淥鼎記

營業中

休息中

早前己聽聞熊仔冰奶茶而一直想黎打下卡，今次趁同親戚食飯黎食個lunch。有預約基本上唔使點等就有人帶位，位置闊落，坐得幾舒服，如果係同人敍舊想慢慢傾嘅話，環境一流👍🏻點心有新創都有傳統可以選擇，老人家同小朋友都啱食。個人最推薦酸菜魚😍成個面盤咁大又有薯粉係入面，酸辣度適中之餘，價錢又唔貴，十分　抵食。至於心心念念嘅熊仔冰有兩款，一款係奶茶一款係檸檬茶。打卡來講奶茶熊仔會實色d上鏡d，而且味道唔錯，唔會太甜👍🏻整體嚟講，食物選擇繁多，價錢合理，下次會想再幫襯試吓食晚市火鍋

最近鹿鼎記在旺角創興廣場開了新店.裝修新穎.座位大多雅典卡座.私隱度極高.大廳中天花掛多條錦鯉魚.配合精緻創新潁手工點心.打卡與美味俱全.小編最欣賞佢哋川粵創意點心造型.所謂唔食得都睇得.何況今次又睇得又食得.兩者俱全。今次我預定咗中午12點座位.我哋準時到達.門口超多人排隊等位.我哋就即時入座.座位舒適.環境都很安靜.唔會比一般酒樓嘈吵.酒樓嘅古典茶具.令人覺得高雅優美。今次點餐點如下： 1. 特色奶皇流沙包 3件 X1 $30元 2. 老乾媽燒買 2件 X1 $19元 3. 春風得意腸花 X1 $38元 4. 香芋天鵝酥 3件 $36元 5. 熊🐻仔奶茶🧋X1 $24元

✨四色前菜甜鹹脆微辣俱備。✨澳門豬骨湯底，用料十足，大大件豬筒骨，清甜蘿蔔加粟米。係我至愛湯底❣️✨ 美國安格斯牛肩胛、安格斯封柳美國安格斯牛肩胛同封門柳入口都覺得充滿牛味，雖然牛肉款式唔算好多，但係勝在每一款都夠晒高級！✨ 紐西蘭羊肉片羊肉片沒有騷味而羊味十足。✨ 鮮脆鯇骨腩久違的脆肉鯇魚名不虛傳，爽滑鮮甜。✨ 鮮雞件新鮮雞件嫩滑到爆燈。✨雲吞、水餃同行友人簡直係覺得今次打邊爐用嘅雲吞水餃好食過出邊啲雲吞水餃店，其實唔出奇嘅，因為呢間餐廳晏晝都係做點心，所以雲吞水餃啲皮都好夠薄同有水準。✨自家製竹蔗茅根水清甜無比，自家製，夠晒無添加！值得一讚，就係呢間餐廳服務員幾主動過嚟幫我哋我哋加湯，清理枱面❤️‍🔥服務態度好，近年難得一見。

今日同嗲啲媽嚟到哩間叫「淥鼎記」嘅火鍋店，新出咗個鰲拜套餐，每位$488+10%，需要4位起.當中包括：前菜篇-黃金魚皮，豉椒鵝腸刺身篇-象拔蚌刺身生醃篇-龍蝦/鮑魚/蝦🦐主菜篇-老壇酸菜然魚• 香辣烤魚 • 水煮牛肉 • 重慶雞煲 •辣子雞 • 椰子雞 （六選一）我地揀咗重慶雞煲，可以揀辣度，我地揀咗BB辣都覺得好辣🌶️不過確實幾惹味💗火鍋篇-•現切牛拼盤（一客）總共有三款牛，有和牛，牛小排同牛舌•現切沙巴躉（一客)•胸口油牛丸(一客)•手工紫菜響玲（一客)•精美菜籃（一客) 任食任點-牛·安格斯極佳級精修肥牛•安格斯牛肩脚•安格斯封門柳豬/羊•伊比利無毛豬•無毛豬腩片 •新西蘭羊肉片海鮮•廣島蠔 •海婽 •沙白蜆潮汕手打丸 •手打蝦丸•手打墨魚丸其他 •鲜雞件•自家製涼茶 •火銷自助區每人獲赠Haagen-Dazs(1杯)或 珍寶熊仔檸檬茶(1杯)而最值得一提係哩間打邊爐係冇限時，想同朋友慢慢吹下水食吓嘢就最岩🫰🏻特別推介-佢哋自家製嘅竹蔗茅根，味道清甜潤喉，真材實料啊🙌🏻溫馨提示：哩個餐有生醃海鮮，生醃野真係睇體質😌 如果平時腸胃唔係咁好就要避免啦😚

今日同屋企人旺角行街，行到攰就黎左呢幢美食廣場搵食啦，之前食過觀塘分店既淥鼎記，今日一於食下旺角呢間分店啦地方坐得舒服夠哂寬落，枱好夠大可以放好多野食。自助區除左有醬料，各式飲品，仲有好多食材自己夾，食幾多夾幾多唔洗做大嘥鬼，每款食材都用有蓋既盒裝住夠哂衛生，大量丸類、餃子、蔬菜都可以食到。飲品方面除左好多款紙包、罐裝飲品，仲有打邊爐清熱唔少得既竹蔗茅根，連自己煲既功夫都慳番，最正係佢唔會好甜落好多糖，岩哂宜家大眾追求少甜無糖既健康人士湯底方面揀左花膠美人鍋夠哂養生，又唔會搶左美食既鮮味。一坐底已經送上錦繡前菜小食4款，青瓜辣辣地都幾開胃，每款味道唔錯，輕嘗一下留肚打邊爐😚肉類方面有豬牛羊雞用QR code 點單，一碟碟送上，上菜好快又無漏單。安格斯牛肩胛同安格斯封門柳都唔錯，睇肉既色澤都知唔係街邊平價肉。羊肉唔係個個都鍾意食，少少so 味岩哂我，一碟份量唔多自私食就岩哂啦。自助區都拎左准山、萵荀，食得肉多都要食番少少養生野餐廳可以+$28 位食酸菜魚/重慶雞煲/烤魚，又或者揀堂主套餐打邊爐會多左海鮮揀，豐儉由人。涮涮下2個鐘傾下計真係好快過，捧住肚走人，好滿足既一餐

本人重未寫過食評，今次真係忍唔住要寫，因為要話比大家知訂位食飯有新標準，大家要對網上訂座從新理解。我的真人真事的奇遇正式開始，我用openrice網上預訂好12:30飲茶，準時到達被知客告知 ‘網上訂座只是優先排隊，全世界的酒樓都一樣，未有位都是要等，只不過有預訂就優先，你見到面前這些人都是網上預訂的’’。真係無言，目測都有五六組人在等。以後如約人在呢間食飯真係要諗清楚，以兔臨時臨急冇地方轉就預算盡失。如用這種做法經營就祝佢好運，除非佢哋啲出品真係好食到唔食唔得，否則不會考慮去食。

同朋友喺附近夾完公仔再去打邊爐本身想食最豪華嘅爵爺套餐可惜玩到失控好鬼窮 唯有食平啲啲😅嚟到啱啱好9點 小寶餐228一位估唔到價錢咁抵質素都幾好喎錦繡前菜有四小碟 麻辣蝦又辣又惹味 蝦肉好爽口拍青瓜好重蒜香雞翼尖少少辣 仲有藕帶好有特式湯底6選1 我地揀左美人花膠鍋湯底清清地 但好多厚花膠 可以補補骨膠原我地呢個價錢可以揀3款牛肉肥牛 牛肩胛 封門柳3種都唔多脂肪不過肉質都唔差 對比價錢絕對優質另外叫左鯇魚片 雞件 黑毛豬 雞子嗰啲自助區仲有好多丸類 餃子 蔬菜類等等炸魚皮好脆口 魚皮餃同水餃都幾出色蔬菜已經一份份分好晒 好整齊最後食埋公仔麵 飽到上心口呀

依家揾食唔容易！質素OK仲要唔限時仲要一星期前訂到位約咗好耐冇見嘅朋友食晚飯！因為太久沒見所以要揾間唔限時可以傾吓計嘅餐廳！尼間雖然比較嘈！不過好彩安排座窗口位！先嚟小食！木耳幾好食再嚟咗盆刺身唔太多款！但都新鮮五選一～選咗酸菜魚小辣～魚質感都唔太淋不過本人覺得酸菜唔夠多酸味唔太凸出！火鍋～湯底本人唔建議芫荽皮蛋！令人失望！芫茜好少！朋友見到其他枱有鴛鴦湯底！職員即表示已經幫我哋落咗單🥺冇得改海鮮拼盤及牛～都係新鮮不過大部分海鮮都係冇得再叫！可以任食嘅嘢唔太多但都飽得7788！雪糕～一人一杯飲品任飲

*Time : SEP 2022, Dinner*Price : $500-HKD / 人*Place : 淥鼎記*Review : 放題邊爐食得多，呢一間得食物種類多，而且質素不錯，一定夠飽。本身跟餐有6選1的主菜，一份刺身，一份牛小排，一份海鮮拼盤，一個雪糕。- 安格斯牛小排 ：5人份量，數量上不錯，而且夠大塊，口感滿足- 重慶雞煲 ：主菜選了這個，質素高，夠辣夠香，而且雞塊大大舊，可惜雞煲不是放題- 刺身拼盤 ：有鮑魚，凡立貝等，味道還不錯，種類上就夠晒誠意- 海鮮拼盤 ：有凡立貝，鮑魚等共8款海鮮，味道不錯，沒有不新鮮的感覺整體是好評，跟餐的食物已有相當份量，而且放題方面也出色，有廣島蠔，海蝦等，自助食物方便更有鴨血，鵝腸等，美中不足的是啤酒沒有放題

朋友約左我飲早茶🥱本身以為依間得打邊爐，原來有點心食，中午仲有酸菜魚，超級多選擇。位置全部卡位非常舒適👍🏻龍皇燒賣👍🏻必叫燒賣餡料超足，豬肉比例非常好，啖啖蝦肉👍🏻黑松露三文魚穌👍🏻必叫穌皮非常松化，三文魚做成他他 ，配黑松露非常香👍🏻黃金蝦餃皇👍🏻必叫蝦餃用左新鮮蝦大大粒，皮薄身泡菜豬肉餃帶少少微辣，豬肉同泡菜做餃子都幾夾草蟲花叉燒腸粉點甜豉油，味道岩岩好，份量都幾多流心紫薯👍🏻必叫即食系非常熱辣辣👍🏻軟糯流心，不太甜膩。擺到凍都有脆口口感👍🏻

以前深圳遊嘅時候食過淥鼎記，記得佢嘅酸菜魚都唔錯。依家香港都有得食了，不過形式有少少分別，變左係火鍋放題。晚市有三個套餐選擇：小寶套餐、堂主套餐、爵爺套餐。堂主比小寶多咗三樣海鮮（蠔、蝦、蜆），其實冇必要加。但爵爺套餐就有明顯upgrade，包括一份主菜（6揀1）、時令刺身、安格斯頂級牛小排、豪華海鮮拼盤，同埋最最最重要嘅就係冇限時 ！！其實爵爺套餐都係多$100 左右，加多咁多野仲要係無限時，果段叫左啲個套餐！$368（假期+$10）錦繡前菜（一次性）👍🏻👍🏻👍🏻開餐之前先黎四小碟。花生好食，炸雞都okay，涼拌雲耳唔夠凍，仲有碟豬肚就一般般。因為要留番個肚所以都係食少少就算了😅老壇酸菜鱸魚 👍🏻👍🏻👍🏻👍🏻👍🏻主菜可以6揀1，作為酸菜魚控我哋當然揀酸菜魚啦。初初以為係食完之後就用返個煲嚟打邊爐，但原來佢係獨立一味菜，有啲驚喜，睇番menu原來單點都要$198，依家放題包埋就頓時覺得抵左🤣鱸魚白白滑滑好好肉，夠晒新鮮而且好有魚味，份量亦都足夠。至於酸菜就比較遜色，比起其他店嘅老壇酸菜魚，淥鼎記嘅酸菜只係得個酸味冇乜層次。個湯底酸酸辣辣唔錯，配菜仲有寬粉、萵筍、蓮藕片、花生芽。整體我都

提早食個生日飯，見呢間幾多好評咪book枱食book左七點嗌最貴個個set378一位(未計加一)六點十入座，咁就嗌左酸菜魚，開始等等到七點半，莫講話酸菜魚，前菜都未見到我同我女朋友就問其中一位樓面，咁佢既答覆都係整緊，跟住有另一個樓面問我地要咩湯底，我就話"下，我前菜都未食，咁快上湯底？‘’，大概過多十五分鐘，前菜，刺身，酸菜魚一鍋過黎(當時都七點九右)前菜，刺身，酸菜魚味道還好，無話特別好食精彩部份黎喇，食哂就揀湯底，個樓面話試下最新美人花膠鍋，聽落好吸引咁就揀佢喇棗個鍋一到，聞到好大陣雞汁味，係家樂牌雞汁味，本身都懷疑緊係咪我聞錯，結果我試左一啖，我肯定係家樂牌雞汁加水當湯底！！！！湯底有六舊花膠仔，一啖就無左個啲呢，有幾粒紅棗同枸杞做下配角咁。個下個心有十萬句DLLM，當個海鮮拼盤上黎個下，仆你個街，個两舊扇貝肉咁多沙既？？？未嗌啲牛已經大大扣分，嗌埋牛，嘩，頂，以為有驚喜，結果係驚嚇丫，封門柳點解唔起筋就刨？完全係無左封門柳口感，仲要無肉味我同我女朋友係求求其其塞飽就算，memu寫十點三截單，但十點就有樓面隊張單黎同埋話截單，算，照埋一望張單，哦，原來前菜丫刺身丫酸菜魚係漏單，

朋友話最近旺角開咗一間新嘅火鍋店，坐得舒服，仲要有酸菜魚食，於是就被吸引過來！坐卡位坐低都好闊落，坐落來已經好快四款前菜，麻辣鴨舌，雲耳，花生等！每位加$28仲可以係打邊爐之前食酸菜魚，味道同係內地食到既一樣，夠酸，而且肉質好嫩滑！入面仲要有寬粉同蓮藕，材料勁足！我地試小寶餐單幾抵食，湯底嘅選擇都好多，麻辣火鍋🍲好邪惡😝肉類方面嘅自選真係乜都有，任君選擇，肉類好新鮮，雲吞同韭菜餃又係必食，啲蝦肉同韭菜仲係彈牙同爽口！鐘意佢哋飲品區，有自家制嘅竹蔗茅根少甜！同埋勁香茶味嘅茉莉茶！無糖大推！好好飲！總括而言，人均三百唔洗又打到邊爐，又食到酸菜魚呢間火鍋店確實係抵食高質！

餐廳環境新淨雅緻 卡位闊落 坐得好舒服限時120分鐘 火鍋放題總共有六款養生湯底可選試左老壇酸菜鍋酸菜夠多 萵筍 蓮藕 好入味 客人用QR code自己落單 好方便#小寶套餐安格斯精修牛 X 黑毛豬 +$28/位升級 (老壇酸菜鱸魚/重慶雞煲/辣子雞/香辣烤魚/水煮牛肉/椰子雞)肉類包括安格斯極佳級精修肥牛安格斯牛肩胛安格斯封門柳伊比利黑毛豬黑毛豬腩片紐西蘭羊肉片每款牛都肉味香濃滾幾下就食得 非常嫩身我個人特別欣賞紐西蘭羊肉片肉質彈牙 羊味濃郁自家製飲品都好出色推介竹蔗茅根精 香甜清熱 岩哂打邊爐整體黎講用餐環境好 食物質素高店員服務親切又有效率性價比好高嘅任食火鍋

今日收早放工就即係同一樣都係火鍋控嘅好友嚟到近排係旺角開分店嘅「淥鼎記」大食一番，餐廳裝潢設計以皇宮宮廷感為主調，連碗碟杯都十分高貴華麗🍽「淥鼎記」有幾款放題任食套餐，小妹就揀咗小寶套餐-美國精修牛x 黑毛豚肉任食，連同出面嘅任食配料有成超過30款，而且落單仲隨即送上滷水拼盤同黃金炸魚皮，真係食到要捧住個肚走🤣滷水拼盤有紅腸、豆腐、鵝掌等等，滷得夠入味又唔會死鹹。湯底方而有成6款可以揀，我地就揀咗養顏之選-花膠美人鍋，其他選擇其實都好吸引，有酸菜鍋、麻辣火鍋等。花膠美人鍋好足料有唔少花膠同紅棗等，養顏又補身，啱哂女士們😍任點任食有齊牛/豬/羊/雞，手打丸都有3款，全部可以用qr code 落單，必食推介係牛肩胛同封門柳，前者油花紋超吸引，大大片好滋味，後者牛味較重，牛肉控必點👍🏻手打丸就偏愛蝦丸，彈牙度真係比其他丸類高幾倍，每碟得兩粒encore 咗幾round ，自助區除咗有基本嘅蔬菜🥬、麵食、仲有幾款手工雲吞餃子🥟，連芥末貢丸、麻辣牛丸都有得食，而且全部都用密封盒子裝住，安全又衛生👍🏻飲品方面足足有6個大雪櫃，除咗常見嘅汽水🥤、忌廉鮮奶等，仲有自家製嘅竹蓆茅根水，杯杯都會有埋竹蓆茅