淥鼎記

營業中

休息中

呢間舖頭，之前食過諗住帶朋友再食，點知服務差到冇人有，原本預訂左三人自助晚餐，點知有一個朋友唔嚟，得返兩個人，去到呢間餐廳居然叫我哋喺網上取消返個訂位，唔會比枱你。因為有一個朋友唔嚟就冇枱俾我哋，叫我哋走、今時今日，香港食肆已死，咁嘅服務態度咁樣做生意法，叫人哋點樣嚟食！ 另外見到有幾台客，都係一樣。即係話你訂咗三位，一定要三位到，唔到齊人嘅話一係俾晒三位價錢先有枱俾你，一係你走！簡直係不知所謂，唔怪得知咁多香港人要返大陸食嘢啦食物其實都係一般，環境都係一般，極度嘈。

今日約咗個舊同事嚟食嘢，呢間餐廳佢之前夜晚嚟食過打邊爐，今日我哋就嚟試下佢啲點心。門口有好多人喺度排隊，好彩佢都有訂到位。叫左以下呢幾款食物老壇酸菜鱸魚片米線,重慶口水雞，野菌鮮蝦菜苗餃同香芋天鵝酥兩樣辣野都係為愛辣朋友而揀，佢大讚個酸菜魚夠開胃，唔會死辣，有酸味食落味道更豐富，鱸魚片份量既多又新鮮，湯底好味道。口水雞雞肉夠嫩，雖然貌相好紅但食落又唔會辣到食唔到，反而係好香濃惹味，同樣份量都唔少。另外點心都好出色，即叫即製，熱辣辣，菜苗餃皮薄但餡多，好足料，蝦又夠新鮮彈牙，野菌餡滿滿夠晒香。至於天鵝酥外形非常美觀，係天鵝形狀，外皮炸得香酥脆，係幼幼架炸絲外皮，好食！裏面嘅芋頭餡唔會太甜，食落啖啖甜香味，絕對大推介！

約了一班舊同事聚一聚👬👭一行十人比較難揀餐廳。好彩上網💻做足功課揀左呢間打邊爐🍲 🍲🍲👍去到比左張大圓桌比我地 ，仲要係角落位置比我地可以自成一角咁慢慢傾慢慢食。😋😋首先佢會上比一大盆刺身，食完後可以揀雞煲🐔/酸菜魚/🐟烤魚；食完再揀火鍋湯底就可以慢慢打邊爐。出面仲有多款自助飲品🧃/蔬菜🥬/小食可以選擇。整體刺身及海鮮都好新鮮，手切肥牛👍👍😋質素確實係唔錯，大家滿足盡興。

睇Open Rice 好似D相及評語都幾好，位置又方便，價錢合理，仲冇限時，Wow，決定一試！服務員態度，由接電話到樓面，都要比個讚👍，仲要之前Open Rice remind 我之餘，餐廳職員再whats app 同我確認，我沒有取消，仲提我只留枱十分鐘，好細心，無論對客人或是公司都係非常有用，再比一個👍❗️我哋叫豬骨湯底...滿意！鷄煲少棘...正！套餐...跟刺身...，正！套餐...牛肉&羊肉...一般，不過，而家乜都加價，以性價比...ok喇😁！套餐有任食Bar👍，仲有任飲👍。最後，仲有haagen-dazs細細杯雪糕😘👍。

📝套餐 (120分鐘火鍋放題) ($278/人) 💡頭盤小食🍽️頭盤小食有鹽酥雞、麻辣牛肚、無骨鳳爪、青瓜條; 小食份量一d都唔細, 而且鳳爪酸酸地好開胃!!! 💡主菜🥘主菜包括酸菜魚、重慶雞煲、干鍋海鮮雜鍋; 今次就揀咗酸菜魚~酸菜魚份量超多, 兩個人絕對食唔得晒, 魚片超滑, 加上配菜有爽脆既蓮藕片同萵筍片, 食落一D都唔寡! 辣道方面我哋揀咗小辣, 辣度適中, 而且有花椒既麻辣停留係咀唇邊, 好麻~☺️ 💡湯底花膠美人鍋🫕入面有好多大塊既花膠 / 枸杞子/ 紅棗, 超級補身 , 而且湯底清清地, 更加可以品嘗到火鍋料既真實味道呢😋 💡肉類🥩🥓肉類較為出色既有美國安格斯牛板翼、牛小排、伊利比亞黑毛豬; 牛板翼較厚身, 口感滿足; 黑毛豬肉味香濃而且肉質嫩滑, 超正!!! 💡海鮮🦪🦐海鮮有韓國生蠔、脆鯇魚片/腩、海蝦、沙白蜆; 海鮮全部都好飽滿同新鮮, 值得一讚既係沙白蜆, 完全無沙而且味道極度鮮甜!!! 💕即使有豐富既頭盤同主菜, 但係火鍋湯/料一d都唔馬虎, 全部都好新鮮, 加上仲有好多手工製既餃子同飲品亦都唔錯, 鍾意打邊爐既朋友一定要試呀🤗📝呢間打邊爐一直都好full booki

一直都好想試試淥鼎記，今次終於第一次黎食，成場都好爆，一定要book位。今次係食小寶套餐，食完主菜之後打邊爐。喺干鍋海鮮雜錦，同酸菜魚之間掙扎，諗左好耐，都係決定食酸菜魚。上主菜前會有4個小食，正常發揮。想講酸菜魚真係非常之出色，係出色過出去好多專食酸菜魚嘅地方。同行朋友都食到停唔到口，勁誇張，真係好好好好食。餐入面嘅刺身質素都唔錯，但啲打邊爐嘅海鮮就一般水平。之後就開始打邊爐，出面好多蔬菜、水餃類、丸類，都幾好食。值得一提係有鴨血、嚮鈴，大加分。肉類方面，安斯格極佳精修肥牛、美國安格斯牛板翼、牛小排、丹麥網豬、伊比利亞黑毛豬都叫過，特別鍾意牛板翼同黑毛豬。而飲品都係任飲，好多選擇，想無糖就主要都係飲冷泡茶。至於打邊爐部份，我地加錢揀左兩個湯底，分別係大紅袍麻辣鍋同花膠美人鍋。喺前面幾個環節咁精彩之下，期待度自然好高，點知！兩個湯底嘅水準就比較失色，尤其係麻辣鍋，死咸，完全無香味！！至於花膠美人鍋都係冇乜特別，同出面平凡嘅雞湯差唔多。淥鼎記其他環節都做得咁好，係湯底唔好，真係好可惜呀！！！不過佢最好係不限時，任坐，可以慢慢食，慢慢傾偈，呢方面都加返唔少分！

🇭🇰淥鼎記 ·爵爺無限時火鍋放題$368呢個邊爐放題真係超級抵食 好適合一班男士去 不過我地其實都係3個女仔去😂😂佢係冇限時嘅 而且勁多嘢食 食物質素都比我想像中好食 我地最後係真係食到佢閂門 食到超飽😎😎·錦繡前菜 l 日本直送時令利身首先一坐低佢係有四款前菜俾你嘅 呢四款都唔錯 好好食 個鹽酥雞好脆 拍青瓜同金錢肚調味都好好🥒之後佢個刺身都好大盤 全部都好大粒 幾新鮮 尤其係帆立貝 鮑魚同螺片都唔錯 不過我自己就覺得佢略嫌雪得凍咗少少🍣·藤椒烤魚 l 花膠美人鍋 l 豪華海鮮拼盤之後主食係有唔同既烤魚 酸菜魚同雞煲揀 因為我地驚太飽 所以就揀左感覺上細份啲既烤魚🐟🤣佢呢一個魚份量都幾多 而且魚肉都幾嫩 不過佢個藤椒比我想像中都辣幾多 而且都幾麻🌶️🔥之後火鍋湯底我哋就揀咗呢個花膠美人鍋 佢呢個入面都有好幾舊花膠既 不過食落花膠味唔係好出 飲落都唔係特別滋補 就係一個正正常常嘅湯底 大家可能可以試下其他湯底🤪反而佢個海鮮拼盤我自己覺得幾有驚喜 佢係真係所有海鮮都好大粒 食落好鮮🐙🦐🦪·頂級手切牛 l 手打墨魚丸 l 蔬菜 l 竹遮毛巾之後佢每一台仲有一碟頂級手切牛 呢碟又係幾有驚喜 佢

淥鼎記好耐冇打過邊爐啦，今次嚟到觀塘亞太中心嘅淥鼎記搵食我地揀左小寶套餐，除咗有2個鐘火鍋放題之外，仲有3款主食（酸菜魚，重慶雞煲，干鍋海鮮雜錦）可以揀-------------------------開餐前之前先嚟前菜，有成4款咁多，有酸辣白雲鳳爪、手拍青瓜、麻辣金錢肚，香炸酥肉酸酸甜甜好開胃，麻辣金錢肚又麻辣入味之後就上埋主食重慶雞煲 雞煲有辣有唔辣，任君選擇雞件新鮮嫩滑，十分惹味雞煲份量十足，材料豐富，入面有紅蔥頭、蒜頭、芫茜等等嘅香料，雞煲滾咗之後超香食完雞煲就揀咗個澳門豬骨湯底，有成3大舊大豬骨，入而仲有滿滿骨髓基本嘅火鍋料應有盡有，粟米，丸，蟹柳，帶子，蔬菜都好新鮮牛都有幾款選擇，安格斯精修肥牛都好香牛味👍👍飲品櫃都有幾個-------------------------整體上菜都好快，服務唔錯下次再嚟可以試埋其他海鮮套餐淥鼎記地址🎈觀塘觀塘道414號1亞太中心8樓

今日與同事嚟到觀塘亞太中心8樓「淥鼎記」點選咗一個［爵爺套餐］餐中有齊刺身、頂級手切牛、海鮮拼盤，仲有六選一（香辣烤魚、藤椒烤魚、雞煲、椰奶雞、酸菜魚、乾鍋海鮮雜錦）及多款火鍋配料打邊爐，非常豐富😋前菜～先來餐前菜，包括了鹽酥雞、無骨鳳爪、涼拌青瓜和麻辣牛肚，給人一個豐富多樣的口味體驗。鹽酥雞外脆內嫩，香氣四溢，帶來滿滿的美味享受。無骨鳳爪則帶有嫩滑的口感。涼拌青瓜清爽爽口，帶來一絲清涼感，是一道消暑的好選擇。而牛肚則充滿嚼勁。總之，這道餐前菜結合了不同口味和口感。時令剌身～再來鮮嫩滑脆刺身、色彩鮮豔，盡顯食材新鮮😋。酸菜魚～魚肉非常有口感、略辣，但味道不錯👍海鮮拼盤～這個火鍋有豐富多樣的配料，包括蜆、扇貝、𧐢🦪、魷魚仔🦑和鮑魚等。這些新鮮的海鮮融合在湯底中，口感鮮美，令人滿足。頂級手切牛肉～非常嫩滑，入口即化。油 脂在肉中分布均勻，帶來豐富的口感。每一口都能濃郁地品味到牛肉的原始風味，令人回味無窮。總結：這餐確實非常豐盛，食物種類繁多，吃到一半已經感到飽足。火鍋配料豐富，有些甚至吃不下了！最後，餐廳還贈送每位客人一杯雪糕，為整餐帶來美好的結尾。

旺角一向多美食，火鍋店更加五花八門，搵到間好野要開心Share下。餐廳分左2個套餐，貴少少會包埋刺身。裝豉油嘅容器好得意～仲有自家製唔同款式的茶，都好受食客歡迎。一坐低，店員放上兩款小食，套餐包一款川菜美食，今次試左酸菜魚，果然係好大碟，份量多，魚肉滑嫩,如果再酸一啲就好啦。湯底揀咗豬骨煲，有好多舊豬骨，可以慢慢熬味。朋友叫我一定要介紹呢個自家製手工餃，皮薄餡靚，食得出同出面急凍既係有啲分別。打邊爐最緊要係肉嘅質素，呢度有齊雞牛羊豬，每樣嘢都冇令人失望，特別係豬同牛，好香肉味，肉質唔錯。

今日竟然係阿媽帶我黎飲茶，佢話呢度啲點心好靚，岩晒我咁話🤣野菌鮮蝦菜苗餃(孖寶) 58 下午茶孖寶幾抵，味道都唔錯鮑汁雞腳(孖寶) 每次飲茶都要叫呢個，雞腳煲到好淋好入味但鮑汁唔算太濃，岩晒媽咪黃金蝦餃皇(2件) （$19 ）皮薄蝦都大粒嫣紅黃金流沙包(3件) （$30 ）粉紅色流沙包好少女心抹茶脆皮鳳梨叉燒包(3件) （$30）真係食到有綠茶味少少鳳梨香味配搭幾新穎香芋天鵝酥(3件) （$36 ）相當之精緻，餡料係豬肉碎冇乜肥膏值得一贊👍🏻高橋蘿蔔糕(6件) （$26 ）蘿蔔糕夠硬身夾完唔會即散，外脆內軟荔枝百花球(3件) （$36）賣相超靚，真係做得好似荔枝🤣，外面荔枝皮係脆脆、入邊係流心奶黃、味道唔太甜，不錯鳳瓜排骨日本珍珠飯 （$38）呢個鳳瓜夠晒味岩晒我整體唔錯，座位都好闊落坐得舒服，晚市原來有得打邊爐，會再黎試吓

有日放工同同事去咗試呢間淥鼎記，同事去過好多次，但係我第一次去食，我哋四個人去食，第一道菜嚟咗一大碟酸菜魚，唔算太辣，又多魚，超好食，跟住又嚟咗刺身拼盤，刺身好新鮮又大件，我餐仲會送一個小食拼盤，細細碟唔會太飽，跟住就開始打邊爐啦，個餐會跟一碟靚牛，啲牛肉勁香勁好食，仲有其他唔同嘅牛肉同配料都係任食，飲品款式都好多，最後每人有一杯雪糕，雖然每人埋單四百幾蚊，但係有咁多嘢食又咁高質，值得下次再嚟👍🏻

小寶和堂主套餐分別是堂主套餐可以任食海鮮類.我們點了堂主套餐.4款前菜點了烤魚, 需額外加錢火鍋點了花膠美人鍋, 食完濃味烤魚再配這個淡淡湯底也不錯.火鍋配料也有很多選擇.不過限時內又食烤魚同火鍋有點趕.

一向好鍾意飲茶食點心🧆特別係好岩打卡既靚靚點心淥鼎記不論係裝修定係點心款式都好吸引我！原來點心只做早午市晚市就得打邊爐放題💭香芋天鵝酥$36🦢上碟已經勁吸睛3隻天鵝排排坐咁仲要係我最鍾意既炸芋角外皮香酥想encore了💭蝦膠煎釀虎皮椒$32虎皮椒脆綠大條釀左滿滿既蝦膠絕無揸留攤抵食💭海苔芋絲糕$26本身芋絲糕就少見啲通常係芋頭糕居多所以一見芋絲糕必點表面有海苔絲同少量肉鬆裝飾芋絲糕切到長條形半煎炸既處理令咬落香脆但又食到絲絲芋香好鍾意❤️荔枝百花球$36又係不得不讚既一款點心呀外面紅色粒粒脆米完美複製左荔枝外皮既細節咬落雪白內餡原來係蝦滑不得了色香味俱全呢度既點心真係絕對令我會回頭又靚又好味飲茶都可以好潮！

門口充滿宮殿風格有兩隻醒獅一紅一黃超有氣勢呢度唔係一壺茶全檯飲係一人一茶包付個茶包都獨立包裝乾淨衛生午市係飲茶晚市係火鍋其實午市既點心款真係好吸引外貌好精緻睇得出別有用心黃金鮮蝦餃皇（2件）$38一籠兩件表面仲金箔點綴好靚皮薄多蝦膠蝦肉正太極黑糖馬拉糕$30衝住呢個而來太有創意太美了！黑糖馬拉糕同芝麻馬拉糕合成太極☯️睇得又食得馬拉糕食落口感鬆軟外型挺身完全無得輸！必點！5年陳皮牛肉球$28口感嫩滑顏色粉嫩抹茶脆皮鳳梨叉燒包🍍$30墨西哥包的皮變做抹茶味叉燒餡加入鳳梨粒酸酸甜甜味道有層次又係一道創新又有內涵既點心！鳳爪排骨飯$38用既係珍珠米食落更有飯香同嚼口食材絕不馬虎點心新派創新重點係味道真的不錯唔怪之得閒日都爆晒場