添仔蝦餃 (已結業)

以前都會去到呢個熟食中心食下野 十次有九次都幫襯海記海記唔係話好特別 但唔知點解總係會揀佢 可能夠近掛呢兩日都去左熟食中心食野 前日見到新開左間添仔蝦餃食點心 已經想試架啦 不過都係幫襯左隔離檔琴日再去 同女朋友的起心肝去試一試 估唔到又幾好喎!落單前問阿姐有咩介紹 佢話蝦餃皇好抵食又多人食 炸兩都好受歡迎 不過兩樣都賣哂囉最後叫左四樣野: 排骨飯 叉腸 蝦餃仔 煎羅白糕排骨飯原來係用砵仔蒸 味道好正常 係ok既叉腸好耐無食過咁正既腸粉 皮薄 而且唔韌 又夠黏 唔會未夾到上碗就散 叉燒份量都足夠對上一次食咁正既腸粉 係上水街市熟食中心未裝冷氣果時 有檔專賣腸粉 唔記得叫咩名 裝左冷氣之後就無左啦羅白糕唔會煎得太燶 油就一定有架啦 無油又點會香呢 個糕本身都唔錯 食落唔會一舊粉咁蝦餃仔就唔算太特別 個皮做得幾薄本身今餐都好完滿 可惜有隻大蒼蠅飛黎飛去 雖然街市環境係差d 不過有昆蟲始終唔好嘛隔離食客都有同阿姐反映呢個問題 阿姐就話係隔離d空鋪唔乾淨 唔知真唔真呢另外食唔到出名既蝦餃皇同炸兩(事後上openrice睇先知出名) 有d失望不過全程都feel到阿姐幾好禮貌!