點心. 水準繼續keep住, 好吃! (當然啦, 等左咁耐, 又肚餓, 又熱騰騰出爐) 之後試了叫它的新口味甜品 – 黑松露燉奶. 幾貴架, 好似成$30-40, 係這餐最貴的點心. 首先, 我都知30-40蚊邊會有正既黑松露比你食丫. 但我覺得, 黑松露同燉奶係唔夾既. 因為佢鹹鹹地, 唔係乜都可以加黑松露嘛!2個人, 埋單好似唔使$200, 都好平

食之前都有睇OPENRICE, 見到幾多劣評,但我真係好想試下個酥皮叉燒包~又約到林小姐肯陪我食, 好啦, 添好運, 我來啦~閒日20:00, 唔使等位~比想像中大, 座位都有7,8成滿~排骨飯(幾足料), 黃沙潤腸粉(堅好食), 白汁雞C春卷, 酥皮叉燒包(堅好食) ~ (燒賣冇落到單~)服務唔係特別差~ 態度都OK喎~食物又好快上台~ *可能係因為同林小姐一齊食, 心情好, 餐飯特別好食~

因為要過一過來工作,所以係呢到食一下,試下係咪真係咁出名,其實入來前見到openrice的評語都心中有數,但係...先講入去,唔駛點等位,但又好多人係到搭台,總之係小迫.茶位$2,我覺得完全唔應該收,因為其實只係茶餐廳咁,佢拎個水壺黎倒杯茶比你,我以為係洗杯用 蝦餃18元4隻,全日最好食,但其钬地方都係差唔多豉汁排骨12元,細碟,唔好食,無咩味蝦腸, 得好少蝦...其實,如果大家有心機,將係超級市場賣果d"叮叮"點心隔水蒸,會比呢到好食d... 加上服務員禮貌非常不週,係平,但唔會再黎呢到了.. 再見!

約七時許, 與老公到家附近深水埗的添好運吃點心, 六個點心共九十元正, 鳳爪略咸, 炒麵較多油, 蝦餃一般, 但雙旦瘦肉粥非常好, 材料多, 而且完全溶化於粥內。豬瞤腸皮滑, 而且沒想過到了七時許的豬膶還可以這樣新鮮。排骨飯, 排骨不肥, 而且D飯不軟不硬, 一粒粒。

等等等~2個小時了~好! 有位了~ 不過... 伙記們! 態度好一點可以嗎???? 我已經在沒有冷氣情況下等了2個小時!!!!算! 坐下來~ 地方闊落~ 不過可以搵一個有能力洗碗筷的人嗎?? 韮黃鮮蝦腸粉餡料內的蝦肉份量少陳皮牛肉球粉下得太多沒有那些會攝在牙縫的筋膜在內....酥皮叉燒包外皮酥脆內裡一層很薄的义燒餡料...鳳爪排骨飯鳳爪及排骨有豆豉香味,排骨肉多骨少帶一點肥,飯粒略為軟身了一點.鮮蝦燒賣皇賣相歪歪斜斜已不吸引,豬肉粒韌得過份,咬不開要吐回碗中.馬拉糕鬆軟尚可.咸水角中間軟但餡料調味太油實話實說~ 食物一般... 同一般茶樓有分別嗎?

我無食過總點，吾知個間值吾值米芝蓮，但係呢間好吾點。除左甜品外，我差吾多叫晒餐牌上所有的，除左個招牌的叉燒包真係好超值，仲有個春卷係好之外，無樣係好，價錢又比臺點心貴，最基本的牛肉球完全係‘淋‘，個豪皇牛肉卷個‘欠‘胡口到不得了。吾知係吾係吾好彩，個豬潤腸係吾熱的，仲有係太熟了，所以好‘鞋‘。老實說這個價錢雖然比起酒樓是平，但係比起其它的點心專門店就略貴，問題係吾好值。

上星期看了食評後, 已經警告班同事死心唔好去深水埗添好運, 點都唔聽, 出事啦!服務: 一向都知唔得, 今日仲勁. 服務員阿姐擺位時, 已經態度麻麻, 仲叫我公司'大姐大"擺碗筷, 唔該都冇聲, '大姐大" 開火提醒佢服務態度, 食物: 叉燒包豬膶腸好dd, 牛肉飯/排骨飯/波菜餃/牛腸麻麻.燒賣及蝦餃只係"叮叮"貨色. 鳳爪我冇食唔知. 唔知點解佢哋到5點都飽飽滯滯??? 一句講哂.....冇下次!P.S. 同事們一定要我寫此食評, 他們非常不滿. 如果佢哋都寫埋, 喊面X4.

曾經發誓唔會再去旺角間添好運 是否當食生菜, 非也; 今天到來深水涉的分店 於星期六下午五點未夠, 居然唔使點排隊, 只係等左唔夠十分鐘 未可能激起我的燥底, 又可以開開心心咁食番餐 被安排了長枱內最入那個位, 倒茶也是自助形式坐位則有點迫, 但可以接受 我們很快已SCAN 了點心紙一次以極速選出數款點心, 其中粉果和叉燒飽也在旺角中食過印象都唔錯, 所以再次番兜先黎蒸飯打打底 鳳爪排骨飯 : 我沒有試, 聽說幾好味, 而且唔使五分鐘已消失面前 窩蛋牛肉飯 : 牛肉餅有香芹和果皮味, 口感滑而鬆軟, 而是否怕沙門士菌, 所以來個蒸荷包蛋這正正是我杯茶, 但同樣的蒸飯, 為何我呢碗有點硬 ? 　粉果 : 明顯不及在旺角食到的超薄皮, 雖然係厚左小小, 但比一般酒樓食到的都叫薄, 用料則同樣的多, 一咬開皮時, 其錎料自動傾瀉出來, 收貨 豬潤腸 : 起沙的豬潤大大片有嚼頭, 而腸粉皮夠薄夠米氣, 晶瑩剔透滑滑溜的 靚腸粉, 好味 酥皮焗叉燒飽 : 唔使再多講, 酥皮夠酥, 而且叉燒夠腍而有咬口, 叉燒汁香甜非常討好, 但幾油膩, 是必食之選 馬拉糕 : 接近傳統的做法

19/07/2010 上午 11:15 左右, Thxdtsdd 及太太黎到深水埗添好運點心專門店吃午餐, 準備試一下平價美芝蓮級既食物. 當時冇人等位, 即刻可以入座, 不過座位都幾逼.我地馬上睇只有一張咁大把既點心紙, 選擇並不多, 不過唔緊要, 最緊要食物好食就得. 大排檔式茶壺, 只有獨沽一味的普洱菜, 每位 $2, 味道都 ok 啦, 起碼 d 茶唔會濃到苦.落左 order 後, 等 5-10 分鐘就有點心上檯了. 先來黃沙豬潤腸, 腸粉皮又薄又滑, 加埋細細塊既豬潤腸, 好好食! Thxdtsdd 之前都係廣州食蓮香樓食過豬潤腸, 都唔夠添好運好食!豉汁蒸鳳爪, Thxdtsdd 賣相, 顏色好靚, 豉椒味都好好, 鳳爪又夠淋, 最重要係唔會煮到 d 皮都甩埋, 值得一讚!晶瑩鮮蝦餃, 皮都幾薄, 蝦幾新鮮, 大致不錯!煎臘味蘿蔔糕, Thxdtsdd 及太太都覺得好吃, 幾足蘿蔔, 唔會只係一舊粉, 不過就冇咩臘味了.古法糯米雞, 大大隻, 幾抵食. 燸米比其他酒樓軟熟, 好吃, 餡料都幾足, Thxdtsdd 收貨了.最後黎既係酥皮焗叉燒包, Thxdtsdd 覺得

係深水埗開左間分店, 我呢個深水埗人當然要一試不過地方好唔就腳, 唔識路o既人都好難去不過當日下午茶仍然爆滿未試過旺角店, 因為長期多人, 以為分店唔會差得去邊.................叫左:山竹牛肉 ............ 淋, 冇咬口, 偏甜菠蘿X燒包 ...........好好味豬潤腸粉 .............一般金錢肚 ....................OK, 但偏甜春卷 .....................普通RESULT : 差過好多酒樓, 不會再去. 但會外賣菠蘿X燒包