添好運點心專門店

營業中

休息中

好耐冇食過，諗住再去食佢著名嘅叉燒包，點知未排到入去食已經頂唔住佢員工啲態度，結果費事食到一肚氣，最後係冇入去幫襯。我哋兩個大人+三個小朋友，只講完五位，嗰位姐姐就一口回應話「只有四位！」我夠知有四人限聚令啦，咁可以分三人加兩人各兩枱嘛；於是我就同佢講分兩台，佢一句話「兩枱分好遠㗎！」我都未答，佢已經叫咗我後邊等位嘅入去。算，我照等，等咗2分鐘又再見識到佢啲員工嘅態度，叫外賣號碼遲5秒回應就鬧人。有位長者遲咗攞，就話人頭先做咩唔回應。呢位仲要係另外一個員工，可以想像到佢入邊啲員工應該大部份都係咁嘅態度。結論係食物再好，員工嘅態度差劣，咁我寧願唔食，亦唔會再去呢間幫襯去隔離嘅三星台菜食，員工態度非常好，同呢間添好運相差十萬丈遠

今日朋友自遠方來，不亦樂乎！帶佢食下我經常幫襯嘅其中一間中式餐廳！呢排都心掛掛想食，因為前排食得西餐多，好似太heavy, 想食番多啲中餐中和下！lunch time 都唔少人排隊，不過朋友已經入左去等我呢間最馳名嘅叉燒包係酥皮食過翻尋味外脆內軟，餡料十足，口感極好，比一般包皮更脆我自己一個都會成日食呢碗鳳爪排骨飯 蒸飯特別香、軟熟，我食鳳爪、朋友食排骨，2個人share, 仲可以叫多啲點心！包括燒賣，點心專門店真係好足料！肉餡好彈牙其實仲有食到蝦腸、蘿蔔糕蘿蔔糕係我最愛之點心，煎得香脆可口，點少少辣醬好滋味不過唔記得左影相人均消費$66/$67，抵！

買完外賣，開開心心打開外賣盒，見到得咁嘅份量。 食落去，—半係芽菜+韮菜。等外賣需時 30分鐘，其實如果賣到尾，都等到炒下一輪喇！雖然味道係對辨，可惜份量真係 ... ...

還記得當年頭幾次吃添好運，應該是在旺角模型街那邊，即是廣華街附近還有一間細細的分店，當時亦都需要大排長龍去吃的。到早幾年再在深水埗那間大大間的分店吃過，現在看餐牌，感覺好像選擇少了很多，但原來回想之前那一次食評，其實都差不多，只不過現在短時間戒了牛肉及海鮮，因此就缺少了蝦餃以及山竹牛肉這兩個選擇。第一碟端來就是最美味的雪山叉燒包，酥皮脆皮的叉燒包，上邊又香又脆，帶點甜，又帶點香，好像墨西哥包又像菠蘿包，內裏的叉燒餡料，汁醬不會太甜，如果太甜就會過猶不及，餡料夠多，剛剛好，而且溫到極熱，肚餓的時候一坐低就有這個包，真美味。點了個蘿蔔糕，煎得夠香，但似乎略微不夠脆，還是留返新年時候在大快朵頤吃都可以吧。鮮竹卷都是普普通通，偏向多汁，內裏餡料也是比較普通。一人一碟腸粉，我點了個豬膶腸，豬膶比較細塊，細細塊夾在腸粉裏邊，因此比較綿滑，不會令你感覺又老又鞋，如果這麼細塊都鞋就很差了，豉油帶點甜香，用來點腸粉也相當不錯的。馬拉糕也比起出邊其他店舖出色，因為其他點心舖，很多時候馬拉糕都會做得非常之乾，又乾又硬，一點都不輕又柔軟。這麼久沒有吃添好運，這次節日期間的下午茶來到，雖然人流不太多，但店方仍然

好耐冇食添好運見到動物app叫外賣自取有八折加上天氣太凍唔想煮飯 於是嗌外賣土魷馬蹄肉餅飯肉質如果可以比較實淨就會好啲味道偏淡需要落豉油煎蛋牛肉飯飯的份量好多 一定夠飽酥皮焗叉燒包 (3個)呢個係添好運嘅招牌菜即使係外賣都仍然保持到酥皮焗脆而麵包好軟熟嘅口感 入面嘅叉燒汁同叉燒好香 真係百吃不厭白灼西生菜西生菜一開盒倒汗水比較多 真係白灼 冇乜油份 要自己落豉油韮王鮮蝦腸 腸粉皮好滑 而且有粒粒足料嘅蝦 不過可能已經攤凍咗 腸粉呢碟菜真係要趁熱先好食外賣來講八折自取價 價錢親民 不過咁樣食外賣法 真係有啲唔環保 佢哋仲要係用發泡膠 希望疫情快啲過 可以俾返大眾市民有一個舒適嘅環境進行晚餐

想食點心一向都覺得呢間鋪頭CP值非常高👍🏻 黎到奧運呢間分店🏵座位特別闊落 可以慢慢嘆茶🫖⭐️ 蛋白蝦春卷 🦐蝦仁好彈牙😚香脆得黎 蛋白可以減輕油膩感 🥚⭐️ 免治牛肉腸 🐮皮薄餡料多🥩 比例剛剛好 唔會食到成口都係米漿🤣⭐️ 酥皮焗叉燒包 🍘每次必點既最愛❤️ 新鮮出爐既酥皮甜甜地好溫暖🔥 配搭著蜜汁既叉燒 鹹中帶甜⭐️ 鮮蝦燒賣皇 🍤蝦肉同豬肉都好彈牙 充滿口感😋⭐️ 脆皮班蘭鮮奶 🍼炸鮮奶既變奏版🥛 炸皮唔算厚 好香口 內餡偏甜 煉奶味比較重😅唔係好試到班蘭味🌱

添好運點心專門店(大角咀）8號風球下服務一流加上本身性價比極高：9/10👍🏻酥皮焗叉燒包 8/10👍🏻個皮好酥， 味道咁耐以來都調得好好，就係叉燒扣咗少少分，硬咗啲啲，而且有1小塊明顯的豬皮，咁我就唔食豬皮了陳皮牛肉球 7/10👍🏻無以前彈牙，比較軟身，唔知係唔係粉多左。陳皮味唔太出，反而蔥味濃，腐皮都硬咗😭8號風球下趣事：我：請問有無開？哥哥：我地咁耐打風以來都開，「以後」10號風都開，你來啦我：好呀，辛苦曬（以後的事你都知，老闆？）話說我食到成口都係叉燒包，未動個牛肉球有愛心姐姐行黎甜笑提我：快d食，凍左唔好食啦而成口叉燒包嘅我：好的， 即刻食（雖然一口都係滿滿嘅叉燒包）甜笑姐姐見我食完：食咁少的？我：飽飽啦姐：窈窕我：🤤🤤🤤（食飯想比人讚，推薦添好運👍🏻）

天氣凍凍地，忽然想食d熱辣辣嘅點心，咁啱又經過澳海城二期呢間點心專門店，平日非繁忙時間多數唔駛等位。見到張點心紙價錢都好大眾化，點心款式都唔少，4蚊一位茶(仲有3種茶款比你揀)，又唔駛加一，於是我叫咗至愛嘅酥皮焗叉燒飽、香煎蘿蔔糕及蠔皇鮮竹卷。外脆內暖嘅酥皮焗叉燒飽每次飲茶都不可缺少!甜甜的外皮加埋入面叉燒同醬汁味道十分夾呀!呢碟香煎蘿蔔糕見到都好吸睛，熱辣辣香噴噴配上碟辣椒醬，蘿蔔糕煎到金黃色同好軟滑，入面仲有不少臘味!十分野味!最後碟蠔皇鮮竹卷個蠔汁做得很好唔會(太杰)漿住我個嘴!裏面豬肉一d都唔肥呀!味道很好!很滿足!

見好耐無食過點心咁啱附近有添好運，就決定嚟食吓點心係門口排隊雖然有指示牌但可能字體比較細而且指示未算清晰結果都見住好多人不斷衝入食店排左15分鐘，其實都算快被安排咗近門口位置食客開完門又唔關門，風扇又吹唔到我哋所以成餐都食到有啲熱好彩依家天氣開始涼，先無食到大汗疊細汗杏汁豬肺湯 -35杏仁味唔算太重，易入口豬肺都有好多，2個人share咁食都夠食陳皮牛肉球 -19牛肉球太淋，有待改善鮮蝦燒賣皇 -30都算大粒有咬口豉汁蒸鳳爪 -20鳳爪大隻份量，而且唔會過淋，幾好晶瑩鮮蝦餃 -30最驚食到厚皮蝦餃，呢度做得幾好，夠薄皮大粒黃沙豬膶腸 -25好少地方有得食，呢度有就點都要試吓豬膶份量多，又唔會整得過老，腸粉都幾滑蛋白蝦春卷 -25炸到熱辣辣，好香口又脆卜卜值得一試香煎蘿蔔糕 -18有大大條蘿蔔條，我就鐘意，同行朋友就麻麻但我就嫌蘿蔔糕太淋，夾大力少少就會散反而朋友就鐘意咁淋😅整體食物唔錯，上得快又熱不過可能多人，員工態度就有待改善

大角咀都好年青化，諗住佢地呢間分店會好啲啦，點知都係勁失望囉，以前要排晒隊，依家就。。。，大家就明白點解啦，任何事都有原因既。啲野食除左熱之外已經講唔出其他野，你地食過一次？兩次？三次？我去左佢地唔同既分店，由14年開始食第一次，到今次。。。

添好運以前成日食，但第一次黎奧運呢間，估唔到星期五7:30黎都要排隊，不過我見佢係有位，只係未得閒執枱，所以等左10分鐘已經入得。我覺得呢間既質素比九龍站同將軍澳個間都好，食物比較新鮮，但衛生就麻麻地，好似求求其其抹枱，又唔知係邊到攞碗碟俾你，最後兩個人叫左6樣野，計埋茶錢$140左右，食到好飽，都算抵食。

隔咗一兩個月又去食，發覺有新嘅Menu「香辣豬紅大腸」！好好奇係咩味嘅嗌咗黎試吓🧐上菜之後見到份量都幾多嘅，顏色睇落去都好似係浸左一陣間，唔似出邊買嘅咁深嘅顏色，聞落去都係香嘅🙂試咗舊豬紅，一啖食落去，我以為我條脷有問題，食唔出味道，攞隻筷子去點啲汁，果然係冇味嘅！😨😨連啲汁都冇味，同行嘅朋友叫佢試食下，朋友都話冇味㗎，一啲鹹味都冇嘅🤯🤯然之後問咗店員，問佢係咪本來就係咁嘅樣嘅？店員話叫師傅去試吓先，轉頭返嚟話俾我聽「師傅話冇問題喎就係咁樣嘅！」😂然之後我同佢講話呢碗野係完全冇任何鹹味㗎喔，係冇任何味～～～😂🤣好神奇！成碗野睇落去係啡色嘅，但係食落去好似係滾水白馺嘅～！！👀👀但係店員死都話碗野冇問題係我哋嘅問題，結果就我哋同個店員喺度僵持............然後個店員話「哎呀算啦，係你地唔鍾意食啫，我幫你地取消咗佢啦！」...............？？？？🤯🤯阿姐！係你地啲嘢食有問題啊！調返轉頭屈我哋唔鍾意食！一直以來食呢一間野都冇問題，就因為今次，我真係要比你哋一個差評！😡

鮮蝦燒賣皇，$30，比平時酒樓冬菇好吃。酥皮焗叉燒包，$22，不夠熱。香滑馬拉糕，$18，小朋友當朱古力蛋糕吃。煎臘味蘿蔔糕，$16，可以，但是顏色有點暗。雜菜蝦春卷，$28，好，脆。臘腸滑雞飯，$30，太多油。原汁牛腩飯，$38，喜出望外。蜜味叉燒腸，$24，一般。脆皮炸鮮奶，$24，好吃，脆皮脆，鮮奶軟。杞子桂花糕，$12，可以。整體味道一般，相比以前，水平下降了，不知道深水埗的總店是否水平高一點？

星期六的添好運雖然少咗好多人，但疫情下座位減半都要等15分鐘先入得去好就好在依家唔洗搭檯2人點了8碟點心都幾瘋狂酥皮焗叉燒包必點去貨快，熱辣辣上水準keep到，皮薄外酥脆餡夠多叉燒份量足，唔會得幾粒細細潮州蒸粉果各款餡料比例正有D好多粉葛，呢個唔會蔥、粉葛、肉碎、花生比例好鮮蝦燒賣王有少少失望餡料得D蝦肉碎，冇原隻蝦，又冇筍味道尚可蜜味叉燒腸皮滑又薄餡夠多，啖啖都食到叉燒豉汁蒸鳳爪潮州蒸粉果陳皮牛肉球冇食鮮蝦燒賣王正常、多肉

2/5除了雪山叉燒包外，其他都不成大器，為什麼可以有米芝連星？外國人不懂中餐的美味之處也罷了，到底是亞洲人根本不管味道，還是只管排隊？With the exception of the Xueshan pork roast, all of them are not great. Why can there be Mizhi Lianxing? Foreigners don’t understand the deliciousness of Chinese food. Is it true that Asians simply don’t care about the taste or just queue up?