淥鼎記

營業中

休息中

2024眨吓眼就過咗半年，而 #小秘書 嘅「18歲」生日亦已經係三個月前嘅事🤭 勢估唔到呢晚我依然係「女主角」… 感恩身邊一班好朋友🫶🏻可能大家都知我喺 #火鍋控，呢晚特別安排喺 #淥鼎記 食飯，話一於要我不飽無歸喎😅 其實我上年都幫襯過佢哋嘅旺角店，但係環境明顯比觀塘分店逼夾，所以唔係朋友仔提議，呢餐我都未必會再encore😅 不過估唔到呢餐真係有啲驚喜❤️ 服務員安排我哋坐喺窗邊卡位，感覺都幾舒服❤️ 先上枱嘅係 #魚生刺身 併盤🐟 色彩繽紛嘅擺設好吸引，而口感都幾新感，以中式餐廳嚟講，質素算唔錯🤤 呢晚我哋揀咗 #香辣烤魚 做主菜，條魚都好有份量，不過話就話BB辣，但係對於唔食得辣嘅朋友仔嚟講就非常刺激，搞到紅都面晒🤭🤭 之後再嚟嘅係用嚟 #打邊爐 嘅 #肥牛 同 #海鮮拼盤，#鮑魚、#大蝦、#生蠔… 樣樣有齊，齋係食餐廳為我哋安排嘅食物已經飽到上心口🤤🤤 不過為口嘅我又點捨得唔出去自助吧走一轉，#肉丸、#水魷魚、#雲吞、#鴨血 … 一般嘅火鍋料幾乎都可以喺度搵到，而且仲有任飲嘅 #水果茶、#汽水 同 #果汁 🤤 最後餐廳仲加送過 #Häagen-Dazs雪糕 比我哋做 #甜品 🤤

呢排好耐無去飲茶食點心，今日同囡囡上完playgroup ，見到觀塘有間餐廳係融合中西元素嘅點心，就一於去試下先。環境好大，員工服務都十分之好，但我哋用餐嘅時間，可能係平日lunch嘅關係，同埋安排左坐正中間，環境就略嫌嘈咗一啲。✨黃金蝦餃皇有13個摺既蝦餃，原來係用人手去包，機器做唔到，蝦好大隻，非常有口感。✨蟹籽龍皇燒賣呢個食落唔錯，有新鮮既蟹籽，飲茶必點。✨沙律蝦春卷正常水準，冇乜特別。✨木魚蔥花蝦米腸鍾意佢嘅腸粉夠軟滑，係有種咬落唔會散咁嘅感覺。平時食酒樓嘅嘅腸粉好多好快就會淋patpat了。✨炸BB鴿炸得好香口好脆，不過可能叫BB 鴿就冇乜肉食😂啲點心都幾高質下，仲有其他幾款點心未試得晒，除咗點心，午餐都仲有日本刺身食好多選擇，另外夜晚有得叫火鍋任食冇限時同有酸菜魚，下次可以再約多d人一齊黎試下囉。

好耐無打過邊爐啦 今日朋友帶咗我嚟亞太中心嘅淥鼎記 我地就揀咗個小寶套餐 原來呢度係可以揀一款主菜再加打邊爐 主菜方面就揀咗酸菜魚一坐低職員就上咗四宮格嘅前菜比我地 有台灣腸 酸辣無骨鳳爪 豆角 同麻辣豬肚 雖然只係前菜但味道都唔錯 老壇酸菜魚 (小辣)酸菜魚大碟得嚟非常足料 有好多塊無骨魚片 口感好嫩滑 仲有蓮藕 萵筍 豆芽同寬粉 小小辣食落好惹味食完酸菜魚就上咗湯底比我地打邊爐 揀咗花膠美人鍋 有唔少嘅花膠 紅棗同杞子安格斯極佳精修肥牛係我嘅最愛 雪花均勻 肥瘦適中 安格斯牛板翼同封門柳無咁多脂肪但係牛肉味就會出d 除咗牛肉仲有豬 羊同雞可以揀 不過打邊爐嚟講我每次都係主攻牛肉出面自助區仲可以夾蔬菜 餃子 丸類 菇類等等 呢度竟然有鵝腸同金不換豬肉丸 係出面都比較少見 仲有多款飲品同自家飲料 好似竹蔗茅根同酸梅湯呢d 飲完即刻覺得無咁熱氣

今日同媽媽食下午茶，諗起淥鼎記下晝有茶飲所以帶佢試吓，佢試完話啲嘢好食，款式又唔錯，話下次要再嚟。下午茶時段14:00-16:00 截單時間為15:30，都見唔少人排隊，可以用GULU攞飛，下午茶點心款唔係好多，可以揀另一張正價點心叫，價錢都合理。下午茶孖寳有ABC三組，可以A+B 同 C+B組合，唔明點解冇A+C組合呢？1.（孖寶） 野菌鮮蝦菜苗餃 +  三文魚腩刺身 ：豆苗餃正正常常冇乜特別，三文魚腩刺身都幾厚，幾肥美2. 蟲草花叉燒腸粉：腸粉幾滑，味道唔算特出3. 黑松露三文魚酥：款式比較特別，唔係間間點心都有，味道幾好，酥皮香脆，可能都酥皮嘅關係有少少油，整體嚟講係好👍呢個價錢我覺得可以4. 荔枝百花球：呢個造型好靚，驟眼望落去都好似，入邊係蝦膠，出面係紅色嘅脆米5. 抹茶脆皮鳳梨叉燒包：幾特別嘅味道，比一般嘅雪山叉燒包好食，可能有菠蘿嘅關係所以食落冇咁滯，不過綠茶粉好似少咗啲唔夠色，冇乜綠茶味，但係都好好食，上枱果陣重係暖嘅👍6. 花膠蟲草上湯鮮竹卷：呢個比想像中好食，因為平時食嗰啲多數都係用腐皮嚟做，但呢個係用腐竹👍做嘅所以我覺得好食，花膠大概係兩隻手指甲咁大，味道唔錯，個

成日睇IG post見到想去試，一路猶豫因為飲茶始終唔係我嘅first Priority，要一大班人去先食到多啲嘢，但係又要夾晒成屋人就有啲麻煩，如果唔夾人貿貿然同阿媽兩條友去又食唔到啲乜，終於都係扚起心肝唔夾人兩條友走咗去嗌咗五碟嘢，食到好飽，我諗三個人會好啲每樣點心都三件三件同親阿媽食嘢飲茶，佢都冇得話事都係我揀晒俾佢食，因為我最麻煩揀完又後悔平時佢同人飲茶，10點已經飲完同我就被迫要晏少少，呢間茶樓10點先開門我哋兩個人叫咗五個點心包括有蟲草花叉燒腸粉、（蟲草花唔知去咗邊，一碟有六小件）蘿蔔糕（切到好似層層疊咁）松露雞粒酥（呢個好明顯係我最喜歡的酥餅/批類，所以我食咗兩件）陳皮蒸牛肉球同糯米夾 （煎糯米雞）本身睇IG啲相其實想叫埋奶皇包（粉紅色有金箔）同埋太極馬拉糕，不過兩個人點食喎。全部嘢食都唔錯，賣相精緻係我嘅口味仲要12點前埋單免+1免茶芥，其實都幾抵。不過肯定冇阿媽推介平時同啲師奶去食嗰啲早茶咁抵啦，佢話平均每人30幾蚊，而家平均每人都$80啦。開茶佢係每人一個茶包自己沖 ，都幾好呀，獨立自己想飲乜就飲乜。不過媽媽就應該麻麻哋

有一次約咗班舊同事一齊去打邊爐，我哋就揀咗呢一間餐廳，因為就腳。而我哋就叫咗一個套餐，有烤魚，刺身，同埋邊爐。首先講下個烤魚，烤魚本身就重口味，但係佢對辣度嘅調配係非常適中。而刺身非常之新鮮，有蝦，帆立貝，三文魚，鮑魚。。。再配埋刺身鼓油一齊食非常之好食。最後講到個火鍋，佢哋嘅火鍋配料係任拎嘅，配料選擇唔錯非常之多，質素唔錯，而佢哋嘅牛肉係牛頸脊，食落牛味充足，但我嫌佢哋切得太短同埋細。如果切長啲，厚身啲再好食啲。

老壇酸菜魚，魚係用新鮮嘅草魚嚟做，肉質好滑。酸菜好夠味，酸辣味好正。湯底仲有好多配料，例如豆腐、芽菜、豆芽等，好豐富。我哋仲叫咗個雞煲，雞肉好嫩滑，仲有好多配料，例如金菇、粟米、蓮藕等。雞煲嘅湯底好香，辣度適中，好惹味。

有雞煲+邊爐放題，仲有前菜。前菜最特別有台灣腸，鳳爪都好開胃！醬料區有我鐘意食嘅沙茶醬同埋芝麻花生醬！雞煲好入味，啲雞好滑，唔會煮到好鞋，啲醬汁唔鹹，仲好香嘅八角味，嗌咗無辣，食到醬汁入晒雞到，份量都好多。食完雞煲有得揀湯底，揀咗豬骨湯，真係有舊豬肉，同埋蘿蔔粟米，個湯底好入味，都幾鮮甜。肉類都好新鮮，特別係安格斯牛板腱，牛味幾濃，encore咗好多碟。蝦肉好彈牙，最好食係魚，超爽脆，唔腥少骨，好鮮香！丸類係手打，唔梅唔散！

朋友生日請佢嚟打邊爐，大家都鐘意呢度飲食不限時，就在觀塘地鐵站隔離非常方便，食物方便亦好新鮮！套餐紙包冇酒精飲品！酒水要另點！海鮮拼盤 帆立貝好大粒！另外仲有鮑魚及蠔刺身拼盤 全部好新鮮，又油甘魚、帆立貝、鮑魚藤椒烤魚非常惹味嘅藤椒烤魚，魚肉吸收咗藤椒嘅香味，啖啖肉好好食😋澳門豬骨湯 三舊大豬桶骨、粟米🌽好甜用來做打邊爐湯底底唔錯！環境：用餐環境寬敞舒適，任食無限時同朋友傾偈一流服務：服務較普通.剛剛好

呢度第二次黎，點心款式有創意及多元化，食物質素好落單係用手機掃QR code勁方便8頭鮑魚和牛酥 (件)原隻鮑魚大隻厚身，口感嫩滑彈牙，鮑魚味濃；和牛份量豐富，肉質軟嫩而牛香突出，部份有入口即溶感覺酥底鬆脆香口，牛油味道不重，油膩感不高脆皮炸BB乳鴿 $48隻乳鴿味濃，香口野味，正荔枝奶黃球（$32）造型維肖維妙，卜卜脆嘅外皮，一咬外即刻爆晒漿，流心奶皇唔太甜好好味！抹茶脆皮鳳梨叉燒包 (3件)抹茶菠蘿皮上加一點果醬菠蘿包皮香脆，麵包鬆軟；叉燒脂肪比例低，蜜汁甜度調較恰度好處香芋天鵝酥  $36 三件呢個賣相非常得意 成隻天鵝咁樣 個天鵝頭係好似餅乾咁樣 天鵝身就係芋頭酥 裏面嘅芋頭非常香滑 應該係處理過嘅芋泥 非常正 相信其他茶樓都係唔會有啲咁精緻嘅點心

識放假一定放埋今個星期個3日，3日換10連假，爽皮！今個復活節姊留港消費，不停周圍食食食。噚日黎到觀塘，想坐得舒服啲，朋友想食雞煲+打邊爐，但唔like 用食完既雞煲醬加水打邊爐果種，所以就決定黎淥鼎記，尼度坐位超闊落，可以揀雞煲或者酸菜魚，慢慢食完之後再揀打邊爐湯底。麻辣雞煲既味道超讚，雞肉好嫩，除左雞肉，紫洋蔥、乾蔥、芹菜&芫茜都係主角，其實有冇人都好似姊咁好鐘意食尼d 配料呢🫢下次可以試埋個酸菜魚。打邊爐前會有4款前菜，有麻辣豬肚、酸辣雞腳、台式小烤腸& 醃雲耳，初頭諗住前菜都係求其俾你塞一塞包個胃，點知款款都好好食，甜酸辣既味道都有。朋友唔食刺身，所以揀左小寶套餐，湯底係豬骨湯，有3大舊豬骨，淥肉肉唔使再點醬，肉既款式都唔少，仲好靚仔添，薄薄一片都好有牛肉味，好唔錯！自助區配料有好多選擇，食到飽飽加埋一都唔使300蚊，可以再翻兜。📍淥鼎記 (觀塘)觀塘觀塘道414號1亞太中心8樓

{小寶套餐雞煲打邊爐 - $248}有咩開心得過又有得打邊爐，又有得食雞煲！呢排成日都去淥鼎記，差啲唔記得咗佢哋應該就係香港咁樣食法嘅始祖店！我而家除咗雞煲揀，仲可以揀埋酸菜魚，不過我都係鍾情肉肉😂呢一個小寶套餐堅係抵食，價錢最平，不過我想要嘅嘢都有齊！先嚟一個前菜，有台灣腸牛肚雲耳仲有泰式鳳爪！甜甜辣辣打開個味蕾，之後一個大大嘅雞煲，雞髀肉全部滑滑，醬料惹味！食完雞煲換個芫荽皮蛋湯，任叫肉肉，仲有雪櫃任拎嘢食！又一餐飽飽走人😂美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #淥鼎記 (觀塘)觀塘觀塘道414號1亞太中心8樓

大家應該食點心食得多，但唔知大家知唔知佢都有火鍋任食，午市都幾抵食，唔駛3百蚊，仲可以食足咁多個鐘火鍋之前仲會根據人數送酸菜魚或者雞煲，可以自己揀上到嚟大大碟，食完其實都飽咗一半跟住就可以自己揀湯底，然後好似平時放題，可以喺手機落肉，仲有corner可以夾菜等等唔可以話啲肉好高質，但呢個價錢，想同朋友吹下水係不錯之選！

天氣凍凍地，突然間想食雞煲，又想打邊爐…喺觀塘，唔係好多間火鍋店可以有雞煲食。所以我哋好快就諗起你淥鼎記。😆呢度啲水餃、雲吞都超足料，除咗靚嘅安格斯肥牛及封門柳片外，最鍾意嘅就係佢哋嘅手打墨魚丸、蝦丸及梅菜豬肉丸，超級彈牙及好食😋😋😋而且，我以狂飲嘢（唔止凍飲，仲有常溫飲品，竹蔗茅根都唔錯！ ），超正！如果我哋有多啲時間，我估我哋會叫個爵爺套餐慢慢食（不限時的放題，而且仲有刺身，正！！！）個人覺得平均成本價都還可以，不過不失。

趁住放假又走咗去觀塘行街，每次同朋友行完街都會搵啲好嘢食下，今日朋友帶咗我去一間火鍋放題，食物質素好好，六個主菜仲可以選一個.跟住就可以嗌湯底打邊爐仲要係任飲任食，無論性價比同食物都冇得彈。淥鼎記火鍋放題，餐廳位置喺觀塘道414號亞太中心8樓。主菜就選擇咗重慶雞煲，雞煲份量都好多，雞肉好香口惹味，雞肉嫩滑juicy，加上洋蔥芫茜芹菜增添口感同味道層次，呢度個雞煲醬真係做得好出色，食到舐舐脷。湯底就選擇咗鮮人參藥膳鍋，人參味道香濃，凍凍地用呢個湯底打邊爐真係冇得彈。火鍋配料肉類方面我就最鍾意安格斯牛板翼.伊比利亞黑毛豬.黑毛豬豬肉味濃，肉質豐富。安格斯牛牛肉味香濃有入口即用嘅感覺，加上脂肪分佈均勻有油花香味。海鮮類我就鍾意食.廣島蠔.海蝦，沙白，脆肉鯇脆骨腩魚卜。呢度嘅海鮮好新鮮廣島蠔味道鮮甜，脆骨腩都係我最愛，除咗食到魚嘅鮮味仲有魚腩嘅油脂香味.真係食到停唔到口。另外自助區都仲有好多火鍋配料.火鍋配料存放得好整齊整潔，每一盒都有保鮮盒.整齊乾淨，值得一讚。