添仔蝦餃 (已結業)

因為之前在這兒吃過，所以再一次來這兒吃！在叫的時候，佢地好囂張，叫什麼沒有什麼，北菇滑雞飯－沒有，隔鄰吃鹹魚肉餅飯－沒有，她說賣光了！態度囂張得不得了！我唯有叫大蝦餃！蝦餃好正，好香，Ｄ蝦好滑，好爽！好好味！好鮮甜！中途，我見到一樣令我決定把此餐廳列入黑名單！就是 有個伙記拿點心給客人時，跌了一張紙在地上，那個伙記竟把那張紙放在那點心面上！這樣做生意及這樣不合衛生的情況下，決定列入黑名單！

街市上的Food Court 現在的環境的過得去,雖則地下仍濕滑,有垃圾,要自己清潔桌面.但有冷氣供應.環境闊落.大眾應可接受.呢間店亞姐十分有禮,點心是填紙.亞姐搬來的..亞姐友善.全程有傾有講.面上午掛上笑容.豬雜粥18元.雖則粥底綿.好重米香味.但料是煮熟後放入白粥.全部都硬硬的.毫無味道,粥也只重米香,沒有肉的甜味..招牌蝦餃王19元4粒蝦餃皮太薄.一夾完全穿.裏面只有雪蝦,味道又唔爽.又淡.差...蝦腸14元..即叫即拉,反而正.精瑩通透.相當滑.重米香,薄皮.蝦爽,好味,食物不是太正.但勝在便宜.服務好,都值得一試

本來和叔叔吃的，但他因為大發脾氣的關係，所以我被氣走了，後來媽媽也決定不和他吃，之後，我和媽媽二人在圖書館門口等，然後二人決定才往哪兒吃，我們想吃便宜一些，所以經過細心考慮後，便決定來這吃。我們二人叫了以下點心：鮮蝦腸時菜一碟添仔蝦餃皇薑蔥牛栢葉白粥一碗鮮蝦腸－好好吃，而且賣相好別緻，一塊塊的，好滑，不錯，不過如果有韭黃在這兒就更加好味！時菜一碟－今次佢地用了生菜－不太寡，好鮮甜，不錯添仔蝦餃皇－好大隻呀，塊蝦好大，好鮮甜，正！薑蔥牛栢葉－好好味，好多汁，好爽呀，如果有多些蔥粒在這就更加好！白粥一碗－不錯，好香米味，但不夠綿，綿些就更好！服務很好，不錯！下次會試下其他點心！

以前都會去到呢個熟食中心食下野 十次有九次都幫襯海記海記唔係話好特別 但唔知點解總係會揀佢 可能夠近掛呢兩日都去左熟食中心食野 前日見到新開左間添仔蝦餃食點心 已經想試架啦 不過都係幫襯左隔離檔琴日再去 同女朋友的起心肝去試一試 估唔到又幾好喎!落單前問阿姐有咩介紹 佢話蝦餃皇好抵食又多人食 炸兩都好受歡迎 不過兩樣都賣哂囉最後叫左四樣野: 排骨飯 叉腸 蝦餃仔 煎羅白糕排骨飯原來係用砵仔蒸 味道好正常 係ok既叉腸好耐無食過咁正既腸粉 皮薄 而且唔韌 又夠黏 唔會未夾到上碗就散 叉燒份量都足夠對上一次食咁正既腸粉 係上水街市熟食中心未裝冷氣果時 有檔專賣腸粉 唔記得叫咩名 裝左冷氣之後就無左啦羅白糕唔會煎得太燶 油就一定有架啦 無油又點會香呢 個糕本身都唔錯 食落唔會一舊粉咁蝦餃仔就唔算太特別 個皮做得幾薄本身今餐都好完滿 可惜有隻大蒼蠅飛黎飛去 雖然街市環境係差d 不過有昆蟲始終唔好嘛隔離食客都有同阿姐反映呢個問題 阿姐就話係隔離d空鋪唔乾淨 唔知真唔真呢另外食唔到出名既蝦餃皇同炸兩(事後上openrice睇先知出名) 有d失望不過全程都feel到阿姐幾好禮貌!

其實我唔係好識食.....所以好少寫食評.....但係我真心覺得呢間鋪係唔錯.....所以想為佢寫個食評....希望更多人認識呢間鋪...首先...以粉嶺聯和墟街市熟食中心黎講....佢比我感覺係好乾淨.....你地去下中心內其他鋪就明白架啦...我從來無要求過街市熟食中心會好乾淨........我都係度食左好多年...最緊要好食.....但係佢少有既乾淨係令我好有好感....食過幾次......佢d姐姐係幾nice........服務都幾好.....今日我問個姐姐有乜野好食佢仲同我地講話今日好多客話糯米雞麻麻地...佢話可能今日整得差左....叫我地想食下次先食.....唔知其他人點諗...我個人好鍾佢既坦白....我相信永無完美....再好既鋪都會有失手既時候....佢敢講出自己做得唔好既地方.....我非常欣賞...唔會硬推銷自己d食物....非常好!!!價錢一般....以而家物價係咁加之下...佢都無乜加過.....只係有d食物加左$1.......蒸飯 $13腸粉 $12點心 $9-11係蝦餃貴d.....蝦餃仔$13....蝦餃皇$18平日仲抵.....蒸飯+點心$19茶位

一家人早上來到食早餐，三個人，食了七十二蚊。食左蝦餃，砵仔鳳爪排骨反，鮮竹卷，雞札，腸粉。必食既係腸粉同雞札！！！！！我家爸爸爸向來嘴刁，都要加碼食多碟雞扎。食物好食，店員呀姨態度好好。（人多時我分開幾次叫，都無吾耐煩）

現在飲茶不一定要去酒樓了,點心專門店越開越多,連街市都有,今日同媽媽,妹妹還有傻BB又來試吓街市的茶樓.第一次上來聯和虛街市熟食中心,這裡的範圍幾大,環境也不算太嘈雜,由於我們一早決定去添仔食點心,而且推著BB車,所以沒有看看其他食店,好在坐扶手電梯上來,轉左邊方向直行就找到.雖然是午飯時間,不過都有好多位,起初以為好多熟食中心,都是自助形式,但這裡都有一位侍應姐姐同個老闆,幫我們開茶擺位,這裡茗茶每位$1,但只提供三款茶葉(香片,水仙,還有一款忘記了),一小張點心紙所提供的點心一目了然,款式選擇唔多,不過都有蒸飯,但我們主要是食點心.蘿蔔絲炸兩$12~~起初沒想到要食,但見到老闆遞給隔離枱的時候,用個長方形碟擺放食物,我們好奇之下,問老闆是什麼,他極力推薦,我們當然要試.食之前在想是不是油炸鬼加入一些蘿蔔絲,結果完全不是腸粉包著的是一層好鬆脆的外皮(其實我不知是用什麼做的),皮入面就是蘿蔔蓉,這個餡料就好似食蘿蔔絲酥,不過真的好好味,而且是即炸即做,多層次感招牌蝦餃皇$18~~聽說是這裡的招牌菜,當然要試吓,味道差不多,但並不怎樣特別出色.四寶雞扎$10~~最近食雞扎都是只有雞,魚肚

去了粉嶺龍躍頭龍山寺之後,我們想試試聯和墟街市中式點心,我們叫了添仔蝦餃皇:- 皮薄餡靚, 味道好好, 極品美食!排骨飯 - 醫肚好好潮州粉果: -很有咬口，是水準以上之作臘味糯米飯:- 令人回味,籮白絲炸兩:- 熱呼呼的,滑滑腸粉, 十分滑口價錢:- 大眾化總體質素唔錯!!!

一大班人不需要去酒樓等位飲茶,可以o黎粉領聯和墟街市試一吓,一家大細又可以,三五自己又可以,味道好好,價錢又大眾化,還有其他點心都好好味,我試過臘味糯米飯,蘿蔔絲炸腸,苯仔排骨飯,不可不試o既蝦餃皇,別要去試一試.

最初想街市一定是沒有什麼好吃,但某一天曾到過粉嶺聯和墟街市2樓一間中式点心店名叫添仔蝦餃,想話醫肚,發覚招牌蝦餃皇能比美大酒店之水準,腸粉更滑得透光,從未吃過這麼滑之腸粉,令人回味,想不到街市也有極品美食。